اذهب إلى المحتوى
محاورات المصريين

رؤية جديدة في الحياة الزوجية السعيدة,!!!!

badroora

بواسطة badroora
في الأسرة و الطفل

 مشاركة

Recommended Posts

badroora عضو جديد

badroora

بتاريخ:
بتاريخ: (معدل)

السلام عليكم ورحمة الله وبركاتة ,,,,,

اخواتى الاعزاء سواء المتزوجات او الانسات مثلي .

يعلم الله انى فتحت هذا الموضوع من اجلكن ومن حرصي الشديد على مصلحتكن ,وما سوف اخطه اليوم هو حصيلة متابعة وترقب اكثر من 10 سنوات .

اخواتى الاعزاء انا لست ام ولست زوجة ولكنى ام بالتبني لاخواتى وصديقاتى والحمدلله اتعقدت رسمي رسمي من هول نتيجة التجربة .

انا من النوع الذي لا يستفيد ابدا من خبرات الاخرين لانى مؤمنه جدا ومقتنعة بان لكل منا ظروفة الخاصة اذن ما يطبق على لا يصح ان يطبق على الاخرين نظرا للفروق الفردية سواء الاجتماعية او البيئية المحطية بنا .

دا مبدئي فى الحياة فى كل شيء ماعدا الزواج الى هنا وتوقفت. لا استطيع ان اخاطر بتجربة عشان اشوف يا تنجح يا تفشل .

لن اطيل عليكم ندخل فى الموضوع .

من خلال الخبرات المكتسبة من المحيطين سواء اخواتى ,اقاربي , اصدقائي .

ان كلنا تربينا على الاتى .

الطاعة العمياء للزوج

طلباته فى الدرجة الاولى

وفريله الاستقرار

اوعى صوتك يعلى على صوته

اوعى وهو راجع من شغله ومكشر تسأليه مالك او تكشري فى وشة

لما تحبي تناقشية فى حاجة اختارى الوقت المناسب والظرف المناسب ايضا .

اوعى تحمليه فوق طاقته

كونى ام

كونى اخت

كونى زوجة

لو فى ايدك ايه اوعى يرجع من الشغل يلاقي البيت مكركب وهدومك مش نظيفة

لازم تتزينى وتتعطرى وتبقي على سنجة 10 عند قدومه للبيت .

الاولاد دايما تراعيهم ويبقوا متحميين ولابسين كويس .

البيت خليه المكان اللى يحب يرتاح فيه .

يعنى من الاخر كونى مسخرة لراحة سعادة جنابه وكونى جاريته ولبي كل طلباته

وانتى بقي الله معكى .

طبعا كلامى دا لا اعمم به كل الناس الا الفئات اللى تعاملت معها يعنى كلامى دا مش استاندر بيحصل مع كل الناس .

المشكلة هنا

ان الراجل لو استقر فى بيته بيتعب زوجته وينهار البيت ..!!!! ازاى الكلام دا ؟!!!!

الرجل عندما يثق فى رزوجته ويطمئن ان البيت عندة مستقر وولادة كويسين طبعا الفضل يرجع للزوجة مش ليه .

يقوم هو بقي يبدأ يفكر فى نفسه , زوجته خلاص اتعود عليها وبقي لا يطقها ولا يقدر على بعدها يعنى بقت جزء منه زيها زى امه او اخته ميقدرش يستغنى عن وجودها فى حياته لانها توفر له الامن والامان والاستقرار بالمنزل .

ولكن هو بقي حاسس ان حقه مهضوم محتاج اللى تدلعه وتكون فضياله مش مشغولة ب5 عيال وبيت ومسئولية

هنا يبدا الزوج يفكر فى زوجه تانية عشان تشبع حقه المهضوم فى ولادة .

ولو حد قالة ليه كدا هى قصرت معاك ؟

يقولك الشهادة لله لاء

طيب فيها عيب ؟

يقولك الحق ينقال لاء

طيب مهملة فى نفسها ؟

يتنح وبعد تفكير عميق ويهرش فى راسه ويقولك ماهو اصل .....

اذن هو خلاص مطمئن ان فى زوجة مستنياه فى البيت , وولادة فى احس حال يبقي ليه ميشوفش نفسه بقي ويعيشله يومين .

طبعا الكلام دا حقيقي ودا اللى لمساه ولمسته مع الفئة اللى تابعت حالتهم وعشت مشاكلهم والحمدلله شغالة مصلحة اجتماعية الايام :roseop: بس لسه مخربتش بيوت يا مسهل :blink:

المهم

لو الزوج لقي الاتى

زوجة مطلعه عنية بس بلطافة مش بزهق وقرف

لو حشرته فى كل كبيرة وصغيرة بالبيت عشان يحس انه اب وكبير ومسئول مش نوغة يغسل ايدة من المسئولية ويروح يشوف نفسه .

ان كل مشكلة كبيرة وصغيرة لولادة تحطة هو قدام المدفع وتساعد من بعيد .

ملهاش دعوة بمصروف البيت هو اللى يفكر ويصرف وهى اللى عليها الباقي ,,,, كدا مافيش مشاركة ؟ لاء ليه فيه طبعا ماهى هتطبخ وهتكمل الباقي .

المهم بقي هو تنضيف جيوبه او باول ,,, دى طريقة بلدي ومش بروفيشونال الكلام دا فى اول التعامل لكن اى زوجة مثقفة ومتعلمة لما جوزها يفكر يتجوز عليها بتكون مجروحة زيها زى اى ست بغض النظر عن الفروق الاجتماعية بينهم الجرح جرج .

المطلوب من كل زوجه انها تقوم بدورها اللى ربنا وصاها به على اكمل جه مع مراعاة حقوقها وتخلى عنيها على جوزها .

ونصيحة بقي اى ست متجوزة مافيش حاجة اسمها خصوصية بين الزوج وزوجته لازم تقلب المسنجر بتاعة وتفلية وكمان الموبايل لان صدقونى لو معظم الستات فجئة تخلت عن مبدا الخصوصية اللى بيحمى الازواج دا وعملت تفتيش مفاجيئ هنلاقي معظم الستات فى المحاكم طالبين خلع .

لان كل رجل ديمقراطى عصري مودرن بينادى بخصوصيته فقط وتلاقي بلاوى على اميله وموبايله .

وطبعا الست المسكينه مافيش خصوصية وطبعا انا ديمقراطية اوبن مايند بس بردة ضد ان الزوجة يكون ليها اصدقاء رجال وهى متزوجة

اصدقاء عمل اوك داخل العمل اصدقاء مشتركين بينها وبين زوجها اوك

لكن نظام خصوصيتى وخصوصيتك واصدقائي واصدقائك انا كشرقية لا اقبله ابدا ولا انادى به لنفسي ولا لاحد من المقربين لى ولكل منا قناعاته الخاصة بشأن هذا الموضوع .

انا اللى طلعت به منالموضوع دا

الاتى

لازم الزوجة متكوش معتمده اعتماد كامل على الرزوج يعنى بالبلدى ميكنش ولى نعمتها اللى من غيرة تضيع وتنهزم

لازم يكون لها ذاتها وتكون قوية سواء ماديا او اجتماعيا حتى لا تنهار من بعده

تكون ذوشخصية قوية ولا تقبل اى وضع فى سبيل البيت ووالاولاد وسمعة المطلقة والكلام الغريب دا

مافيش حاجة فى الدنيا تجبر اى سيدة انها تكون تحت رحمة زوج او تربي ولادها فى جو اسري غير صحي فى سبيل كلام لا يودي ولا يجيب

هى بقوتها وبفلوس ابو ولادها هتربيهم وهتكبرهم احسن بكتير من وجودهم فى جو اسري عقيم لا يخلو من المشاكل والشجار بين الزوجين

وكمان متنسيش انك بردوا اللى كنتى بتربي وانتى مع زوجك هو شغلته انه يجيب الفلوس ووقت الفراغ يا اما ماتش يا اما نت وانت بتخدمى عليه .

الزوجة لازم تكون متجدده بحيث متكونش عادية او روتينية بحيث كل مازوجها يدخل البيت يلاقيها بشكل جديد انا عارفه انه متعب بس معلش التغير شيء كويس

وهو بردوا يعنى لازم بردوا يتجمل لها ميقعدتش يعيب عليها وهو مكعبر وشعره منكوش ودقنه طويلة

ومن حقك تنتقضية زى ما بينتقضدك مش هو يدي لنفسه الحق انه يقولك شعرك ابيض وهدومك معرفش ايه

وهو طبعا اجارك الله

لا تتنزلى عن حقك فى الخروج والفسح طبعا على حسب ظروفه ولا تتنزلى عن حقك داخل البيت

يعنى ميشتغلش طول النهار ولما يرجع يبقي يا تليفزيون يا نت يا نايم وانت اخبطى راسك فى الحيط لاء طبعا كونى قوية ولازم يسمعك ويكلم معاكى وتشركية فى كل مصيبة فى البيت

فى الزمن دا مبقاش حد يستاهل انك تخبي عنه حاجة عشان ميزعلش لاء نكدى عليه وانتى الكسبانه

وزى ماهو عوز حنية الام خليه يحسسك برعاية الاب

وبالتوفيق ان شاء الله

مع تمنياتى بحياة زوجية سعيدة هانئه

ملحوظة

هذا مجرد راى ووجهة نظرى الخاصة

لا تعنى انى صح ولا تنادى بان هو دا اللى المفروض يكون

ولكلا منا ظروفه الخاصة وطريقته فى ادارة حياته

مع خالص تحياتى ...

