اخر اخبار الشاب المصري الذي سقط من طائره فرنسيه

[Ghost]

من فتره ليست بالقصيرة سمعنا عن ذلك الشاب المصري الذي اخترع اول طريقة للهرب و الخروح من مصر

في الحقيقة اني لم اصدق الخبر عند قرائته و لكن الخبر صحيح و ان يدل فانه يدل على ما وصل له الشباب من احباط و انهزاميه و بؤس من الحالة المزريه التي تعيشها البلد

و الله الواحد حزين جدا لهذا الحال الذي وصلنا له

و الشباب ربنا يكون في عونهم

و ربنا يحنن قلوب الجبابره شويه على الناس لاحسن كده احنا فعلا شكلنا مش تمام قدام العالم

انا عرفت اخيرا ان المصرين اتحطوا على اللسته السوداء في اوربا بعد ما تطور الامر لتهريب الشباب عبر الصين الى فرنسا

و ديه اخر البدع بتاعة عصابات التهريب , لكن السفاره الفرنسيه في بكين رفضت كل تاشيرات الترنزيت للمصرين و اعطت خبرا للخارجيه المصريه

انا هنا اسأل , يعني الواحد بجد لو عاوز فيزا ترانزيت او فيزا بشكل اخر يعمل ايه

خصوصا لو واحد كبير ظرروفه اضطرته لهذا

نشر هذا الخبر في الاهرام و يبدو ان الشاب فعلا ركب من مطار القاهره خلافا لما اراد السفير المصري بفرنسا البعد عن الاعتراف به

44272 ‏السنة 132-العدد 2008 فبراير 22 ‏15 من صفر 1429 هـ الجمعة

الخارجية تتسلم صورة من تحقيقات

سقوط شاب مصري من طائرة فرنسية

كتب ـ محمود النوبي‏:‏

تسلمت وزارة الخارجية صورة من جميع التحقيقات التي أجرتها السلطات الفرنسية حول حادث وفاة الشاب المصري أحمد عبدالرسول إثر افتراض سقوطه من طائرة ايرفرانس خلال رحلتها القادمة من القاهرة‏,‏ اضافة إلي تقرير الطب الشرعي‏.‏ وقال السفير أحمد القويسني مساعد الوزير للشئون القنصلية والمصريين في الخارج إن التنسيق يجري حاليا مع الجهات المصرية للاطلاع علي هذه التحقيقات وبحثها للوقوف علي حقيقة وملابسات الحادث‏.‏وأوضح ان نتائج التحقيقات خلصت إلي ان سبب الوفاة هو السقوط من الطائرة بناء علي تطابق وقت مرورها علي موقع الحادث مع وقت وقوعه‏,‏ وكذلك مع جميع القرائن وأقوال الشهود التي ترجح سقوط المتوفي من الطائرة استنادا إلي تقرير الطب الشرعي الذي أرجع سبب الوفاة الي السقوط من ارتفاع كبير‏.‏ وأكد ان المتوفي كان علي قيد الحياة قبل سقوطه وارتطامه بالأرض‏,‏ وأنه كان خاليا من الأمراض‏.‏

و لا تعليق

[فــيــروز]

إزّاى يعنى يقع شخص من الطائره !! هل هذا احتمال وارد أصلا !!

[Scorpion]

عارفة يا فيروز اللي بيركبوا القطر تسطيح عشان ما يدفعوش التذكرة ... اللي انا فهمته ان هذا التعس عمل الموضوع بالعكس عالطيارة عشان التذكرة و الفيزا .... اعتقد لو كان كده فعلآ فحيكون مات متجمد قبل حتي ما يقع من الطيارة :lol:

[فــيــروز]

ماهى دى الفكره فعلا لهذا لم أفترض موضوع التسطيح ده !!

الموت ماكانش هيستنّى لحد ما يقع من ارتفاع كبير كما يشير الخبر ..

[Ghost]

انا اقولك الواد استخبى فين

على كلام زي ما سمعت من عمرو اديب في القاهرة اليوم ان الشاب استخبى في المكان الذي يدخل فيه عجل الطائره و يبده انه ظل متماسكا حتى قرب مطار شال ديجول و عندما قامت الطائرة بفتح العجل للهبوط

هنالك شاهد الناس شيئا يقع من السماء و اقتربوا ليجدوا جثه الشاب و قد تحطمت تماما بفعل الارتفاع الرهيب

و علشان تبقى الحكايه كامله الباشا كان معاه الباسبور و اتعرف انه مصري

[badroora]

ازاى ظل الشاب متماسك لحد مالطيارة وصلت فرنسا ووقع منها حى على السطوح وبعد كدا مات من الخبطة ؟!!!!

اساسا الضغط الجوى بيقل كل متكون الطيارة (higher in altitude) ومعنى ان الضغط الجوى قل يبقي استاحلة حد هيقدر يتنفس

شوف بقي الطيارة بتبقي فوق الكام الف altitude

الحاجة التانية هى ان كل مادرجة الحرارة تنخفض كل مالاكسجين بيقل واعضاء الجسم تفقد قدرتها على الحركة وفى حالات وفاة كتير بتحدث بسس البرودة الشديدة سواء فى الجو او الغرق ......

وطبعا كلنا او معظمنا وهو فى الطيارة بيتابع ويشوف ان درجة الحرارة خارج الطائرة - 80 او اكثر او اقل على حسب حالة الطقش وقتها .

والانسان ممكن يتوفي نتيجة انخفاض درجة حرارة الجسم عن معدل 25 درجة مئوية يبقى ازاى هو قدر يتماسك لفرنسا وهو اساسا مش بارادتة انه يحتفظ بدرجة حرارة جسمة.

اذا كان احنا اساسا فى الطيارة الى (pressurized) لتكون قريبة من المعدل الطبيعي وبردوا مع الاقلاع والهبوط بنشعر به .

ثم كل دا مش مهم

المهم هنا

كيف انه دخل من المطار نفسه وانا لسة راجعة امبارح وشايفة اللى بيعملوه فى الناس قبل الدخول للطيارة يعنى كل ماتمشي خطوة تلاقي تفتيش واسكانر وشغلانه

حتى امبارح استغربت من اللى بيعملوه فى اخر مرحلة قبل دخول الطيارة

واحدة عدى الجهاز ادى alarm رجع قلع الجاكت وعدى ادى نفس الالارم رجع تانى قلع الحزام وعدى الجهاز ادى الارم وراح مرجعينوه تانى وعلى جنب قدام الناس وتفتيش فكرنى بفيلم اصحاب ولا بيزنيس وهما داخلين اسرائيل العسكرى بيفتش مش كانه مع مواطنين محرتمين لاء كأن الناس متهمين .

يبقي ازاى دا بقي عدى من كل دول .

بجد والله لو دا بقي حال الشباب يبقي حاجة تحزن والله ينتقم من اللى كان السبب .

تم تعديل 27 فبراير 2008 بواسطة Badria Mekkawy

[ابو محمود]

أجمعت الأراء الى أستحالة دخول الشاب الى عجل الطائرة لأن ذلك مستبعدولاكن هل نصدق ان يكون فى تلك الطائرة ولما لم تكن جريمة خطف فى مصر من الموساد اومن اى جهة مخابراتية أخرى او يكن تم ذلك بسبب أخر او بطائرة أخرى لماذا نصدق الأعلام الغربى مع ان الموضوع يدل على السذاجة المفرطة

وهل كل ما يرددة الغرب من حوادث صحيح وهل فرنسا بعيدة عن أجهزةمخابرات من يعادون مصر ؟؟ مجرد فكرة

[Ghost]

أجمعت الأراء الى أستحالة دخول الشاب الى عجل الطائرة لأن ذلك مستبعدولاكن هل نصدق ان يكون فى تلك الطائرة ولما لم تكن جريمة خطف فى مصر من الموساد اومن اى جهة مخابراتية أخرى او يكن تم ذلك بسبب أخر او بطائرة أخرى لماذا نصدق الأعلام الغربى مع ان الموضوع يدل على السذاجة المفرطة

وهل كل ما يرددة الغرب من حوادث صحيح وهل فرنسا بعيدة عن أجهزةمخابرات من يعادون مصر ؟؟ مجرد فكرة

الشاب ده مش معروف لاي حد غير اسمه و بس

و اسمه لا يوجد له صله بمخابرات و لا غيره

المشكله انه العقل مش يصدق ازاي يركب الطائرة بهذه الطريقه

طب ازاي وقع من السماء و الناس شايفه ده

و الجثه و البحث اللي اتعمل عليها و كلام السفير المصري و الاعلام

كل ده يعطي مؤشرا ان الشاب فعلا كان على الطائرة ..........ازاي معرفششششش

[badroora]

موساااااااااااد بس ايه يا استاذ محمود ؟!!!!

فكرتى بفيلم شرط وفلينه وكاب لما بنت الوزير هربت مع السقا

والجرايد عاشت حياتها اشي تنظيم قاعدة على مافية على موساد .

طيب هو مصري يبقي ايه مصلحة المواساد فى قتله ؟

او جايز كان فى الطيارة اسرائيلي قلبه اسود هو اللى زقوه من الطيار وقعوا :rolleyes:

[ابو محمود]

اعزائى ؟ليس من المستغرب وصول الشاب الى الطائرة وهذا كما عللت الست بدرية هانم

لأن التفتيش حاد ومنظم ؟؟؟؟

وكثير من العمليات المخابراتية والتخفى وخلط أوراق لعبةكهذة فى عمل المخابرات ان تدفع حدث يؤثر على منطقيةحدث أخر وهنا أنا أرمى الى ان من الغريب وجود باسبورت يثبت انةمصرى والغريب ان هناك شهود رأو الشاب يقذف من الطائرة اليس هناك طوافات اوطائرات أخرى وللعلم قائد الطائرة يجهز العجلات عند الأقتراب من المطار وليس قبل ولكن أ ليس من الغير طبيعى رواية البوليس الفرنسى واستعلامات السفارة

ان التعامل مع اجهزة مخابرات ليس بألامر المستبعدلأنةمن الممكن ان يتم أخذ شخص ليس بعميل لتضليل الأخر وتغيير مسار عملية ما فلا يوجد تفسير على صحة انأنسان يستطيع ان يتحمل ضغطودرجة برودةوأرتفاع كما كتب فلنفكر فى شيء أخر غير الطائرةحتى وأن لم يكن ما رميت انا الية من أفكار

[Ghost]

اعزائى ؟ليس من المستغرب وصول الشاب الى الطائرة وهذا كما عللت الست بدرية هانم

لأن التفتيش حاد ومنظم ؟؟؟؟

وكثير من العمليات المخابراتية والتخفى وخلط أوراق لعبةكهذة فى عمل المخابرات ان تدفع حدث يؤثر على منطقيةحدث أخر وهنا أنا أرمى الى ان من الغريب وجود باسبورت يثبت انةمصرى والغريب ان هناك شهود رأو الشاب يقذف من الطائرة اليس هناك طوافات اوطائرات أخرى وللعلم قائد الطائرة يجهز العجلات عند الأقتراب من المطار وليس قبل ولكن أ ليس من الغير طبيعى رواية البوليس الفرنسى واستعلامات السفارة

ان التعامل مع اجهزة مخابرات ليس بألامر المستبعدلأنةمن الممكن ان يتم أخذ شخص ليس بعميل لتضليل الأخر وتغيير مسار عملية ما فلا يوجد تفسير على صحة انأنسان يستطيع ان يتحمل ضغطودرجة برودةوأرتفاع كما كتب فلنفكر فى شيء أخر غير الطائرةحتى وأن لم يكن ما رميت انا الية من أفكار

