إمتحان لغة إنجليزية

[se_ Elsyed]

طبعاً كل واحد هايسمع إسم غمتحان بطنه هاتكركب ويفتكر حلته وهو في الثانوية عامة لما فكر يشرب صبغة يود عشان ينتحر في الثانوية العامة

الإمتحان أهو ... وهالم الورق يوم السبت ..

وممنوع دخول الناس اللي عايشه بره ولغتهم الام هي الإنجليزي ... مش عايزين تنطيط ...

وهاسيب كل واحد لضميره وكل واحد يسجل هو جاب كام ... واللي هايضحك عليه أو يبرشم أو يغش من كتف اللي جنبه هادعي عليه . وإنتو عارفين دعوة الام

يالله سموا وإبدأوا ....

داعيالكم يا عيالي يا ولاد باطني

ربنا ينجحلوكو المقاصد

ويخبز لكو العيش

ويجعل الناشفة في إيدكم طريه

واليابسة في إيدكو خضرا

ما تنسوش ساندوتشات الجبنة بالقوطة تاكلوها قبل ما تدخلو اللجنة عشان تصلبو طولكو

عييييييييييشو

إنجليش فور يو من بتاع كمبريدج الإصلي

[Handasah]

بالصلى على النبى ولا دجل ولا شعوذة وسع ياعم حمار وحلاوة يابطيخ

احنا جبنا 32 من 68 بالعافية وطلوع الروح ياعنى بالصلاتو على النبى مستوانا ميؤهلناش للهجرة لكوم امبو مش لكندا تسلم ياعم سين سين على الهدية الجميلة دى وعقبال اللغات السامية والغير سامية

[deemuck]

ما تنسوش ساندوتشات الجبنة بالقوطة تاكلوها قبل ما تدخلو اللجنة عشان تصلبو طولكو

عييييييييييشو

إنجليش فور يو من بتاع كمبريدج الإصلي

وكمان كباية شاي تقيل وبعد الغدى ، اصل انا عمال اخش اختبارات من سنة لحد ما تنفخت

جبت 52 من 68

يا عم سي السيد طب ماتقول جبت كام يعني مش هنحسدك لوجبت فول مارك ، ولو جبت اقل من 10 عادي قول ومتكسفش محدش هياخد باله

تم تعديل 21 فبراير 2008 بواسطة deemuck

[~Heba~]

محدش يعرف يجيبلى امتحانات التويفل او اى حاجة تخصها انا همتحنها بعد حوالى شهر و شكرا مقدمااااااااااااا

[kokomen]

 والله  يا  سي  السيد  

     أنا  أول واحد طبقت إمتحانك ... بس خفت أكتب النتيجة لأنها كانت مخيبة للأمال

 يعني حصلت على  28  درجة من  68 درجة .. يعني مشكلة كبيرة في اللغة

الإنجليزية .... مع العلم أنني درست الفرنسية كلغة أولي منذ حوالى 20 سنة

الظاهر فقدنا صلاحية القواعد الإنجليزية ... ويجعله عامر :lol: :lol:

  كده أنت كشفت المستور  يا راجل

[nash]

معلش يا جماعه كل واحد يجيب النتيجه موثقه ومختومه من الموقع...

عن إذنكم أنده علي جارتي تحله وأجيبلكم شهادتي

[nash]

64 correct answers out of 68

Your level is:

6. UPPER-INTERMEDIATE/FIRST CERTIFICATE

ولولولولولولولولولولولولولوييييييي

[se_ Elsyed]

محدش يعرف يجيبلى امتحانات التويفل او اى حاجة تخصها انا همتحنها بعد حوالى شهر و شكرا مقدمااااااااااااا

يا باشمهندسة هبه

زي ما حلينا لك مشكلة العيش والطوابير

فشبيكي لوبيكي 150 امتحان تويفل في برنامج اي اكس اي بين ايديكي

وكمان كتاب نضيف للمساعدة في حل الامتحان

انتو ولادنا يا هبه والاب مهما قسي على ولاده لكن يظل في النهاية يتمنى انهم يبقوا احسن منه والابتدائية اللي اتحرمت منها ايام الملك فارورق اتمنى اعوضها فيكو

بس اديني فرصة لحد يوم السبت يكون النت اسرع وارفع لك الحركات دي

بون فوياج .... يعني تصبحي على خير بالانجليزي

[se_ Elsyed]

64 correct answers out of 68

Your level is:

6. UPPER-INTERMEDIATE/FIRST CERTIFICATE

ولولولولولولولولولولولولولوييييييي

مش عايزين لعب في العدادات يا ام ياسر

اعملي كوبي من النتيجة وانشريها على الملاء

ده انا عامل بورم وعفريت اسفلت في الانجليزي واتكسعمت وجبت 49 انتي بتضحكي عليه وبتقشي بالشايب

[nash]

:blink:

:blink:

:lol:

:lol:

:lol:

[om marawan]

الف شكر على الموقع بجد عجبنى جدا جدا

و الامتحان حلو اوى وفيه حاجات كتيييييير

الغريبة ان جبت نفس نتيجة deemuck

برضه 52 من 68

بس انا لسه بابتدى مراجعة انجليزى يعنى

يعنى هاذاكر شوية وارجع امتحن تانى :lol:

بالمناسبة ياباشمهندسة انا عندى مواقع للتدريب على امتحان ال IELTS

وده زى امتحان التويفل يعنى اعتقد انه نفس نظامه

http://www.ielts-blog.com/index.php/home

/http://www.docnmail.com/tests/language/ielts.htm

انا الصراحة لسه بابتدى فمادورتش كتير بس هيحتاجوا يتفصصوا كويس :lol:

لأن زى ماحضرتك عارفة الامتحان مش موضوع لغة قد ماموضوع تدريب كمان على اسلوب الامتحان

اما بالنسبة للبحث عن تدريب التويفل فممكن عن طريق الجوجل تطلبى حضرتك

free materials for Toefl exam

اعتقد ممكن تلاقى وبالتوفيق ان شاء الله

[أسد]

52

ينفع ..

بس الواد أدهم غششني آخر 8 أسئلة ...

هو دخل علي وانا باحل الامتحان .. واتبرع .... وقعد يحل هو معايا ..

على فكرة أدهم في Grade 1

بس الامتحان مش سهل

[badroora]

ناش والنبي والنبي شيلي ايدك من عالورقة بس اشوف رقم 69 A,B,C,F بليز يا نانوشة النبي

على فكرة اسكورى

:sad:

:sad:

:sad:

:sad:

:happy:

:sad:

45 :sad:

بس انا مسكتش طلبت لجنه خاصة لاعادة تصحيح ورئتى

انا واثقة انى حليت صح وشكل الورقة اتبدلت :sad: :)

[Lembic]

أنا جبت 61 من 68 بس ده معناه أى مستوى؟

LEVEL TEST

61 correct answers out of 68

Your level is:

7. EXPERT

تم تعديل 23 فبراير 2008 بواسطة Lembic

[nash]

هاموت وأعرف غلطت في أيه...ده تقريبا سيلفيا ( الجارة الأمريكيه ) الله يكرمها اللي حلت الإمتحان :happy:

علي كده أحنا عباقرة ...الإمتحان أغلبه قواعد وخصوصا المبني للمجهول والمباشر والغير مباشر.... :)

يا نهاري يا بدريه أنا قولت زيك كده الظاهر بدلوا الورق بتاعنا :sad: ....دول ولا لجان إمتحانات مصر بيضحكوا علينا....

بس أحنا ولا يهمنا هانرجع نعمل تحسين مجموع ...

