حد سمع عن شركة الشرفاء لتسفير العاملة

[aimen]

السلام عليكم

اختى وزوجها جاى لهم عقد فى الإمارات - عن طريق شركة اسمها الشرفاء فى مصر الجديدة 18 شارع الشيخ على محمود امام مستشفى هيلوبوليس ؟؟؟؟

يا ترى حد يعرف اى معلومات عن الشركة دى ؟

المشكلة انه الشركة مش راضية تقوله اى معلومات عن مكان العمل أو اسم الشركة اللى رايح عليها

اختى = مدرسة - الراتب 3000

مكان العمل : ابوظبى

زوجها = ادارى - 2500 درهم

مكان العمل : دبى

ياترى المسافة بين دبى وابو ظبى قد ايه ؟ واسعار السكن ايه نظامها ؟

انا مش قادر افتيهم فى موضوعه السفر لأنى فى السعودية ؟ ولا اعرف ا معلومات عن المرتبات او الأسعار فى الإمارات ؟ هل من مساعدة

جزاكم الله كل خير

تم تعديل 13 فبراير 2008 بواسطة aimen

[زعلان]

ده هو في مدينة وهي في مدينة تانية تبعد حوالي 150 كلم يعني ساعة و ربع لساعة ونص بالسيارة غير زحمة البلد قلهم احسن يبقى في نفس المدينة و المرتب يكون يعني ابرعة الاف زائد السكن لكن لو مضطريين قوي للسفر على الاقل واحد منهم يكون متوفر له سكن استديو خاص بحمام ومطبخ يعني بابه فيقدروا يعيشوا سوا

لكن المرتبات ده ومن غير سكن وتأمين صحي لكل واحد فيهم ده يبقى كلام فاضي

المرتب الي معقول كبداية هو 4 الاف + استديو مفروش شامل الكهربا و الميه + تأمين صحي شخصي + تذكرة سفر شخصية سنوية

يعني لو واحد فيهم واخد العرض ده و الثاني مثلا اقل شوية يعني 3الاف + بدل سكن ولو بسيط مش اقل من الف في الشهر+تأمين صحي له + تذكرة سفر لفرد واحد سنوية

تبقى الحسبة ممكن يفكروا فيها و يكونوا طبعا في نفس المدينة علشان يسكنوا مع بعض مش واحد في شبرا و التاني في رفح

السكن في دبي او ابو ظبي الاستديو الصغير ما يقلش عن 50 الف في السنة حسب المنطقة وبيوصل الى 70 الف في السنة ده غير مصاريف البلدية والكهربا والمية والصرف الصحي

ربنا يوفقهم بحاجة احسن ويكون على الاقل واحد منهم متوفر له سكن شخصي عبارة عن استديو يمكنهم من العيش سويا على الاقل

خليهم يدوروا تاني على شيءافضل

[aimen]

اولا جزاك الله كل خير اخى زعلان ويارب ييسر لك امورك وويسر امور المسلمين اجمعين يارب [/size]

ده هو في مدينة وهي في مدينة تانية تبعد حوالي 150 كلم يعني ساعة و ربع لساعة ونص بالسيارة غير زحمة البلد قلهم احسن يبقى في نفس المدينة و المرتب يكون يعني ابرعة الاف زائد السكن لكن لو مضطريين قوي للسفر على الاقل واحد منهم يكون متوفر له سكن استديو خاص بحمام ومطبخ يعني بابه فيقدروا يعيشوا سوا

انا معاك بس هم تفكيرهم حادف شمال شوية ؟

كما ذكرت لك المفروض انها حتعمل كمدرسة ؟؟؟ اليوم راحت للشركة وشافت عقد ابتدائى الراتب 3500 والسكن عليهم والسفر عليهم والتأمين عليهم مدة العقد عامين ؟؟؟

المشكلة ان بيقول لهم العقد حيروح الإمارات و يجى لكم على 25 الشهر الحالى ؟؟؟ سؤالى ياترى الفصل التانى بدأ ولا لسه فى الإمارات ؟؟؟؟

لكن المرتبات ده ومن غير سكن وتأمين صحي لكل واحد فيهم ده يبقى كلام فاضي

الراتب 3500 وكمان تأمين سكن وعلاج و سفر

المرتب الي معقول كبداية هو 4 الاف + استديو مفروش شامل الكهربا و الميه + تأمين صحي شخصي + تذكرة سفر شخصية سنوية

يعني لو واحد فيهم واخد العرض ده و الثاني مثلا اقل شوية يعني 3الاف + بدل سكن ولو بسيط مش اقل من الف في الشهر+تأمين صحي له + تذكرة سفر لفرد واحد سنوية

تبقى الحسبة ممكن يفكروا فيها و يكونوا طبعا في نفس المدينة علشان يسكنوا مع بعض مش واحد في شبرا و التاني في رفح

قلت كده والله لهم ؟

السكن في دبي او ابو ظبي الاستديو الصغير ما يقلش عن 50 الف في السنة حسب المنطقة وبيوصل الى 70 الف في السنة ده غير مصاريف البلدية والكهربا والمية والصرف الصحي

ياه ؟؟؟ دا احنا هنا رحمة شوية بقى

ربنا يوفقهم بحاجة احسن ويكون على الاقل واحد منهم متوفر له سكن شخصي عبارة عن استديو يمكنهم من العيش سويا على الاقل

خليهم يدوروا تاني على شيءافضل

الله يكرمك ويسعدك يارب وييسر لك امورك

[زعلان]

اذا الراتب 3500 + سكن خاص استديو + التأمين + تذكرة سفر لواحد منهم

والثاني يعني 300+ تأمين + تذكرة سفر

زالاثنين في نفس المدينة ممكن الوضع يمشي

[برنس محمود]

السلام عليكم

لو سمحت أنا ابي مساعدتك إذا كنت تستطيع

انا قدمت في هذا المكتب وأحس انه مو جاد في عروضه فهل في احد تعامل معاه وفعلا جاب له الفيزا والتأشيرات

ولا ايش صار معاه

ارجوا منكم مساعدتي ولكم جزيل الشكر

mahmah3000@hotmail.com

[محمد عبدالعزيز]

فى كام تجربة مكتوبين عنها مش ولابد, برجاء الحذر

تجارب عن شركة الشرفاء لإلحاق العمالة المصرية بالخارج

ربنا يوفقكم

[زعلان]

يا ترى اخبار الزوجين دولايه مش المفروض الي فتح الموضوع يدخل يقلنا هما عملوا ويطمنا

[aimen]

والله يا جماعه زوج اختى سافر فعلا الإمارات لكن ظروف العقد ضعيفة جدا ( 1500 درهم ) والعمل حارس أمن ..اما اختى فلم تسافر لأن هناك تأخير جامد جدا اعتقد من طرف المكتب ... طبعا كان هناك وعود انا استغربت منها ازاى يبقى الإثنين على نفس الكفيل وكل منهم فى مكان اخر واحد فى ابو ظبى والثانى فى دبى ....حاجات مش متربطة خالص ...انا مكنتش مستريح بس ما اقدرش اتكلم كثير ...علشان ممكن يتفهم انى - وكما هى العادة فى بلدنا الحبيبة - لا اتمنى لهم الخير ....حتى الأن اختى لم تصل لحل معهم ....لو كنت قرأيت المشاركات اللى فى موقع المهندس محمد عبدالعزيز قبل كده اعتقد كانت اتغيرت امور كثير ....

من النهاية ...دى عالم نصابة ...حاول تخلع منهم .....وربنا ييسر لك الخير ويوفقك ان شاء

[doha]

انا معرفش الشركه دي ولا عمري سمعت عنها يمكن يكونوا كويسين بس عن نفسي عمري مااثق في شركه اسمها الشرفاء بالظبط كده زي شركه مسمية نفسها احنا مش حرامية ..

على كل حال مقدرش افتي لقريبك بخصوص العقد ولكن بقول لاي حد في ظروف مشابهة لو الزوجين طالعين على شغل يراعوا مسالة الاطفال او الحمل . يعني لو الاثنين ناويين يشتغلوا يبقى اكيد هيأجلوا الانجاب الفترة دي فلو السن يسمح يعني بدايه العشرينات ماشي الحال لكن لو السن معدي الثلاثين ياريت يفكروا تاني في العرض من الزاوية دي لان في الغربة بالذات صعب اوي ان الست تجيب اطفال وهي وزوجها بيشتغلوا خاصه مع الصعوبة في استقدام الشغالات نظرا للقوانين والتكلفة ومشاكلهم التي لا تنتهي ..

[شاب مصري]

دبي بعيدة جدا عن العاصمة أبوظبي والسفر بينهما كل يوم شبه مستحيل كأنك هتروح من القاهرة للاسكندرية أو طنطا يوميا رايح جاي يعني معاناة.

[زعلان]

بجد زعلتني يا استاذ ايمن حرام على زوج اخته الي عمله في نفسه ده مكنش لا لزمه السفر اصلا حارس امن ايه بس - بجد بزعل لما شاوف شاب مصري بيعمل في وظيفة اقل بكثير من قدراته و مؤهلاته سواء العلمية او الاجتماعية خصوصا الاجتماعية

[شاب مصري]

والله يا جماعه زوج اختى سافر فعلا الإمارات لكن ظروف العقد ضعيفة جدا ( 1500 درهم ) والعمل حارس أمن ..اما اختى فلم تسافر لأن هناك تأخير جامد جدا اعتقد من طرف المكتب ... طبعا كان هناك وعود انا استغربت منها ازاى يبقى الإثنين على نفس الكفيل وكل منهم فى مكان اخر واحد فى ابو ظبى والثانى فى دبى ....حاجات مش متربطة خالص ...انا مكنتش مستريح بس ما اقدرش اتكلم كثير ...علشان ممكن يتفهم انى - وكما هى العادة فى بلدنا الحبيبة - لا اتمنى لهم الخير ....حتى الأن اختى لم تصل لحل معهم ....لو كنت قرأيت المشاركات اللى فى موقع المهندس محمد عبدالعزيز قبل كده اعتقد كانت اتغيرت امور كثير ....

من النهاية ...دى عالم نصابة ...حاول تخلع منهم .....وربنا ييسر لك الخير ويوفقك ان شاء

أخ أيمن اعتقد هذا الوضع غير مجدي

وهذا العمل يندرج تحت بند تضييع سنين العمر بلاثمن

هناك بعض الأعمال في مصر قد تكون أفضل من ذلك .. واذا حسبت المحصلة المادية لها قد تكون أفضل من الغربة هكذا

وربنا يوفقهم :giveup:

[adrianocrespo]

الشركه نفسها اسمها يقلق :winner:

و 1500 درهم في الامارات صعبه اوي

البهدله في مصر احسن من البهدله في الغربه

[Aboraiamba]

السلام عليكم جميعا

انا لى حكاية خاصة مع شركة الشرفاء وللأسف اعرف ناس كمان ليهم تجارب معاهم , بس فى نقطة مهمه فى الموضوع , ان الشركات دى مش بتبقى عارفة الشركات إلى بتبعت عليها الموظفين الجدد وللاسف كمان مش بتسأل عليهم او انها عارفاهم بس طبعا على شان اكل العيش مر او لقلة الضمير مش بتقول اى حاجة وحشة عنهم طبعا و بتسيب كل واحد ياخد نصيبوا وخلاص , ولك ان تتخيل ان كل الى ممكن يقوله صاحب الشركة الشيخ القذافى كله مش مضبوط .

المهم النصيحة الى انا عايز اقولها ان اى حد عايز يسافر لازم يطلب عقد مروس و عليه على الاقل امضاء الكفيل او المخول بالتوقيع ودا طبعا ممكن يعرفه من صورة البطاقة الضريبية بتاعت الشركة , وبكدة يقدر لما يسافر يكون عارف حقوقة او على الاقل الموجودة فى العقد .

[عاشق]

انا عندي ملحوظة على موضوع ان المكتب لم يعلم اختك وزوجها عن اسم الشركة

ده شيئ مبدئيا يقلق ولازم يعرفو هما ريحين فين

لان من الممكن ان المكان ده يكون سمعته وحشه

وعشان كده المكتب لم يذكر اسم مكان العمل

دي ملاحظتي فقط

[محمد عيسى]

و الله الكلام واقف في زوري

على اي حال فيه ناس لسه مصدقة الحلم الخليجي و مبتقتنعش غير لما تجرب بنفسها و ده احسن علاج ليهم بصراحة

كل اللي عملوه هو (ترحيل مكان الزنقة المادية) من مصر إلى الإمارات