يا ريت يكون الرد على الاخت بدريه باسلوب احسن من كده و الابتعاد عن السخريه

لان ببساطة موضوع العمل المخابرتي هنا ليس وارد و لم تردده اي وسيله اعلام و هي رأي الكثيرين لمن يقرأ هذ الكلام

شكرا لحسن تفهمك

[ابو محمود]

أخى الفاضل Gohst تحية طيبة

كلمة هانم لا تعنى السخرية بالمرة بالعكس فأن الكلمة تعنى رفع القدر وعظمة شأن من توصف بها

ان الأخت بدرية أكن لها أحترام كبير كما أكن لكل المحاورين وأن كنت أختلف معهم لقدر اللة

ولكن سيدى الفاضل انا أعلم تمامآ تفهم الأخت بدرية لما أصفها بة فهى هانم فعلآ لأنها أهل لذلك أما بخصوص الموضوع الذى نتحاور بسببة ..........

هذة فكرتى وليست حكرآ على أحد أنا أجد اننا نحمل أحيانآ الدولة أشياء تتركنا نحملها لها لأنها تريد ان تأخذنا الى ذلك ولكن هل تصدق ان هناك انسان يقدر ان يتحمل درجات حرارة منخفضة وقلة أوكسيجين بهذا الحد ؟

وهل علمت حضرتكم ان لا يوجد فى العمل السرى (المخابراتى ) اى شيء محال وأن كل شيء يكون مباح حتى خطف بعض الشباب وعمل ركلام للحصول على تغطية لعملية قذرة أو تفويت عملية مضادة ؟؟

هكذا تعلمت ان أحكم على أمور مثل مقتل سعاد حسنى وأشرف مروان وبعض الحوادث الغير مفهومة وما كتبت أسم سعاد حسنى أو أشرف مروان الأ لأثبات فكرتى وشكرآ لحسن تفهمكم ووعيكم

[ابو محمود]

أسف أخى Ghost لكتابة اسمكم خطأ

[se_ Elsyed]

لا مخابرات ولا خط بارليف

الطريقة دي منتشرة في دول أفريقيا المتخلفة وكتير بتحصل عشان يهربوا أوروبا وكلهم بيموتوا طبعاً للأسباب التي ذكرها الزملاء

لكن الله يرحمه بقى إذا كان عمل كده ... يبقى لا مؤخذه ما فيش فرق بينه وبين اللي بيعمل نفسه جنس ثالث عشان يهرب إلى الخارج

خايف احسن حد يطلع ويقول شهيداً شهداً شهيداً

دي عيال ما تربتش أساساً

[Ghost]

أخى الفاضل Gohst تحية طيبة

كلمة هانم لا تعنى السخرية بالمرة بالعكس فأن الكلمة تعنى رفع القدر وعظمة شأن من توصف بها

ان الأخت بدرية أكن لها أحترام كبير كما أكن لكل المحاورين وأن كنت أختلف معهم لقدر اللة

ولكن سيدى الفاضل انا أعلم تمامآ تفهم الأخت بدرية لما أصفها بة فهى هانم فعلآ لأنها أهل لذلك أما بخصوص الموضوع الذى نتحاور بسببة ..........

هذة فكرتى وليست حكرآ على أحد أنا أجد اننا نحمل أحيانآ الدولة أشياء تتركنا نحملها لها لأنها تريد ان تأخذنا الى ذلك ولكن هل تصدق ان هناك انسان يقدر ان يتحمل درجات حرارة منخفضة وقلة أوكسيجين بهذا الحد ؟

وهل علمت حضرتكم ان لا يوجد فى العمل السرى (المخابراتى ) اى شيء محال وأن كل شيء يكون مباح حتى خطف بعض الشباب وعمل ركلام للحصول على تغطية لعملية قذرة أو تفويت عملية مضادة ؟؟

هكذا تعلمت ان أحكم على أمور مثل مقتل سعاد حسنى وأشرف مروان وبعض الحوادث الغير مفهومة وما كتبت أسم سعاد حسنى أو أشرف مروان الأ لأثبات فكرتى وشكرآ لحسن تفهمكم ووعيكم

شكر ا اخي الكريم انا يمكن فهمت خطا ما تقصده

تقبل اسفي

أسف أخى Ghost لكتابة اسمكم خطأ

و لا يهمك يا ريس بتحصل في احسن العائلات

تم تعديل 1 مارس 2008 بواسطة Ghost

[عصام]

دي عيال ما تربتش أساساً

طب ما يمكن عيال يائسة ..

أو عيال جعانة ..

أو عيال زهقانة من البلد واللى فيها ..

أو يمكن عيال بتحلم تتعامل زى البنى آدمين لما تروح المرور أو السجل المدنى ..

أو يمكن عيال ما تقدرش تشترى العيش ابو ربع جنيه .. ولا حتى ابو شلن ..

أو يمكن عيال مريضة وخايفة تروح مستشفى .. لا يسرقوا عينيهم بعد ما يموتوا ..

بالمناسبة .. لو حد يعرف عجلة فاضية .. أو مكان ف مركب من اللى بيغرقوا عند إيطاليا .. يبلغنى

[ابو محمود]

ممكن ارد بس مش بأنا

يا عم قول كلام منطقى

تخبط صباع رجلك ..

ف رجل الترابيزة

وتبكى وتشتكى ..

وتحط مراهم

يفش الورم ..

ويروح شوية الألم

وترجع تتخبط

وترجع تبكى تانى وتشتكى ..

ياعم شوف قلبك ولا ده مش بتاعك

يا عم شوفلك حل

يا تبيع الترابيزة ..

يا تقطع صباعك ..

للشاعر على سلامة

[لؤلؤة]

يا جماعة محدش عرف أزاي وقع من الطيارة ؟

[سيف الدين جلال]

لا مخابرات ولا خط بارليف

الطريقة دي منتشرة في دول أفريقيا المتخلفة وكتير بتحصل عشان يهربوا أوروبا وكلهم بيموتوا طبعاً للأسباب التي ذكرها الزملاء

لكن الله يرحمه بقى إذا كان عمل كده ... يبقى لا مؤخذه ما فيش فرق بينه وبين اللي بيعمل نفسه جنس ثالث عشان يهرب إلى الخارج

خايف احسن حد يطلع ويقول شهيداً شهداً شهيداً

دي عيال ما تربتش أساساً

شهيد مش شهيد ....هو بين يدى الله ..والمفروض نترحم عليه ..ونسال المولى ان يرحمه...ويلهم اهله الصبر

.....

[amani]

لا مخابرات ولا خط بارليف

الطريقة دي منتشرة في دول أفريقيا المتخلفة وكتير بتحصل عشان يهربوا أوروبا وكلهم بيموتوا طبعاً للأسباب التي ذكرها الزملاء

لكن الله يرحمه بقى إذا كان عمل كده ... يبقى لا مؤخذه ما فيش فرق بينه وبين اللي بيعمل نفسه جنس ثالث عشان يهرب إلى الخارج

خايف احسن حد يطلع ويقول شهيداً شهداً شهيداً

دي عيال ما تربتش أساساً

معليش يعنى ايه علاقة اللى عمله الولد بالجنس التالت زى ما حضرتك بتقول

الشىء الاكيد : انه مش عايز يموت نفسه_ الاكيد وبس انه عايز ينفد بجلده من البلد واللى بيحصل فيها

طبعا الطريقة غلط بس ما باليد حيلة هيعمل ايه

معلومة بس صغيرة

دى مش رغبة الشباب دول لوحدهم__ اللى عايش فى مصر هيفهم الكلام دة كويس

فياريت حكمنا على الموضوع يكون بنظرة موضوعية شوية

الشباب مش لاقى حاجة تفرح ولا حاجة تتعمل

مخنوقين من كل حاجة حواليهم من التعليم والعيش والعيشة واللى عايشينها

لا شغل بيشتغلوا ولا جواز نافع ولا حاجة خــــــــــــــــــــــــالص

الله يكون فى عون الشباب

ويصبر اهل المرحوم

مش نقول عيال ماتربتش