هيثم وتامر ووليد

[الطفشان]

لى سؤال بعد كل الردود دى فين الاستاذ حشيش :?:  :?:  :?:

بيشد نفسين و جاي

اهوه جه تاني

[الطفشان]

عارفين احسن حاجات في الموضوع دة ايه؟

كثير و الله

تعالوا نحلله:

- البداية كان هزار، قصة قصيرة جدا لكوميديان المنتدى حشيش (ثلاث سطور بالعدد، و لو شيلنا اليموشن يبقو بتاع واحد و نص!)

- الردود التي توالت من عدد كبير من الاعضاء، و ليس فقط اثنين او ثلاثة

- استقراء ما بين بين بين السطور في القصة الاصلية، و تحليل تحليل التحليل فيها

- خفة الدم و التلقائية الشديدة

عفارم علينا

[freefreer]

.. اما البانيو .. فهو السر الكبييييييير قوى .. اللى لسة بفكر فيه ..

عزيزي فري ...رمز البانيو واضح جداً :idea: :idea: ...لو كنت طفيت المونيتور بتاع الكمبيوتر عندك وولعته خمس مرات كنت ها تلاقي مكتوب على الشاشة ماذا يعني.... :idea: ....لأن القصة تندرج أيضاً تحت أدب الجاسوسية زي ما شفنا...البانيو هو رمز للخليج العربي بدون شك بدفيء مياهه وهدوئه وقد أجاد الكاتب الفذ حشيش محفوظ في ذلك جداً ونجح في تكامل البناء الدرامي وربطه ببقية الرموز الاخرى بالقصة.. :shock: .الأمر الذي صب في الأخر في مواسير صرف بمنطقة الخليج مقاس 45 بوصة حديد زهر وارد الهند :D :D .وشلولخ .. :D ..برافو حشيش... :D :D

الله ينور عليك .. انت كدة فهمتنى .. أنا بقى كنت محتار .. هل يمثل البانيو (حوض) البحر الأبيض المتوسط .. أم المحيط الذى يفصلنا عن أمريكا .. و الذى لابد ان يعبروه الأعداء للوصول الينا .. بس متهيألى انه يقصد المحيط .. لأنه لو كان يقد البحر الأبيض المتوسط .. كان خلاه مات فى الحوض .. نسبة و تناسب مع الحجم يعنى ..

عموما .. هى القصة متجددة العطاء .. و عايزة خلفية ثقافية جادة علشان الواحد يقدر يستوعب جميع تفاصيلها ..

انت حضرت الندوة الثقافية التى اقيمت فى القصر العينى .. اقصد قصر الثقافة فى بولاق الدكرور التى اقيمت حول القصة .. ؟؟ دى حتى اذيعت فى القناة الثقافية للايى ار تى .. و هالة سرحان صالت و جالت فيها .. انت عارفها غاوية هذا النوع من .... (الأدب) .. :D

[Seafood]

أنا طول عمري أقول إن إللي إخترع موضوع "القصة القصيرة" دي هما النقاد ... عشان ياكلوا على قفاها عيش ... تلاقي القصة سطرين ... و المقالات و الكتب إللي بتحلل السطرين دول مالهاش عدد .... و أهو رزق الهبل على المجانين ....

[Lancelot]

أنا طول عمري أقول إن إللي إخترع موضوع "القصة القصيرة" دي هما النقاد ... عشان ياكلوا على قفاها عيش ... تلاقي القصة سطرين ... و المقالات و الكتب إللي بتحلل السطرين دول مالهاش عدد ....

زملائي النقاد الأعزاء .... إسمحوا لي أن أرد علي السيد سي فوود ....

سي فوود ... ده فن ... فن راقي كمان ... و إحنا مش محتاجيين "نخترع" أي مواضيع ... ده فن له جمهور عريض جدا ... كفاية أن تعرف أن قصة حشيش ديه ... خلص منها أربع طبعات لحد دلوقتي ...في إسبوعين بس ... رغم إنها لسه لم تطبع ....

إحنا بنقوم بمجاراة الناس ... و نقدم لهم اللي هم عايزينه .... مش أكتر .....