بدرية

تم تعديل بواسطة Badria Mekkawy

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
  • الردود 100
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Folana عضو جديد

Folana

بتاريخ:
بتاريخ:

السلام عليكم ورحمة الله....

العزيزة بدرية....يعنى أنا كل ما أقرأ جزء...أقول عين العقل...تمام....وفى الاخر الاقى القنبلة النبوية دى؟؟...:)

حضرتك اتكلمتى عن عدة نقاط غاية فى الاهمية....ومحتاجة تفرغ لتفنيد ماجاء بها والرد عليها....

لكن الى أن أحصل على شوية وقت أرد على دردشتك...ارفعى يدك عن الاسر الله يخليك....وبلاش نصائح دلوقت لحد ما ارجع لك...:)

بس طمنينا عن الاسر اللى اسديتى لها النصح واستجابت...ايه اخبارهم ؟؟؟ :lol:

ولى عودة معك ياجميلة ..واحتمال كبير نطلع على القسم ..... :blink:

اسعد الله مساك.... :roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
nash عضو جديد

nash

بتاريخ:
بتاريخ: (معدل)

شوفي يا بديه...هو الإحترام بين الزوجين..وتقدير كا منهما للأخر..وإذا توفرت النيه الخالصه لبناء اسرة قويه ألتفت كل واحد فيهما لتوطيد أركان هذه الأسرة ولم يجعل اي شي اخر ينغص عليه حياته..لإن بناء الاسرة شراكه بين الزوجين ..لازم يتخلوا عن الأنانيه في سبيل النجاح والتفوق...

أنا شخصيا اكرة نموذج المراة الضعيفه المستكينه..والحمدلله يكره زوجي أيضا هذا النموذج..ولكن أحترم وبشده المراة التي تتسم بالحياء الجميل....وهذا ليس ضعف ابدا...

مبدأ أن يخطأ طرف في حق الطرف الأخر..ويتقبل هذا الطرف الخطأ عليه ويصمت ..هي مسئله تتفاوت من شخصيه لأخري ..نقدر نقول عليها جينات..احيانا من الصعب تغيير نمط الشخصيه التي استكانت للإهانات أو تقبلها للوم او غيرة من مهانه....أنا أعتبرها في الحقيقه مهانه...فإذا كان زوجي لا يقبل كلمه ما..أنا ايضا لا اقبلها والمعامله بالمثل...

الحمدلله موضوع الماسينجر والتفتيش للموبايلات لا يوجد عندي لإن عندي شبكه متصله بعضها ببعض في البيت وبالتالي لا يوجد ما يخبيه احدنا علي الاخر من أول زوجي حتي أحمد ......بس أة يا ويله يا سواد ليله لو ظبطت ممنوعات وكده يعني....

الصداقه بين الجنسين كان لي راي فيها هنا في أحد المواضيع لو عثرت عليه سأجلب الرابط...

حبيبتي....هناك تنازلات يقدمها الطرفين...إذا قدمها طرف واحد سينضب عطاءة في النهايه ووقتها سيأتي ساعه الحساب المحتومه...وقد تتهدم فيها بيوت....

علي الزوج أن يشترك في كل مراحل العمليه التربويه والتعليميه للأولاد...لتوطيد الأواصر بينه هو وبين ابناءة في المقام الأول ..ومن لا يقم بذلك نتيجه ظروف العمل فعلي الزوجه مساعدته أكثر حتي يبدع ولا تشغله بهموم معينه ولكن إذا كان دلع فهنا ايضا توجد وقفه أخري ...وكل علي حسب شخصيه الزوجه ومدي قوتها وضعفها...

كما قلت لك يا بدريه...هو الإحترام وتقدير كل طرف للطرف الاخر....وإن لم يكن هناك إحترام فبلاها هذه الحياة من أصله...فما الجدوي أن تبني اسر علي اسس من النكد والأنانيه وعدم الإحترام والقهر بين الزوجين...

وقبل كل شيء..هو مراقبه الله في كل شيء....وإتقاءة وإحتساب الاجر عنه تعالي...فمن يتق الله يجعل له مخرجا...

دمتي في رعايه الله وحفظه....

تم تعديل بواسطة nash

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

من أجمل ما قرأت للفاضلة ناش الحقيقة :

وقبل كل شيء..هو مراقبه الله في كل شيء....وإتقاءة وإحتساب الاجر عنه تعالي...فمن يتق الله يجعل له مخرجا...

ومن يتقى الله يجعل له مخرجا....اذن فان تقوى الله تعتبر نبراس لنا يحكمنا ويكون بمثابة نقطة عودة دائما ننطلق منها لنحدد اتجاهاتنا وتصرفاتنا...التى تؤسس حياة زوجية سعيدة...

فان لم نكن نرى الله فهو يرانا ويعلم خائنة الاعين وماتخفى الصدور...

يعنى من الاخر كونى مسخرة لراحة سعادة جنابه وكونى جاريته ولبي كل طلباته

تؤتؤتؤ يابدردر....لا يوجد زوجة تقوم بواجبتها وتتقى الله فى اسرتها وزوجها يطلق عليها جارية .....دى بتكون زوجة صالحة ..

موضوعك اكثر من رائع...لانه بيتناول نقاط هامة....فى تعريف الزوجة الصالحة...وسُبل الوصول الى حياة زوجية سعيدة....والخيانة الزوجية....وتحليل احد الطرفين لنفسه مايحرمه على الطرف الاخر....

حأرجع اكمل معاك نقاش لانك فتحتى نفسى ...

يسعد صباحك ربنا... :closedeyes:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

صلوا على النبي يا ستات و سيه لا في و على رأي المرحوم خالد الذكر عماد عبد الحليم ليه ليه ليه ليه حظي معاكي يا دنيا كده

و في جنات الخلد ان شاء الله

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

وبعودة اخونا مهدىء النفوس امرؤ الزهيرى..نبقى ضمنا ان حيبقى فيه ضرب ناااار...

حمد الله على السلامة يازهيرى...ايوة كده عايزين المواضيع تشعلل....

صباحك جميل....... :closedeyes:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
nash عضو جديد

nash

بتاريخ:
بتاريخ:

اشكرك يا فولانه علي مجاملتك الرقيقه....

شوفي يا بدريه....الحياة مش حرب...ومش من المفروض ان الزوجين كل واحد فيهم يطمع في الاخر ويحاول الإستفاده منه علي قدر ماربنا يقدرة...

شخصيا لا اقبل بإن يكون لي ذمه ماليه منفصله عن زوجي وهو ايضا لا يقبل أن يكون له هذه الذمه الماليه...وأتوقع أن الأزواج العاديين الذين يبذلون جهدهم لنجاح الأسرة لا يضعوا هذه النقطه في أذهانهم....لإن هنا هايدخل مبدأ التخوين...ووقتها لن تصبح حياة زوجيه أبدا...هاتكون أي شيء اخر لكنه شيء بشع.....

إذأ أصبحت أمه وجاريه عنده سيصبح هو عبد لي..وهكذا الحياة ...كل يحاول إسعاد الأخر....

الحياة ليست كلها ورديه أو حب علي طول أو مشاعر متأججه ولكن يتخللها الكثير من الرتابه والملل نتيجه ظروف الحياة والمعايشات اليوميه ولكنها تبقي هادئه ..وقويه ..

إذا بدأ الطرفين حياتهم وكل واحد متوجس من الأخر...فشلت هذه الحياة سواء بعد سنه أو عشرين ....يعني المفروض كل واحد يصفي نيته تجاة الأخر ويفترض ان هذا نصيبه والمقدر له...

إما حينما يكون الرجل اناني وغيرة من الصفات التي تعكنن علي البيت والزوجه....وحينما يكون قاسي ومتحجر وغيرة ايضا كما نري ونسمع عند أزواج أخرين....فهنا علي الزوجه ان تأخذ وقفه قويه...لإن الضعف في هذه الحاله قد يتسبب بإنهيارها العصبي ....وبصراحه تصبح الحياة كئيبه لا تطاق..وطالما حياة وبنعيشها...يبأة لازم نعيشها صح وأحيانا يكون الطلاق حل سحري ومثالي للطرفين.....طبعا بعد إستنفاذ كل طرق الإصلاح سواء من الزوج أو الزوجه

صباح الخير

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
amani عضو جديد

amani

بتاريخ:
بتاريخ:

السلام عليكم جميعا

طبعا الموضوع جميل جدا جدا وشيق للغاية لدرجة ان كل واحدة هتتدخل وتكتب العقدة اللى ف حياتها من جوزها

مش كدة ولا ايه :blink:

يا اخت بدرية

بالنسبة للبيت والاولاد والتطيب والتزين دى امور لا خلاف عليها

دى حاجات الواحدة بتعملها لااراديا

مهو مش معقول بع هدة الحيل فى الطبيخ والمذاكرة طول النهار نكمل زى ما احنا

دة حتى عشان نفسنا مش عشان اى حد تانى

لامؤاخدة يعنى :closedeyes:

ومع كل احترامى الست الذكية هى اللى تعرف تملى حياة جوزها بكل الطرق الشيك والستايل

يعنى مثلا .....

لما الولاد يخلصوا مذاكرة ويناموا مفيش مانع من ان اكون عاملة كيكة بسيطة واقدمهاله (بالهنا ........) :hi:

ونقعد ندردش فى اى حاجة غير المشاكل اليومية العادية

الكلام دة فى اول القعدة( جر رجل يعنى) :D

وبعدين فى وسط الكلام بطريقة ظريفة ادخل مشكلة ف النص :D

احكيله الواد ضرب اخته كدة يعنى واشياء من هذا القبيل :rolleyes:

ومن غير زعيق :redrose:

صدقينى والله دى طريقة حلوة وشغالة وبتجيب نتايج جامدة

وللعلم مفيش واحدة متجوزة متعرفش مدخل جوزها ازاى او منين

وانا عن نفسى مقتنعة ان الراجل لو بص برة يبقى انا الى خليته يعمل كدة انا اللى زقيته مش حد تانى

اللهم ارحمنى بالقرآن واجعله لى اماما ونورا

رابط هذا التعليق
شارك
إيزيس عضو جديد

إيزيس

بتاريخ:
بتاريخ:

صباح الورد

نويت أزودكم بخبرتي بعد أن بلغت أنا وزوجي الحبيب من الزواج أرذلة يعني قربنا على العشرين ما تحسبوش ولا حاجة أنا تزوجت بعد نتيجة تانية إعدادي بيومين

لكن اكتشفت إني ما عنديش أي نصيحة محترمة أقدر أقولها ليه؟؟

أنا وزوجي أصبحنا زي ما تقولوا كده مضروبين في الخلاط بعد العشرة والذي منه يعني أهلي وأهله وفلوسه وفلوسي وانت ذاكر للعيال لأ إنتي مفيش كلام من ده

اللي يعرف يعمل حاجة أحسن من التاني يعملها والمهم إننا نحب بعض ونقدر بعض وبس خلاص مفيش حدود بنحكي كل حاجة لبعضينا لكن أهم حاجة إن أي مشكلة تكون في البيت بس

ودي حاجة عملتها مش من شطارتي لأ من خوفي على ماما ونفس الوقت منها...ماحبهاش تقول عني غلطانة لأنها حقانية جدا وهتحرجني وكمان ماحبهاش تزعل علي لو أنا زعلانة منه

وبالتالي نكتم على الزعل ونخلصة في يوم واحد وده أحسن حل أطول مرة نزعل فيها كانت 25 ساعة مش شطارة والله لكن عرفت إن الزوجة اللي تبدأ بالصلح

ثوابها كبير فقلت ياللا نكسب ثواب وهو بطبيعته متسامح وعلمني التسامح والدنيا ماشية عندنا عيوب كتير لكن الغريبة كل واحد مننا بيحس إن التاني أحسن منه

نجاح الحياة الزوجية سهل جدا بالتسامح و الوضوح والحب طبعا

ربنا يسعدكم

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك
MZohairy عضو جديد

MZohairy

بتاريخ:
بتاريخ:

الأخت بدرية الشهير بنجفه

اضاء الله طريقك....

عايزه توصلي لإيه بالصلاة على النبي كده وانا ارسيكي على العباره؟

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
~Heba~ عضو جديد

~Heba~

بتاريخ:
بتاريخ:
الأخت بدرية الشهير بنجفه

اضاء الله طريقك....

عايزه توصلي لإيه بالصلاة على النبي كده وانا ارسيكي على العباره؟

هما مش قالوا الموضوع للستات فقط :closedeyes: :rolleyes:

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك
badroora عضو جديد

badroora

بتاريخ:
  • كاتب الموضوع
بتاريخ:

الاخوة والاخوات انا سعيدة جدا بتفاعلكم مع الموضوع واللى عجبنى وطمنى اكتر هى تجاربكم الايجابية

انا بس باعتذر نى مش هاقدر اتناقش او ارد عليكم اليومين دول حيث اننا مسافرة ان شاء الله بعد بكرة وانتم عارفين بقي الربكة بتاعت قبل السفر دى .

بس انا باتبع وان شاء الله اول ماسافر واستقر هارد عليكم لان فى نقط كتيرة عجبتنى جدا فى مداخلتكم

ربنا يسعدكم يا رب ويهنيكم فى حياتكم الزوجية

:rolleyes: والله من قلبي الدعوة دى

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
دعاء عضو جديد

دعاء

بتاريخ:
بتاريخ:

السلام عليكم ورحمة الله وبركاته

انا حبيت اضيف اضافة صغيرة على كل اللى قالوه الفاضلات ناش - فولانة - قرنفل

الحنان ثم الحنان ثم الحنان وده رأيى المتواضع وزى ما الست بتحب جوزها يقولها كلام حلو الراجل كمان ويمكن اكتر ( الكلمة الطيبة صدقة )

طالما الراجل مش انانى ومش مغرور لكن على العكس بيحب بيته واولاده وبيكونوا هما كل دنيته فلا تترددى يا سيدتى من اغداقه بالحب والحنان والكلام المعسول والشكر من وقت لاخر على تعبه برة البيت ودايما تحسسيه انه لو جاب كيس فاضى للبيت كانه جاب شئ مهم جدا وتشكريه الحاجات دى بتخلى الراجل هو كمان من ناحيته يقدرك لان التقدير المتبادل ده شئ مهم جدا

مش الراجل اللى بيتعب لوحده برة البيت ولا الست هى اللى بتتعب بس فى مسئوليات البيت والاولاد لأ .. احنا الاتنين بنتعب علشان بيتنا يكون احسن بيت واولادنا يكونوا احسن ناس

مافيش انسان منغير عيوب ولكن حلو قوى ان كل طرف يعرف مدخل التانى منين وبعد كده كل واحد هايشوف عيوب التانى عادية ويقدر يتعايش معاها

طبعا انا بتكلم عن الازواج والزوجات العاديين والعاديات لكن اكيد فيه نماذج غير سوية كتير وبتبقى محتاجة حلول تانية خالص

رب اشرح لى صدرى 00ويسر لى امرى 00واحلل عقدة من لسانى00 يفقهوا قولى

رابط هذا التعليق
شارك
قاهرى عضو جديد

قاهرى

بتاريخ:
بتاريخ:

السلام عليكم

eng. Heba معلش مفيش حاجة اسمها موضوع نسائى وموضوع رجالى احنا فى محاورات عامة للجنسين دة غير ان اساسا لما اى حد بيكتب موضوع للرجال فقط بيكون كل الردود او اغلبها نسائية

الاخت بدرية ........ معلش سورى يعنى

لية خراب البيوت المستعجل دة.... يا انسة بدرية مفيش احسن من التفاهم بين الزوجين والحب وان يراعى كل طرف الله فى شريك حياتو

الموضوع مش حرب ....... انتى محسسانى ان لما الوحدة تتزين لجوزها وتراعى بيتها وتهتم بعيلها هو دة السبب الى هيخلى الواحد يتجوز على مراتو علشان شايف الامان فى بيتو ......... الكلام دة مش وارد خالص غير لواحد اساسااااااا هو عايز يتجوز على مراتو

بس الطبيعى جداااااا ان الى بيلقى الراحة فى بيتو والامان والحب و المودة (وحطى خطين تحت الحب والمودة) مع مراتو و فى بيتو يعيش مستريح

اما لو ملقاش الراحة فى بيتو وشغلتو وحملتو فوق طاقتو صحيح هو مش هيلاقى وقت يتجوز عليها بس هيعمل حاجة تانية (هيطلقها) لانها ست مهملة فى بيتها وعيالها ومستحقش تكون ام

معلش انا اسف بس بجد انا فى كلام كتيرر مش مقتنع بية وفى كلام اوكى كويس بس مش عارف لية مش فاكروا انا فى كلام كتير جننى اساسا علشان كدة هو الى فكروا دلوقتى

والله الموضوع ابسط من كدة الموضوع مش حرب والاهم الاختيار من قبل الجواز (يعنى مش تتجوزى واحد اساسا هو مش بتاع استقرار وجواز) وتقولى دة اتجوز علية لية ؟

زى مقولت الحب والمودة والمعاملة الى وصى بيها الرسول سوء للراجل فى كيفية معاملة الزوجة ونفس الكلام للزوجة فى كيفية التعامل مع زوجها

وبيتهيالى يا اخت بدرية الرسوال مقلش كدة ابداااااااا انك تحملى فوق طاقتو

على فكرة .... الردود من اخوتنا البنات فيها خبرات احلى من الخبرات الى قبلتيها

اسف على التدخل واسف على وجه نظرى ممكن متعجبكيش يا انسة بدرية ........... بس انا بردوا احترم وجه نظرك يا دكتور بدرية .......

اخوكى قاهـــــــــــــــــــــــــــــرى :rolleyes:

رابط هذا التعليق
شارك
badroora عضو جديد

badroora

بتاريخ:
  • كاتب الموضوع
بتاريخ:

تم تغيرعنوان الموضوع بناءاعلى كذا سبب

الاول هو الاب الفاضل عادل ابو زيد كان له رؤية جديدة حول الموضوع وانا اقتنعت جدا برايه ولذلك غيرت العنوان .

الثانى هو اعطاء الفرصة للجميع للمشاركة والادلاء بالراى بحرية تامة.

مع خالص تحياتى

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك
vipwithyou عضو جديد

vipwithyou

بتاريخ:
بتاريخ: (معدل)

ايه دة انتوا بتضحكوا علينا سايبنكوا تتكلموا تتكلموا والآخر تقولوا تعالوا بقى يا رجاله قولوا رأيكم

بعد ما اتفقتم علينا يعنى

انا احتج

لسة هنقرأ كل الكلام دة تانى علشان نرد عليه

ماشى ماشى

تم تعديل بواسطة vipwithyou

أستغفر الله الذى لا اله الا هو الحى القيوم وأتوب اليه

رابط هذا التعليق
شارك
om marawan عضو جديد

om marawan

بتاريخ:
بتاريخ:
يعلم الله انى فتحت هذا الموضوع من اجلكن ومن حرصي الشديد على مصلحتكن ,وما سوف اخطه اليوم هو حصيلة متابعة وترقب اكثر من 10 سنوات .

اخواتى الاعزاء انا لست ام ولست زوجة ولكنى ام بالتبني لاخواتى وصديقاتى والحمدلله اتعقدت رسمي رسمي من هول نتيجة التجربة .

طبعا الكلام دا حقيقي ودا اللى لمساه ولمسته مع الفئة اللى تابعت حالتهم وعشت مشاكلهم

اولا توصلى بالسلامة ان شاء الله

ثانيا الموضوع بجد جميل جدا ومهم لأنه بيفتح مجال لتبادل الخبرات ...

يعنى مبدئيا ان شاء الله مافيش تعقيد ولا حاجة من التجربة لأن للاسف اللى حضرتك شفتيه هو زى ماقلتى متابعة مشاكل لكن أكيد فيه حالات كتير جدا مافيهاش المشاكل دى ولا حاجة

بدليل ان الزيجات المستقرة والحمد لله اكتر من الزيجات المنهارة وحتى فى بعض حالات الزواج التانى وان كان ده مش عذر يعنى بس بعض الحالات بتكون الزوجة هى السبب فيها

يعنى النماذج الغير سوية هى الاستثناء وليست القاعدة

ده غير ان بعض الزوجات كمان مابتحكيش غير المشاكل لأنهم لو سمن على عسل مش هتقرر تحكي وساعات بيكون خوف من الحسد وحاجات كده

بالنسبة لرأيى فى الموضوع فالزميلات الفضليات جدا ناش وفلانة ودعاء وامانى وقرنفل وحتى الاستاذ قاهرى قالوا أراء جميلة ووفوا وكفوا

انا بس هاضيف انه لاشك ان الزواج مسئولية كبيرة وبيقع على الطرفين حمل مش قليل ابدا من المسئولية وباعتقد ان الزوجة عليها الحمل الاكبر داخل البيت

لكن حتى لو الزوجة بتشتغل فيبقى على الزوج مسئولية كبيرة ألا وهى تأمين الاسرة وهى حمل نفسى ومعنوى

والزوجة تقديرا منها للحمل ده ( بكسر الحاء ) اللى على الزوج بتحاول تخفف عنه وعن نفسها كمان خلال فترات كتيرة تمر عليهم

كلامك وان كان فيه طبعا شوية هجوم وغيرة محمودة على حق المرأة ولكن فيه حاجة عجبتنى جدا

هى ان الزوجة لازم تعمل تغيير من وقت للتانى فى شكلها وفى البيت وفى منوال الحياة الروتينى أما عن مراعاتها الكاملة وخلينى اقول كمان خدمتها لزوجها واولادها فده لا يقلل منها ابدا بالعكس يرفع من قدرها قدامهم

و انا بافتكر دايما ابويا - شفاه الله يارب وعافاه -لما كان يقولى ساعدوا ماما فى كل حاجة علشان بتتعب علشانكم ويمكن عمره ماقال انه هو كمان بيتعب فى شغله لكن ده نموذج الزوج اللى بيقدر تعب زوجته وبيقدر مراعاتها لبيتها واعتقد ان الازواج الطبيعين كلهم كده

يبقا كلمة أخيرة الزواج فعلا تكامل ومودة ورحمة بين الطرفين و زى ماقالتى مرة الاخت العزيزة ناش

أجمل شىء اننا نحس ببعض ونقدر ظروف بعض

تقبلى خالص تحياتى

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

ياست بدرية انتى بقى عايزةمن الرجالة اية يعنى طب ايية رأيك انا عايش فى البيت زى سى السيد يلا بقى ومراتى مدلعانى على الأخر

اقوم الصبح الاقى الحمام جاهز وبعد 5دقائق الاقى الفطار وبعد الفطار الاقى الملابس جاهزة علشان أخرج لشغلى

وأنا نازل تدعيلى بس مش فى ايدها بخور ولاحاجة بتكون بنمق الملابس بتاعتى

ولما أرجع الاقى العشاء يادوب لسة نازل من على البوتجاز يعنى طازة

عايزة تعرفى لية بتعمل كدة يابدردر ؟؟؟؟؟؟

ممكن تسأليها وهى هتقولك

يا بنتى انتى واخدة فكرة سيئة عن الغلابة اللى هما الرجالة

دول بيتعبو وبيشقو حرام تظلمينا كدة وتتهمينا تهم عنصرية وتقولى اننا بنعذب الستات لية مش احنا برضو

اللى بنحميهم وبنعمل ونكد من أجل راحتهم واللة يابدرية انتى كدة زعلتى معظم الرجالة منك وأل اييةليكى ملاحيظ طب انتى بقالك10 سنين يعنى مش تحكمى فى ال10سنين على كل ال الرجالة خلى شويةعليكى وقولى بعض من .. اوقليل من ...ولاكن تعممى الحكاية لا يبدردر لا يبدردر دةاسمة تجنى طب اية رأيك فى سؤال تسألية للسادةالفاضلات نساء وبنات المحاورات عنتعذيب الستات للأزواج؟؟؟

طب ياستى انا بحلفك بالغالى هى الأكياس بتاعة التلاجة مين أول من أستخدمها لتعبأة البشر

طب شوفى بقى أول حادث قتل تم بالساطور كانت المرأةهى من قام بةوتم تحرير هذة الواقعة وتسجيلها فى موسوعة جينز؟؟؟؟

ردى بقى وأدحضى المعلومات دى بقى وشوفى الرجالة الغلابةلما أزواجهم بيسبوهم بيعملوايةعلشان يرضوهم

46822101a0.jpg

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
~Heba~ عضو جديد

~Heba~

بتاريخ:
بتاريخ:

يا بدرية ما احنا كنا ماشيين جمب الحيط كافيين خيرنا شرنا كده قلبتيهم علينا

بص يا ستى هو اولا و اخيرا نصيب و ما يصيبك الا نصيبك و ممكن يكون نصيبك ده رجل طيب يقدر حقوق الزوجة و ممكن العكس فالواحدة دورها انها تدعى الله ان يرزقها بالافضل و لا يرد القدر الا الدعاء و فى آخر دعاء الاستخاره "اللهم اقدر لى الخير حيث كان ثم رضنى به"

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

بسم اللة ماشاء اللة خلاص اتحلت ياست بدردر

شوفى انا كنت ناوى اكتب تانى بس ايية يتستى لفت نظرى توقيع /الباش مهندسة هبة

وقريتةولقيت انة ممكن يكونمقال يكتب للموضوع يعنى مافيش حد بيقدم خير غير لما بيلاقية يلا بقى

متخافيش بما انك خيرة وبنت حلال ربنا هيرزقك بعريس ان شاء اللة يكون كريم وعلى خلق

وكلنا هنا بندعيلك انا والولادوأمهم ربنا يرزقك بعريس طيب وأبن حلال ويريحك كدةعلى طول وتكون ايامكم كلها فرح وسعادة بقولكايية ملكيش دعوة بقى بالرجالة ليميها شوية يا بدردر لحسن اللى بيخاف من العفريت يطلعلة هههههههههههههههههههههههههههههههههههههه

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...