اذهب إلى المحتوى
محاورات المصريين

هدية لخطيبتى ..... أرجو المشورة العاجلة

vipwithyou

بواسطة vipwithyou
في باب الإجتماعيات

 مشاركة

Recommended Posts

vipwithyou عضو جديد

vipwithyou

بتاريخ:
بتاريخ:

بسم الله الرحمن الرحيم

السلام عليكم ورحمة الله

بداية لا اعترف بعيد الحب ولا الفالانتاين ولا الكلام دة لكن زوجتى اللى هى خطيبتى يعنى بس كاتبين كتابنا والحمد لله

فاجأتنى اليوم بهدية فأنا طبعاً هأجيب لها هديه مش علشان الرد ولا علشان الفالانتاين

لكن زوقيا ُ يعنى وعيب هى تعبرنى وانا ما اجبش لها هديه

المهم المشكلة فى انى مش عارف اجيب لها ايه جديد لأنى والحمد لله تقريباً خلصت انواع الهدايا المعروفة

لكن كنت بأدور على حاجة جديدة غير اللى جبتهولها فلو امكن حد يقترح هديه تكون مش على البال كدة ينوبكم فيا ثواب

شكرا ليكم

وياريت النهاردة الحق اجيبها

اخوكم

تامر السيد

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
  • الردود 70
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

se_ Elsyed
se_ Elsyed

يالله هو الكلام بفلوس مانتو لو بتدفعوا حاجه ما كنتوش قولتوا كريستال وشوكولاته وكلام من ده انا عندي حساسية وعقدة من الكريستال من ساعة ما أتهفيت في عقلي وأخدتها تشتري كريسال نزين به مكتبة التليفزيون

امانى عضو جديد

امانى

بتاريخ:
بتاريخ:

اولا وقبل كل شئ كل سنة وانت طيب ياتامر وكمان خطيبتك طيبة بمناسبة عيد الحب وان شاء الله فى العام القادم فى نفس الوقت

تحتفلو بيه فى بيتكم سوى امين يا رب العالمين

شوف يا تامر انت اكتر واحد ممكن يفيد نفسه بخصوص موضوع الهدية وذلك للاتى

اولا انت الوحيد اللى تعرف كل انواع الهدايا اللى اهديتها لخطيبتك وبالتالى هدور على حاجة جديدة

ثانيا انت الوحيد اللى تقول الهدية فى حدود قد ايه من المال علشان تقدر تجيب الهدية فى حدود هذه القيمة

ثالثا وده الاهم صدقنى اى هدية منك لها وان كانت صغيرة فى هذه المناسبة هتكون عندها كبيرة اوى

رابعا انت اكتر واحد تعرف هى بتحب ايه وايه اهم انواع الهدايا عندها وممكن ببساطة كدة تسالها عن نوع الهديه من غير ما تعرفها انها

لها قول لها واحد صاحبك بيستشيرك فى هديه لخطيبته ممكن تقلك هى وتفاجئها بيها

كل سنة وانتم طيبين يارب ويوفقكم ويمنحكم السعادة وراحة البال

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

شكرا يا أخت امانى على ردك

المشكلة انى دورت على كل اللى هى بتحبه لقيتنى جبته والحمد لله

ومكنتش عايز اكرر حاجة

المشكلة انى مش عارف اجيب لها تيير مثلا علشان مش هأعرف لا المقاس ولا الستايل اللى حباه انا عارف ماشى الوانها المفضلة ومقاسها لكن برضوا هى ليها زوقها فى اللبس انا عارف نفسى مش هأعرف اجيبه

وهى زكيه جدا ً وصعب اسألها على هديه لصديقى يجيبها لخطيبته هتفهم علطول

مش عارف بجد اعمل ايه

وعايز اعملهالها مفاجأه

حاولوا ارجوكم اى اقتراحات

مزاميزو شكلنا كدة هنقف مع بعض ندور بقى على الهدايا

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
امانى عضو جديد

امانى

بتاريخ:
بتاريخ:

شوف يا تامر لو عايز تجيب تايير ومش عارف الاستايل اللى يناسبها ممكن تجيبه قماش من نوع كويس وهى توديه لترزى نضيف

يعمله تايير على زوقها خصوصا انك عارف الالوان اللى هى بتحبها

ممكن تشترى لها شنطة وشوز لون واحد كطقم ودى سهلة ممكن تستشير اى عاملة فى المحل تجيبلك الشنطة تلائم الشوز

لو العمليه الماليه معاك متسعة شويه ممكن تشترى لها خاتم دهب او محبس للدبلة

ممكن لو لابسة سلسلة ممكن تجيب لها حرف دهب ممكن حرف (t ) كاول حرف من اسمك او الحرف الاول من اسمها

ممكن مجموعة عطور قيمة ومعاهم علبة مكياج

عايز ايه تانى ينفع ولا ندور على حاجة تانية

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

يعنى اذا في اى اقتراحات انا هأقدر بالتأكيد احدد منها اللى يناسبها واللى هى هتحبه ان شاء الله

بس بجد عايز مفاجأه كدة

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

انا تاعبك معايا فعلا يا اخت امانى

بصى يا ستى للاسف اشتريت فعلا يوم السبت كنا فى القاهرة ونازلين فجبت لها الشنطة و 2 شوز جمال جدا ً فكدة آوت الاقتراح دة

معاها محبس وجايبلها خواتم

كانت مرة شافت قماشة ولقيت فى عنيها انها عاجبها وفاجأتها بيها فعلا وانا عايز اعمل كدة تانى بس مش عارف مفيش جديد

العطور جبت لها فى عيد ميلادها وكانت كويسة جدا ً وغاليه

المكياج انا رافض أجبهولها وقلت لها كدة لحاجة اولا انى ما اعرفش فى الانواع الكويسة

ثانيه هى لسة ماجتش بيتى علشان اجيب لها علشان تحطلى مكياج ؟!! فمش محتاجاه دلوقتى !!

وأساسا أنا عندة كومنت على المكياج لكن عديها المرة دى

السلسلة جبت لها فى العيد سلسله غير بتاعه الشبكة وكان فيها صورتى وصورتها مع بعض

الحقونى بقى مش عارف اعمل ايه ؟؟؟

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

المشكلة حتى ان اليومين اللى جايين مش فاضيين للأسف نخرج كنت عزمتها على فسحة فى النيل ولا حاجة لكن للأسف مشغولين جدا ً ومينفش نخرج فسحه

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
امانى عضو جديد

امانى

بتاريخ:
بتاريخ:

شوف يا تامر عندك مجموعة من الطرح للرأس مختلفة الالوان

طقم (قميص وروب ) يكون لونه من الالوان اللى بتحبها ولو عندها مش مهم بس يكون استايل جديد

قلب صغير من الدهب عليه حرف من اسمك

واذا منفعوش دول كمان عليك انك تشوف حاجة من الجهاز اللى المفروض تجيبها ولسه مجبتهاش تجبها انت وتبقى شلت عبئها

عنهم

والله خطيبتك محظوظة علشان مخطوبة لانسان رائع نفسه يفاجئها بحاجة تسرها الى جانب انى قرات لك كيفية معاملة الازواج

لزوجاتهم والحقيقة كلامك رائع يارب يعجبك حاجة من دول

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

شكرا ليكى والله يا اخت امانى

انا ان شاء الله لما تبقى معايا هاجيبهالكم هنا بقى وتدخلوها معاكم عيلتكم الجميله انتى وكل زميلاتك المحاورات

وتعلموها بقى اكلات حلوة كدة علشان اخوكم

هأحاول بكرة كدة انزل وربنا يسهل ويلهمنى لحاجة تحبها ان شاء الله

هو انتى عارفة المهم ان مع كل هديه مش شرط تكون كبيرة او غاليه لكن ظروف الهديه نفسها اعتقد انها تفرق كتير معاها

علشان كدة بأحاول اجددلها فى كل مرة الطريقة والمفاجأه حتى لو هديه بسيطة

ربنا يسهل

وشكرا ليكى مرة تانية

أخوكى

تامر السيد

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

آه صحيح بخصوص الطرح للأسف كمان مش هينفع لأنها كانت عايزة تفتح محل طرح جمب الجامعة وبتقول عليه مشروع ناجح

فصعب اجيب انا مياه للسقايين هههههههه

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

ياسلام على الناس اللى بترد على الهدايا بسرعة البرق دى فكرتنى بأيام زمان يا سيدى

انا بصراحة معرفش يعنى احتفل بالفلنتاين دة بس بص انا من كتر الهدايا اللى جبتها واللةدهب كمان وأخر موضة دلوقتى انا بقعد استنى اى هدية دهب لأن الدهب بقى ب145ج الجرام ههههههههههههههه

بما ان حضرتك جبت كل الهدايا من دهب وبرفام وملابس وشوز اقصد جزم حريمى يعنى انتا خلصت كل الفرص وعايز تستعين بفكرة متكونش عملتها زى واحد عايز ياكل حاجةمكلهاش قبل كدة ؟؟

انا من رأيى ان الهدية ليست بقيمتها فمن الممكن ان تهدى السيدة الخطيبة شيء رمزى ككتاب او علبة للمجوهرات تكون قيمة من الخان او تهديها شكمجية برضومن خان الخليلى او ممكن يكون بقى الخلاصة كارت بة كلمات صادقة تكتبها بأسمك او أهداء لها عن طريق مجلة او صحيفةبمناسبة عيد الحب دة وتعبر لها فية عن مشاعرك وربنا يقويك وعلى فكرة بعد ان شاء اللة مرور السنون عليكم فى سعادة ستجدون ان ما بقى هو ما كتبتم من خطابات لها مناسبات او أهدائات من خلال الصحف والمجلات وسوف تجد ان ذلك يسعدها كثيرآ عندما تعيدون الذكريات سويآ وبينكم الأولاد اسأل مجرب

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
vipwithyou عضو جديد

vipwithyou

بتاريخ:
  • كاتب الموضوع
بتاريخ:

شكرا لنصيحتك استاذ محمود وربنا يسهل احاول احل الموضوع ان شاء الله

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
عصام أبوالفتح عضو جديد

عصام أبوالفتح

بتاريخ:
بتاريخ:

اعتقد اخر موضة دلوقتى انك تديها حقها ناشف .. وتقولها تختار حاجة تشتروها مع بعض لجهازها .

الموضة دى مبتقدمش :)

مع وردة وتنبيه انك لا تعترف بهذا العيد زى ما قلت وانك قى عيد مستمر حرام يخنصر فى يوم وهديه ومتتعبش نفسها بعد كده

انا زودتها ؟ .. عموما دى نصيحة وانت طبعا حر فى تصرفك

ونصيحة تانيه لكل خاطب .. متخليش اى شئ او تصرف يحرجك او يخليك تتصرف عكس طبيعتك او عكس دماغك .. اى شئ

تحياتى وربنا يجمع بينكم على خير

( كفى بالمرء إثماً أن يحدث بكل ماسمع )

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

مبروك عليك خطيبتك يا تامر

أما عيد الحب فعليه ملاحظات شرعية

لكن انت طبيعي لازم هتجيب هدايا

أقوللك على حاجة جديدة لو هي رومانسية هتعجبها موووووووووت

روح اعمل رسم قلب ( بعد الشر عليك من المرض ) ولو خطك حلو اكتب اسمها بطريقة فنية جواه أو خللي خطاط يرسمه لك و في علبة كبيرة بشكل قلب وابعته بالبريد وادعي لي

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
روح اعمل رسم قلب ( بعد الشر عليك من المرض ) ولو خطك حلو اكتب اسمها بطريقة فنية جواه أو خللي خطاط يرسمه لك و في علبة كبيرة بشكل قلب وابعته بالبريد وادعي لي

والله حرام

حرام

انا فطست من الضحك على الإفتكاسة دي ..

إسمحي لي يا جرنفله لي إضافات أخرى بحيث الفايل يبقى كامل ...

وإنت جاي بقى من عند الـ E G G حود على المعمل إعمل صورة دم كاملة وتخطيط مخ وبالمره في مستشفيات فيها عروض للكشف عن هشاشة العظام المبكرة ... إعمله برضوا مش هايخسر

وكل ده حطوا في ملف محترم وشيك وخليها تمضي على إنها مستلماك صاغ سليم

رسم قلب يا قرنفلة ؟

رسم قلب والراجل يقعد مرعوب جنب الجهاز اللي المؤشر بتاعه عمال يطلع وينزل ... وفجأة الممرضات يقعدوا يجروا ورايحين جايين ويندهوا على الدكتور عشان يلحق تامر والدكتور يقوم جايب مكوة الرجل ومديلوا صاعقتين على قلبه عشان يفوق ؟

لا حول ولا قوة إلا بالله

الصلاة عالزين .. الصلاة عالزين .... جبتي الجبروت ده كله منين ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

اعتقد اخر موضة دلوقتى انك تديها حقها ناشف .. وتقولها تختار حاجة تشتروها مع بعض لجهازها .

الموضة دى مبتقدمش

أنا شخصيا من أنصار الموضة دى...انى اخد حقى ناشف... :)

لكن طبعا لان فى فترة الخطوبة بيكون شىء محرج نسبيا ان الخطيبة تاخد فلوس كده فى ايديها...على طريقة ده الشاى بتاعك..يبقى اقترح عليك لو انت من سكان القاهرة ...تروح سيتى ستارز...حتلاقى هناك محل بيطبع الصور داخل اشكال مختلفة من الكريستالات...يعنى قلب او محارة بها لؤلؤة مثلا اى شكل تحب تختاره...وتناوله صوره خطيبتك او صورتكما معا...وتحصل على كريستالة شيك جدا بداخلها الصورة...

او تروحوا معا..وتتصورا فى المحل...وتطلع الصورة ثلاثية الابعاد ..بتكون اجمل طبعا...وتعتبر هدية منفردة خاصة بها...

واتمنى ان تستمر على هذا المنوال بعد الزواج ايضا... :baby:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

رسم قلب والراجل يقعد مرعوب جنب الجهاز اللي المؤشر بتاعه عمال يطلع وينزل ... وفجأة الممرضات يقعدوا يجروا ورايحين جايين ويندهوا على الدكتور عشان يلحق تامر والدكتور يقوم جايب مكوة الرجل ومديلوا صاعقتين على قلبه عشان يفوق ؟

كده يضرب عصفورين بحجر يشيك على قلبه وأهي هدية

بلاش يعمل رسم القلب

قرشين لأي ممرض يجيب له رسم أي قلب حد قصدي رسم قلب أي حد يا عم

دي الرومانسية الجديدة مدرسة جديدة في الحب إيش فهمك انت

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
nash عضو جديد

nash

بتاريخ:
بتاريخ: (معدل)

دبدوب وورده حمرا وقلب أحمر...في سله....تتلف بطريقه شيك....

الدبدوب صدقني بيفرحنا قوي :)

بالمناسبه قولت للواد ياسر علي أساس بعت أبوة ..هاتجيبلي أيه يا حبيبي ...قالي كفايه عليكي أنا :blink: ...قولتله أة ..طيب أنطم بدل ما أشوطك

ربنا يجعل كل أيامكم فالنتين داي وتفرحوا ببعض :baby:

تم تعديل بواسطة nash

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
رورة عضو جديد

رورة

بتاريخ:
بتاريخ:

شوف يا سيدي.. انا هرد عليك عشان احترمتك جدا لأنك عايز تجيب لخطيبتك هدية وانا بصراحة بحب كدة اوي

اصل انا لسة متجوزة مبقاليش سنة ونص ولسة عايشة في الأحلام الوردية بتاعة الخطوبة دي والرومانسية وكدة وعندي خبرة..

شوف.. لو عايز هدية غالية عندك حاجات انت مكتبتهاش (موبايل - ساعة حريمي ماركة كويسة - قسيمة شراء بمبلغ معين من أي محل لبس هي دايما بتجيب من عنده، او مثلا محل لانجيري عشان تنزل تجيب الي هي عيزاه للجواز والفكرة دي انا بحبها جدا جدا جدا لأنها بتديني فرصة اجيب الي انا عيزاه لأني بحس الرجالة زوقهم مش حلو شوية. وانا ارجح فكرة اللانجيري أكتر بما إنها طبعا لسة بتجهز نفسها.)

أما لو عايز حاجة رمزية فحدود مثلا من 50 إلى 100 جنيه

وبردو انا رأيي كدة عشان بس انتو داخلين علا جواز

حلوة اوي أوي فكرة إنك تبعتلها سبت ورد أحمر عالشغل مع مثلا علبة شوكولاتة صغيرة (جواهر)

بجد لو حصلت معايا هكون اسعد انسانة في الدنيا لأن صحابي هيشوفو طبعا الي حصل معايا.. وهديهم من الشوكولا.. :)) وياسلام كمان لو الورد مجفف يبأة هحتفظ بيه عندي في المكتب علاطول

او مش لازم عالشغل.. ممكن عالبيت هتبأة مفاجأة رائعة خاصة ادام أهلها وياسلام بأة لو انت ورتها ابلها انك مش فدماغك اصلا ومش فبالك ولا كأنك عملت حاجة .. ههههههه

او ممكن انت تفتكس وتبدع بنفسك وتجمعلها هدية مثلا:

سبت كبير اشتريه من أي مكان مع كم وردة بلدي لونهم أحمر مع عروسة شكلها حلو وشوكولاتة من النوع الي هي بتحبه، وحطهم في السبت ولفو بتول أحمر واديهولها..

بس مش عرفة ليه حسة ان الفكرة دي مش هتعجبك لأني حسيت من كلامك انكو عمليين اوي.. فممكن تستبدل العروسة بمجموعة حلوة من إيفون اسمها برسيف أنصحك بيها أكتر من رائعة وناعمة وهتعجبك انت شخصيا واي بنت بتحبها

عبارة عن برفيوم وكريم جسم وديودرنت .. لو حطتهم في السبت مع الورد الأحمر ولفيتو زي ما قلتلك.. ابصملك بالعشرة انها هتشيله لحد ما تتجوز وتزين بيه (التسريحة) في غرفة النوم ..

اصل البنات بيحبو الحاجات دي اوي وبنجيب من الحاجات دي كتير جدا ونشيلها لبعد الزواج

يعني مش عشان جبتلها مرة برفيوم يبأة خلاص.. لاااااااااااااااااااااااا والف لاااا

انا كان عندي يمكن 10 مجموعات وبرفانات وحاجات من دي كتير اوي رصصتهم عالتسريحة وكان شكلهم جميل.

بص انا قلتلك اجمل الأفكار الي ممكن تسعد أي بنت

ومعلش رغيت كتير اوي

نسيت اقولك ان المجموعة دي موجودة في شركة إيفون

أو هات فاراواي من شركة أويفليم بردو رووووووووووووووعة وكل البنات بتحبها.. إسمع كلامي

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...