و أهو رزق الهبل على المجانين ....

لكن أنا لا أسمح لك أبدا بنعت أي شخص من نقابة نقاد القصة القصيرة (ن.ن.ق.ق. – تحت التأسيس) :cool: :cool: :cool: ... لا أسمح لك أبدا أبدا بأن تطلق هذا الأسماء علي أيا من أعضاء النقابة ..... لوسمحت تراجع عن هذا الكلام فورا ... و إلا . :twisted: :twisted: :twisted: .. سلسلة مقالات نارية هتنزل في كل الجرايد تشرح للناس أضرار الأكلات البحرية .... :) :D :lol: :lol:

عارفين احسن حاجات في الموضوع دة ايه؟ 

كثير و الله 

تعالوا نحلله: 

- البداية كان هزار، قصة قصيرة جدا لكوميديان المنتدى حشيش (ثلاث سطور بالعدد، و لو شيلنا اليموشن يبقو بتاع واحد و نص!) 

- الردود التي توالت من عدد كبير من الاعضاء، و ليس فقط اثنين او ثلاثة 

- استقراء ما بين بين بين السطور في القصة الاصلية، و تحليل تحليل التحليل فيها 

- خفة الدم و التلقائية الشديدة 

عفارم علينا

الطفشان بيه ..... ده تحليل جديد و نظرة مختلفة للموضوع .... لأن ده تحليل للناس اللي بتحلل القصة .... و اللي أنا بأعمله دلوقتي هو تحليل لتحليل الناس اللي بتحلل القصة ..... طبعا أنا منتظر تحليلك لتحليلي للتحليل للناس اللي بتحلل القصة ...

أظن كده جبنا كل تصريفات verb حلل .....

[Salwa]

معالى حشيش باشا.

حقوق النشر محفوظه.......تبعنا.

وعندك صلاحيه.......22 سنه...،تانى،تانى،تانى.

علشان خاطر الابناء

والاحفاد كمان.

ياخدوا موعظه.

......سؤال....المرة دى بجد بجد بجد.

انت اكيد فيك ،فرع،اسكندرانى.

نحن فى انتظار //الانتاج//القادم.

استمر.

المستقبل لك يازعيم.

[ragab2]

قرأت

قصة مشابهة لها تماما لتشايكوفسكى

وأظن أنها مجرد توارد أفكار بين الأدباء الكبار

[Rabso]

قرأت

قصة مشابهة لها تماما لتشايكوفسكى

وأظن أنها مجرد توارد أفكار بين الأدباء الكبار

و هو تشايكوفسكى يقدر على الروائع دي يا دكتور :roll:

ده أنا من ساعة ما قريتها و أنا مش قادر أبطل بكاء من البصل اللي كان في السلطة و هم قاعدين ياكلوا :( .... في منتهى التأثر من توالي الأحداث الدرامية بهذه السرعة :?

بس الأستاذ المؤلف الجهبذ حشيش لم يذكر لنا مين اللي دفع الحساب :!: و ده طبعاً يزيد من الساسبنس لجعل كل واحد يفكر في هذه المسألة من وجهة نظره الشخصية :roll:

أنا رأي الشخصي إنهم هربوا من الجرسون قبل ما يدفعوا الحساب :mad:

[moody00x]

ragab2 wrote:

قرأت  

قصة مشابهة لها تماما لتشايكوفسكى  

لامؤاخذة مين تشايكوفسكى ده؟؟؟

:oops: :oops: :oops:

أستاذ ألأدب والفكر حشيش وطبعأ معروف فى الدنيا كلها...إنما مين المذكور التانى ده؟

وكيف نقارن أساسأ بين مشهور فى الدنيا كلها ومجهول

[الطفشان]

طبعا أنا منتظر تحليلك لتحليلي للتحليل للناس اللي بتحلل القصة

انا برضه منتظر التحليل

اصلي رحت المعمل و اخذوا عينة دم و عينة بول

و حنشوف النتيجة

أ

ظن كده جبنا كل تصريفات verb حلل .....

لا يا استاذ ناقد

لسه بدرس عليك في كار النقاد

فيه المحلل بتاع الجواز

و في الحلال يعني اللحمة من عند الجزار المسلم

و فيه ....

كفاية كدة

[الطفشان]

ragab2 wrote: 

قرأت 

قصة مشابهة لها تماما لتشايكوفسكى 

لامؤاخذة مين تشايكوفسكى ده؟؟؟

:lol: :lol: :lol:

رجب يمكن قصده دوستويفسكي، بتاع الاخوة كرامازوف

[1_Nadim]

انا اكتر حاجه عجبتني بعد القدرات الدراميه ل حشيش

هو الاستاذ اهنون اللي كان كل شويه يفتح الباب ويسأل انتوا مديين الموضوع ده اهميه ليه

وتاني مره سأل ومرجعش لان الدخان كان معبأ الاوده

ياريت حد يسأل عليه لو سمحتم

[بنت بحري]

حشيش حشيش بينها فرجت يا عم بعد ما قصتك كسرت الدنيا هنا في كندا :shock: :shock: :shock:

وأنا بصفتي المتحدثة الرسمية للأديب الكبير أوي حشيش أعلنت أنك تنوي بيع هذه القصة الرائعة . :twisted: :twisted:

تخيل يا حشيش حكايتك مع تشارلز ديكنز مشهورة أوي هنا . كل الأدباء الكبار عارفين أنه مات بحسرتك أول ما نجمك بدأيلمع في عالم الأدب . أنا فخورة بك يا حشيش . :? :? :?

المهم نرجع لموضوعنا الأساسي

وطبعا لأن القصة ذات طابع سياسي تريد أن تعلن من خلاله رفضك لضرب العراق.

أول يا بني ما فرنسا شمت خبر أتصل بي من عشر دقايق كده واحد اسمه Christian Monasse ده مخرج مشهور أوي في فرنسا عايز ياخد القصة

ويعملها فيلم يكسر بيه الدنيا واخدلي بالك أنت فرنسا ........ :shock:

عايز يا سيدي يدفع في القصة الرائعة ديه ربع مليون دولار ......... بس.....

ناس مبتعرفش تقدر المواهب الفذة بس ولا يهمك التليفونات عمالة ترن .و أنا حشوف أحسن سعر وحتابع معاك . بس إل أوله شرط أخره نور :roll: :roll: :roll: فيفتي فيفتي أنا إل بعملك الدعاية يا عم .

خد عندك يا سيدى ، آدى تليفون اهوه انا حاسمعك بنفسك

- Hash-hash Office

- ? Yes, how may I help you

- …

- ..

الحق ده مخرج امريكانى كبير قوى عارض سعر يجنن

- One Million dollar? , I have to discuss it with Mr. Hash-hash and I’m gonna call you?

ايه رأيك يا حشيش الموضوع دخل فى الجد اوى

ترررن تررن .... تررن ترررن

- Hash-hash Office

-Yes, how may I help you ? oh Mr. President

حشيش بوش على التليفون ، انا مش عارفه اقوله ايه ؟

- what !!!

ده بيقول انك بتتهم الحكومة الامريكية بالارهاب

- excuse me, Mr. Hash-Hash has nothing to do with Al-Qaida

بيقول أنك الرايت هاند لبن لادن........

أنا ماعرفوش يا بيه ، ولا رايت هاند ولا ليفت لج بن لادن مين

- Please Mr. President, Listen to me … Listen to me

…

…

قفل فى وشى السكة

انا قلبى مكانش مستريحلك من الأول

ايه ده ايه ده

الباب بيخبط هما لحقوا يجوا ، انا مش حافتح

ايه ده دول كسروا الباب ، مين دول ، دول طوال قوى ، ال CIA انا ماعرفش حد بالاسم ده ، ده بيكتب فى منتدى محاورات المصريين وانا مليش علاقه بيه

ايه ايه ، قاعدة مين انا ماليش دعوه ماعرفوش لا قاعدة ولا واقفة يا حضرت...... :shock: :shock:

ايه الورقة دى يا باشا ، عاوز ايه منى ، ايه اكتب ايه !!

باقى اعضاء القاعدة يعنى ، طيب اكتب ماكتبش ليه :lol: :D

حشيش : الذراع اليمنى لبن........ :shock: :shock:

فري فرير : ده عضو نشط أوي أوي يابيه :D :D

الطفشان : ده هو أل بيرسم لهم الخطط يا بيه ...Information source " أنا كان مالي بس ومالهم ودتوني في داهية "

الصاوي يا باشا وبراود مسلم وحمزاوي التلاتة دول هما إل جندوا العيال بتوع الطيارات ويمكن يجندوا ناس كمان عشان يفجروا ....

معلش يا صاوي إن جالك الطوفان"

أيوه أهوه أفتكرت مره كنت قاعدة معاهم في أجتماع سري وعدى واحد أظن أنه أيمن الظواهري متنكر في شخصية واحد أسممممه أسمممممه حسام ‘هشام أأأأأأأأيوه أسمه هشام :shock: هشام عبد الوهاب يا باشا . بيدي الناس الإنذارات :lol: :lol:

أظن أنا كده في السليم صح .....إيه ده أيه ده بتحط إيدك في جيبك ليه لالالالا مش عايزة فلوس ............ يا لاهوي مسدس لا والنبي أنا عايزة أعيش عايزة أعيش

حححححشيش ودتني في داهية حــــ حـــ شــ شــــ

أههههههههه :D :D :D :cry: :cry:

[crossfield]

أخى العزيز حشيش:

أقدر طموحك ككاتب مبتدئ ولكن أرجو الا تنخدع او يدفعك غرور الشهره الى حافة الهاوية .أسمح لى أولا أن أبدى بعض التحفظات على أول(و اخر)اصداراتك .فأنت يا أخى العزيز تدعى أنك تسعى الى الوصول للعالميه انطلاقا من المحليه؛كيف يكون هذا و أبطال قصتك عن بكره أبيهم يأكلون الكنتاكى و ينتحرون بوضع المسطرده فى جيوبهم الأنفيه الملتهبه؟ألم يكن من الأفضل -بل و من الأوقع أيضا-أن يكون مسرح الجريمه مثلا "الجحش" أو "الشبراوى" وأن يدس بطل قصتك النذل السم لصديقيه فى طبق فول مشطشط أو طبق كشرى كماله؟بل ألم يكن من الأحرى أن ينتحر البطل بسكب زجاجه "الدقه"فى أنفه بدلا من هذه المسطرده؟مع أنك تعلم فى قراره نفسك أن الدقة أكثر ايلاما من المسطرده خاصه اذا ما وضعت فى فتحه الأنف اليسرى.أخيرا ؛لا يسعنى فى هذا المقام الا أن أتهمك بانك من أنصار العولمه الاقتصاديه بل و ربما تكون أنت المسؤل عن تعويم الجنية المصرى فىبانيو المسطرده. ألم يكن هذا أحد الرموز المستخدمه فى قصتك؟ :lol:

[ragab2]

كتب مودى

قرأت 

قصة مشابهة لها تماما لتشايكوفسكى

لامؤاخذة مين تشايكوفسكى ده؟؟؟

لا مؤاخذة

دة المكوجى بتاع الأستاذ حشيش

[1_Nadim]

حشيش بوش على التليفون ، انا مش عارفه اقوله ايه ؟

- what !!! 

ده بيقول انك بتتهم الحكومة الامريكية بالارهاب 

- excuse me, Mr. Hash-Hash has nothing to do with Al-Qaida

بيقول أنك الرايت هاند لبن لادن........ 

أنا ماعرفوش يا بيه ، ولا رايت هاند ولا ليفت لج بن لادن مين

- Please Mr. President, Listen to me … Listen to me

…

…

قفل فى وشى السكة

انا قلبى مكانش مستريحلك من الأول

ايه ده ايه ده

أههههههههه :lol:  :lol:  :lol:  :cry:  :cry:

ادي الي نابنا من العالميه مش كنت فضلت حشيش في مصر وكان اقصاها تأبيده

اهي دخلت في سكة الامريكان ودي سكه ما يعلم بيها الا ربنا

خصوصا في زمن المفكر العبقري جورج wc

بوش

ربنا يستر

[sos]

خد ساتر يا حشيش ........فى مأمور ضرايب بيجمع اخبار عنك....

ولاتنسى انك اعترفت قبل ذلك بما لديك من اموال.....ماذا سيكون بعد ان وصلت للعالميه.......والترشيح لجايزة نوبل......ربنا معاك

[Lancelot]

لا يا استاذ ناقد 

لسه بدرس عليك في كار النقاد 

فيه المحلل بتاع الجواز 

و في الحلال يعني اللحمة من عند الجزار المسلم 

و فيه .... 

كفاية كدة

سيد طفشان .... أحب أنبهك إن الأمور ديه يفضل مناقشتها في النقابة ... بعيدا عن الجماهير ... شكرا للتنبيه ...

و لعلمك أنا واخد شهادة كبيرة أوي في النقد .... كل أنواع النقد و علي رأسها النقد الأجنبي و العملات الصعبة و السهلة كمان .... هو علشان معنديش خبرة .... أنا لسه بأبدأ طريقي ...

رجب يمكن قصده دوستويفسكي، بتاع الاخوة كرامازوف

طيب الأستاذ رجب و طبعا عارفينه ... لكن مين الشباب دول ...... معلهش الجاهل مش اللي يقول معرفش ....

[crossfield]

بيتهيألى كده والله أعلم ان الأخ دستوفسكى كان تاجر طواقى روسى مغمور لكن اللى شهره شوية العيال دول اللى اسمهم كرامازوف ؛دول شوية عيال صيع و اخوات طبعا- لمهم من الشوارع و كانوا بيسرحوا له بالليل بالطواقى على الكنائس فى روسيا ؛المهم انه صرف عليهم دم قلبه و فى الأخر طمعوا فيه و حطوا له السم فى الفودكا.مش كده برضه يا د. أبوحلاوة؟ :D

[wahed_masry]

سلامو عليكو

أيه العظمة دي يا أستاذ حشيش

إلا سؤال والنبي

مين فيكم اللي اتسمى على اسم التاني؟؟؟

أنت ةإلا الحشيش؟

هزرنا كتيييير

وضحكنا كتيييير

شوية جد

أستاذ حشيش

القصة من وجهة نظري تصوير واقعي لمعاناة الانسان المعاصر في عصر مركب تتصارع فيه الايديوايوجيات المختلفة على الفوز بنصيبها من قواه العقلية

وتمثل في لوحة سيريالية بديعة امتزاج الالوان الفكرية المختلفة في معين واحد ما بين الاحمر الدموي ذي الطبائع اليمينية والاصفر المتحدي في شموخ سياسي رغم سقوط الشيوعية

والاخضر المسالم بطبعه ولكنه أيضا مستفز من فبل التيارات المختلفة

وبالرغم مما قد يبدو للقارئ غير المتخصص من بساطة الصراع إلا أن عين الناقد الادبي تلمح بين ثنايا هذا التشتت أعماقا غائرة من الصراعات الباطنية المتأججة في أتون ناري من الظروف السياسية والاقتصادية الطاحنة والتي برغم كل ذلك تفشل في تأجيج الصراع السطحي البسيط

وتبرز عبقرية الكاتب في تناوله للصراع بصورة سلسلة قد تبدو روتينية للعبن غير المدققة إلا أنها في الواقع تنأى عن السقوط في الفخ الاغريقى الملحمي التقليدي لتصبح أكثر قربا وحميمية من المشاهد العادي

كفاية جد

ترجع هزار

من هو

ناقد سينيمائي متحذلق جدا لا يختلف كلامه كثيرا عن الكلام أعلاه

وبعد أن تستمع إليه لمدة نصف ساعة وأنت خائف من أن تغلق التيليفزبون خوفا من أن تكون أنت الجاهل

تكتشف أنه يكتب سيناريوهات لافلام متخلفة عقليا تكون نجمتها الاولى دائما فيفي عبده

ولاسهلها عليكم أكثر

فهو يخاطب بلقب الناقد السينيمائي الكبير الدكتور------------

إذا عرفت الحل ، لا تكتبه هنا ولكن اتصل الان علي تيليفون 0900999999

وانتظر جائزتك

واحد مصري