مين بتحب حماتها ؟؟ ومين بتحب زوجة ابنها؟؟

[إيزيس]

أولا كل راجل داخل شايفاه ويطلع بره أحسن له

اللي بتحب حماتها واللي بيتحب زوجة ابنها تدخل تقول ليه؟؟

أنا عن نفسي بحب حماتي ليه لأني باموت في ماما ودي الماما بتاع زوجي حبيبي

فإذن بحبها وغير كدة هي حلوة وطيبة ومحترمة الأهم من ذلك وتلك إنها أحسن واحدة تعمل محشي وأحسن واحدة تسمع مشاكل الناس وتريحهم اللي هو

معلش خليها عليك

دي لسة صغيرة ( ده كان منذ 15 سنة )

واعمل أكل غلط في غلط وتقول ده جميل ( دة بردة من 15 سنة )

طبعا أحيانا نسوء التفاهم مع بعض وده نادر جداا لأني أنا وهي بنلعب في نفس المنطقة اللي هي مانشيلش من حد أكتر من 7 دقايق وده مريح جدا جدا جدا

وأحيانا أنا بكون الوسيط التالت بينها وبين ابنها لما يختلفوا لأني باكبر الدماغ ع الآخر وفي يوم من ذات الأيام أحب زوجة الواد سمسم آخر العنقود تعاملني بما يرضي الله

:happy: :closedeyes:

وبالنيابة عن زوجي الحبيب هو بيحب ماما جدا وبيقدرها موت طبعا هو كان يحلم .... تكون حماته

تم تعديل 16 فبراير 2008 بواسطة قرنفل

[مصري جدا]

:closedeyes:

ماشي يامدام قرنفل ....أنا أول مادخلت موضوعي شميت ريحة قرنفل وعرفت أنك كنت موجودة وقلت ربنا يستر وماتكنش زعلت .....وبعدين قريت موضوعك قلت أكيد اللي حيزعل المشرفين علي المنتدي ...علشان كده تيجي نعمل معاهدة وندخل المواضيع مع بعض .....ومعلهش ياستي مش ممنوع للهوانم .....بس انا كنت مش عاوز مشاكل زوجية لأني عارف أن معظم الزوجات يعني بتبقي علاقتهم بالحماة مش قد كده....بعدين أنا عاوز أعرف رأي الأزواج بصراحة....بدون تدخل حكوماتهم .... :happy: :wub:

[إيزيس]

:closedeyes:

ماشي يامدام قرنفل ....أنا أول مادخلت موضوعي شميت ريحة قرنفل وعرفت أنك كنت موجودة وقلت ربنا يستر وماتكنش زعلت .....وبعدين قريت موضوعك قلت أكيد اللي حيزعل المشرفين علي المنتدي ...علشان كده تيجي نعمل معاهدة وندخل المواضيع مع بعض .....ومعلهش ياستي مش ممنوع للهوانم .....بس انا كنت مش عاوز مشاكل زوجية لأني عارف أن معظم الزوجات يعني بتبقي علاقتهم بالحماة مش قد كده....بعدين أنا عاوز أعرف رأي الأزواج بصراحة....بدون تدخل حكوماتهم .... :happy: :wub:

شرفت الموضوع يا مصري جدا أهلا وسهلا

اتفضل الحاجة الساقعة الأول wst::

أما بالنسبة للمشرفين ربنا يجعل كلامنا خفيف عليهم وما يزعلوش ما نقدرش على زعلهم

وأما دمج الموضوعين فالقرار للمشرفين ولو إني شايفة إن نخليهم منفصلين علشان الناس تاخد راحتها بس إيه رأيك في النهاية نعمل تعليق ونقارن بين الرجال والسيدات

في تعاملهم وشعورهم نحو حموانهم وحمواتهن

[nash]

أنا بعشق حماتي ...موووووووت .....كانت ست أميرة وأسمها أميرة ..... :closedeyes:

اييييييييه ربنا يرحمها يارب الحقيقه أتوفت من قبل ما أشوفها أصلا.... :happy:

الحقيقه زوجي بيعشق والدتي اللي هي حماته..والغريبه انه الوحيد الذي يستطيع التعامل معاها دونا عن كل البشر ...أة والله ... :wub:

والوحيد المرضي عنه من العيله عندها وممكن تتبسط معاه في الحديث وتهزر وأنا بقعد مذهوله من الدويتو بتاعهم wst::

