اذهب إلى المحتوى
محاورات المصريين

ساعة يد رجالى بمليون جنيه .. كم ثمن أغلى ساعة رأيتها؟

عادل أبوزيد

بواسطة عادل أبوزيد
في موضوعات خفيفة

 مشاركة

Recommended Posts

عادل أبوزيد Rising Star

عادل أبوزيد

بتاريخ:
بتاريخ:

هذه الساعة غير مرصعة بالمجوهرات صحيح الساعة ذهبية و ثمنها تقريبا مليون جنيه أو لو أردت الدقة 896,308 Egyptian Pound فقط بدون ضرائب لأن سعرها المعلن 132130 يورو بما فيه 19.6 ضرائب و يوجد لها وكيل فى مصر هو :

Felopateer Palace

El-Nozha El-Gedida

54 Dr. Ahmed Zaki St.

Cairo

Egypt

t: +202 2999 666

f: +202 2999 444

أوردت العنوان ربما يود أحد الأعضاء شراء هذه الساعة.

ما سبق كان إستهلالالا لابد منه

الموضوع فى باب مواضيع خفيفة و أضع لكم رابط هذه الساعة

يسألنى أحدكم ما هى المناسبة ؟ ليس عندى رد

أذكر فى الستينيات أنى سمعت أن هناك بضائع مصادرة من الجمارك ستباع فى محلات هانو فى وسط البلد فى شارع محمود بسيونى ، ووقتها لمن لا يعرف كنا نعانى حالة غير مسبوقة من القحط ... كنا وقتها مثل الأفلام التى تحكى عن الأحوال فى أوروبا الشرقية ، ما علينا ... ذهبت إلى محلات هانو لأشترى قلم حبر "Tropin " و كان ثمنه على ما أذكر تسعون قرشا .... كانت أيام

المهم فى زيارتى هذه لمحلات هانو لاحظت أن الباعة فى المحل فى حالة إنبهار بالسلع و أسعارها و أرانى البائع ساعة vacheron & constantine ثمنها ستمائة جنيه مصر و كانت حدوتة فى كل مصر عن ساعة ثمنها 600 جنيه أظن كان ذلك سنة 1965 و وقتها أن هناك ساعة راقية جدا هى Faver Luba و تتميز بأنها رفيعة جدا و كان ثمنها فوق العشرون جنيها و كان صاحب هذه الساعة - و كان صديقى - يقول أنها تشبه ساعة Omega فى سمكها القليل .... كانت أيام !!

و أذكر وقتها أن أحد أقاربى إشترى ساعة Tissot و كان يقول عنها أنها تشبه ال Faver Luba .... و تمر السنوات و فى أحد سفراتى و عند مرورى بالسوق الحرة فى مطار القاهرة إشتريت ساعتين Omega واحدة رجالى وواحدة حريمى لزوجتى و كان ثمنهم فى حدود ثلاثمائة دولار و قيل لى وقتها أنها صفقة رابحة.

و مرت سنوات و دخلت مرحلة الساعات اليابانى الإليكترونية بأنواعها ......... و العام الماضى أهدانى إبنى ساعة Emporio Armani لا أعرف ثمنها.

بعد كل الدردشة السابقة هل ترى أنك يمكن أن ترى ساعة بمليون جنيه فى يد أحد فى مصر ؟

هل يمكن أن يرتدى بوش (رئيس أمريكا) ساعة ب 132000 يورو ؟

ربما بعض رجالات الخليج يرتدون مثل هذه الساعة و لا أتصور أن إنسان متعلم يدفع هذا الثمن فى ساعة.

مواطنين لا متفرجين


رابط هذا التعليق
شارك
عادل أبوزيد Rising Star

عادل أبوزيد

بتاريخ:
  • كاتب الموضوع
بتاريخ:

قرأت إسم الساعة اليوم فى جريدة مصرية ، و دفعنى الفضول للبحث عن هذه الساعة و أظن أن كثيرون ممن قرأوا الجريدة فعلوا مثلى و كان سعر الساعة مفاجأة بالنسبة لى.

هل ترى الإشارة إلى شخص ما يرتدى هذه الساعة يمثل خبر ذا قيمة ؟ أم أن المراد هو مجرد إثارة تساؤلات عن هذا الشخص؟

ترى لو علمت أن مثلا رئيس دولة - غير غنية - يرتدى هذه الساعة هل يثير ذلك تساؤلك؟

هل يمكن نجيب ساويرس أو أحمد عز يرتدى مثل هذه الساعة ؟

مجرد أسئلة "هايفة"

مواطنين لا متفرجين


رابط هذا التعليق
شارك
wagdi عضو جديد

wagdi

بتاريخ:
بتاريخ: (معدل)

الفاضل عادل ابو زيد...

بداية للرد على حضرتك في الاسئلة المطروحة انا شخصياً رأيت في مصر ساعات يتعدى ثمنها المليون مستريح أوي أوي...

.

وقد تتعجب أن هذه الساعات ليست مملوكة لمليارديرات كالذي ذكرتهم (عز - ساويرس) وإن كانوا طبعاً ليسوا بفقراء أو متوسطي الحال... كل الحكاية إنهم فاهمين ويعرفوا يقدروا الساعة...

والموضوع ليس بسفه أو تبذير...بالعكس... فسفهاء مصر والخليج من الأغنياء لما بيشتروا ساعة بتكون مرصعة بالأحجار الكريمة وده طبعاً بيضعها في مرتبة المجوهرات...يعني لما تبقى ساعة مرصعة بالكامل بالألماظ سعرها ممكن يوصل لربع مليون دولار مستريح... بس ده مش علشان قيمة الساعة بقدر قيمة الألماظ إلى فيها...

لكن ساعة زي إلى حضرتك حطتها لن يشتريها "السفيه" من الأغنياء لانها مش حاتتفهم... زي ما حضرتك قلت لا فيها دهب ولا الماظ... يعني 99.9% من إلى حايشوفوه لابسها مش حايفهموا قيمتها..ولأنه اصلاً عايز يتمنظر بالساعة..فدي مش حاتنفعه...

فالشاهد إن الإنسان المتعلم أوي والمثقف أوي والفاهم اوي أوي هو إلى ممكن يقدر ويشتري مثل هذه الساعات وليس العكس..

نيجي بقى ليه الساعة ممكن تبقى غالية أوي كدة مع إن مافيهاش دهب أو ألماظ...

الساعات قيمتها بتبقى بعدد الcomplications أو الحركات فيها...والcomplication هي الحركة أو الخاصية الميكانيكية في الساعة غير الساعات والدقائق والثواني...يعني مثلاً اليوم ده complication...الأسبوع...شكل القمر...وهكذا...

كل complication من دول بتبقى فوق بعضها... زي الساندوتش... وكل ما عدد الcomplications بيزيد وسمك الساعة بيقل تمنها بيزيد لأنها ببساطة بتبقى صعبة جداً جداً في هندستها وتصنيعها...

والساعة تصنف ك grand complication عندما يكون عدد الcomplications فيها أربعة فأكتر...

حتقوللي طب إيه الصعب أوي كدة يعني لما يبقوا أربعة أو أربعين... أقولك إن الcomplication الواحدة ممكن تحتاج من 40 وحتى 120 قطعة... فحضرتك متصور إن ساعة فيها 5 أو 6 حركات ممكن عدد القطع جواها يوصل ل 700 أو 800 قطعة مستريح... وزيادة على كدة هو سمك الcase بتاع الساعة... إلى بيبقى مثلاً من 12 ل 15 مليمتر...فتخيل حضرتك إنك محتاج تحط 800 قطعة وتربطهم ببعض في المساحة الصغيرة دي...ده غير المساحة اللازمة لمصدر الطاقة إلى عادة بيكون تلقائي بحركة اليد اليومية...ده غير إنها عادة بتكون ضد الماء وتتحمل ضغوط جوية عالية...

تخيل الوقت والجهد في هندستها ورسمها وصناعة القطع دي وتجميعها إلى ممكن يوصل ل8 شهور للساعة الواحدة...

يعني مرتب "الصنايعي" إلى حايجمعها بس في ال8 شهور دول ممكن يكون 100 ألف دولار مثلاً :rolleyes:

الشاهد إن إقتناء مثل هذه الساعات مثل إقتناء الأنتيكات تماماً... يعني واحد ممكن يدفع في ترابيزة سفرة مليون جنيه علشان أنتيك... في حين واحد ممكن يجيب ترابيزة بألف جنيه... لكن الترابيزة أم مليون قيمتها بتزيد كل يوم...وتصبح في يوم من الأيام لا تقدر بثمن...

فمثلاً في الثلاثينات اشترى الملياردير هنري جرايفز من باتيك فيليب ساعة فيها 24 compllications...صورتها أهي:

2003807318375533428_rs.jpg

الساعة دي فيها حوالي 1200 قطعة جواها... متصور؟؟ :rolleyes:

ويوم ما اتصنعت كانت اعجوبة ميكانيكية وهندسية بكل المقاييس...

الساعة دي إتباعت في مزاد سنة 1999 ب 11 مليون دولار...

وإلى أشتراها أكيد مش حايستعملها... بس لأنه عارف إنها لو إتعرضت في مزاد إنهارده حاتجيب أكتر...ولو بعد كمان 20 سنة حتجيب أضعاف مضاعفة وقد لا تقدر بثمن...

طبعاً دلوقتي فيه ساعات بتوصل لأكتر من كدة... وأكثر الساعات تعقيداً في لإلى يومنا هذا إلى عملها برضه باتيك فيليب سنة 89 وكان فيها 33 complications و1728 قطعة...

والساعة إلى حضرتك أوردتها في الموضوع ما تعتبرش غالية خالص...ده هو ده الرينج يافندم... :roseop:

يعني مثلاً أقل ساعة grand complications لباتيك فيليب بتبتدي بخمسين ألف دولار وطالع...وممكن توصل ربع مليون مستريح أوي لساعة زي إلى حضرتك أوردتها (أعتقد دي فيها من 10-13 complications) وليها زباين واقفين بالدور علشان يشتروها...

واهي أرزاق...:blush2:

تحياتي...

تم تعديل بواسطة wagdi

فكأننا والماء من حولنا... قوم جلوس وحولهم ماء...

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:
الفاضل عادل ابو زيد...

بداية للرد على حضرتك في الاسئلة المطروحة انا شخصياً رأيت في مصر ساعات يتعدى ثمنها المليون مستريح أوي أوي...

.

وقد تتعجب أن هذه الساعات ليست مملوكة لمليارديرات كالذي ذكرتهم (عز - ساويرس) وإن كانوا طبعاً ليسوا بفقراء أو متوسطي الحال... كل الحكاية إنهم فاهمين ويعرفوا يقدروا الساعة...

والموضوع ليس بسفه أو تبذير...بالعكس... فسفهاء مصر والخليج من الأغنياء لما بيشتروا ساعة بتكون مرصعة بالأحجار الكريمة وده طبعاً بيضعها في مرتبة المجوهرات...يعني لما تبقى ساعة مرصعة بالكامل بالألماظ سعرها ممكن يوصل لربع مليون دولار مستريح... بس ده مش علشان قيمة الساعة بقدر قيمة الألماظ إلى فيها...

لكن ساعة زي إلى حضرتك حطتها لن يشتريها "السفيه" من الأغنياء لانها مش حاتتفهم... زي ما حضرتك قلت لا فيها دهب ولا الماظ... يعني 99.9% من إلى حايشوفوه لابسها مش حايفهموا قيمتها..ولأنه اصلاً عايز يتمنظر بالساعة..فدي مش حاتنفعه...

فالشاهد إن الإنسان المتعلم أوي والمثقف أوي والفاهم اوي أوي هو إلى ممكن يقدر ويشتري مثل هذه الساعات وليس العكس..

نيجي بقى ليه الساعة ممكن تبقى غالية أوي كدة مع إن مافيهاش دهب أو ألماظ...

الساعات قيمتها بتبقى بعدد الcomplications أو الحركات فيها...والcomplication هي الحركة أو الخاصية الميكانيكية في الساعة غير الساعات والدقائق والثواني...يعني مثلاً اليوم ده complication...الأسبوع...شكل القمر...وهكذا...

كل complication من دول بتبقى فوق بعضها... زي الساندوتش... وكل ما عدد الcomplications بيزيد وسمك الساعة بيقل تمنها بيزيد لأنها ببساطة بتبقى صعبة جداً جداً في هندستها وتصنيعها...

والساعة تصنف ك grand complication عندما يكون عدد الcomplications فيها أربعة فأكتر...

حتقوللي طب إيه الصعب أوي كدة يعني لما يبقوا أربعة أو أربعين... أقولك إن الcomplication الواحدة ممكن تحتاج من 40 وحتى 120 قطعة... فحضرتك متصور إن ساعة فيها 5 أو 6 حركات ممكن عدد القطع جواها يوصل ل 700 أو 800 قطعة مستريح... وزيادة على كدة هو سمك الcase بتاع الساعة... إلى بيبقى مثلاً من 12 ل 15 مليمتر...فتخيل حضرتك إنك محتاج تحط 800 قطعة وتربطهم ببعض في المساحة الصغيرة دي...ده غير المساحة اللازمة لمصدر الطاقة إلى عادة بيكون تلقائي بحركة اليد اليومية...ده غير إنها عادة بتكون ضد الماء وتتحمل ضغوط جوية عالية...

تخيل الوقت والجهد في هندستها ورسمها وصناعة القطع دي وتجميعها إلى ممكن يوصل ل8 شهور للساعة الواحدة...

يعني مرتب "الصنايعي" إلى حايجمعها بس في ال8 شهور دول ممكن يكون 100 ألف دولار مثلاً :rolleyes:

الشاهد إن إقتناء مثل هذه الساعات مثل إقتناء الأنتيكات تماماً... يعني واحد ممكن يدفع في ترابيزة سفرة مليون جنيه علشان أنتيك... في حين واحد ممكن يجيب ترابيزة بألف جنيه... لكن الترابيزة أم مليون قيمتها بتزيد كل يوم...وتصبح في يوم من الأيام لا تقدر بثمن...

فمثلاً في الثلاثينات اشترى الملياردير هنري جرايفز من باتيك فيليب ساعة فيها 24 compllications...صورتها أهي:

2003807318375533428_rs.jpg

الساعة دي فيها حوالي 1200 قطعة جواها... متصور؟؟ :rolleyes:

ويوم ما اتصنعت كانت اعجوبة ميكانيكية وهندسية بكل المقاييس...

الساعة دي إتباعت في مزاد سنة 1999 ب 11 مليون دولار...

وإلى أشتراها أكيد مش حايستعملها... بس لأنه عارف إنها لو إتعرضت في مزاد إنهارده حاتجيب أكتر...ولو بعد كمان 20 سنة حتجيب أضعاف مضاعفة وقد لا تقدر بثمن...

طبعاً دلوقتي فيه ساعات بتوصل لأكتر من كدة... وأكثر الساعات تعقيداً في لإلى يومنا هذا إلى عملها برضه باتيك فيليب سنة 89 وكان فيها 33 complications و1728 قطعة...

والساعة إلى حضرتك أوردتها في الموضوع ما تعتبرش غالية خالص...ده هو ده الرينج يافندم... :roseop:

يعني مثلاً أقل ساعة grand complications لباتيك فيليب بتبتدي بخمسين ألف دولار وطالع...وممكن توصل ربع مليون مستريح أوي لساعة زي إلى حضرتك أوردتها (أعتقد دي فيها من 10-13 complications) وليها زباين واقفين بالدور علشان يشتروها...

واهي أرزاق...:old:

تحياتي...

شكرا استاذ وجدى على المعلومات الممتازة والتى بحق تدل على خلفية ثقافية مش عايز اقول تخصصية ممتازة.

لكن مالها الساعات اللى مافيهاش complications خالص؟ حاجة Easy Going كده ، مش كفاية علينا الـ complications اللى فى البلد :blush2:

تحياتى

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

شكرا ياوجدى على المعلومات الجميلة دى...فكرتنى بموضوع العطور واضافتك الرائعة فيه...وموضوع ترتيب المائدة......ياريت ماتحرمناش من اضافاتك المفيدة دى كتير...

طبيعى جدا أن واحد يمتلك ملايين....يرتدى ساعة بالمبلغ ده..ودى تيجى ايه جنب ثمن العربية ولا ثمن بيته مثلا....وبالفعل فيه ساعات سعرها يفوق المبلغ ده...وبيتصنع منها عدد محدود جدا يمكن تلاتة ولا اربعة بس على مستوى العالم....

وبمناسبة الاسعار المجنونة دى......يوجد محل حلويات فرنسية فى احد فنادق الخمس نجوم بمدينة نصر....وبيبيع كبد الوز Foiegras والحاجات المفتكسة دى...عارض شيكولاتة..العلبة لا يتعدى وزنها 800 جرام....ومكتوب عليها السعر 1200 جنيه...نعم...الف ومائتان جنيه مصرى فقط لا غير...

ولما شكيت فى نفسى سألت المودموازيل الشيك جدا واللى باكلمها وانا خايفة :rolleyes: ..."هو السعر كام لو تكرمتى؟"...نظرت لى كده نظرة استنكارية غريبة..ولسان حالها بيقول وانت مالك انت بتسألى عن حاجة مش حتقدرى تشتريها ليه"...وكررت السعر...

يعنى طالما معروضة بالسعر ده اكيد بتتباع....مع العلم انها شيكولاتة عادية يعنى مافيهاش مارون جلاسيه ولا صوابع الست ولا حاجة ...

بقى انا اشترى 800 جرام بالسعر ده واشوف بأم عينى الناس بتاكله قدامى؟؟...ده أنا كنت اصاب بلوسة مادية مخية.....فين بقى اللى بيتكلموا عن رغيف العيش!!!

بس بصراحة نفسى ادوقها حتى.... :roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
أسد عضو جديد

أسد

بتاريخ:
بتاريخ:

منذ أسبوع كنت في دبي

وفي مركزالإمارات دخلت محل يعرض نوعيات خاصةمن الأثاث

وجدت مطبخ مكتبو عليه سعر يقرب من مليون درهم إماراتي ..

916 ألف درهم ..

يعني مليون ونصف المليون

شكيت ..

سألت الآنسة اللي في المحل .. هل هذا السعر مظبوط .. قالتلي ممكن نعمللك خصم في حدود 10% مع إن شكلي مش ممكن يشتري المطبخ أساساً ...

قلتلها .. بتبيعوا منه ده ؟؟

قالتلي عملنا 3 مشاريع من المطبخ ده ..

قعدت تقولي ده من تصميم الإيطالي فلان الفلاني .. مش عارفه طبعاً وكلام من ده ...

مش دي المشكلة ..

المشكلة إني لما ألاقي واحد لابس ساعة بمليون جنيه معنديش مشكلة ..

ولو واحد إشترى شيكولاته بألفين جنيه . مفيش مشكلة برضه ..

هو اللي حيلبس وهو اللي حياكل

براحته .. فلوسه .. وبيمتع نفسه ..

لكن يجيب مطبخ بمليون ونصف جنيه علشان الخادمة أو الطباخ يستعمله ؟؟؟

هي دي اللي عجيبة ....

ما هو مش معقول اللي حيشتري مطبخ بمليون ونصف المليون .. حيخلي المدام تدخل تخرط بصل وتطبخ ..

له في خلقه شئون

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
  • بعد 2 أسابيع...
KANE عضو جديد

KANE

بتاريخ:
بتاريخ: (معدل)

على ما اظن ان أول من أشار لهذه الظاهرة العجيبة

التي تتمثل في شراء الساعات الفخمة

كان احمد بهجت

لا اتذكر اسم الكتاب الآن ولكن كان يتحث عن زيارة قديمة لأمريكا

يقول انه سأل الكثير من الناس عن الوقت

وانه فوجئ بأن اغلب الأمريكان لا يحملون ساعات

والذين يحملونها -بالرغم من أنه ممكن يكون رجل أعمل - ساعات من الساعات الرقمية الرخيصة التي يأنف ان يحملها المراهقون

وكان يتعجب عندما يسمع أن الأمير فلان أو الأمير علان اشترى ساعة بمبلغ ضخم مرصعة بالماس ووو

smk:

وان هذا هو تقديرنا للوقت أن نشتري أفخم الساعات :roseop:

ونضيع الوقت

بينما هم هناك لا يحملونها لأنهم يقدرون الوقت :blush2:

تم تعديل بواسطة KANE

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك
  • بعد 3 أسابيع...
ابو جيداء عضو جديد

ابو جيداء

بتاريخ:
بتاريخ: (معدل)

انا عندى ساع تمنها لايقل عن عشرة جنية :rolleyes:

تم تعديل بواسطة ابو جيداء

كل طير راجع بعد التعب بعد السفر

كل شمس مروحة بتميل تبوس خد القمر

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...