(الانتماء) هل هى عدوى منتشره ام انه مرض مصرى فقط لا غير

[عرب فلكس]

طبعا انا مش قصدى بالانتماء هو انى بحبك يا مصر و فداكى يا مصر و مش هسيبك ابدا يا مصر

لأ

خالص

انا مش طايق العيشه فى البلد دى نهائى نهائى

بس كل ما افكر فى الهجره او انى اسافر و اسيبها

ارجع و اقول طيب و امى و اخواتى

اخدهم معايا

ماشى

طيب و قرايبى و اصحابى

برضه هخدهم معايا

و الناس الى بقابلهم كل يوم

الله ده انا على كده هاخد مصر كلها معايا

ده اكيد هو بعينه المرض الملعون الى اسمه الانتماء

تعرفوا قابلت مره راجل كبير فى الجيم مصرى طبعا

مسبش بلد الى و سافرها

بيقولى انا قعدت فى تركيا سنتين سبتها و نزلت عشان عاوز اركب اتوبيس

عشان نفسى امشى فى شارع زحمه ههههههههههههه

اه والله بيقولى البلد هناك فاضيه تماما

بس مش موضوعنا

المهم بيقولى انا سافرت كتير و قليل بس برضه مقدرتش اعيش بره مصر

ربنا يشفيه مريض بمرض الانتماء

زى انا كمان

ليا ناس اصحابى كتير سافرو بره مصر و كلهم برضه عيانين بنفس المرض

والله هو فراقها على عينى

بس بجد مش طايق و مش قادر

اهو على رأى استاذ فرى فرى اسافر اعملى قرشين و ارجع اعيش بنى ادم بفلوسى

مهو البلد دى كده يا تبقى صاحب سلطه فيها يا تبقى صاحب مال فيها

******

تم حذف جُملة غير لائقه .. ونهيب بالزميل إنتقاء ألفاظة

شكراً سي السيد

[هشام الكندي ان شاء الله]

بسم الله الرحمن الرحيم

الموضوع مشابه الي حد كبير لموضوع قد اغلق سابقا بعنوان الانتماء

اذا كانت مشكلتك مشكله فلوس ليس الا, فاعملك قرشين و ارجع فعلا

اما اذا كانت مشكلتك نفسيه (مثلي) و مش قادر تكمل حياتك في مصر لاسباب سيكولوجيه متعلقه بطريقه حياه المصريين او سلوكهم العام فانصحك انك تسافر و هقولك كل شويه زي المطربه ورده خليك هناك خليك بلاش تسافر

رجاء اخير يا استاذ عرب فلكس

راعي مشاعر المصريين و حاول انتقاء الفاظك

انتقد و لا تجرح

لا تنسي اننا ضيوف في محاوراتهم حتي الان

اخوك

هشام الكندي ان شاء الله

[عرب فلكس]

تم حذف الجُملة الأصلية وبالتالي أصبح التعليق لا محل له من الإعراب

سي السيد

[شموع]

السلام عليكم

انا كمان يا جماعة اخدت لي 10 سنوات خبط لزق بعيد عن مصر

وكان قلبي بيوجعني على رأي جارتنا في مصر

طبعا كان نفسي اشوف اهلي ومتخيله مشاعر الحب والترحاب والمفاجأه لما انزل لهم

وبرده كان نفسي اركب الاتوبيس واتمشى في شوارع مصر الحبيبة

ولما اقعد من نفسي ابكي من الشوق لحبايبي وبلدي

وكانت المفاجأه ليه انا .... ايه مشاعر البلاده دي !!

ايه المواصلات اللي تجنن دي !!

على رأي توفيق الدقن الله يرحمه

تشييييييب....

[Automatic]

كل واحد جاي يعيط ان مصر متدلهوش حقه يا عني بأبسط البساطه و أنا قلتها مليون مره البلد باظط لأن أحنا أهملناها.

لو انتا شفت أبوك بيغرق حتحاول تساعده وحتي لو في أحتمال أنتا تغرق معاه ولا حتخاف علي نفسك وحياتك وتسيبه يغرق؟ هيا فعلآ ببساطه كدا, أحنا سيبنا الي محتاجنا وقلنا .............لأ ده أحنا أهم. وكل واحد خايف من حاجه والتانيه..........

[لؤلؤة]

بيقولوا الغربة مرة

بس الأمر هو العيشة هنا

فالواحد يختار بين مرين

و يشوف حيستحمل أنه فيهم

[nash]

والله كلامك منطقي يا أستاذ عرب فليكس

أولا أهلا ومرحبا بك صاحب بيت في المحاورات ..وليس ضيف عليها...

أحنا المصريين أو أغلبنا لنا عشق غريب لمصر..ونظامنا أدعي علي ولدي .. وأدعي علي اللي يقول آمين...ننتقد كل شيء في مصر والمحاورات ملأنه بمواضيع النقد ولكن في نفس الوقت نعشق تراب مصر حتي النخاع...ولا نستعر منها ولا نخفي هويتنا عن أحد..وياويله اللي يذكرها بأي سوء ..

الحمدلله رغم أن أولادي ولدوا وتعلموا في الغربه واغلب اصدقائهم من جنسيات مختلفه إلا أنهم يعشقوا مصر...

يوم ماتش النهائي عزم أبني أصدقاءة المصريين فقط ليشاهدوا الماتش مع بعض...ففوجئت بأبني الصغير يقول لي هامسا ..وربي علي ما اقول شهيد....يا ماما الأولاد المصريين ليهم روح مختلفه تماما عن الباقيين حتي في هزارهم غير خالص والفاظهم محترمه مش اي شيء يأتي في دماغهم يقولوة ....وبنبسط معاهم أكتر من أصحابي...رغم أنهم أصحاب اخوة الكبير وكلهم ماشاء الله في كليات قمه في مصر فقط حضروا لقضاء أجازة نصف العام مع الأهل ...

قلت له ..لإنك بالاساس مصري وطبيعي تحن لاولاد بلدك وتتفاعل معاهم...ولإن جيناتك مصريه وغيرة من الكلام الذي يدعم هذا الإحساس بالإنتماء الكبير للبلد...

الإنتماء كلمه ليست بسيطه حتي تختزل في بضعه سطور فقط...الإنتماء أحاسيس ومشاعر راقيه مسكين من حرم منها ولم يستشعر طعمها الرائع في القلب

[se_ Elsyed]

'هشام الكندي ان شاء الله'

لا تنسي اننا ضيوف في محاوراتهم حتي الان

كلام مستفز ويجلعنا لا نُرحب أو نتعاطف مع مثل هذه النوعية من الضيوف ..

فالضيف الذي يعتبر نفسه ضيف إما ان يكون حاملاً للجميل وشاكراً لأهل البيت أو فليرحل من هذا البيت غير مأسوفاً عليه ....

ويُستحسن أن يذهب إلى محاورات الكنديين عله يجد هناك مواضيع تخص موضوع هجرته والاوراق المطلوبة والعروسة الكندية هناك .

بالمناسبة .. هذا شعورنا إتجاه أي شخص يدخل موضقع المحاورات لهدف معين أو لموضوع معين يحصل عليه وبعد ذلك لا نراه وبدون حتى شكر أو كلمة طيبة للناس اللي ساعدوه ... وهؤلاء أيضاً لا مرحباً بهم ...

فمن لم يشكر الناس .. لم يشكر الله .

[Toronto]

بسم الله الرحمن الرحيم

ا اذا كانت مشكلتك نفسيه (مثلي) و مش قادر تكمل حياتك في مصر لاسباب سيكولوجيه متعلقه بطريقه حياه المصريين او سلوكهم العام فانصحك انك تسافر و هقولك كل شويه زي المطربه ورده خليك هناك خليك بلاش تسافر

تعتقد ان الهروب من المشكلة ايلي هي مشكلة نفساوية هو الحل يعني لو تعرضت لموقف او مشكلةهنا في كندا مماثلة لاايلي في مصر ممكن تتنكس او يجيلك احباط

[أبو محمد]

'هشام الكندي ان شاء الله'

لا تنسي اننا ضيوف في محاوراتهم حتي الان

كلام مستفز ويجلعنا لا نُرحب أو نتعاطف مع مثل هذه النوعية من الضيوف ..

فالضيف الذي يعتبر نفسه ضيف إما ان يكون حاملاً للجميل وشاكراً لأهل البيت أو فليرحل من هذا البيت غير مأسوفاً عليه ....

ويُستحسن أن يذهب إلى محاورات الكنديين عله يجد هناك مواضيع تخص موضوع هجرته والاوراق المطلوبة والعروسة الكندية هناك .

بالمناسبة .. هذا شعورنا إتجاه أي شخص يدخل موضقع المحاورات لهدف معين أو لموضوع معين يحصل عليه وبعد ذلك لا نراه وبدون حتى شكر أو كلمة طيبة للناس اللي ساعدوه ... وهؤلاء أيضاً لا مرحباً بهم ...

فمن لم يشكر الناس .. لم يشكر الله .

بالعكس يا بو السيد .. الكلام مفيهوش أى استفزاز .. ده كلام مُسلِّى جدا ويخلِّى الواحد يضحك من قلبه على الناس اللى تدخل بيوت الناس ويقعدوا يقولولهم انتم زفت وقطران وانا مش باحب بيتكم .. مش باكرهه .. لكن مش باحبه ومش باحب أهاليكم الفقرا ، اللى مش نُضاف ، السلبيين ، المستبدين ، اللى مش بيصرفوا علىَّ ولا بيربُّونى ، واللى مش عاوزين يبقوا زى مانا عايز ، واللى فيهم كل العِبَر ... وإياكم ماتسمعوش كلامى .. وإياكم مترحبُّوش بىَّ .. دانا حتى باتمنى اليوم اللى ماشوفش فيه وشِّكم العِكِر ده .. إنتوا ليه مش بتقوموا بواجب الضيافة مع ضيوفكم ؟ .. ناس حوَش صحيح .. فين الكيك يا غجر ؟

الناس دى يا سى السيد إلى جانب انها بتخللى الواحد يضحك ، إنما فى النفس الوقت تثير الشفقة .. ناس ما تعرفش حاجة اسمها (السلام مع النفس) قبل ما تدوَّر على السلام والتفاهم مع الغير .. بكره لما يروحوا بيوتهم اللى بيدوَّروا عليها حيلاقوا كل الرعاية اللى بيحتاجوا لها

[vipwithyou]

بصراحة سى السيد وأبو محمد ردهم كفايه جدا ً على الموضوع دا

الله ينور عليكم

الله صحيح معلش يا جماعة هأقول حاجة بسيطة كدة بس مش هأنرفز نفسى ولا حاجة

( مبروك يا هشام بيه رفعت العلم الجديد )

( كان اولى يا راجل تحط علم تانى فيه نجمه)

تم تعديل 16 فبراير 2008 بواسطة vipwithyou

[هشام الكندي ان شاء الله]

بسم الله الرحمن الرحيم

بالنسبه لتورنتو:

طبيعه المشاكل في كندا مختلفه تماما عن طبيعه المشاكل في مصر

هناك لازم تدرس و تشتغل فلنتير او بارت تايم الاول علي ما تثبت رجلك في الشغل الجديد و دا بياخد فترة زمنيه

الفكرة في كندا انك لما تتعب صح هتلاقي

لكن في مصر اتعب للصبح و لا حياه لمن تنادي

كفايه ان كندا مافيهاش اسفنه و لا بيع و لا زمبجه

حتي لو فيها فاكيد مش بالدرجه اللي هنا

بالنسبه لسي السيد:

انا لم اعيب في اي شخص منكم و لكن بعض الاعضاء هنا يحلوا لهم العزف علي وتر التهويد و الاسرائيليات

انتقدوا فكري و لا تجرحوني و هيا نفس الرساله التي ارسلتها الي عرب فلكس

بعدين مين قالك اني جاي اخد مصلحه و امشي!

انا ان شاء الله مكمل في المنتدي بعد اما اسافر او لو الابلكيشن اترفض

بالنسبه للاخ ابو محمد:

كان كلامك كل مرة عقلانيا الي ابعد الحدود

هذه المرة كلامك ملئ بالسخريه و التهكم و الاستعارات المغلوطه

بالنسبه لفي اي بي:

ما تقول علم اسرائيل و لا هو تابو مش قادر حتي انك تذكره بالاسم!

نداء الي ابو محمد و سي السيد..............

هل فعلا ترغبون في رحيلي عن المنتدي لمجرد اختلافي فكريا معكم؟

اذا كان ردكم بنعم فستاكدون عندي مبدأ رفض الراي الاخر في مصر عموما

فانتم من خيرة المصريين, جامعيين و مثقفين و ترفضون الراي الاخر فما بالكم بباقي الناس؟

و يمكن يكون ردكم بنعم سبب في اعتقادي بعبقريه الحكومه المصريه

نعم الحكومه عبقريه

الحكومه قد تتعمد افقار الشعب لانه من وجهه نظرها لو مسك قرش هيتفرعن! وجهه نظر برضه

الحكومه تعذب بعض فئات المجتمع مثل المنتمين للجماعات الدينيه المحظورة و بعض الفئات مثل السواقين و العمال في حالات كثيرة

كل هذا لانهم اختلفوا فكريا او حتي لانهم لازم يتعذبوا كي يكونوا عبره لاي حد يفكر انه يختلف

يمكن شايفين زيكم ان فيه سياسه عليا للمنتدي لا يجب تخطيها

ارجو منكم مراعاه ظروف الحكومه بدلا من معارضتها فهي تعبر عن فكركم و ثقافتكم اصدق تعبير

[Toronto]

بسم الله الرحمن الرحيم

بالنسبه لتورنتو:

طبيعه المشاكل في كندا مختلفه تماما عن طبيعه المشاكل في مصر

هناك لازم تدرس و تشتغل فلنتير او بارت تايم الاول علي ما تثبت رجلك في الشغل الجديد و دا بياخد فترة زمنيه

الفكرة في كندا انك لما تتعب صح هتلاقي

لكن في مصر اتعب للصبح و لا حياه لمن تنادي

كفايه ان كندا مافيهاش اسفنه و لا بيع و لا زمبجه

حتي لو فيها فاكيد مش بالدرجه اللي هنا

لا و اللهي فيه

[مصري جدا]

أولآ الأنتماء عندي هو حب للأرض وعشق للمكان بغض النظر عن مدي الأستفادة منها

ثانياً أنا خايف الموضوع يتحول إلي خلافات فرعية زي موضوعي الأول

ثالثا كلمة أخيرة للأخ هشام مش معني أن حكومتنا بتجوعنا أو أننا مخدناش حاجة من البلد يبقي مانحبهاش

زي ماقلت قبل كده أنا زعلان جدا من البلد كفاية أني علشان أعيش مستور أتغربت....ومع ذلك بحبها ونفسي أعمل حاجة أنا وكل اللي بيحبوها علشان ترجع لنا ....أو نرجع لها

شكرا ....ومرة تانيه....رجاء بلاش الصدام الشخصي :closedeyes: :blush2:

علمك يامصر مدلدل ومش عارف يطير

وف وسط الهوا راكد ومالوش تأثير

من كتر ماشيلوه من طين تقل

ومستني أيدينا تنضفه ...وساعتها.. من غير هوا بيطير

وعجبي

علمك يا مصر مرفرف وفي الهوا طاير

وبيقولنا ياولادي معاكم أنا ساير

خليكوا أيد واحدة في وش اعدائي

لاني تعبت وخايف أقع ……من كتر ماأنا شايل

وعجبي

أحمد جلبي

:angry: