البكرية هتعمل تقويم بكرة

[إيزيس]

وأخيرا أخذنا القرار وبكرة التنفيذ خايفة موت يوجعها وخايفة موت يطلع غلط وخايفة موت الدكتور يطلع ما عندوش ضمير

ده الدكتور رقم 7 نروح له ونتردد مصر ...الإمارات...مصر..الإمارات

أخيرا خدنا القرار الإمارات لأن التقويم هنا كل اتنين تلاتة منهم عاملينه يعني الخبرة هنا أكتر واتكلنا على الله وناقصنا دعواتكم الله يخليكم

ما قلتش للعيلة في مصر علشان هيخافوا عليها يعني ماليش غير دعواتكم بعد ربنا :happy: :happy: :happy:

تم تعديل 23 فبراير 2008 بواسطة قرنفل

[م.سامح المصرى]

ياااااااااااة

شكل المسألة كبيرة جداً .... مصر والامارات وكدا يعنى

هوا اية بالزبط يعنى علشان نبقي بندعى على نور برضو يا باشمهندزة

بس يا رب ما يمسش حد حاجة وحشة

تم تعديل 23 فبراير 2008 بواسطة م.سامح المصرى

[إيزيس]

التقويم بتاع الأسنان علشان سنة طالعة بالغلط ورا التانية

هي المسألة مش كبيرة لكن أنا خوافة في كل ما يتعلق بفلذات أكبادي

ياللا ادعوا بسرعة يارب ما تحتاجوا لدكتور الأسنان أبدا

[badroora]

ان شاء الله يتعمل التقويم وتصبح الاسنان احلى من اسنان انغام بعد التقويم ويكون بدون الام يا رب .

الموضوع بسيط بس محتاج صبر .

ان شاء الله يتم على خير :happy:

تم تعديل 23 فبراير 2008 بواسطة Badria Mekkawy

[se_ Elsyed]

يا سلام !!!!

يا سليم !!!!

بقى كل ده عشان تقويم ؟!!!!!!!!!!!!

يا ست الكل إنتي كده خوفك هاينتقل للأولاد وده مش ظريف خالص

طب ده التقويم ده كان الواحد بيعمله وهو بيقرا الجرنان

وبعدين البنت هاتشعر ببعض المضايقة نتيجة وجود تلك الشقاطات في أسنانها وكمان شكلها هايتغير شويه لكن إنتي لازم تهيئيها نفسياً وما تحسسهاش إنك خايفه

اومال عماليين نقول قرنفلة .. وإحنا ما خلفناش غير قرنفلة .. وقرنفله بميت راجل ...

وفي الأخير طلعت بتخاف من شوية تقويم

-------------

نصيحه من اخوكي سين سين وبليز قدمي لها دعوة بالنيابة عني عشان تقرا الموضوع ده وتطمئن .. وهاحاول بإذن الله أخليه موضوع مدعم بالصور والرسوم البيانية عشان قلبها يطمئن ... إحنا عندنا كام شفاعات ... ربنا يخليها لك يارب

* دي صورة دكتور سنان شاطر ما شاء الله إيده تتلف في حديد

اللهم صلي عالنبي ولا شكة الدبوس

---------------

ودي صورة بنوته حلوه لسه عامله تقويم وما شاء الله بقت زي الفُل دلوقت

ودي صورة ملكة جمال جواتيمالا اللي كانت بتواظب طول عمرها على إستعمال معجون كولجيت بالفلورايد بلص

[nash]

أيوة ايوة خليها تشوف الصور وهي تتشجع وتبأة عشرة علي عشرة....

طب والنبي تاخدي الواد ياسر معاكي يتظبط هو كمان...طالعله أتنين ناب زياده فوق وأتنين تحت ومستخبيين الظاهر كان راسم يطلع نوع معين من الثدييات التي تأكل اللحم ويغطي الفرو اجسادها.........

إن شاء الله تقوم بالسلامه وترجع اسنانها أحلي من الأول ....

هاااا ابعتلك الواد؟؟

[se_ Elsyed]

هاااا ابعتلك الواد؟؟

ما تبعتيهوش الا بعد ما يشوف الرسوم البيانية التوضيحية اللي فوق دي ...

دي نصيحة متجربة

[م.سامح المصرى]

يا استاذة خضتيني

دا انا الولا اخويا كان نفس الحكاية كدا

ولا راح لدكتور ولا حاجة

كل الحكاية جبت شاكوش ومبرد خشابي ومفك

وعينك ما تشوف ألا النور

بس المشكلة طلعت من عندة هوا

سنانة كانت ضعيفة .... ووقعو من اول ضربة شاكوش بالمفك

[إيزيس]

الحقيقة طمنتوني منكم لله

البكرية أجدع مني عشان تبقوا عارفين كان مرة سمسم أخوها آخر العنقود عامل سوبر مان وهب نط دخل سيخ اللحمة في عينها

ما تخافوش ربنا ستر كان نزيف بعيد عن النني ورحت معاها المستشفى وهي متماسكة وأنا أبوها شالني من الأرض بعد 5 دقايق

حاليا هي عملت زيكم جابت لي صور من اليوتوب لعمليات تقويم وغيرت صورة الماسنجر بتاعها صورة أسنان بتقويم في منتهى البشاعة هتموتني البت دي والله وأنا مش

عارفة أنام من يوم ما قررنا القرار المصيري وربنا يستر

ناش إلهي يسترك إبعتي لنا ياسر نجرب فيه هو راجل يعني مش هيعيبه سنتين

ماسمعتش دعوة طالعة من القلب كده شدوا حيلكوا معانا شوية

[م.سامح المصرى]

ماسمعتش دعوة طالعة من القلب كده شدوا حيلكوا معانا شوية

بس كدة

يا رب يا بنت استاذة قرنفل

ما يخلعلك سنة ولا يلخلخها لك

ولا يوجعلك ضرس ولا لسا حتى

اية رأيك بقي في الدعوتين دول

[إيزيس]

تعيش يا أمير ما نحرمش منك ونردها لك في أفراح ولادك يارب

بس بافكرك تدعي يطلع التقويم مظبوط ويخلص بسرعة

أمير أنت يا سامح و طيب وأمير وطيب

[ELSHAMY]

بالسلامة ان شاء الله

ما تقلقيش انا ولادى عملوها وكله تمام....أهم حاجة المتابعة الجيدة مع الدكتور لأعادة الشد على التقوبم.... ثانيا الحفاظ على نظافة التقويم بالفرشاة الخاصة اللى حيكتب لك عليها الدكتور لأن لها مقاسات ونوعية خاصة

بالتقويم.... قصدى بالتوفيق ان شاء الله

د. الشامى

[om marawan]

انا لقيت دعوات جامدة جدا جدا ومدام قرنفل كاتبه

اتخضيت والله ودخلت على طول

وبعدين الصراحة لما لقيته تقويم اطمنت شوية

بس والله حاسين بيكى ان شاء الله تعدى على خير ياااااااااارب

بس يامدام قرنفل احنا مش شايفين غير صفين لووووووووووووووولى

[nash]

الحقيقة طمنتوني منكم لله

:blink: :lol:

روحي يارب يابنت قرنفل يا بكريه تركبي التقويم بسهوله وسعاده وانتي مبتسمه....

يااااااااارب وتطلعي منها بصف اسنان علي الزيرو ابيض وجميل وعلي خط واحد.....

يااااااااااااااااااااااااااااااااااااااااااارب

الواد عنده إمتحانات

تم تعديل 23 فبراير 2008 بواسطة nash

[amrhoras]

العروسه الصغنونه تعمل تقويم بكره انشا الله

ومصر كلها بتدعى وتقول ربنا معاها ويحنن قلب الدكتور على الاب فى التكاليف ويحنن قلبه شايف صور سى السيد تخلى القلب يفزع من الطمأنينه :)

ربنا معاها يارب وطمنينا يا مدام قرنفل :blink: :lol: :)

[semsema]

ماتخافيش خالص...

تلت ترباع البنات في مدرستي عاملين تقويم......بيقولوا انه مش بيوجع....

دا يموووووووت من الوجع

ربنا يكون في عونك وعون بنوتك :blink:

[امانى]

متخفيش يا قرنفل ان شاء الله ستتم العمليه بنجاح وسهولة بس هى عايزة متابعة دائمة مع الدكتور المعالج

بنت جارتى كانت لها سنتين بنفس النظام والحمد لله بقم عاديين بعد التقويم عقبال بنتك زيها يا رب

اطمنى يا حبيبتى ربنا يطمنك عليها وتبقى زى الفل ويتم الموضوع على خير امين يا رب العالمين

امانى

[إيزيس]

صباح الفل ربنا يخليكم لي كلكم

هأقولكم إيه ماهي بنت أختكوا والله كلكم زي إخواتي وباتمنى لكم كل الخير والسعادة والرضا والصحة والعافية والفوز في الدنيا والآخرة

كفاية كده عشان شايفة دموع .. دموع.. دموع

أشكركم

أشكركم

أشكركم

النهاردة بالليل أطمنكوا إن شاء الله

[إيزيس]

الحمد لله عملت الفك السفلي النهاردة وعدت على خير

لكن أنا زعلانة من نفسي جدا لأني كنت مقررة أتخلى عن خوفي وأقف جنب البنت ولآخر لحظة متماسكة وأول ما بدأ الدكتور بحقنة البنج علشان يخلع السنة حسيت قلبي

هيقف وطلعت في الانتظار وخليتها مع باباها بس ومش عايزة أقولكم كانت حالتي إيه

فعلا زعلانة وحاسة إني في مواقف في المستقبل مش هأقدر أقف معاها صح و أقويها انتوا فاهمين طبعا لكن أنا مش قادرة أعمل كده صحيح هي طمنتني إنها ماحسيتش

بألم شديد لكن أنا مش عارفة أعمل إيه وهي ما عندهاش أخت وأنا زي مانتوا شافين بصراحة أم مش سند لبنتها لكن مش قادرة على نفسي

[امانى]

يا قرنفل انت بتحملى نفسك اكتر من طاقتها

صدقينى يا اختى كل ام بتمر بتجربتك وكل ام لا تحتمل ان ترى ابنائها يتألمون وما تحسين به هو لخير دليل على شدة حبك

لهم وخفة قلبك وده طبع غالب فى معظم الامهات فلا تلومين نفسك ورفقا بها

ان شاء الله تنتهى مرحلة التقويم على خير وتبقى ست البنات زى الفل باذن الله

امانى