[badroora]

فى حاجة غريبة شككتى فى نزاهة اللجنة لحد امس كانت نتيجة الطالبة ناش

64 correct answers out of 68

Your level is:

6. CAMBRIDGE FIRST CERTIFICATE .

انا واثقة ومتأكدة من اللى بقولة لانى امبارح طول اليوم كنت بحاول انى اوصل لليفل دا وكانت الاسئلة صعب جدا !

والاغرب ان الكلام اتغير بدون كلمة تم تحرير المشاركة بواسطة فولان

يبقي اذن يا جماعة فى يد خافية بتغير كلمنا ودا شيء مرفوض ويعطى احساس بعدم الثقة والامان .!!!!!

ناش الموضوع بعيد عنك تماما تجنبا للايثارة !!

لانى فاهمة كويس لو كنتى اخطاتى وصلحتيها كانت هتبقي مكتوب تم تحرير المشاركة بواسطة ناش .

وطالما مش موجودة يبقي فيه حاجة غلط .

بليز لا تتسرعى وتزعلى وتردى انا تانى باقرر لن اقصدك انتى ولا اى حد انا بس عاوزة تفسير !!! ان كلامنا يتبدل بدون مانعرف !!!

:sad: شام

64 correct answers out of 68

Your level is:

6. UPPER-INTERMEDIATE/FIRST CERTIFICATE

ولولولولولولولولولولولولولوييييييي

تم تعديل 23 فبراير 2008 بواسطة Badria Mekkawy

[nash]

بدريه...........ياااااااا بدريه.......يارب أموت مافهمت أنتي قصدك أيه.... :sad:

لأ أتاخري بأة أنا عايزة اعرف اصلا أنا نقصت في ايه وعلي استعداد أدفع ال150 جنيه بتوع إعاده التصحيح...

[Folana]

السلام عليكم ورحمة الله...

بدرية الغالية...انا عمالة اقرأ كلامك ومش فاهمة قصدك...

انت بتتكلمى على مداخلة ناش دى :

64 correct answers out of 68

Your level is:

6. UPPER-INTERMEDIATE/FIRST CERTIFICATE

ولولولولولولولولولولولولولوييييييي

طيب ماهى زى ماهى....

ياريت توضحى كلامك علشان لو فيه حاجة نقدر نحلها...

انتظرينى النهاردة..ضرورى..ضرورى...ضرورى... :sad:

[badroora]

بدريه...........ياااااااا بدريه.......يارب أموت مافهمت أنتي قصدك أيه.... :happy:

لا حبيبتيى بعيد الشر عليكي ربنا يديكى طولة العمر يا رب .

تانى مشاركة لكى اللى كتبتي فيها نتيجتك كان الكلام غير اللى موجود حاليا اولا كنتى كمبريدج شهادة اولى بقيتى فوق المتوسط .

مع ان مش فاهمة ازاى عندك 4 سؤالات بس خطأ ويبقي دا المستوى فى حاجة غلط .

اشتكى الجامعة يا ناش :sad:

تم تعديل 23 فبراير 2008 بواسطة Badria Mekkawy

[se_ Elsyed]

معليش يا اخواننا .. بدريه متأثرة من نتيجة إمتحان الثانوية العامية

أنا برضوا ما فهمتش حاجه !!!!!!!!!!!!!!!!!!!

مداخلة ناش زي ما هي ...

وأنا اتهمتها إنها بتلعب في العدادات عشان جابت اكتر مني مع إني انا مغششها في اللجنة وهي لحد أخر يوم كانت عمالة تعيط وتقول ما ذكرتش الفيزيا كويس ما ذكرتش الفيزيا كويس .. واتاريها مرقدة لنا وجابت اكتر مني ..

بالمناسبة بقى

ده كان طبع البنات معانا في الجامعة

تفضل طول لاسنة تشتكي من كتر شغل البيت اللي على دماغها والغسيل والطبيخ والخبيز والعجين وتحسسك إنها سندريلا ورات ابوها مسخراها في البيت ..

ونيجي يوم النتيجة نلاقيها شايطانا كلنا وجايبه تقدير عالي عالي