لكل من يملك معلومات فى الكهرباء

[قاهرى]

ليا سوال للسادة الاعضاء اصحاب المعلومات بالكهرباء او للسادة مهندسى الكهربة

هل لو تم وضع فيشة لثلاجتين فى كوبس واحد يعمل قفلة ؟

مع العلم ان الكهربة مش فى مصر .. البلد (الامارات)

مفيش مكان تانى للثلاجة الثانية غير جنب الثلاجة الاولى بس مش عارف خايف احطها فى نفس الكوبس عن طريق مشترك ...

ارجو الافادة لحسن ابوظ الدنيا

فى انتظار الردود

[أسد]

أنا مابافهمش في الكهرباء

لكن أنا عندي ثلاجتين

والاثنين راكبين في كوبس واحد بمشترك

وهم على الحالة دي بقى لهم 5 سنوات على الأقل

مع العلم إني غيرت السكن خلال تلك الفترة 3 مرات

ومفيش أي مشكلة إطلاقاً

[Handicraft]

راجع خلف الثلاجة حتى تعرف الفولت والتيار .

مثال:

لو التيار 2 أمبير والفولت 220 لكل تلاجة.

هذا يعنى ان الفيش يجب ان يتحمل 4 امبير لتشغيل ثلاجتين.

ويجب مراعة قدرة الفيش وقدرة التوصيلات الداخلية حتى لا يحترق الفيوز.

[قاهرى]

شكرا للمعلومات دى انشاء الله هتجرأ وهعمل اول محاولة وهحط الثلاجتين على فيشة واحدة عن طريق مشترك

وربنا يسطرها انشاء الله

[م.سامح المصرى]

ابو القواهر

فينك يا ريس ..... مش باين يعنى بقالك مدة

حمد لله على السلامة ..... كان نفسى افيدك .... بس ما باليد حيلة

على فكرة انا كنت فى صنايع قسم كهربا:unsure:

سلام وما تطولش الغيبة تاني

[قاهرى]

سامح باشااااا ليك وحشة والله

انا موجود يا باشا وانشاء الله قريب هشارك كتير زى الاول واحاول اضيف واضيع كتير

بخصوص موضوع الكهربة .. مدام انت خريج صنايع كهربة فينك يا عم .. فين المعلومات الجمدة

ولونها خلاص مبقاش وقتها

الله يسمحك يا اسد ... الفيشة فرقعت فى وشى :unsure:

[أسد]

الله يسمحك يا اسد ... الفيشة فرقعت فى وشى

أي خدمة ...

الحقيقة أنا عندي لسه ما فرقعتش .. بس يمكن التوصيلات عندك أو قدرة الفيشة أو المشترك مش كفْ لتشغيل ثلاجتين ..

اسمع كلام هاندي كرافت

[nash]

أظن دجه السيكل في الإمارات تختلف عن السعوديه...يجب الإنتباه علي ذلك

[قاهرى]

شكرا ناش لردك بس حبيت توضيح الكلامة العجيبة دى

(دجه السيكل) هندى دة :lol:

انا مش ناقص الغاز كفاية الى حصلى

وربنا يسطر على الثلاجة الجديدة خايف يكون حصلها حاجة والقديمة كمان ربنا يسطر

انا مش ساعة الفرقعة اخت الاكل الى فيها وحطيتو عند الجران لحد لما اجيب كهربائى

الله يسمحك يا اسد

انا غلطتى انى مشيت بمبدأ (اسال مجرب ولا تسأل طبيب)

وادى النهاية (مش عارف اكل - اتكهربت - الفيشة انفجرت فى وشى - بوظتلى الحيطة والباقى لسة مش عارف اية اخباروا

كان معكم

قاهرى ......... بعد الانفجار :unsure:

[nash]

درجه السيكل....علشان أكون أمينه معاك أنا بالأصل أدبي....بس المعلومه سمعتها لما كنت بشتري الميكروويف...

أظن سيكل الكهربا بالإمارات ...50 السعوديه 60...أو العكس...مش فاكرة...مين درجته كام...فياريت حد من بتوع علمي ياكد المعلومه...ورجاءا يا قاهري...المشترك يكون قوي جدا ومن احسن الأنواع ...هذه الأمور ليس فيها مكان للحظ أو للتساهيل...وربنا معاك وتعدي علي خير

[vipwithyou]

مظبوط كلامك يا اخت ناش لأن الامارات زى مصر فى التردد تقريبا ً

لكن يا أستاذ قاهرى انا لسة شايف مشاركتك النهاردة والله وأخويا أسد قام بالواجب وأنا ماكنتش هأعمل أكتر منه ابدا ً

وبعدين الحمد لله ياراجل على كدة

بس سؤال هو الأكل كله باظ ؟؟ ماهو اللى ماباظش أكيد الجيران استلموة

المهم

بخصوص كلام الاخت ناش اكيد الثلاجات اللى عندك بتشتغل على تردد الامارات فدى عادى والحمد لله

لكن الفيشة اللى عندك هى المشكلة

والحل

اما شراء فيشة تتحمل أكثر من 3 امبير مثلا ودة صعب توافرة والفيشة لوحدها ممكن توصل 30 ريال

والحل التانى والأسهل هو شراء توصيلة مشترك من نوع جيد وذات سلك طويل وفى نهايتها ضع الفيشتين بتوع الثلاجات بس متجيش تضرب بعد كدة انا ما قلتش حاجة ومش مسئول عن اى اكل يبوظ

فى توصيلات مشترك سعودية سمك السلك المستخدم بها 2.5 ملى بالتالى تتحمل اى ضغط عليها

ويارب اكون قدمت اى افادة

اجرى انا بقى قبل ما تحط الفيش

سلالالالالام

[nash]

يوة...والله أنا لسه واخده بالي....هوة أنت يا قاهري حصل عندك إنفجار؟؟

بجد ؟؟؟

الحمدلله علي السلامه وتيجي في الحديد..

[Scorpion]

يا استاذ قاهري انت عايز تدبسها في أسد ليه ... حضرتك قولت اسأل مجرب ..و الراجل ما جصر حكالك عن تجربته ...

لو عايز تجربتي مش حقدر احكيهالك .. لأن ايامها التلاجة كانت بتشتغل طول ما نور المطبخ مولع ...

و اول ما اطفي النور التلاجة تفصل ...

تحب اقوللك عنها .. و الا كفاية حيطة واحدة محروقة ....

و بعدين ما احنا عندنا Ghost ما شاء الله مورد الكهربا الأستاتيكية في المحاورات ... خليه يأجرلك شبشب من بتوعه اهم بينتجوا كهربا نضيفة و غير ملوثة و ببلاش ...

و ربنا يستر ......

[م.سامح المصرى]

يا سلام عليك يا استاذ اسد

تعرف قالك على حل الى فى صنايع نفسها ودارس كهربا ما افادكش بية

يا خسارة تلت سنين كهربا لغاية ما نشفت

اهم حاجة بس .... كنتوا عاملين اكل اية ...

[قاهرى]

الاخت ناش ........... شكرا على ردك الجميل

الحمد الله الموضوع عدا على خير ....

(درجة السيكل) امممممممممممم كدة انا فهمت وهى ان المقصود بيها قدرة الوصلات وتحملها بتاعة الثلاجة

تقريبا ... وعلى فكرة ملهاش علاقة بالعلمى ولا ادبى .. منا كونت علمى ايام الثانوى والانفجار الى حصل عندى اثبت ليا فعلاااااااا انى كونت علمى

vipwithyou باشاااااااااااا

هى دى هتكون فعلا المحاولة الجاية انى هجيب مشترك من ابو 60 درهم فى كارفور (عرفوا) وهشغل الثلاجتين مرة تانية وربنا يسطر

فعلا ونعم الاخوة .... بتجرى وتبعنى طيب تعالى اقف جنبى حتى تبقى فرقعت فى وشنا سوى

Scorpion باشاااااا ونبىىىى كفاية حيطة وحدة محروقة .... انت بتتكلم على شفاط مش ثلاجة اساسا

بشمهندس سامح ...... اطمن الاكل الحمد الله نجى من الانفجار باعجوبة ووديتو عند الجران (مهو الجيران لبعضيها) بس ربنا يسطر اصل ابن الجيران انت متعرفوش (بجه) يلا بالهنا

شكرا ليكم كلكم وانشاء الله بعد لما اشترى المشترك واوصل الثلاجتين واجيب اكلى يكون بينا لقاء تانى

قاهــــــــــــــــــــــــــــــــرى

[قاهرى]

ماشى يا اسد عملت عملتك وهربت ............................

ربنا يسطر المرة الجية هنشوف وجة نظر الاخ تامر ..... ونعم الاخوة

[أسد]

ماشى يا اسد عملت عملتك وهربت ............................

:blink: wst::

mf( mf( mf(

ما أنا في البداية خالص قلت لك ما بافهمش في الكهرباء ...

استسلم وروح جيب كهربائي من على أول الشارع

[م.سامح المصرى]

بشمهندس سامح ...... اطمن الاكل الحمد الله نجى من الانفجار باعجوبة ووديتو عند الجران (مهو الجيران لبعضيها) بس ربنا يسطر اصل ابن الجيران انت متعرفوش (بجه) يلا بالهنا

قاهــــــــــــــــــــــــــــــــرى

طب ودا كلام يعنى ...

يعنى الجيران هايعملوا اية بالاكل اكتر من الى هانعملة احنا

دا احنا يا اخى عيلة واحدة دى تيجي .... روح يا راجل هات الاكل من عندهم بدل ما ياكلوة وهاتو نشيلهولك احنا في الحفظ والصون طبعاً

وما تنساش البيبسى ..... على فكرة انا سولى بتاع الاهلى علشان ما يخلطش بيك الامر

[قاهرى]

سولو الفنان ازيك يا باشااااااااااااااااا اية اخبارك

يا جميل تعالى انت بس اتفضل وانا اجبلك اكل الجران نفسهم

على فكرة انا الكهربائى عندى دلوقتى وانا ببعتلك المسدج بس لسة شغال لما يخلص هبقى اقولك على اخر التطورات :lol:

فين الابداعات الجديدة يا باشااااااااا

عيزين حجات جديدة وعلى فكرة انا زعلان منك ...... فضلت تقولى هبعتلك نتيجة بتاعة 2008 الى هى بتاعة الاصباع الى انت صممتها .. و 2008 قرب يخلص ولا وصلنى حاجة منك

ماشى يا عم

هعديها المرة دى :lol:

قاهـــــــــــــــــــــــــــرى

[Alshiekh]

ليا سوال للسادة الاعضاء اصحاب المعلومات بالكهرباء او للسادة مهندسى الكهربة

هل لو تم وضع فيشة لثلاجتين فى كوبس واحد يعمل قفلة ؟

مع العلم ان الكهربة مش فى مصر .. البلد (الامارات)

مفيش مكان تانى للثلاجة الثانية غير جنب الثلاجة الاولى بس مش عارف خايف احطها فى نفس الكوبس عن طريق مشترك ...

ارجو الافادة لحسن ابوظ الدنيا

فى انتظار الردود

شوف يا أخى الفاضل ، مش حاتعمل قفلة ، لكن ممكن تعمل تحميل زائد ، يجعل مفاتيح علبة التحكم او الفيوزات تفصل.

لحظة بدأ تشغيل الثلاجة ( موتور الثلاجة ) بتحتاج تيار عالى لبدأ التشغيل ، وهو مايساوى تقريبا اربعة الى خمسة اضعاف تيار التشغيل العادى ، فيفضل فى حالة استخدام ثلاجتين ، او ثلاجة وغسالة او مجفف او ميكرو ويف ، ان يوصل كل على حدة ، لان ممكن الاسلاك تكون كويسة وتتحمل ، ولكن لوكانت البرايز ذات تيار ضعيف فسوف تسخن وقد يحدث انصهار لموصلاتها.

وعموما اكد مع فنى الكهرباء ان يتأكد من ثخانة الاسلاك الموصلة لمكان الثلاجة ، وكذلك البرايز هل تتحمل احمال حتى 20 أمبير أم لا ، من المعروف ان المليميتر الواحد من الاسلاك يتحمل فى حدود 5 امبير مع فرق جهد 220 فولت ، ولذلك ينصح ان تخصص بريزة للثلاجة ، وبريزة للسخان وبريزة للمجفف ، واخرى للغسالة.

تحياتى