هيثم وتامر ووليد

[الطفشان]

الاخ واحد مصري

حلوة جدا، بالذات الجزء الجد!

[Lancelot]

بيتهيألى كده والله أعلم ان الأخ دستوفسكى كان تاجر طواقى روسى مغمور لكن اللى شهره شوية العيال دول اللى اسمهم كرامازوف ؛دول شوية عيال صيع و اخوات طبعا- لمهم من الشوارع و كانوا بيسرحوا له بالليل بالطواقى على الكنائس فى روسيا ؛المهم انه صرف عليهم دم قلبه و فى الأخر طمعوا فيه و حطوا له السم فى الفودكا.مش كده برضه يا د. أبوحلاوة؟

معلهش برضه يا كروس فيلد يا أخويا مش فاهم ده إيه علاقته بحشيش ..... الراجل ده بتاع طواقي و القصة مافيهاش طواقي ..... القصة فيها عمة اللي حشيش لابسها لنا لما قال إن القصة أصلية ... في حين إنه ثبت أنها مقتبسة من الكاتب الأمريكي هوت إس دوج كما قال الأخوة الزملاء .....

الأخ واحد مصري ...... تحليل رائع ..... لكن مين الناقد ده عايز أعرف إسمه ...........

[molham]

بشرى سارة لاعضاء المنتدى ….. ازف اليكم هذا الخبر السعيد

اديب مصرى مغمور يفوز بجائزة نوبل لأدب المنتديات 

رويتر

فاز الاديب المصرى المغمور حشيش حشيش بأول جائزة تمنحها نوبل لأدب المنتديات وذلك عن مجمل اعمالة  على موقع محاورات المصريين . هذا وقد تميزت اعمال الاديب  بروح الفكاهة والسخرية وخفة الدم بالاضافة الى العمق الادبى والرمزية الشديدة فى اعمالة خاصة فى رواية هيثم وتامر ووليد . كما جائت روايتة الخالدة المنتوف كنموذج متكامل لادب السيرة الذاتية  وتأريخ لمرحلة هامة فى تاريخ الجيش المصرى .

هذا وقد ذكرت ادارة نوبل ان السبب الرئيسى لمنح حشيش جائزة نوبل لادب المنتديات  هو ابتكار حشيش لاسلوب جديد  فى الكتابة يتم تطبيقة لأول مرة باستخدام  اكواد المنتديات وهو التعبير عما يدور فى العقل الباطن  حيث قام حشيش اكثر من مرة بعمل كود لما يدور عقلة الباطن من افكار باسلوب ساخر …وقد حظى هذا الاسلوب بالاعجاب الشديد من اعضاء محاورات المصريين وتم نقلة لكثير من المنتديات حول العالم .. وتوضح ادارة نوبل ان هذا الاسلوب ملك للاديب حشيش ويحق لة المطالبة بتعويض فى حالة استخدامة طبقا لقوانيين الملكية الفكرية وتم تسجيل هذا الاسلوب باسم حشيش المصرى

نموذج لاكواد العقل الباطن للموهوب حشيش

عقلى الباطن:أنا ظروفى صعبة :shock: :shock: :shock: حصلت لى حادثة وأنا صغير :shock: :shock: :shock: جالى إرتجاج شديد فى المخ :shock: :shock: :shock: تم عرضى على لجنة طبية :shock: :shock: :shock: اللجنة أصدرت توصية بأن أعامل معاملة طفل :shock: :shock: :shock: إضطريت أسيب المدرسة وأنا فى تالته إبتدائى :shock: :shock: :shock: إتجهت بعدها لكتابة القصص والأناشيد :shock: :shock: :shock: إخوانا هنا صدقوا إنى مفكر وأديب بصحيح :shock: :shock: :shock: لازم أجاريهم :shock: :shock: :shock: أيوه الدنيا مظاهر :shock: :shock: :shock: لا سبيل للتراجع :shock: :shock: :shock:

عقلى الباطن::shock: :shock: :shock: إبن البلد حطنى فى دماغه :shock: :shock: :shock: مش عايز يخلينى أحكى للناس حكاية الجطة اللى طلعت لجريب الوله مطاوع فى الغيط :shock: :shock: :shock: يكونش مخاوى :shock: :shock: :shock: لازم اخد حته من اتره واروح للشيخة سيدة العمشه تشوف لى حل معاه :shock: :shock: :shock: ودلوقتى مش لازم ابين له إنى مستغلسه :shock: :shock: :shock:

عقلى الباطن: :shock: :shock: :shock: الإدارة تتهمنى دائماً بأن كتاباتى فى المنتدى تفتقر إلى السمو والعلو فى عمومها :shock: :shock: :shock: وصلتنى منهم خطابات متعددة بهذا المعنى :shock: :shock: :shock: حذفوا لى العديد مما كتبت :shock: :shock: :shock: لازم اتصرف بسرعة :shock: :shock: :shock: حبين لهم إنى مثقف وواسع الإطلاع :shock: :shock: :shock: ايوه أحسن مكان هنا :shock: :shock: :shock: حعمل إنى عاشق للشعر والأدب :shock: :shock: :shock:

يا جماعة عاوزين نحتفل بالاديب العالمى حشيش واقترح بصفتى احد محبى حشيش نعمل جمعية (ادبية ) باسم جمعية الحشاشين

نسبة للاديب الكبير حشيش ….بس خلوا اسم الجمعية فى سركم لحد من المباحث يطب علينا :? :? … وطبعا الجمعية هاتوزع على الاعضاء بودرة :lol: :lol: …..اخخخخخ …. قصدى كتب خاصة بجميع اعمال الاديب العالمى حشيش . والاشتراك فى الجمعية هايكون لمحبى الحشيش :D :D ……اخخخخ قصدى الاخ حشيش .

يلا مين فيكم بيحب حشيش وهايشترك فى الجمعية :cry: :D

على فكرة الكلام اللى فى الكود عن اقتناع كامل بموهبة حشيش ومفيش فية مجاملة وفعلا حشيش يستحق جايزة :D

[DARWEEN]

والله عال يا حشيش ...

يعني أغيب كام يوم عن المنتدى أرجع ألاقيك كاتب قصه كلها سياسه في سياسه ...

طيب بكره يسحبوك على المباحث ياحلو وينزلوا فيك ضرب لحد ماتجيبلهم تامر وهيثم ووليد بتوعك وتعترف على باقي أعضاء التنظيم

:D :D :D :D :D :D :D :D :D

وعلى فكرة القصه دي منقولة حرفيا وبالنص من فيلم ألماني طويل عن المشاكل اللي عانى منها الشباب النازي بعد الحرب

:D :D :cry: :cry: :cry: :cry: :cry: :cry:

[1_Nadim]

العزيز حشيش الف مبروك وبما انك ثاني مصري يحصل علي نوبل في الادب هل نطمع ان تطلب منهم في السويد ان يجعلوا رمز الجائزه جوزه

حتي تترك انفاسك قصدي بصماتك علي صفحات التاريخ

علك لاتنسي هذا بعد البليه ما لعبت معاك

مع خالص تحياتي

[crossfield]

ألف ألف مبروك يا حشحش يا خويه

صورك و أخبارك ماليه الجرايد ايه يا وله الحلاوة دى. بس اوعى بقى تتكبر علينا بعد ما تسافر السويد و تحرمنا من كتاباتك أو تتنكر لأصلك و تجارى الموضة و ترجعلنا بانجو أوعى يا حشحش من فات قديمه تاه (و انت مش ناقص توهان خلقة :)) .

الا بالمناسبه يا حشحش صحيح هتقابل الريس بعد ما ترجع من السويد؟ماشى يا عم بكره سمير رجب يهريك صور مع الراجل الكبير و مش بعيد كمان يمسكوك المعهد العالى للأداب الحشحشية و أكيد عقود العمل هتنزل ترف على دماغك من أوروبا و أمريكا بس أوعى يستكردوك و توافق؛ بتوع الخليج هيدفعولك أحسن :D

ملحوظة: يا ريت تديلنا خبر بميعاد السفر عشان نجهزلك لقمة تاخدها معاك .طبعا مش هوصيك عالهدايا والذى منه و الفاتحة أمانة :lol: و كفايه كده احسن التلغراف ده هيخرب بيتى.

[حشيش]

أخوتى وأخواتى الأعزاء

أعتذر عن تأخرى فى الرد فقد كنت كما تعلمون فى السويد لتسلم جائزة نوبل عن رائعتى (هيثم وتامر ووليد) :shock: :shock: :shock: ...دعونى أولاً أشكركم جميعاً على أرائكم النقدية السديدة حول القصة التى جعلتنى أصمد أمام أسئلة الصحفيين الذين وفدوا إلى السويد لتغطية وقائع المؤتمر الصحفى الذى عقد لى عقب تسلمى للجائزة...لقد كنت بفضلكم على مستوى الحدث (الأصغر) وأفحمت الصحافة بردود نارية وكلام من اللى قلبكم يحبوا وصل لحد تبادل الشتائم وأمك وأبوك :shock: :shock: :shock: ولكنى كنت كعهدكم بى دائماً عف اللسان...حلو البيان...سقيم الوجدان :shock: :shock: :shock:

وحتى لا أنسى دعونى أولاً أحكى لكم تفاصيل الإحتفال المهيب الذى عقد لتسليمى الجائزة فى العاصمة السويدية استوكهولم...كان الملك وزوجته فى إستقبالى فى المطار :shock: :shock: :shock: كان المطر شديداً لدرجة أن الملك والملكة كانوا فى حالة يرثى لها من شدة البرد...كانت أطرافهم قد تجمدت والماء يتساقط من شعرهم وهدومهم تتعصر عصر :shock: :shock: :shock: ما أن خرجت من باب الطائرة حتى دوت عاصفة من التصفيق من جميع المستقبلين بالمطار...كنت أرتدى بنطلون برمودا أزرق يغطى إلى أسفل الركبتين بقليل وقميص فوشيا بكرانيش كثيفة على الصدر وكاب يشبه برنيطة رعاة البقر :shock: :shock: :shock:...ما أنا رآنى الملك والملكة حتى إنهمرت دموعهما...هرولت الملكة ناحيتى...تعانقنا ودموعنا تسيل لمدة ساعة إلا ربع تقريباً وهى تردد (مرحب يابو هيثم...مرحب يابو هيثم) :shock: :shock: :shock: ولما العناق طول والملك إبتدى يقلق إضطريت إنى أسيبها وتعانقت أنا والملك لمدة دقيقتين وكان يردد (منور يابو حشيش) :shock: :shock: :shock: إستعرضنا حرس الشرف وكانوا يرتدوا جلاليب بيضاء على اللحم وكانت الموسيقى العسكرية تعزف السلام الوطنى لبلادى...إنفجرت فى بكاء شديد وأنا أرى علم مصر يرفرف عالياً...إنحنينا جميعاً لتحية العلم ولكن حدث مالم يكن فى الحسبان...إنفتق بنطلونى البرمودا ضبة ومفتاح وانكشف المستور :shock: :shock: :shock:..........................يتبع

[se_ Elsyed]

عقلي الباطن المرة دى بيؤكدلي أن حشيش هايخد الأنذار التاني وأبقى خلى المنتوف وهيثم ينفعوه ... ( لم الدور يا حشيش يا خويا .. عدل القصة وخلي القميص الفوشيا هو اللى أتقطع ماتكسفناش قدام ملكة السويد وجوزها الناس الأسكندنافيين دول حبايبنا ومش عايزين نبوظ علاقتنا معاهم  )

[moody00x]

...لقد كنت بفضلكم على مستوى الحدث (الأصغر)

:) :) :lol: :D :D

[إبن مصر]

عقلى الباطن بيقولى : الخطه ماشيه تمااااااام .. هو ابتدى الموضوع عندى فى محاولات سيكوباتيه قمت ناقله هنا وقعدت مستنى ان الغزاله تلعب معاه واهى لعبت ...... هى ديتها ينبسط شويه وتوسع معاه فى التعبير ولن اتهاون .... وهو واخد انذار وساعتها ( عقلى الباطن يضحك ضحكه خبيثه ) اااه ساعتها ابلغ عنه  امن الدوله واتسبب فى اعتقاله وارتاح منه ... قال فشل كلوى قال ... حتى الابراج خدها منى ...... بس هانت .....كلها كلمتين و...... ههيهيهيهي

[crossfield]

أخوتى وأخواتى الأعزاء

...لقد كنت بفضلكم على مستوى الحدث (الأصغر) وأفحمت الصحافة بردود نارية وكلام من اللى قلبكم يحبوا وصل لحد تبادل الشتائم وأمك وأبوك :shock:  :shock:  :shock: ولكنى كنت كعهدكم بى دائماً عف اللسان...حلو البيان...سقيم الوجدان :shock:  :shock:  :shock:  

أظن كدة واضح سبب الشتايم و الخناقات :D :D :D :D

:

يا فضيحتك يا مصر :) :) :lol:

[Proud Muslim]

لأ لأ .. يا أخ حشيش

انت مش واخد بالك من حاجة مهمة جدا ..

عارف ايه سبب انك أخدت نوبل ؟؟

لو مكنتش قلت انها قصة مخالفة للدين .. و انها يجب أن تسحب من الأسواق .. و يقبض على مؤلفها ..

مستحيل كنت تاخدها !!

:D :D :D

بالك انت لو قلت انها قصة كويسة .. هتتسحب منك نوبل . :)

[الطفشان]

يا حشيش

انت باين عليك الجطة بتاعة جنديل لحست دماغك

ابقى اتغطى كويس و انت نايم

[ragab2]

أبلغنى

المرحوم هيثم قبل انتحاره مباشرة

أنه يعتبر الأديب الكبير الأستاذ حشيش الأب الروحى له

وأن الأديب الأستاذ نجيب محفوظ قد اقتبس الثلاثية والسباعية

من بنات أفكار أديبنا الكبير حشيش

[Masrawy]

تيتررراااا تيتراااااااا..

سيداتي سادتي .. أليكم أهم الأنباء ..

مراسلنا في استوكهولم ينقل الينا مراسم الأستقبال الرسمي لأديبنا الفظيع حشيش حشيش ..

سيداتي سادتي ..

ما زلنا في مطار استوكهولم الدولي ... و مازال المطر ينهمر انهمارا عنيفا ..

منظر ملك و ملكه السويد يصعب علي الكافر ... :D :D

واقفين من الصبح مستنين طياره الأديب المعجزه حشيش اللي طبعا اتأخرت كالعاده و هي طالعه من مطار بركه السبع الدولي ..

تقريبا الملك جاله زكام :D .. عشان أنا شايف من مكاني هذا رئيس المراسم بيسلمه بكره مناديل تواليت من تحت لتحت ..

المهم .. الملك ابتدا يقلق .. و خاصه أنه مفيش حمام قريب .

و أخيرا و بعد طوووول أنتظار هاهي الطائره تحلق في السماء مقتربه من المطار .. الطائره التي تحمل فلته مصر الحديثه و القديمه .. و هاهو الطيار يقوم ببعض مناورات الهبوط .. و يهبط الطيار .. بس عشان الطينه اللي في مدرج الهبوط الفرامل مش نافعه و الطياره داخله في الموكب الملكي ...ياللهول ... الطياره داخله في الملك و الملكه .. :cry: :cry: :cry:

و لكن الطيار المصري العبقري ينقذ الموقف بعبقريه شديده ... فقد ضرب بالطياره خمسايه .. و شد الهاندبريك علي الأخر .. أينعم رش الملك و الملكه و كافه الحضور بالطينه .. بس مش مهم .. كله فدا اديبنا الجهنمي .. :D :lol:

هاهو حشيش يظهر علي باب الطياره .. ينزل .. الملكه تجري و تصرخ بأعلي صوتها حشيييييييييييييييييش .. فينزل حشيش علش سلم الطياره جري و هو ينادي سعااااااااااااااااااااااااد ... أخ .. حشيش اتكعبل علي السلم و وقع .. بس قام سليم .. برافو يا ولد ..

...

المذيعه .. نأسف لقطع البث المباشر لوقائع حفل استقبال الأديب العظيم حشيش و ذلك لنقل تسجل حي و مباشر :D من مجلس الشعب .. علي أن نوافيكم بباقي التفاصيل في نشره الساعه 12:15 ..

مصراوي ...

[Al 7aZeeN]

أنا شايف أنه من الأفضل أن نغير أسم القصة العظيمة دى الى " هيثم وتامر ووائل " أظن هذا يناسب الحبكة الفنية أكثر0

فما رأيكم؟! :lookaround: :notify:

[se_ Elsyed]

أدي أخرة نفخنا فى أديبنا الكبير حشيش الحائز على جائزة نوبل عن قصته " هيثم ومرقص وكوهين " فالباشا بيتقل علينا وأختفى من ساعة حصولة على الجايزة ونسي أصدقائة ...

أنا من هنا بأوجه له نداء للعوده .... أرجع يا حشيش لمحبيك أرجع لمعجبينك .... أرجع لقراءك ......... أرجع لعقلك :)

[1_Nadim]

.....  أرجع لعقلك  :)

اه والنبي ارجع لعقلك واكتب لنا عملك الجديد رشا وسحر ومنال حتي لا تتهم بمعاداة المرأة وياتي الرئيس بوش لمصر مطالبا بتسليمك

مع خالص تحياتي

[Masrawy]

رشا وسحر ومنال  

اهي ده تبقي مسخره بجد يا عم نديم .. :) :lol: :lol: :lol:

مصراوي ..

[Lancelot]

رشا وسحر ومنال

بس حاجة زي كده هتشجع علي العنف و ده هتفتح علي فتوحة كبيرة أوي يا عم حشيش ..... :) :lol: :lol: :lol: