الأعور الدجال يظهر فى باكستان!!!

[حشيش]

منقول

[Seafood]

حلو الفيلم الهندي دا يا حشيش :)

[الطفشان]

صحيح فيلم هندي

اولا الصورة واضح انها ملعوب فيها

ثم ان الاعور مش اللي عنده عين واحدة

الاعور هو اللي عنده عينين واحدة شغالة و واحدة لأ

و الاحاديث صريحة ان له عين اخرى "كأنها عنبة طافئة"

و بعدين حلوة "أحد العلماء" دي! ما نعرفش هو مين و لا مؤهلاته و لا ميوله و لا مصداقيته

بتفكرني لما بيقولوا "مفكر اسلامي" او "باحث"

يعني على باب الله كدة

يبقى مش هو، و خبر فطش

[Proud Muslim]

صحيح فيلم هندي 

اولا الصورة واضح انها ملعوب فيها 

لأ لأ .. ليه يا جماعة مش يمكن يكون هو ؟؟

:) :) :D

ضحكت عليكم .. :) :)

دي مش ملعوب فيها و بس .. دي هي أصلا جايبنها من لعبة doom

و بعدين مين العالم ده ؟؟ ده أكيد عالم فشنك .. او نصاب و دجال ..

انا أصلي لسه سامع الموضوع ده من يومين ..

هل تنسوا يا جماعة ان هنا صحابي كانوا يشكون أنه الدجال ؟؟

مش فاكر اسمه .. بس هاجيبه .

[الطفشان]

اصلا الصورة تحاكي مخلوق السيكلوبس Cyclops في اساطير اليونان القديمة

و رواها هوميروس Homer في ملحمة الاوديسة Odyssey

[Proud Muslim]

بس جبته ..

اسمه ابن صياد ..بس هو ليس صحابي .. الأمور دخلت في بعض .. و لكنه حضر الرسول صلى الله عليه و سلم ..

و لكنه حسب المصدر تابعي .

http://www.almawa.com/fetan/djal3.html

كنت هازعل جدا لو معرفتش أجيبه .. لأنني كنت بتكلم عنه من يومين بس !!

:)

[مصرى]

إنما حكاية أنه يحول التراب الى دهب ظريفة خالص .. تفتكروا ممكن يسلفهولنا كام يوم ؟!

يمكن يساعد الحكومة فى حل مشكلة الاقتصاد :)

[حشيش]

مش خايف يامصرى لما يعرف إنك بتتريق عليه يقوم يضربك بسيفه يقسمك نصفين كما ورد فى بعض الروايات التى تحدثت عن المسيخ الدجال :shock: :shock: :shock:

[الطفشان]

بالنسبة لابن صائد

الوصلة فيها الكثير

و الرواية في احد كتب الصحيحين و في تفسير سورة الدخان لابن كثير (حسب ما اذكر)

و لكن اذكر اني قرأت رواية (و لا اذكر المصدر) ان ابن صائد ذهب الى فارس، و اختفى مع يهود اصبهان

[مصرى]

مش خايف يامصرى لما يعرف إنك بتتريق عليه يقوم يضربك بسيفه يقسمك نصفين  كما ورد فى بعض الروايات التى تحدثت عن المسيخ الدجال :shock:  :shock:  :shock:

هوه قريب الجطة

:shock:

[حشيش]

طيب...متفقين إن القصة دى متفبركة من الصحافة الباكستانية...ياريت حد من الإخوة يقول لنا نبذة مبسطة عن المسيخ الدجال وعلاماته والأحاديث الصحيحة التى وردت بشأنه حتى تعم الفائدة...سمعت أن من يقرأ سورة الكهف فى يوم الجمعة يقيه الله سبحانه وتعالى من فتنته.

[الطفشان]

ناقشناه قبل كدة

http://www.egyptiantalks.org/phpBB2Plus/vi...opic.php?t=3773