البكرية هتعمل تقويم بكرة

[vipwithyou]

الف الف الف سلامة على بنوتك يا أخت قرنفل

وان شاء الله تكمل عملية التقويم على خير وتبقى زى الفل وتطمنينا عليها

بس متخليهاش تشوف الصور بتاعة سى السيد احسن نفسها تتسد

وانتى جمدى قلبك كدة

امال بس عاملين فيها ستات جامدين واول ما تشوفى حقنه البنج تعيطى

جمدى قلبك كدة علشان البنت حتى متخافش

وطمنيها دايما ً واثنى على شغل الدكتور علشان هى تحس ان فى تحسن ان شاء الله

وألف سلامة مرة اخرى على بنوتك يا عزيزتى

[Scorpion]

يا جدعاااان عايزين دم ....

دي ايه الكتاكيت اللي عمالة تسرح هنا دي ....

باب اجتماعيات و لا موضوعات شخصية ده يا اخويا ...

ربنا يقومها بالسلامة يا مدام قرنفل

و نصيحة يا أختي ... اعملي زي ما ان عملت مع جونيور ...

اعمليلها تقويم هجري مش ميلادي

لأن الهجري بيخلص أسرع من الميلادي ....

و دعوة بدعوة ... ابقوا ادعولي انا برضه يا جماعة ..

عشان انا عندي زغطة .... :rolleyes:

[م.سامح المصرى]

استاذة قرنفل

حضرتك متحاملة اوى على نفسك

يعنى انا مثلا اخويا لما دخل على والدتى المستشفي بعد ما عملت العملية بالسلامة الحمد لله رب العالمين

داخ واغم علية وطلعوة برة

يبقي معنى كدة انه مش هايعرف يقف معاها بعد كدة لا طبعا

هوا بس بتختلف من قوة تحمل للقلب

بس باين على حضرتك حونينة اوي

استخير ربنا بس انتي كدة في الحكاية دي

وبلاش تتسرعى لا تشيلي زنبهم وكفااااااية الى حصل فيهم :Icecream:

[إيزيس]

استخير ربنا بس انتي كدة في الحكاية دي

وبلاش تتسرعى لا تشيلي زنبهم وكفااااااية الى حصل فيهم

:happy:

مش فاهمة يا باشمهندش حكاية إيه وحمد الله على سلامة الوالدة ربنا يخليها لك

شكرا لكم جميعا وبكرة هنكمل الفك الأعلى و إن شاء الله مش هاسيبها وأخرج أبدا

لأني كمان لازم أسأل الدكتور شوية أسئلة عشان أفهم بعض الأمور و من الخوف أول مرة نسيت أسأله

تم تعديل 25 فبراير 2008 بواسطة قرنفل

[إيزيس]

و دعوة بدعوة ... ابقوا ادعولي انا برضه يا جماعة ..

عشان انا عندي زغطة .... :happy:

ألف سلامة إن شالله البوبي الوحش

يا زغطة كبري القطة

[أرملة الحجاج]

لا يا أم البكريه , عاد ألا الخوف .

إذا خفتِ أنتِ و بكيتِ , ضنك على مين ترمي حمولتها الأمورة .

ربي يقويك أن شاء الله في هذا الموقف و ما سيأتي بعده , و عقبال ما تكون أسنان الأمورة أحلى من أصحاب الإعلانات .

[om marawan]

يارب يكون التقويم الباقى عدا على خير ان شاء الله

ومعلش هى اى حاجة تمس الاولاد مابنستحملهاش حتى لو كانت حقنة نونو

بس طبعا زى ما اخوات حضرتك كلهم قالوا ما تتحامليش على نفسك

ان شاء الله المرة التانية تكونى واقفة جنبها وتكونى دايما جنبها على طول

وربنا يبارك فيها وفى اخواتها

ملحوظة برة الموضوع

توقيع أرملة الحجاج مميز بصراحة :)

[نانو]

ألف سلامه عليها يا قرنفله وإن شاء الله تبقي بكره تبقي زي القمر :) ....

وخليكي بره أوضه الدكتور و أقعدي قولي لا إله إلا أنت سبحانك إني كنت من الظالمين ...حلو أوي وبيهدي النفس

أنا متخيله اللي الواحد بيحس بيه لما حد يدب حقنه في حد من عياله ...وخصوصا عياله

بس أنا كده إترعبت علشان بنتي بتغير أسنانها و هيا خايفه موت توقع اسنانها القديمه و الاسنان مش بتقع لوحدها ...

فالبنت بقي عندها صفين أسنان زي الحوت بالضبط صف أمامي معوج و حالته بالبلي ومش بيقع

و التاني جووه في نص بوقها كده...وأنا من خوفي عليها مش قادره أروح لدكتور يخلع القديم .....يعني منتظرنا نستقبل باهر من التقويم برضه :blush2:

[إيزيس]

أشكركم جميعا من كل قلبي وأشكر اهتمامكم و سؤالكم

بس أنا كده إترعبت علشان بنتي بتغير أسنانها و هيا خايفه موت توقع اسنانها القديمه و الاسنان مش بتقع لوحدها ...

فالبنت بقي عندها صفين أسنان زي الحوت بالضبط صف أمامي معوج و حالته بالبلي ومش بيقع

و التاني جووه في نص بوقها كده...وأنا من خوفي عليها مش قادره أروح لدكتور يخلع القديم .....يعني منتظرنا نستقبل باهر من التقويم برضه

نانو العزيزة

نصيحة مني انتبهي لما الأسنان القديمة و تطلع الجديدة لو كانت مش مظبوطة إبدأي معاها و هي صغيرة أحسن وأسرع لأن أنا خوفي هو

اللي أخرني للوقت ده ويارب ما تحتاجش إن شاء الله