الحمد لله

[حسام يوسف]

السلام عليكم ورحمة الله

كانت علاقتى بمنتدانا الجميل قد بدأت بأزمتى بالسعودية

والان أكرمنى الله بوظيفة مدير لقطاع جنوب الصعيد باحدى شركات الدواء المصرية

الصغيرة ولكن الواعدة

وأردت ان افرح معكم

واثق انكم كأهلى

وستفرحون لى

كما دعمتونى سابقا اثناء مشكلتى بالمملكة

لذا وجب التنويه

وحقيقى وشكم حلو علية

ادعولى ربنا يوفقنى

[واحد تاني]

الف مبروك يا دكتر

حاجة تفرح بجد ان الانسان يبدأ حياته وهو بيغرس جذوره في ارضه

وانه مايتركش مشكله تكسره ... بل انه يتوكل على الله ويقف دايما على رجله تاني بعد أي كبوة

اتمنى لك التوفيق ... ويارب تكون مثال جيد لكتير من شبابنا

ربنا يوفقك ... :happy:

[م.سامح المصرى]

الله ........ مبروك يا ريس الف مبروك

وان شاء الله الشركة الواعدة على يدك تكون شركة عالمية

الف الف مبروك ويا رب المرة الجاية تتعين فى شركتك انتا

( بس ما تنساناش من البروفين ٢٠٠ للصداع يا ريس )

ومبروك مرة تانية

[إيزيس]

ألف مبروك يا دكتور وعقبال ما نوسطك تعين ابني سمسم (حسام برده )

[vipwithyou]

الف مبروك يا دكتور حسام وان شاء الله فعلا الشركة الصغيرة دى بمجهودك وعقليتك المتفتحة وفكرك العالى ستنافس الشركات الكبرى

والى الامام دائما ً

تم تعديل 23 فبراير 2008 بواسطة vipwithyou

[حسام يوسف]

السلام عليكم

الف الف الف شكر يا عمنا

vip with u

على مشاعرك الجميلة وتهنئتك الرقيقة

ومع انى نبحبش الواسطة

وماحبش انزل كلمتى الارض ابدا

لكن معلهش تنزل المرة دى عشان سمسم ابن اختى

ويابخت من كان (المدير )خاله

وانشاءالله (باكتة)بروفين 200 بال

DHL

ليك يا باشمهندس سامح

واحنا ماعندناش غير الله يا عم واحد تانى

ربنايكرمك ويكرمنا جميعا

[amrhoras]

:closedeyes: مع انى اول واحد فى المحاورات عارف ده ان مكنتش قولت لحد تانى

بقولهالك يا اجمل دكتور حسام الف مليون مبروك ياجميل

الحمد لله على كل شيء انت انسان جميل وتستاهل كل خيير وربنا عوضك خير ان شاء الله

اسف انى اتأخرت فى الرد بس ملحوقه اول ماتيجي زي ما اتفقنا مستنى منك تليفون

الف مليون مبروك يا د/حسام :) :ninja:

اخوك عمرو