طباخ الريس

[vipwithyou]

بسم الله الرحمن الرحيم

الأخوة الأفاضل

شاهدت فيلم ( طباخ الريس )

وكان لدى تساؤل بسيط لمن شاهد هذا الفيلم

هل فعلا ما حدث فى الفيلم حقيقة ما يحدث ؟

أم هل ما تم عرضة استخفاف فنى بعقلية الشعب المصرى ؟

أم مجرد تعبير عن رغبة الشعب فى أن يكون الريس كما تم تشخيصة فى الفيلم ؟

شكرا لكم

ولمن لم يشاهد الفيلم يخبرنى حتى أرسل له وصلة تحميلة حتى نحكم سويا ً على الفيلم

أخوكم

تامر السيد

[Modest]

ولمن لم يشاهد الفيلم يخبرنى حتى أرسل له وصلة تحميلة حتى نحكم سويا ً على الفيلم

لم اشاهد الفيلم و أرجو أن تضع لنا وصلة لتحميله

شكراً مقدماً يا تامر باشا :danger:

[قاهرى]

فينك يا تامر انا مستنى مع Modest الوصلة :baby:

[osaimi]

انا ماشفتش الفيلم لكن تقريبا كده عرفت ان فكرته بتدور ان فيه شوية حرامية ونصابين حوالين الرئيس بيخبوا عنوا كل حاجة وحشة وبينقلولوا بس الأخبار الحلوه وما إلي ذلك ، لكن ده طبعا استخفاف بعقولنا إلي حد كبير ، لأنه إذا فسد الرأس فسد الجسد والعكس غالبا صحيح ، تخيل نفسك مدير قسم فى أي شركة وانت كويس لكن الموظفين بتوعك حرامية ، تفتكر ده يبقى ايه هسيبكوا تردوا

[vipwithyou]

اعتذر للتأخير عن الرد لكن لظروف خارجة عن ارادتى

عموما ً ارسلت الوصلات لكل من طلبها على الخاص

حتى لا تكون دعايه عن الفيلم

فلم نناقشة بعد

شكرا لكم

[Ghost]

جط الوصله و ان شاء الله ما فيش اي مشكله

الفلم اصلا مش محتاج دعايه

الاعلام قام بالواجب و زياده حته

[vipwithyou]

تم ارسال الوصلات لك ياسيدى

وأنا مش مانعها عن حد اهه لكن انا مش فاهم الفيلم بصراحة وشكله استخفاف بعقلية المشاهد المصرى

ومحاولة لتبرئة الريس مما نسب اليه

[Ghost]

شكرا و جاري تنزيل الفليم

مع ان طلعت زكريا ده باقرف من دمه بصراحة

بس التطفل يدفعني لرؤيه هذا الفليم اللي اتعملت الهيصه ديه عليه

شكرا يا حاج تامر كمان مرة

[semsema]

استاذ تامر.............انا كمان عايزة الفيلم لو سمحت وشكرا مقدما

[mabouasi]

يا شباب هم دايما حطلونا السم في العسل و اعتقد انهم بيضحكوا علينا بالكلام ده و الفساد مش للركب الفساد للودان و الله المستعان فين الوصلة بقي ؟؟؟؟؟؟؟؟؟؟؟

[Alshiekh]

طباخ الرئيس 1

طباخ الرئيس 2

طباخ الرئيس 3

طباخ الرئيس 4

الفيلم مش بطال والاسقاط اللى فيه كويس ومعقول.

بعد تنزيل الاربعة اجزاء فى فولدر واحد ، استخدم اسمى لفك الضغط واتفرج على الريال بلاير

تم تعديل 22 فبراير 2008 بواسطة Mohammad

[vipwithyou]

ليس الهدف من التوبيك هو نشر الفيلم ولكن مناقشته

والا لكنت وضعت الوصلات فى بداية الحوار

وشكرا

[Alshiekh]

ليس الهدف من التوبيك هو نشر الفيلم ولكن مناقشته

والا لكنت وضعت الوصلات فى بداية الحوار

وشكرا

وكيف نناقش فيلما لم نشاهده؟

عموما كما قلت لا أعتقد ان بالفيلم استخفاف بعقولنا ، وبكننى اراه اسقاط شبيه بقصة الحسن والحسين عندما رأيا رجلا مسنا لايحسن الوضوء ، فمثلا عليه انهما يريدانه ان يحكم بينهما ايهما احسن وضوءا ، وعندها ادرك الرجل انه هو من لا يحسن الوضوء.

تحياتى للجميع

[تيتو]

تم استضافة الفنان خالد ذكى فى برنامج البيت بيتك

وتحدث عن الفيلم وقال إن الفيلم يتناول منصب الرئيس وليس شخص بعينه

كما تحدث ان هذه هى اول مرة تظهر شخصية رئيس الجمهورية فى فيلم

على فكرة انا لم اشاهد الفيلم

لكن النقاد قالت انه فيلم مختلف عن الافلام السائدة هذه الايام

[إيزيس]

خالد زكي أساسا فنان بارد ومحدود الموهبة كل الأدوار بيمثلها بنمط واحد وانفعالات معلبة (قصدي متوقعة )

باختصار هو لايق على الدور أما الفيلم فهو طبعا من النوع الساذج يعني لو حتى الريس مش حاسس بالمصايب اللي بتحصل يبقى العيب في مين؟؟

ولو جاسس و مش عارف يتصرف يبقى العيب في مين ؟؟

ولو اللي حواليه سيئين يبقى العيب في مين؟؟؟

ما تفكروش كتير يا جماعة العيب فينا أكيد

[vipwithyou]

ان كنت تدرى فتلك مصيبة .. وان كنت لا تدرى فالمصيبة اعظم

[Ghost]

شفت الفلم و انحرق دمي من الاخر

اولا انا بس عاوز اقول ان اقرب رئيس لشخصيه الفلم هو الرئيس السادات

و الحته بتاعة البقر اللي جابوهم و قالوا انها مزرعة كبيره .. في اول الفلم كانت حركه حقيقيه عملها السادات لانه كان فلاح و فاهم كل حاجة - فلاح هنا مش شتيمه يا جماعة-

و انه كان بينزل للناس و نشوهم من غير حراسه حصلت من السادات مع ابنه جمال مرتين

سمعت ان مبارك عملها مره في بورسعيد من زمان

بس يقدر يعملها دلوقتي ده كان اهل بورسعيد او اي ناس غيرهم كانوا نهشوه بأظافرهم و لاقى موته شجرة الدر

نجي بقى لحرقه الدم

هل فعلا رئيس الجمهوريه يهذه المثاليه حقا

طبعا لا و الي يقول اه يبقى بيستخف بعقولنا على الاخر

هل فعلا الريس عامل على خدمه الناس و بيتصرف لمصالحم و هو اجهل من الدابه لا يفهم في اقتصاد و لا تحاليل فنيه اللذي منه - من الاخر هو لاقى نفسه زعيم و الشله اللي حوله هي اللي مشغاله لمصالجهم

و فيد ا ستفيد

انت الريس و احنا معاك

و انا متأكد ان فيه منهم بجاهدوا علشان يجي ابنه من بعده و تستمر الدائره

هل سمعنا مره عن وزير تمت اقالته لانه غير مرغوب فيه شعبيا

ده العكس هو الصحيح

كل واحد محبوب بيتشال و كل موالي للحكم يبقى بغض النظر في كفائته

الفلم بيصور الريس بصورة مثاليه و يمكن عاوز يقول انه المفروض الريس يكون بهذا الشكل

لكن الحقيقة غير كده

دو شله حراميه و ماسكين البلد و عاوزين يمصوا دم الناس لاخر درجة

و شكرا طولت عليكم

[vipwithyou]

اعتقد ان دى فعلا النظرة الموضوعية اللى اى حد هيشوف بيها الفيلم

لكن مين يعرف الحقيقة فين ؟

ومن اين استوحى المؤلف هذة الفكرة ولماذا ؟ وفى ذلك الوقت بالتحديد ؟

[ابتسامة رضا]

السلام علينا وعلي عباد الله الصالحين

أنا شفت الفيلم ومكنتش متوقعة انه يكون بالسذاجة دي

طب لو الريس شاف الفيلم هيكون شعوره ايه

[vipwithyou]

المشكلة انه مش هيوصل ليه اصلا يا ابتسامة رضا

وعلى فكرة اسم حضرتك حلو واهلا بيكى فى المحاورين