جمال ... وأول الغيث!!!

[Farida]

النهارده حصلت حاجتين غريبتين و أنا بأشترى عيش لقيت البائع بيدينى ربع جنيه مكتوب عليه لا لـــ ........ و تعجبت لطريقه الإعتراض البسيطه و المؤثرة هذه

ثانيا لقيت سواق التاكسى و الصيدلى اللى تحت البيت بيتكلموا عن ان لما أمريكا حا تحكمنا حاتبقى أحن علينا من ولاد بلدنا !!!!!!!

ايه رأيكم فى الكلام ده

[ابو حلاوه]

النهارده حصلت حاجتين غريبتين و أنا بأشترى عيش لقيت البائع بيدينى ربع جنيه مكتوب عليه لا لـــ ........ و تعجبت لطريقه الإعتراض البسيطه و المؤثرة هذه 

ثانيا لقيت سواق التاكسى و الصيدلى اللى تحت البيت بيتكلموا عن ان لما أمريكا حا تحكمنا حاتبقى أحن علينا من ولاد بلدنا !!!!!!!

ايه رأيكم فى الكلام ده

عزيزتي فريدة يا تري ربع الجنية كان مكتوب عليه ايه لا لجمال مبارك ام لا للتوريث ام لا للديكتاتورية ام لا لامريكا و علي فكرة الفكرة فعلا تبدو ظريفة جدا

[se_ Elsyed]

على فكره فيه برنامج بيتذاع أسبوعياً على قناة دريم الساعة 9 يوم الخميس ويعاد الجمعة عصراً ويقدمه الصحفي إبراهيم عيسى وأسم البرنامج " على القهوه " والخطير فى هذا البرنامج أنه يناقش ويثير نفس القضايا التى نتحدث عنها ومنها توريث الحكم لكنة بالتأكيد لا يذكر الأسماء صراحة ولكنه يناقش الفكره نفسها ويرفضها بالتأكيد هو والضيوف الذى يستضيفهم وغالباً ما يكونوا مثقفين مصريين معروفين بوطنيتهم ... أنا بصراحة معجب بهذا البرنامج جداً.

لكن إلى متى سوف نظل نتكلم ونتكلم ... فأرجو الاجابة على سؤال ماذا إذا وقع المحظور وصبحنا الصبح لقينا صور جمال بيه ماليه الجرايد لأنه أصبح رئيسنا وتاج راسنا .. ماذ سيكون رد فعلنا ؟

[الطفشان]

النهارده حصلت حاجتين غريبتين و أنا بأشترى عيش لقيت البائع بيدينى ربع جنيه مكتوب عليه لا لـــ ........ و تعجبت لطريقه الإعتراض البسيطه و المؤثرة هذه

طريقة ذكية للاعتراض، بدون منشورات و لا مظاهرات!

برافو على من فكر و من نفذ!

ثانيا لقيت سواق التاكسى و الصيدلى اللى تحت البيت بيتكلموا عن ان لما أمريكا حا تحكمنا حاتبقى أحن علينا من ولاد بلدنا !!!!!!!

ايه رأيكم فى الكلام ده

للاسف الاحتلال الداخلي طال

و جعلنا في حالة من اليأس و الاحباط نجعلنا نحن الى محتل خارجي

[wahed_masry]

لن نتحرك

وبعيدا عن العبارات الرنانة

وصل سعر الدولار اليوم 6.90 في السوق السوداء

يعني قيمة العملة انخفضت 50% في سنتين فقط

يعني بالبلدي

لو مرتبل 500 جنيه سنة 2000

فهو الان 250

ملحوظة

أظنكم تعلمون ما أدى أليه انخفاض قيمة العملة 30% في الارجنتين العام قبل الماضي

بصراحة

أنا محبط ويائس ومكتئب

[بنت بحري]

الموضوع واضح

محكمة امن الدولة

حقوق الانسان

الاشغال الشاقة

كل دول حاجات الغرب بيزن عليهم و بيقول ان دول اشياء مش تمام

مين البطل اللي حيشيلهم عشان صورتنا تتحسن قدام العالم؟

مين البطل اللي حيكون قائد الاصلاح في مصر؟

جمال طبعا!

(صحيح ان محكمة امن الدولة المفروض تتلغي، و ان حقوق الانسان عايزة تتحسن كثير في مصر، بس ليه جمع الحاجات دي مع بعضها في الوقت دة؟ و ليه جمال بالذات اللي يبقى على ايده الاصلاحات دي؟)

يعني هما عارفين أيه عيوبهم وقادرين يصلحوها بس أمتى :?:

الوقت إل هما يختاروه وإل يتفق مع مصالحهم . ومش بتفرق الناس تعبانة فرحانة مش مهم .

طيب السؤال دلوقتي .

الأخوة إل عايشيين في مصر يا ريت يفيدونا الحركات القرعة ديه (سوري في اللفظ بس مفيش لفظ تاني ) الشعب البسيط مصدقها ولا فاهم اللعبة . يا ترى أيه رأي الناس ؟

[Proud Muslim]

طيب السؤال دلوقتي . 

الأخوة إل عايشيين في مصر يا ريت يفيدونا الحركات القرعة ديه (سوري في اللفظ بس مفيش لفظ تاني ) الشعب البسيط مصدقها ولا فاهم اللعبة . يا ترى أيه رأي الناس ؟

و الله يا أختي الكريمة .. في ناس مصدقين للأسف !!

أنا شخصيا أعرف ناس صاحية نايمة بتشكر في الحكومة و الحرية ..أشخاص من الشعب يعني .. مش وزراء و لا حاجة لا سمح الله ..!! :? :?

كل كلامهم .. انتوا الانترنت و الدش هم اللي بوزوا مخكم .. الحكومة 10/10 بس انتوا اللي مش فاهمين .. و يبدؤا يشكروا في الحكومات غلى مدار التاريخ .. عبد الناصر .. السادات ..

أي حكومة بعد الثورة يبقى فاهمة كويس ايه اللي بيحصل و الناس عايزة تشتم و خلاص !!

معظمهم ..أباؤهم ضباط جيش .. فحصل لهم عملية غسيل مخ هايلة بصراحة ..

مرة واحد صاحبي قالي .. مفيش تغيير هيحصل الا لما كل جيل ضباط الثورة و أبناء جيل ضباط الثورة و أحفادهم يموتوا و كل الضباط اللي عاشوا أيام الثورة .. و اللي أصبحوا ضباط نتيجة للثورة .. ساعتها التغيير يبقى ممكن !!

[حشيش]

والله فكرة الكتابة على العملة المصرية دي فكرة رائعة ...لماذا لا نفعل ونحث الأخرين على فعل نفس الشئ...لا لتوريث الحكم

[Proud Muslim]

بصراحة انا ضد هذه الفكرة تماما .. العملة الورقية مش ناقصة بهدلة أكثر من بهدلتها !!

يعني مش عايزين أن تكون الغاية أهم من الوسيلة ..

نحن نحارب هذا المظهر السلبي الغير حضاري و هو الكتابة على الأوراق المالية ..

يعني واحد يكتب لا لضرب العراق .. التاني لا للتوريث .. التالت يكتب بحبك يا منى و للذكرى .. و الكلام الفاضي اياه ..

تبقى هيصة ..

أنا شايف ان فكرة النور في الشقق أحسن :)

أوفر للمال ..

طريقة حديثة ..

مفيش فيها قلق ..

محدش هاينزل من بيته أصلا ..

و سيعرف الجميع مدى الاعتراض ( انخفاض معدلات الاستهلاك فجأة )

:)

[تصحيح]

النهارده حصلت حاجتين غريبتين و أنا بأشترى عيش لقيت البائع بيدينى ربع جنيه مكتوب عليه لا لـــ ........ و تعجبت لطريقه الإعتراض البسيطه و المؤثرة هذه 

ايه رأيكم فى الكلام ده

طريقه الإعتراض تلك مش بسيطه

دى طريقة فيها عبقرية النكتة السياسة المصرية .. ما فل و دل ..

خاصة و أن أوراق النقد لم يعد لها قيمة مادية

و من المحتمل في تلك الحالة أن يكون لها رسالة سياسة

أنها أقصر منشور سياسي يقرأه الملايين

المصيبة أن الحكومة ممكن تفكر و تفكر ..

ثم تفكر و تفكر ..

و أخير تقرر ..

الغاء النقد الورقي ..

ارساء لمقولة أزهي عصور الديمقراطية

[ابو يوسف]

النهارده حصلت حاجتين غريبتين و أنا بأشترى عيش لقيت البائع بيدينى ربع جنيه مكتوب عليه لا لـــ ........ و تعجبت لطريقه الإعتراض البسيطه و المؤثرة هذه 

ثانيا لقيت سواق التاكسى و الصيدلى اللى تحت البيت بيتكلموا عن ان لما أمريكا حا تحكمنا حاتبقى أحن علينا من ولاد بلدنا !!!!!!!

ايه رأيكم فى الكلام ده

عزيزتي فريدة يا تري ربع الجنية كان مكتوب عليه ايه لا لجمال مبارك ام لا للتوريث ام لا للديكتاتورية ام لا لامريكا و علي فكرة الفكرة فعلا تبدو ظريفة جدا

الفكرة ممتازة ....

و اعتقد انها عمل ايجابى افضل بكثير من النقاش حول الموضوع ... :?

ايه رأيكوا نعملها ..... و رزقى و رزقكو على الله ؟؟؟

[any person]

النهارده حصلت حاجتين غريبتين و أنا بأشترى عيش لقيت البائع بيدينى ربع جنيه مكتوب عليه لا لـــ ........ و تعجبت لطريقه الإعتراض البسيطه و المؤثرة هذه 

ايه رأيكم فى الكلام ده

طيب لو مش جمال يبقي مين اللي ينفع في ظروف البلد الحالية

يعني مفيش حد يقدر يوصل للمنصب إلا شخص من مجموعة محدوده جدا كلكوا عارفنها

تفتكروا مش جمال ممكن يكون احسن الوحشين

[مصرى]

تفتكروا مش جمال ممكن يكون احسن الوحشين

معاذ الله

قصدك يعنى إن جمال وحش ؟!

[الطفشان]

تفتكروا مش جمال ممكن يكون احسن الوحشين

دي اسمها عذر و تبرير "مافيش غيره. في مين تاني"

و جة يؤكد ان خطة الحكومة في اخلاء الساحة تكاد ان تنجح لاننا نرى مثقفين يكررون هذه الحجة العرجاء

الحقيقة انا احترم بشدة من قرر ان لا يسكت و كتب على الربع جنيه لا لجمال مبارك

على الاقل لانه لم يخضع و يسلم للامر الواقع و قرر ان يفعل شيئا

على فكرة، هناك تبريرات و اعذار اخرى كثيرة، و قد رد عليها واحد واحد مجموعة من ابناء مصر على منتدى مصريات

http://www.masreyat.org/forums تحت من اجل مصر افضل

[freefreer]

:? تمخض الجبل .. فولد فأرا .. :? :?

"

والاخر ويختص بالغاء محاكم أمن الدولة العليا في كافة الجرائم العادية، على أن يقتصر مثول المتهمين أمام القاضي الطبيعي مع الابقاء على محاكم أمن الدولة العليا طوارئ والمختصة بنظر جرائم ترتبط بتطبيق قانون الطوارئ المعمول به حاليا في مصر، وفي صدارتها جرائم الارهاب والاتجار في المخدرات.

"

الوصلـــــــــــــــــــــــــــة

[الطفشان]

الحداية مش بترمي كتاكيت

[Thunderbird]

اعتقد ان موضوع كتابة الاراء و رغم اعتراضى على هذا السلوك الذى لا يوجد مثله و يمثل اهانة للعملة المصرية " يعنى هو ايه فى مصر ماشى صح علشان ده يبقى صح" على العموم لماذا لا يتبنى اعضاء المنتدى هذه الفكرة يقوم كل فرد فينا بكتابة عبارات محددة ترفض توريث السلطى على العملات ذات الفئات الاكثر تداولا " الجنيه مثلا" كل واحد يكتب هذه العبارات على 5 عملات مثلا حتى و ان لم تاتى ثمارها المرجوة على الاقل نبقى عبرنل عن نفسنا

[صبح]

اعتقد ان موضوع كتابة الاراء و رغم اعتراضى على هذا السلوك الذى لا يوجد مثله و يمثل اهانة للعملة المصرية " يعنى هو ايه فى مصر ماشى صح علشان ده يبقى صح" على العموم لماذا لا يتبنى اعضاء المنتدى هذه الفكرة يقوم كل فرد فينا بكتابة عبارات محددة ترفض توريث السلطى على العملات ذات الفئات الاكثر تداولا " الجنيه مثلا" كل واحد يكتب هذه العبارات على 5 عملات مثلا حتى و ان لم تاتى ثمارها المرجوة على الاقل نبقى عبرنل عن نفسنا

أنا أوافق تماما على هذا الأقتراح و أعتقد أن العملة المصرية لن تزداد مهانة أكثر من ما هى الأن بل على العكس يمكن أن يكون له فائدة عندما يعبر الناس عن أرائهم

[Khiber]

شوفوا التطور ده ـ الكلام بقى رسمى ـ بصفته رئيس لجنه السياسات ألف مبروك بقى نائب الرئيس رسمى

كتب محمد فتح الله:

 

أكد الدكتور عاطف عبيد رئيس مجلس الوزراء أن المقترحات الثلاثة التي أعلنها جمال مبارك رئيس لجنة السياسات بالحزب الوطني في الاجتماع الرابع للمجلس الأعلي للسياسات وتشمل إلغاء عقوبة الأشغال الشاقة ومحاكم أمن الدولة وإنشاء المجلس القومي لحقوق الإنسان تعتبر إشراقة جديدة لشمس الديمقراطية في عهد الرئيس حسني مبارك ينعم خلالها المواطنون بمزيد من الحرية والأمان 

:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:

[ســيد مرزوق]

نداء .... نداء ..... عاجل .....

يرجى من جميع الأخوات في المنتدى إطلاق ( زغرودة ) جماعية إبتهاجا بهذا التطور السعيد الناجم عن هذا الحدث ( السعيد ) .....

ومصر اليوم في عيد .

زغرطي ياللي مانتيش غرمانة !!!!!!

معلش ...

غطوني ....وصوتوا ....

لصالح القرار طبعا !!!