برنامج صبايا يحاور بوسي سمير ... في الفن الخليع ...!!!

[kokomen]

  برنامج صبايا التي تقدمه المذيعة ريهام  يستضيف الراقصة والفنانة بوسي سمير

 وترد على الأسئلة بمنتهى الوقاحة ... تقول أن المجتمع ظالم ويظلم الراقصات

 وتقول أن ملابس الراقصة ليس فيها أي عيب وهي ليست ملابس عارية

وهي تقدم رسالة فنية وفيديو كليباتها ليست فاضحة .. وتتهم هيفاء وهبي

بتقديم أغاني ساقطة .. وأن بوسي سمير تركت الرقص لأن المجتمع ينظر

للرقص الشرقي بنظرة قذرة .... ثم تقارن مهنة الرقص الشرقي بمهن شريفة

وتقول ان الراقصة مثل الطبيب ومثل الممرضة وهي تفيد المجتمع مثلهم تماما

وهي لا تريد لأبنتها أن تمارس الرقص الشرقي لأن نظرة المجتمع غريبة ضد الراقصات

وقارنت بوسي سمير  كلمات أغنيتها البذيئة  بكلمات  أم كلثوم  وعبد الحليم  

وسؤال بريئ  ...  لماذا  نشجع  بناتنا الصغيرات  على الرقص ثم نهاجم الراقصات بعد ذلك ..؟؟؟

سؤال  وجيه  .....؟؟؟؟؟   ما  ردكم عليه  يا سيدات وسادة  ......؟؟؟؟؟؟؟؟؟؟

وختمت المذيعة برنامجها بأنها لا تهاجم مهنة الرقص الشرقي وذكرت أسماء الراقصات

القدامى وأنهن محترمات وان المجتمع هو الذي يظلم الراقصات .... أظن محتاجين نفهم الكلام ده ...؟؟

  هل من تعليق ...............!!!؟؟؟؟؟؟

;) :sad: :) :P :beee:

[se_ Elsyed]

ردي الوحيد هايكون إن " ليس بعد الرقص ذنب "

ولو ردينا عليها يبقى كده عملنا لها ولأمثالها قيمة ... في حين إنهم إختاروا طريق الرز أبو لبن وهم احرار لكن مصيرهم ينتظرهم ... وربنا يهدي .

[Handasah]

فى مثل بيقول ان طلع العيب من اهل العيب ميبقاش عيب

[zizetta]

لقد شاهدت هذا البرنامج أمس أنا وإبنتي وطول الوقت وإحنا بنضحك علي ردودها .. هي كانت ماسكة أعصابها بالعافية لأن أسئلة المذيعة كانت مستفزة بالنسبة لها .. وأكتر شيء ضحكنا هو إستخدامها لبعض الكلمات الإنجليزية اللي مش عارفة تنطقها أصلها ..

أنا شايفة إن موضوع الرقاصات ده بقى موضة قديمة أوي ان يتم مناقشتة علي التليفزيون لأن المذيعات نفسهم محتاجين مناقشة طريقة لبسهم وطريقة كلامهم اللي كلها ميوعة ودلع .. فين همت مصطفي وأماني ناشد وسلوي .. فين أيام ما كان فيه زي محتشم للمذيعات وطريقة مقننة للبس المجوهرات .. محدش يقولي الفضائيات .. لأن أنا بشوف مذيعات مصريات بتكسف لما بشوف لبسهم وكلامهم ..

مشكلة تانية حكاية الفيديو كليب والرقصات فيه .. والعرى المباح في كل المجالات ..

أثار إنتباهي موضوع ملف الآداب اللي بيتعمل لكل واحدة رقاصة أو بتشتغل بالليل على حد تعبير الست بوسي سمير اللي قالت ما هو زي الفيش والتشبيه .. لماذا تم السماح للممثلين والممثلات الذين تم إدانتهم من قبل في قضايا دعارة أو شذوذ بالعودة إلي شاشة التليفزيون أو الي السينما .. ليظهروا علينا في أدوار الشرف والواعظين ..

أرى أن إستضافة بوسي سمير هذه علي التليفزيون فيه إساءة لها ولنا كمشاهدين وللبرنامج الذي قدمت فيه ...

ورأي أن إهمال مثل تلك الشخصيات وتهميشها خير علاج لها ...

تحياتي ..

زيزيتا

[إيزيس]

بوسي سمير قصة معروفة لكن المذيعة يا عيني حبت تعمل خبطة تليفزيونية بالست بوسي نجمة الشغالات زي ما صاحبتها بتاعة

قبل أن تحاسبوا عملت وكانت بوسي لسة عضمها طري فداست معاها ع الرابع لحد ما عيطت وقالت تبت وأنبت واشتغلتها بسمة وهبة : حرمتي يا بوسي؟

- حرمت

- والرقصة الوحشة ؟

- حرمت

وبعدين هي اللي حرمت وقلعت الحجاب الله يهديها

المرة دي الست بوسي جاية وعاملة حسابها جايبة معاها 2 كيلو وقاحة على قفص بجاحة و كلمتين عنجليزي لزوم الشيء وقامت خابطة المذيعة سؤال

-طب وانت شعرك ده مش حرام تطلعي بيه

والمذيعة أصلا واقعة في مشكلة هي مش عارفة هي عايزة إيه أصلا بتعيب على رقص بوسي لكنها في نفس ذات الوقت مع الرقص

المحترم اللي هو الهادف اللي هو فن اللي هو بيغذي الوجدان وكانت أسئلتها أغبى من الضيفة العظيمة الخالدة نجمة الشغالات بوسي سمير

تم تعديل 14 فبراير 2008 بواسطة قرنفل

[nash]

وهل أنتهي العلماء والمثقفين وحتي أي إنسان محترم مهما كان موقعه من البلد حتي يفرد لمثل هذه كل هذا الوقت لتعرض وجهه نظرها المشوهه والمشبوهه..؟؟

ممكن بطريقه أو أخري تؤثرعلي فتيات أخريات يداعب جفونهن أحلام الشهرة والثروة ..ألم يحدث مثل هذا من قبل...وكأن هذا هو كل مايهم المجتمع المصري والذي يسمي بالمجتمع المحافظ رغما عن أنف الأخرين ممن لا يرون ذلك...أراء الراقصات وقضاياهم...

الظاهر الهرم أنقلب وأصبح شرار الناس هم خيارها الأن....

وأصبحت المسئله السعي الجاد لتهييف الشباب ومحو أي قيمه خلقيه في نفوسهم...

تم تعديل 14 فبراير 2008 بواسطة nash

[Ghost]

اه اللي انت منتظرة من واحده من هذا الوسط المنحط

انت ممكن تتفرج بس على كلامها علشان تضحك و تقول الحمد لله الذي عافني مما ابتلى به غيري

[حسام يوسف]

السلام عليكم

لا الاستاذة بوسى فنانة

ولا الاستاذة ريهام مذيعة الواحد يتابع لها برامج

بئس الضيف والمضيف