هل كندا بهذة البشاعة؟

[نصر]

الموضوع أكبر من المناظر الطبيعيه الجميله - أجناعندنا البحر الأحمر و سيناو الساحل الشمال تعرف تستمتع بجد مش مش مياه راكده سوداء ساقعه زى التلج فى بحيرات والرمال مثل التراب!

وخد عندك

1- كندا من اسوء دول العالم مناخاً إن لم تكن الأسوء على الأطلاق - الشتاء طويل و قارص والصيف قصير يتخلله أمطار و رياح

2-من أعلى دول العالم فى نسبة الضرائب على الدخل

3-بالنسبه للتأمين الصحى الأسنان غير مغطاة و العلاج(الأدويه)غير مغطى أيضاً وهى غاليه جداًجداً- (ممكن تدخل مع شركات تأمين خاصه بس بتدفع ) طوابير الأنتظار على العمليات طويل لدرجة أن فيه صديق ليه نزل مصر علشان يعمل عمليه فى ركبته - أه و الله

4-توجد عنصريه من تحت لتحت و التحيز الكامل للكندى الأصلى

5-اختراع موضوع الخبرة الكندى وده أكبر نكته لأن حضرتك اما تيجى تقدم على شغل بيكون من أول معايير الأختيار هى وجود خبرة عمل فى كندا و طبعاً بيطلب بيانات عن المكان اللى كنت بتشتغل فيه ليتم السؤال عنك. بس المشكله ازاى يبقى عندك خبره كندى و أنت مهاجر جديد!

6-على فكره هما كأخلاق و تعامل مش أحسن من المصريين بس القانون مطبق و الجميع يعرف ذلك .

7-الحياة مادية و شهوانيه و الأنانيه لأقصى درجه - حب الأكل و الجنس و المتع الحسيه الهدف الأهم للمواطن الكندى الأصلى و للاسف هذه الطباع مع الوقت بيطبع بيها الوافدين الجدد

أستاذ ايهاب واضح أن حضرتك عندك كاميرا حلوه - نوعها ايه كنت عايز اشترى واحده (السؤال بجد والله)

تم تعديل 26 فبراير 2008 بواسطة نصر

[هشام الكندي ان شاء الله]

شكرا ليك جدا جدا يا استاذ ايهاب سالم علي المعلومات القيمه عن برج سي ان و الصور الاكثر من رائعه

اكتر حاجه تخوف فعلا الدور الزجاجي اللي بتشوف الارض من تحت رجليك

بس ليا استفسار يا استاذ ايهاب و اهو اهل كندا ادري بشعابها:

هل كلام الاستاذ نصر صحيح, و الي مدي؟

ارجو منك الرد

اخوك

هشام الكندي ان شاء الله

[amir al tounisi]

سلام عليكم شكرا على المعلومات, تركتوني اعيش في كند وانا في مكاني اريد معلومات عن اخذ رخصه السياقه ,ما هي الماطق النضيفه لسكن بمعنا خلق الناس اللذين يعشون فيها

وكم سعر التامين لسياره ,واخيرا ماهي اغلاق التونسي اتمن ان تكون مشرفه جزاكم الله كل خير علي المساعده وادعوا لي علي الموافقه لطلبي للهجره لكند

[ايهاب سالم]

بس ليا استفسار يا استاذ ايهاب و اهو اهل كندا ادري بشعابها:

هل كلام الاستاذ نصر صحيح, و الي مدي؟

ارجو منك الرد

و الله يا هشام أنا تعبت من كتر الرد و الدخول في مداولات كلاميه ليس من ورائها طائل و أنا محتاج كل دقيقه في وقتي و ساعات بأقول هو أنا تاعب نفسي ليه

هو أنا المتحدث الرسمي بإسم كندا

اللي عايز يحبها يحبها و اللي مش عايز هو حر

اللي شايفها جنه براحته و اللي شايفها نار براحته

[ايهاب سالم]

الموضوع أكبر من المناظر الطبيعيه الجميله - أجناعندنا البحر الأحمر و سيناو الساحل الشمال تعرف تستمتع بجد مش مش مياه راكده سوداء ساقعه زى التلج فى بحيرات والرمال مثل التراب!

هو حضرتك في مصر و الا أمريكا .. ايه اللي جاب سيرة مصر .. لكن ما علينا .. الأماكن اللي حضرتك ذكرتها دي أماكن سياحيه متظبطه للأجانب و المصريين الأغنياء ... إدخل على جوه و كلمني .. لكن الصور اللي جبتهالك دي من الشوارع و الجناين المتاحه لكل الناس في كندا .. الأغنياء و الفقراء

أنا في محيط سكني فيه أربع جناين يا مؤمن .. دي صوره من واحده منهم

مش محتاج أسافر الغردقه أو شرم الشيخ .. أنا بس أنزل أتمشى بالشبشب أنا و بنتي جنب البيت .. نلاقي نفسنا في أماكن أحلى من شرم الشيخ زي دي

ده جمال كندا .. المتاح لكل الناس .. الغني و الفقير

أما كلامك عن الميه السوده الراكده بصراحه .. متزعلش مني .. يضحك

طب أنا مش هأتكلم .. أنا هأسيب الصور تتكلم

دي ميه سوده راكده

و الا دي

شايف الميه صافيه إزاي

تم تعديل 27 فبراير 2008 بواسطة ايهاب سالم

[هشام الكندي ان شاء الله]

انا فيه واحده كنديه اعرفها سافرت امريكا و اليابان و استراليا و بلاد كتيره جدا لما سالتها ايه رايك في البلاد مقارنه بكندا قالتلي كندا دي جنه الله في الارض

و الصور اللي حضرتك جبتها يا ايهاب جميله جدا

لكن انا كنت عايز اعرف حكايه طوابير الناس اللي مستنيه تعمل عمليات جراحيه؟ دا حقيقه و لا ايه؟

كمان التقرير اللي انتا جايبه بيقول ان فيه بطاله بنسبه 5 %, طيب يعني فيه بطاله برضه؟ الواحد يلاقي شغل ازاي؟

ارجو توضيح تلك النقطتين؟.

[هشام الكندي ان شاء الله]

نسيت اقولك حاجه مهمه جدا يا اخونا ايهاب

ربنا يخليلك البنوته الصغيره و تفرح بيها

اخوك

هشام الكندي ان شاء الله

[ايهاب سالم]

1- كندا من اسوء دول العالم مناخاً إن لم تكن الأسوء على الأطلاق - الشتاء طويل و قارص والصيف قصير يتخلله أمطار و رياح

-

طب هنفترض إن كلامك صح و إنها أسوأ دول العالم مناخا .. مش شايف إنه غريب إنه يقوم في المكان ده دوله من الدول الصناعيه الثمان الكبرى

المناخ الفظيع ده مش كان المفروض يعوق أي محاولات للتنميه و التقدم و الصناعه .. و ايه اللي يخلي الناس عايشين في المناخ الفظيع ده أجيال و را أجيال .. و المهاجرين بالطوابير

2-من أعلى دول العالم فى نسبة الضرائب على الدخل

صحيح .. لكن ليه .. عشان بتاخد مقابلها رعايه صحيه مجانيه و إعانة بطاله لما تفقد شغلك و إعانه شهريه لأطفالك حتى سن 18 سنه و مدارس محترمه تخلي ولادك يزعلوا لما ييجي يوم الأجازه عشان مش هيروحوا المدرسه وووووو

و بعدين أنا بأدفع ضرايب و مش زعلان خالص .. لسببين .. الأول إنه بلاقيها راجعالي خدمات محسوسه و الثاني إني اللي بيفضلي بعد الضرايب أكثر من إحتياجاتي .. يبقى أيه المشكله .. أنا مش جاي هنا أحوش زي الخليج

و بعدين محدودين الدخل مش بيدفعوا ضرايب .. بالعكس بيرجعلهم فلوس أخر السنه GST CREDIT .. تعويضا عن الضرائب اللي دفعوه على المبيعات

يبقى ايه المشكله لما القادر يدفع

كندا دوله نظامها رأسمالي و لكنه SOCIAL في نفس الوقت .. يعني لازم تكون فيه ضرائب عاليه للصرف على البرامج الإجتماعيه للفقراء ..

بالنسبه للتأمين الصحى الأسنان غير مغطاة و العلاج(الأدويه)غير مغطى أيضاً وهى غاليه جداًجداً-

معظم أماكن العمل المحترمه بتعمل تأمين للعاملين فيها على الأسنان و الأدويه

و بعدين كندا عملت كل حاجه مجانيه ماعدا التجميل و الأسنان و الأدويه .. أمريكا أخبارها ايه .. عندها كام حاجه مجانيه

إتفرج على فيلم سايكو الوثائقي للمخرج الأمريكي مايكل موور

http://www.imdb.com/title/tt0386032/

و بعدين تعالى كلمني على نظام التأمين الصحي الكندي .. المخرج الأمريكي قارن نظام بلده ببلدين من نفس الخلفيه الثقافيه .. بريطانيا و كندا

و كان نظام كندا هو الأفضل .. يا راجل ده جاب ناس هاجروا من أمريكا لكندا عشان بس يتمتعوا بالرعايه الصحيه المجانيه .. لأنهم كانوا هيموتوا من المرض في أمريكا

و ياريت كمان تتفرج على الفيلم ده عشان تعرف أكتر عن تردي نظام الرعايه الأمريكيه و إن العلاج متاح فقط للأغنياء

http://www.imdb.com/title/tt0251160/

و بعديت أنا أطمئنك إن فيه برامج إجتماعيه خاصه بمساعدة الفقراء لتمويل الأدويه و الأسنان .. لكن مش معلنه لأنها إستثناء مش الأصل .. يعني مفيش واحد فقير هيموت عشان مش لاقي الدواء أو هيقعد يصرخ من سنانه ع الرصيف .. و الموضوع سهل لأن الفقير معروف من دخله في الضرائب

-توجد عنصريه من تحت لتحت و التحيز الكامل للكندى الأصلى

حضرتك أحسن واحد ممكن يكلمنا عن العنصريه لو في أمريكا فعلا .. و بعدين انا مش عارف مين الكندي الأصلي .. الكنديين الأصليين هما الهنود الحمر .. لكن الأوروبيون دول مهاجرين زيهم زي كل الناس .. المكان الوحيد في كندا اللي فيه كلام كتير عن العنصريه هو كيبيك .. لكن أونتاريو - تورونتو .. مفتكرش خالص ..

أنا الثلاثه اللي عملوه معايا إنترفيو عشان أشتغل مش من أصل أوروبي .. و النهارده كنا في إجتماع .. 8 أفراد و لا واحد أوروبي

العنصريه دي حجة البليد

اختراع موضوع الخبرة الكندى وده أكبر نكته لأن حضرتك اما تيجى تقدم على شغل بيكون من أول معايير الأختيار هى وجود خبرة عمل فى كندا و طبعاً بيطلب بيانات عن المكان اللى كنت بتشتغل فيه ليتم السؤال عنك. بس المشكله ازاى يبقى عندك خبره كندى و أنت مهاجر جديد!

-

أي حد عايش هنا يعرف إنه لما صاحب العمل يعمل معاك إنترفيو و يلاقيك مش مؤهل للوظيفه يعتذر لك بحاجتين

YOU DON'T HAVE CANADIAN EXPERIENCE

أو

YOU'RE OVER QUALIFIED

عشان بس ميقولكش إنت مش نافع للوظيفه .. أو إحنا قابلنا ناس تانيه أحسن منك .. أو الإنجليزي بتاعك تعبان

أمال أنا و ألاف قبلي إشتغلوا إزاي في مجالهم بدون خبره كنديه

على فكره هما كأخلاق و تعامل مش أحسن من المصريين بس القانون مطبق و الجميع يعرف ذلك .

لأ هما تعاملهم متحضر و عالي و ذوق .. و مش فاهم ايه علاقة القانون بواحد بيتعامل برقي مع واحد في الباص و الا في الشارع و الا في المكتبه وهو لو شوح له و الا شتمه هيطبق عليه القانون إزاي ... دي ثقافه مجتمع .. و بعدين الناس مستريحه و مش شايله الهم يبقى هتناكف بعضها ليه

الحياة مادية و شهوانيه و الأنانيه لأقصى درجه - حب الأكل و الجنس و المتع الحسيه الهدف الأهم للمواطن الكندى الأصلى و للاسف هذه الطباع مع الوقت بيطبع بيها الوافدين الجدد

وهما الناس في أمريكا ماشاء الله قايمين من على سجادة الصلاه .. و هنفترض إن كلامك صح .. إنت عايش مع العرب و المسلمين اللي ماشاء الله زي الرز و خليك بعيد عن الكنديين الشهوانيين الوحشين

أستاذ ايهاب واضح أن حضرتك عندك كاميرا حلوه - نوعها ايه كنت عايز اشترى واحده (السؤال بجد والله)

http://panasonic.ca/english/audiovideo/cam...ill/DMCFZ18.asp

[waleedss88]

استاذ ايهاب انا استمتع في البحث عن ردودك فعلا

تقارير ممتعة وردود مفحمه.

[محمد مباشر]

شكرا يا جماعة علي الاراء والردود الجميلة وأخص بالذكر استاذ ايهاب ربنا يسعدك ريحت الواحد وشكرا عالصور الجميلة وربنا يخليلك بنتك ان شاء الله ...

[ELSHAMY]

اخى العزيز / ايهاب سالم

أخوك د / الشامى.... مصرى اسكندرانى ان شاء الله حاعمل landing مع الأسرة فى منتصف مارس القادم وأعتقد انى حأكون فى تورونتو ان شاء الله فى أيام 22 حتى 25 مارس.... من أمنيات حياتى أنا وزوجتى اننا نقابل حضرتك والأسرة اذا كان هذا الوقت مناسب لكم لأنك تعلم مدى الارتباك و الحيرة فى أخذ قرار الأستقرار وهو موضوع يطول شرحه ولا ينفع فيه عشرات المداخلات.

يمكنك الرد على من خلال هذا المنتدى أو ارسال e-mail لى بالطريقة التى تراها مناسبة للاتصال بك عند أو قبل وصولنا.

جزاك الله كل خير مقدما.

مش عاوز حاجة من السعودية (مكان عملى الحالى) سواء لك أو لأى أخ مصرى محتاج أى شىء ؟

خالص تحياتى

my e-mail: melshamy@hotmail.com

[ايهاب سالم]

عن فيلم سايكو الذي كشف نظام الرعايه الصحيه الامريكي

و اثبت قيمة نظام الرعايه الصحيه الكندي

ترايلر الفيلم

http://www.youtube.com/watch?v=xlDAUKSh9CQ

ارقام وحقائق حول نظامي الرعايه الصحيه الامريكي و الكندي

Facts & Figures

DID YOU KNOW...

Canada spends only $3,165 per capita on health care, compared to over $7,000 per capita in the United States.

Source: Organization for Economic Co-operation and Development, Center for Medicare and Medicaid Services

The life expectancy in Canada is three years longer than in the United States.

Source: World Health Organization

The infant mortality rate in Canada is 5.0 per thousand, compared with 7.0 per thousand in the United States.

Source: World Health Organization

24 percent of Americans did not seek medical care because of cost, compared to 5 percent in Canada.

Source: 'Inequities In Health Care: A Five-Country Survey,' Health Affairs.

There are nearly 50 million Americans without health insurance, compared with none in Canada.

Source: Centers for Disease Control

The median waiting time in Canada is only three weeks for diagnostic tests and only four weeks for specialist visits and none for emergency surgery.

Source: Statistics Canada

70 to 80 percent of Canadians feel their wait times are acceptable.

Source: Statistics Canada

وهكذا نعلم اين تذهب فلوس الضرائب في كندا

نظام رعايه صحيه عالمي المستوى متاح للجميع

الغني مثل الفقير

كندا ... البيت بيتك

[ايهاب سالم]

ماذا يقول الكنديون عن نظامهم الصحي وهم في غرفة الانتظار

http://www.michaelmoore.com/sicko/canadian...ing-room-scene/

[هشام الكندي ان شاء الله]

اخونا ايهاب سالم

كلامك وفي و كفي و ضحد الحجج التي تقال علي كندا و شعبها العظيم

عاشت كندا حره مستقله يا جدعان

ربنا يكرمك يا استاذ ايهاب و تكون وجه مشرف للاسلام و المسلمين في كندا

اخوك

هشام الكندي ان شاء الله

[ايهاب سالم]

اخونا ايهاب سالم

كلامك وفي و كفي و ضحد الحجج التي تقال علي كندا و شعبها العظيم

عاشت كندا حره مستقله يا جدعان

ربنا يكرمك يا استاذ ايهاب و تكون وجه مشرف للاسلام و المسلمين في كندا

اخوك

هشام الكندي ان شاء الله

عزيزي هشام

فقط لتوضيح الامور

انا اتفق معك في رغبتك في الهجره

ولكني لا اتفق معك في اختيارك اسمك و في اتخاذك علم كندا رمز لك

ولا اتفق ايضا مع كثير مما تكتبه و من ضمنها تلك المشاركه

كندا شعبها مش عظيم ولا حاجه

هما فقط ظروفهم احسن من المصريين منذ عقود وده انتج بعض الايجابيات في سلوكهم و طريقة حياتهم

ولكن المصريين افضل منهم في حاجات كتير ايضا

يمكن ابرزها الايمان بالله و العلاقات الاسريه الدافئه و الاحتشام والحياء ووووو

وبلاش ندخل الدين في موضوع كندا

كلنا عارفين ان الهجره لكندا لشؤون الدنيا و لا علاقه لها بالدين

عشان بس الامور تكون واضحه

تحياتي و ربنا يهجرك بسلام

تم تعديل 28 فبراير 2008 بواسطة ايهاب سالم

[ايهاب سالم]

اخى العزيز / ايهاب سالم

أخوك د / الشامى.... مصرى اسكندرانى ان شاء الله حاعمل landing مع الأسرة فى منتصف مارس القادم وأعتقد انى حأكون فى تورونتو ان شاء الله فى أيام 22 حتى 25 مارس.... من أمنيات حياتى أنا وزوجتى اننا نقابل حضرتك والأسرة اذا كان هذا الوقت مناسب لكم لأنك تعلم مدى الارتباك و الحيرة فى أخذ قرار الأستقرار وهو موضوع يطول شرحه ولا ينفع فيه عشرات المداخلات.

يمكنك الرد على من خلال هذا المنتدى أو ارسال e-mail لى بالطريقة التى تراها مناسبة للاتصال بك عند أو قبل وصولنا.

جزاك الله كل خير مقدما.

مش عاوز حاجة من السعودية (مكان عملى الحالى) سواء لك أو لأى أخ مصرى محتاج أى شىء ؟

خالص تحياتى

my e-mail: melshamy@hotmail.com

يشرفني معرفة حضرتك يا دوك

سوف اراسل حضرتك على الايميل

[نصر]

اتمنى التوفيق و النجاح للجميع

تم تعديل 29 فبراير 2008 بواسطة نصر

[نصر]

أ/ ايهاب

واضح أنك ماشفتش غير كندا ولسه فى مرحلة الأنبهار، يمكن لما تقدم شويه فى كندا حتفهم كلامى

تم تعديل 11 مارس 2008 بواسطة نصر

[هشام الكندي ان شاء الله]

بسم الله الرحمن الرحيم

اولا انا اسف علي كلمه ضحد و اصلها دحض, كنت بكتب في الرد السريع

استاذ ايهاب:

"

كندا شعبها مش عظيم ولا حاجه

هما فقط ظروفهم احسن من المصريين منذ عقود وده انتج بعض الايجابيات في سلوكهم و طريقة حياتهم

"

معني ان ظروفهم احسن انتجت سلوكيات افضل , معناه بشكل او باخر انهم شعب عظيم

حضرتك قلت بنفسك انهم احسن من امريكا اللي محتله العراق و افغانستان و قريبا ايران و سوريا

بيهتموا بصحه الفرد الي ابعد الحدود يمكن اكتر من امريكا نفسها

علي الاقل بيهتموا بالناس بتوعهم اكتر من مصر

اللي انا اقصده بالشعب العظيم هو عندما ينتمي الانسان المسلم المؤمن الموحد الي مثل هذا الشعب يكون عظيم بجد

يكون فاز بالدنيا و يتقي الله و يدعو لله بالحسني في كندا كي يفوز بالاخره

كدا يبقي عظمه علي عظمه

استاذ نصر:

"لو فيه شعب عظيم يبقى المصريين اللى لسه محافظين على أخلاقهم و ماانجرفوش فى العهد البائد لحسنى مبارك"

ارجو مراجعه الشواذ اللي عايزين يهاجروا

و الشباب اللي بيتنصر علشان يهاجر

دول برضه من شعب مصر

مش معني كدا ان الشعب المصري وحش, لكن فيه الحلو و فيه الوحش زي شعب كندا بالظبط

اخوكم

هشام الكندي ان شاء الله

[ايهاب سالم]

الحياة مادية و شهوانيه و الأنانيه لأقصى درجه - حب الأكل و الجنس و المتع الحسيه الهدف الأهم للمواطن الكندى الأصلى و للاسف هذه الطباع مع الوقت بيطبع بيها الوافدين الجدد

اليوم كان فيه خبر في الجريده بيقول ان الصليب الاحمر الكندي متبقي عنده 200 مليون دولار من تبرعات الكنديين لضحايا تسونامي

مش عارف يعمل فيها ايه

قلت حقيقي ناس شهوانيين ماديين انانيين