بشرى لأبناءنا طلية الـ TOEFL

[se_ Elsyed]

كما وعدناكم من قبل ووعد الحُر دينٌ عليه

هاكم إختبار نضيف للتويفل ومعاه كمان هدية كتاب أسرار الجمال في التويفل

إدعوا لنا بقى أحسن شكلكم بتدعوا علينا لإن الأمور اليومين دول ماشيه معايا بالعكس :sad:

TOEFL TEST

TOEFL SECRETS

[~Heba~]

الف الف الف ثانكيو يا مسيو اس اس

ايه رأيك بشاير دراسة الانجليزى ظهرت انهارده كان اول يوم فى كورس الانجليزى فى منحة وزارة الاتصالات لعام2008 و مكدبش عليكم الحالة كانت لا تسر عدو و لا حبيب المدرب بتاعنا كان بيكلم كله انجليزى فى انجليزى و ده عادى لكنه كان بيكلم بسرعه و صوته واطى و احنا مش متعودين على محادثات انجليزى تقريبا اول مرة و الله مشكلة

ما علينا بالله عليك يا استاذ سيد سى اى حاجة تلاقيها فى الانجليزى و تكون فى المحادثة تجيبهالى هنا و اكون شاكره لك

عشان اوضح اكتر انا كويسة جدا فى الانجليزى قراءة و ترجمة و كتابة لكن عند المحادثة و ستوب عايزة اقوى ناحية المحادثة عندى

اى حد تانى عنده حاجة يجيبها و انا واثقة ان المحاورات مليانة كنوز

[se_ Elsyed]

الف الف الف ثانكيو يا مسيو اس اس

ايه رأيك بشاير دراسة الانجليزى ظهرت انهارده كان اول يوم فى كورس الانجليزى فى منحة وزارة الاتصالات لعام2008 و مكدبش عليكم الحالة كانت لا تسر عدو و لا حبيب المدرب بتاعنا كان بيكلم كله انجليزى فى انجليزى و ده عادى لكنه كان بيكلم بسرعه و صوته واطى و احنا مش متعودين على محادثات انجليزى تقريبا اول مرة و الله مشكلة

ما علينا بالله عليك يا استاذ سيد سى اى حاجة تلاقيها فى الانجليزى و تكون فى المحادثة تجيبهالى هنا و اكون شاكره لك

عشان اوضح اكتر انا كويسة جدا فى الانجليزى قراءة و ترجمة و كتابة لكن عند المحادثة و ستوب عايزة اقوى ناحية المحادثة عندى

اى حد تانى عنده حاجة يجيبها و انا واثقة ان المحاورات مليانة كنوز

يا شيخه حرام عليكي .. ده أنا أفتكرت الراجل كان بيتكلم إنجلو أراب ... وهي دي مصيبتنا في تعليم اللغة في مصر ... مدرس الإنجليزي يدخل الفصل وتقعدي إنتي تنقي كلمات الإنجليزي من بين كلامه العربي !!!!! ففي الأخير تطلعي بتتكلمي فيومي وبتبقى حافظة فيرب تو بي او نوت تو بي لكن مش قادرة تعبري عن مشاعرك واحاسيسك الداخلية الإنجليزية :Icecream:

نصيحة من أخوكي الصغير يا هبه :big_boss: :

1- اهم حاجه الجرءة في التحدث باللغة التي تُريدي أن تُجيديها .... إيه يعني تغلطي ... طب ما الواحد ممكن ييجي يتكلم عربي ويغلط ... وبالتالي طالما عندك حصيلة لغوية كويسة ودارسة قواعد اللغة ... يبقى لازم لسانك ينطلق ويُعبر عما لديكي ...

لما خرجنا من مصر وأحتكينا بالاجانب الحمد لله كان عندنا حصيل لغويه لا بأس بها .. لكن الواحد كان عامل زي محمود ياسين في فيلم الأخرس ومش قادر ينطق أحسن الخلق يتفرجوا عليه .. لكن لما لقيت أجانب نفسهم بيخلو هي شي وهاف هاذ والمذكر مؤنث والمؤنث مش معروف جنس ملته إيه .. قلت ما تعك معاهم يا س س واهو شوية كلام على إشارات على ضحكه من هنا على زُغد من هناك وأهي بتمشي والمعلومة بتوصل وكل سنة وإنتي طيبة ..

2- مهما دخلتي 100 كورس وقرأتي مليون كتاب ... فهذا لن يُغني عن الممارسة .... عشان كده الطلبة بالذات اللي بيسافروا يدرسوا لغه بره ويعيشوا مع عائلة من نفس البلد .... ممكن يجيدوا التحدث باللغة في فترة قصيرة جداً مقارنة باللي بيدرسوا أكاديمياً او حتى من زملائهم اللي بيبقوا عايشين مع بعض وبعد ما يرجعوا من الدرس يتحدثوا بلغتهم الام ..

اى حد تانى عنده حاجة يجيبها

أنا معايا جنيه ونص وساندوتش مربى ... خديهم يا هبه وامشي أنا حافي على لحم بطني ... وخد قوتي وقوت عيالي يا عبد الهادي

و انا واثقة ان المحاورات مليانة كنوز

خلاص يا ستي قطعتي قلبي

خدي إصطباحه المحادثة دي وما تقوليش لحد .. وإدعي لاونكل إس إس ( ما انفعش أقول سين سين وإحنا في حصة إنجليزي )

ربع محادثة على ما قُسم

ودي حته برضوا بي بي سي محادثة تحلي بها ... وأشوفك يوم الإثنين الجاي وما تاكليش سمك ولا لحمه ولا فراخ وعيشي عالسبانخ بس زي باباي

ب ب سي

[~Heba~]

يا استاذ اس اس (و اسمحلى اقولك استاذ لانه كلمة اونكل دى مش مناسبانى لانى مش صغيرة للدرجة دى انا كام شهر و اقفل 26)

خلاص يا مستر اس اس انا قلت لك ان المشكلة انه بيكلم بسرعة و المفروض فيه محادثات نسمعها و منها نحل اسئلة المحادثات دى فى تراك تانى بيكرروها لهم ييجى 3 مرات او اكتر لكن هو بيقرأها مرة واحدة الواحد مش بيلحق يتعلم حتى نطق الكلمات و ترتيبها و بعدين احنا دخلنا مباشرة فى البزنس انجلش يعنى شوف محادثاتها شكلها ازى

سوف يا استاذى العزيز انا اقدمت على خطوة اعتبرها خطيرة لكنها ضرورية عشان اتعلم بسرعة ببساطة دخلت على غرف شات انجليزية موجوده فى مواقع بتعلم اللغة الانجليزية انا عارفة ان غرف الشات احيانا بتبقى مستنقع لذوى النفوس المريضة بس ده حل وحيد لانه بعد 35 يوم هعمل presentation....ربنا يستر و همتك معايا يا استاذ متسبنيش انا وقعت فى عرضك :happy: :lol: :lol:

[shawshank]

2- مهما دخلتي 100 كورس وقرأتي مليون كتاب ... فهذا لن يُغني عن الممارسة .... عشان كده الطلبة بالذات اللي بيسافروا يدرسوا لغه بره ويعيشوا مع عائلة من نفس البلد .... ممكن يجيدوا التحدث باللغة في فترة قصيرة جداً مقارنة باللي بيدرسوا أكاديمياً او حتى من زملائهم اللي بيبقوا عايشين مع بعض وبعد ما يرجعوا من الدرس يتحدثوا بلغتهم الام ..

كلامك مظبوط يا سي السيد

أضيف ليه إن اللغة ليست فقط مفردات وقواعد ، بل هي ثقافة Culture أيضًا . وإن كنت تعيش في دولة ما ، فلكي يفهمك الناس لابد أن تتكلم بثقافتهم ، ليس بلغتهم فقط .

تعلم اللغة لابد أن يصحبه تعلم ثقافة المتحدثين بتلك اللغة ، هذا إن كان المتعلم ينوي العيش بين هؤلاء المتحدثين .

وربما يكون هذا السر في رغبة الدول في نشر لغتها ، لأن نشر تلك اللغة نشر لثقافة الدولة .

[aimen]

يا استاذ اس اس (و اسمحلى اقولك استاذ لانه كلمة اونكل دى مش مناسبانى لانى مش صغيرة للدرجة دى انا كام شهر و اقفل 26)

خلاص يا مستر اس اس انا قلت لك ان المشكلة انه بيكلم بسرعة و المفروض فيه محادثات نسمعها و منها نحل اسئلة المحادثات دى فى تراك تانى بيكرروها لهم ييجى 3 مرات او اكتر لكن هو بيقرأها مرة واحدة الواحد مش بيلحق يتعلم حتى نطق الكلمات و ترتيبها و بعدين احنا دخلنا مباشرة فى البزنس انجلش يعنى شوف محادثاتها شكلها ازى

سوف يا استاذى العزيز انا اقدمت على خطوة اعتبرها خطيرة لكنها ضرورية عشان اتعلم بسرعة ببساطة دخلت على غرف شات انجليزية موجوده فى مواقع بتعلم اللغة الانجليزية انا عارفة ان غرف الشات احيانا بتبقى مستنقع لذوى النفوس المريضة بس ده حل وحيد لانه بعد 35 يوم هعمل presentation....ربنا يستر و همتك معايا يا استاذ متسبنيش انا وقعت فى عرضك :closedeyes: :)

ياريت يا باشمهندسة هبة تعطينا روابط لهذه الغرف ( اصل بفكر اعمل مثلك )

تم تعديل 26 فبراير 2008 بواسطة aimen

[se_ Elsyed]

يا ولاد يا ولاد

عندي روابط لعشرات كتب تعليم وتقوية اللغة الإنجليزية والتي مستمدة من كورسات جامعات مشهورة ...

عايزينها ولا نردم ؟

[aimen]

سى السيد يا حبيب الكل

انشر تؤجر

[~Heba~]

سى السيد يا حبيب الكل

انشر تؤجر

و انا بقلك زيه

يا ايمن الشات كان فى موقع لتعليم الانجليزية و هو واحد من مجموعة مواقع حلوة وجدتها بالاضافة لقائمة ب40 موقع اخر اعطانى روابطهم المدرب و الموقع اللى فيه الشات ده عنوانه

http://www.englishbaby.com/

آدى كمان رابط لمنتدى لتعليم الا نجليزية عجبنى جدا

http://learnenglishonline.yuku.com/

تم تعديل 26 فبراير 2008 بواسطة ENG.Heba

[se_ Elsyed]

ربنا معاكو يا ولاد

خدوا رابط المكتبة الإلكترونية دي وأختاروا منها الكُتب والكورسات اللي تحتاجوها .. ورجعوا الباقي

كُتب سلاح التلميذ للطالب اللذيذ

وده كمان برنامج إي أكس إي يحتوي على كلمات خفيفة وظريفة لأولادنا المبتدئين

تاته تاته .. إتكلم الانجليزي ببساطه

س س ... موجه أول لغة إنجليزية في منطقة شرق القاهرة التعليمية بنين .... ومبيض محاره بعد الضهر .. يعني أي مرمات ... مقاولات .. فالنات .. شربات ... إحنا جاهزي