لدرجه لو عايزة أطلب منها حاجه زوجي هو اللي بيتوسط عندها تخيلوا :sad:

[semsema]

أنا بعشق حماتي ...موووووووت .....كانت ست أميرة وأسمها أميرة ..... :closedeyes:

اول ماشفت الكلام ده..قلت اكيد في سر :happy:

وفعلا كان فيه سر............اللي هوا ده:

اييييييييه ربنا يرحمها يارب الحقيقه أتوفت من قبل ما أشوفها أصلا.... :wub:

wst::

[إيزيس]

على فكرة أنا باحس إن الواحد لما بيكره حد نص الكره دة بيكون هو نفسه سبب فيه يعني أنا لو متزنة و متصالحة مع العالم حتى لو بتعامل مع شخص سيء تماما أقدر

بطريقتي أخفف سوء أخلاقه أو العكس

كلام ملخبط صح أحكي لكم قصة لما رحنا الحج يارب يوعدنا ويوعد الجميع كان معانا سيدة راحت تحكي للشيخ عن تصرفات حماتها وتبكي وتدعي عليها دعا يقطع القلب الكل تعاطف

معاها لكن أنا أخاف جدا من اللي يستسهل الدعاء على الناس وخاصة في الحج يعني كان أولى بيها تسامح ...المهم مر الوقت وشفنا من تصرفاتها ما يؤكد أنها هي التي

وصلت الأمور مع حماتها لهذا الحد يعني الغلط مشترك وإذا كنا بصدد التعامل مع أم وارد أنه تغير من زوجة الابن ووارد أن مستواها الثقافي أقل ووارد أنها حالتها

الصحية قد تؤثر على تصرفاتها يبقى لازم نتغاضى ونخفض لها جناح الذل من الرحمة زي ما أمرنا الله سبحانه وتعالى

سمسمة ....روحي ذاكري يا قمر ده مش داخل في الامتحان

نسيت أكتب للكبار فقط

تم تعديل 16 فبراير 2008 بواسطة قرنفل

[إيزيس]

الأخت العزيزة جدا ناش

أعتقد إن لو حماتك كانت موجودة كانت نفس العلاقة اللي بين زوجك ووالدتك هتتكرر ببساطة لأن الأخلاق والعقل الراجح من سماتك وهو ده المطلوب

أما زوجك يا بخته برضا حماته ويارب دايما الرضا بينكم جميعا

تم تعديل 16 فبراير 2008 بواسطة قرنفل

[Scorpion]

آما أنا .. فأنا بخب الماما بتاعت سكوربيون كالص كالص كالص كالص ..

انا موس اسوفها الا اسبوأين في السنا كلها .. و بآدين هي في بلد و انا في بلد تانية كالص ...

و بآآدين لما بسوفها هي بتيجي اتكلمتي تكلمتي اتكلمتي ... و انا موس آفأم هاجة...

و لما انا اتكلمتو ... هي بتأمل صوت ببقه جريب كالص .. و السفايف بتاعت ال هي بتنضمو آلا بآد و تآمل يمين و سمال...

و بآدين تأول لسكوربيون الله يرهم جدك كآن بياكلو بأيسرو ... و أنا موس فهمتو ايه ايسرو دي ... موس دي مطار في اليو كيه ؟؟ ...

ياللا .. اسيبكم بآفيا يا ادللادي ....

سينييه مسز سكوربيون

[إيزيس]

أنا أقوللك تعملي إيه سجلي لحماتك واحنا نترجملك وبعدين الكلام اللي بتقوله لك ده عيب خالص دي بتقول عليكي 000000000000لا لا لا مش قادرة أقول الله يكون في عونك ياختي

[nash]

قرنفل ...ـأنتي لاغيه خاصيه الرسايل؟؟؟ :closedeyes:

طب أرد انا علي نفسي يعني؟؟ :happy:

[إيزيس]

و الله لأ مش لاغياها

هاشوف تاني

تم تعديل 16 فبراير 2008 بواسطة قرنفل

[مصري جدا]

شكرا علي الضيافة وده مش غريب علي الشرقاوية wst:: :sad:

وأما دمج الموضوعين فالقرار للمشرفين ولو إني شايفة إن نخليهم منفصلين علشان الناس تاخد راحتها بس إيه رأيك في النهاية نعمل تعليق ونقارن بين الرجال والسيدات

أعتقد المقارنة حتكون في صفي مش لشئ غير أن معظم الحموات بتحب زوج البنت أكتر من زوجة الأبن وأنا معاكي في رأيك

أنا باحس إن الواحد لما بيكره حد نص الكره دة بيكون هو نفسه سبب فيه

بس علي الله رجالتنا ميكسفونيش

:happy: :wub: :closedeyes:

[nash]

حد يقول لسمسمه اني بموت فيها ....عسوله وعلشان كده مش هانكد عليها زيكم وكل ما نشوفها نقولها روحي ذاكري ده حتي حرام...

سمسمه يا حياتي خلصتي مذاكرة؟؟؟ :closedeyes:

[إيزيس]

إيه دة انت أصلا شكلك اتكسفت وخلاص :closedeyes:

بس علي الله رجالتنا ميكسفونيش

تم تعديل 16 فبراير 2008 بواسطة قرنفل

[بنت الشاطئ1]

أعتقد المقارنة حتكون في صفي مش لشئ غير أن معظم الحموات بتحب زوج البنت أكتر من زوجة الأبن وأنا معاكي في رأيك

أنا باحس إن الواحد لما بيكره حد نص الكره دة بيكون هو نفسه سبب فيه

بس علي الله رجالتنا ميكسفونيش

:happy: :wub: :closedeyes:

السلام عليكم

فعلا هذا الكلام صحيح تجد ان الحما تحب زوج ابنتها اكثر من زوجة ابنها..لأنها تشعر انها اعطت ابنها لأخرى واصبحت لا تراه كثيرا كما فى الماضى وهذا طبيعى لأنه عنده اسرة الان وربما اطفال ومطلوب منه انه يزور حماته اللى هى ام زوجته ..اما موضوع ان الحما تحب زوج ابنتها فهذا امر بديهى لأنها ببساطة لو عاملته بطريقة سيئة فلن يزورها وربما يمنع ابنتها من زيارتها ..او

[إيزيس]

ياللا يا ستات

ياللا يا هوانم

مين بيحب حماته

ياللا ما تكسفوناش

حبوهم مؤقتا

[vipwithyou]

يا سيدات بأعلنها بعلو صوتى

وحماتى لا تعرف فى الكمبيوتر

وزوجتى ( خطيبتى حتى الآن ) لا تعرف موقع المنتدى حتى الآن

بالتالى لا أخاف من أن يرانى أحد ..

أقولها بعلو صوتى

أنا بحب حماتى جدا ً

ربنا يخليهالى هى وماما يارب

انا كدة عندى مامتين

تخيلوا

الاثنين بيخافوا عليا

الاثنين بيحبونى

الاثنين بيهتموا بمصلحتى

الاثنين بيحبوا بعض ودا الأهم

شكرا لزوجتى انها جابت ليا حماه عسل كدة وشكرا ً طبعاً لحماتى النحلة دى اللى خلفت لى السكرة حبيبتى

اياكم حد يقر عليا يا رجاله يا وحشين

آه على فكرة الاثنين بيعرفوا يعملوا محشى كويس وقلت لهم يعلموا مراتى هههه

الرد دة هأضعة فى مشاركة الرجالة للاخ الفاضل مصرى جدا ً وكمان فى مشاركة السيدات للأخت الفاضلة قرنفل

لأن دى حاجة بأتشرف بيها والحمد لله وربنا يديمها عليا نعمة

شكرا

أخوكم

تامر السيد

[إيزيس]

الناس كلها كووووووول أمال إيه الإشاعات بتاع الحما حما ولو ملاك م السما

و إذا كثر ضحك حماتك خاف على نفسك وحياتك

:D :)

إشاعات!!!!

[نانو]

تامر ...خلي بالك من كلامك :closedeyes:

قبل الجواز خطيبتك هاتقرأ الجمله ديه كده :blush2: :wub:

شكرا ًطبعاً لحماتى النحلة دى اللى خلفت لى السكرة حبيبتى

بعد الجواز هاتبقي مراتك وهاتقرأها كده :angry: mf-:

حماتى النحلة

ايييييييييوه :yes: بعد الجواز ....هناك دائما فرق

[إيزيس]

و ممكن تفكر كده

يعني بابايا أنا............... قصدك تقول ماما نحلة وبابا دبووووووووووووووووووور

:closedeyes: :blush2:

بابا تعالى حالا دلوقت خدني :angry: