هيثم وتامر ووليد

[الطفشان]

أدي أخرة نفخنا فى أديبنا الكبير حشيش الحائز على جائزة نوبل عن قصته " هيثم ومرقص وكوهين " فالباشا بيتقل علينا وأختفى من ساعة حصولة على الجايزة ونسي أصدقائة ... 

أنا من هنا بأوجه له نداء للعوده .... أرجع يا حشيش لمحبيك أرجع لمعجبينك .... أرجع لقراءك .........  أرجع لعقلك  :oops:

يا اخواننا بلاش سوء ظن

الراجل مسافر في ليبيا عشان حفل التكريم اللي عامله الاخ القائد العقيد

و حيكون في الخيمة بتاعة العقيد و الجوزة جاهزة كمان

[DARWEEN]

آخر مرة شوهد فيها الأديب الكبير حشيش كان برفقة كل من بوش وبلير في محاولة جادة منه لأقناعهم للعدول عن الحرب ولمحاولة الحصول على جائزة نوبل للسلام بالمرة ليكون أول من فعلها في التاريخ وحصل على الجائزة مرة عن الآداب ومرة عن السلام

:twisted: :twisted: :twisted: :twisted: :twisted: :twisted:

[الطفشان]

كدة بقى عندي امل في حل سلمي سريع

بل و سيتولى صدام حكم امريكا و انجلترا بفضل تنازل بوش و بلير له عن حكمهما

و كل هذا بفضل مساعي الاديب الشهير حشيش!

سر الى الامام يا عبقري مصر و العروبة و البشرية!

[DARWEEN]

آخر التطورات ....

أذاعت كافة وكالات الأنباء العالمية أنه تم أعتقال أديبنا الكبير حشيش بمعسكر جوانتنامو حيث أفادت السي أي أيه أن القصة العالمية تامر وهيثم ووليد كان يرمز بها للأجتماع الثلاثي الذي تم عقده بجزر الآزور وأن بالقصه أكواد سرية تتعلق بتنظيم القاعدة ... وخصوصا موضوع الخردل وغاز الأعصاب ....

[Al 7aZeeN]

آخر التطورات ....

أذاعت كافة وكالات الأنباء العالمية أنه تم أعتقال أديبنا الكبير حشيش بمعسكر جوانتنامو حيث أفادت السي أي أيه أن القصة العالمية تامر وهيثم ووليد كان يرمز بها للأجتماع الثلاثي الذي تم عقده بجزر الآزور وأن بالقصه أكواد سرية تتعلق بتنظيم القاعدة ... وخصوصا موضوع الخردل

آخر ما سمعته عن الموضوع ده أنهم حللوا القصة كويس فى المعمل ووجدوا أن الغاز المستخدم ليس الخردل ولكنها مادة المستردة ووجدوا أنها لا علاقة لها بخرم الأوزون فسابوه تانى0

طمنا عليك يا أبو هيثم

[1_Nadim]

طمنا عليك يا أبو هيثم

اعلن الاستاذ حشيش لوكالة الانباء الفرنسيه ان ادعاء هيثم ببنوته للكاتب الكبير ادعاء كاذب الغرض منه اخد قرشين من قيمة الجائزه وان كل الشخصيات المذكوره في رواياته ليسوا الا بنات افكاره لذا فان اي ادعاء بوجود اولاد هو ادعاء باطل وسيتم ملاحقة المدعين قانونيا

[Rabso]

[طمنا عليك يا أبو هيثم

اعلن الاستاذ حشيش لوكالة الانباء الفرنسيه ان ادعاء هيثم ببنوته للكاتب الكبير ادعاء كاذب الغرض منه اخد قرشين من قيمة الجائزه وان كل الشخصيات المذكوره في رواياته ليسوا الا بنات افكاره لذا فان اي ادعاء بوجود اولاد هو ادعاء باطل وسيتم ملاحقة المدعين قانونيا

الكدب خيبة :? أنا شفتها بنفسي في البي بي سي :shock: :shock: حتى بالأمارة قطعوا تغطية الحرب و أعلنوا الخبر العاجل ده :roll:

أما في الجزيرة فقسموا الشاشة نصين نص في بغداد و نص جابوا فيه الخبر العاجل ده :shock: :shock: و من ساعتها و أديبنا الفذ ماشي على شريط الأخبار الأحمر :? :?

[Al 7aZeeN]

بعيدا عن موضوع أديبنا الكبير حشش

أنا بصراحة معجب بالصورة بتاعتك يا أستاذ سافو مع أن القهوة بقعت قميص الراجل على الآخر0

حينضف أزاى ده :lol:

[ragab2]

قابلت

المرحوم هيثم قبل انتحاره بساعات بالمستردة

وأبلغنى أنه شاهد عند أديبنا الكبير نجيب محفوظ

أوتوجراف موقع من أديبنا الأستاذ الكبير حشيش ومازال محتفظا به

وكان يقرأ بنهم كل اصدارات الأستاذ حشيش القصصية

[crossfield]

أعزائى أعضاء المنتدى:

تعالوا معاً نسترجع الكلمات الأخيرة لحشيش الملايين :( :( :(

أخوتى وأخواتى الأعزاء

أعتذر عن تأخرى فى الرد فقد كنت كما تعلمون فى السويد لتسلم جائزة نوبل عن رائعتى (هيثم وتامر ووليد) :shock:  :shock:  :shock: ...دعونى أولاً أشكركم جميعاً على أرائكم النقدية السديدة حول القصة التى جعلتنى أصمد أمام أسئلة الصحفيين الذين وفدوا إلى السويد لتغطية وقائع المؤتمر الصحفى الذى عقد لى عقب تسلمى للجائزة...لقد كنت بفضلكم على مستوى الحدث (الأصغر) وأفحمت الصحافة بردود نارية وكلام من اللى قلبكم يحبوا وصل لحد تبادل الشتائم وأمك وأبوك :shock:  :shock:  :shock: ولكنى كنت كعهدكم بى دائماً عف اللسان...حلو البيان...سقيم الوجدان :shock:  :shock:  :shock: 

وحتى لا أنسى دعونى أولاً أحكى لكم تفاصيل الإحتفال المهيب الذى عقد لتسليمى الجائزة فى العاصمة السويدية استوكهولم...كان الملك وزوجته فى إستقبالى فى المطار :shock:  :shock:  :shock: كان المطر شديداً لدرجة أن الملك والملكة كانوا فى حالة يرثى لها من شدة البرد...كانت أطرافهم قد تجمدت والماء يتساقط من شعرهم وهدومهم تتعصر عصر :shock:  :shock:  :shock: ما أن خرجت من باب الطائرة حتى دوت عاصفة من التصفيق من جميع المستقبلين بالمطار...كنت أرتدى بنطلون برمودا أزرق يغطى إلى أسفل الركبتين بقليل وقميص فوشيا بكرانيش كثيفة على الصدر وكاب يشبه برنيطة رعاة البقر :shock:  :shock:  :shock:...ما أنا رآنى الملك والملكة حتى إنهمرت دموعهما...هرولت الملكة ناحيتى...تعانقنا ودموعنا تسيل لمدة ساعة إلا ربع تقريباً وهى تردد (مرحب يابو هيثم...مرحب يابو هيثم) :shock:  :shock:  :shock: ولما العناق طول والملك إبتدى يقلق إضطريت إنى أسيبها وتعانقت أنا والملك لمدة دقيقتين وكان يردد (منور يابو حشيش) :shock:  :shock:  :shock: إستعرضنا حرس الشرف وكانوا يرتدوا جلاليب بيضاء على اللحم وكانت الموسيقى العسكرية تعزف السلام الوطنى لبلادى...إنفجرت فى بكاء شديد وأنا أرى علم مصر يرفرف عالياً...إنحنينا جميعاً لتحية العلم ولكن حدث مالم يكن فى الحسبان...إنفتق بنطلونى البرمودا ضبة ومفتاح وانكشف المستور :shock:  :shock:  :shock:..........................يتبع

إرجع يا حشيش ... :( :( :( إحنا خلاص أدمناك.و إن كان حد مننا زعلك أو جرح عبقريتك بكلمة نوعدك نخليه يحصل هيثم و وليد..إرجع :( :( :( بسم الملايين المدمنة لفنك :( :( :( بسم ملايين المعجبين و المعجبات بفنك و بالقميص الفوشيه :( :( :( إرجع يا حشيييييييييييييييييييييييييييييييييييش :( :( :( .

كروسفيلد بإسم أعضاء المنتدى.

(ملحوظة:قمت بإرسال هذا النداء مرفق بصورة لحشيش إلى القناة الثالثة لربما يكون الأستاذ إتخطف).

قولوا فى سركم جميعاً( آمين). :lol: :cry:

[الطفشان]

آخر التطورات ....

أذاعت كافة وكالات الأنباء العالمية أنه تم أعتقال أديبنا الكبير حشيش بمعسكر جوانتنامو حيث أفادت السي أي أيه أن القصة العالمية تامر وهيثم ووليد كان يرمز بها للأجتماع الثلاثي الذي تم عقده بجزر الآزور وأن بالقصه أكواد سرية تتعلق بتنظيم القاعدة ... وخصوصا موضوع الخردل وغاز الأعصاب ....

بشرى سارة يا اولاد

منظمة حقوق الانسان تدخلت و طلعوا العلامة الفهامة الفذ حشيش من جوانتانامو!

و ثبت ان الخردل كان فعلا مسطردة

و ان الغاز كان دخان من الجوزة بس!!!!!

[freefreer]

:lol: :lol: :lol:

ضحكتونى و الدنيا حرب

[crossfield]

سامحونى يا جماعة:

بصراحة أنا مقدرتش أمسك نفسى من العياط لما لقيت :( :( :( لما لقيت :( :( :( لما لقيت التوبيك بتاع الأستاذ حشيش عمال ينزل :shock: :shock: و ينزل :wow: :wow: و ينزل فى لستة التوبيكس لحد ما وصل لآخر اللست :sadl: :sadl: :sadl: عشان كده قلت كلمسة وفاء منى لازم أتدخل و أحاول أنقذ ما يمكن إنقاذه إنشالله حتى أكتب أى حاجة المهم إن مجهود و إسم كاتبنا الكبير ؛الحاضر الغائب ؛النوبل حشيش ؛ميبقاش فى آخر اللست بالشكل المهين ده :? :? .معقول !!! هوه ده التكريم اللى يستحقه كاتب فى حجم حشيش !معقولة مفيش حد من أعضاء المنتدى خصوصاً إخوانا اللى نازلين كتابة فى شعر و خواطر و هواجس فى صفحة الفنون و الأدب(سمعانى يا ست نورا ياللى بتكتبى عن خالد و يا ست شعنونة ياللى عمالة تخترعى فى توقيعات :twisted: :twisted: )محدش إنفعل بالمأساة دى و حاول يكتب إنشالله حتى بيتين فى إختفاءه .قد كد بسهولة بننسى رموزنا :mad: :mad: ؛قد كده إحنا مش مقدرين عبقرية كتابنا اللى بيصوروا مأساتنا و آلامنا فى أحلك المواقف و فى أبشع الأماكن(أظن كلكم فاكرين إن هيثم إنتحر فى البانيو!!!) :mad: :mad: .أنا من هنا و من مكانى ده بأناشد إدارة المنتدى إنها تخصص جايزة لصاحب أحسن بيتين شعر يتقال فى المناسبة المأسوية دى ونسميها بإسم كاتبنا :( :( :( حشيش.

عن إذنكم :cry: :cry: :cry: أنا منهارة دلوقتى و مقدرش أتكلم مع صحفيين.

حشبش :سأظل أبكيك حتى ألقاك :cry: :cry: :D (فى المنتدى طبعاً)

[الطفشان]

خرج و لم يعد

حشيش مرسي حشيش

في الخامسة و عشرين من عمره

عبقري حائز على جائزة نوبل للاداب

يرتدي جلباب أزرق مقلم

معه جوزة

و "جطة" بعين واحدة

ولدي حشيش

عد الى المنزل و لن يضربك بابا

ماما قلقة عليك!

[Rabso]

في استجابة فورية لنداء الأخت crossfield (و علشان ما يبقاش في نِفسِك حاجة أهو :mad: ) رأيت أن أبدأ بنفسي في إلقاء قصيدة مؤثرة تعبر عن ما يجيش في صدري ناحية أديبنا الفذ :? الأستاذ حشيش :cool: بعنوان نحن بدونك :roll:

نحن بدونك

مثـل الكي بورد بدون فارة

مثل التقاطع بدون إشارة

مثل السلطة بدون خياره

مثل السواق بدون سيارة

مثل التليفون بدون حرارة

مثل البنـزين بدون شرارة

إحنا مركز التجارة العالمي .... و انت الطيارة :roll: :roll:

:( :( :(

[Al 7aZeeN]

إحنا مركز التجارة العالمي .... و انت الطيارة  :roll:  :roll:

:(  :(  :(

:D

منتظرينك

خش فينا

[DARWEEN]

في تطور جديد للأحداث ....

أفادت وكالات الأنباء العالمية أن الأديب الكبير حشيش تم القبض عليه في مطار القاهرة لدى عودته من معتقل جوانتنامو ...

حيث ألقت قوات الأمن المصرية القبض على المذكور بسبب أنه من

الممنوعات

:D :D :D :D :D :D :D :D :D :D

[Al 7aZeeN]

في تطور جديد للأحداث ....

أفادت وكالات الأنباء العالمية أن الأديب الكبير حشيش تم القبض عليه في مطار القاهرة لدى عودته من معتقل جوانتنامو  ... 

حيث ألقت قوات الأمن المصرية القبض على المذكور بسبب أنه من

الممنوعات

:D  :D  :D  :D  :D  :D  :D  :D  :D  :D

طب كان خرج من البلد أزاى

فى جيب سرى يعنى :!:

[DARWEEN]

هذه المره بجد بجد ..

أنا بدأت أقلق على حشيش غيابه طول جداااااااااااا

وأنا أهديه أغنية ...

فينه حشيشي فينه ... كيفي الله يعينه

:D :D :D :lol: :lol: :lol:

[MKG]

الاخ فى قال

.. و الفصل العاشر بعد المئة .. صراحة تعبنى قوى لأرتفاع مستواه البلاغى .. بس عموما هى قصة ملحمية رائعة .

يا حماعة ايه التهريج ده ,الراجل عايز نقد موضوعى

و فصل ايه ال110

بصراحة الحتة اللى صعبة شوية اللى فى اول المجلد الثالث

رجاء من الاخ حشيش

مش تزعل منى بس سؤال ما علاقة هذه القصة بقتل عم مجاهد؟

اخ داركر

اظاهر انت نسيت تكتب عن ليوناردو دى كبريوا و توم هانكس و ميل جبسون اللى اتخنقوا على الادوار

و دور البنت مرشحه ليه انعام سالوسة

---------------------------------------------

و بعد ان فكت الرموز و سقط البرباتوز

لقيت القصة ناقصها الموز

----------------------------------------------

تولستوى مين و مارك توين مين و السباعى مين

حشيش meanمخدرات

و اخيرا صح يا براود

و خليك فاكر اولاد حارتنا