رؤية جديدة في الحياة الزوجية السعيدة,!!!!

[إيزيس]

ممكن تجيبى ليا اسناده و هل هو فى الصحيحين و فى اى كتاب الضبط

شكرا يا هبة على التنبيه أنا كتبت الحديث في موقع الشبكة الإسلامية للتأكد من صحته وإذا ثبتت صحته سأعيد نقله

تم تعديل 26 فبراير 2008 بواسطة قرنفل

[إيزيس]

للأسف الحديث ليس له أي سند أنا فعلا شكيت في بعض الألفاظ لكن الموقع شكله لا يوحي بشيعة أو غيره

اللهم اغفر لنا وارحمنا

أسعدكم الله

تم تعديل 26 فبراير 2008 بواسطة قرنفل

[vipwithyou]

تسلم ايدك يا قرنفل

ياريت بقى كل السيدات يقرأوا الحديث دة وينفذوة ويكون الزوج يستاهل

ربنا يهدى الجميع

[هشام الكندي ان شاء الله]

بسم الله الرحمن الرحيم

عجبني جدا موضوع الاخت بدريه فقررت التعقيب عليه و هذه اول مره اعقب علي موضوع خارج باب المغتربين و بعيدا عن موضوعات الهجرة و الوطن و المشاكل السياسيه و الاقتصاديه و المهاجريه, و متعلق بالحياه الاجتماعيه للفرد, فارجو ان يتسع صدركم لي للتعبير عن رأيي

اولا: فالزواج علاقه انسانيه تبادليه بها ارسال و استقبال, بمعني انه لا يمكن ان تستمر العلاقه باقبال من طرف و ابتعاد من الطرف الاخر

و الانسان كما نعلم يحمل العديد من المشاعر بداخله, فنجد الفرح و الحزن و السعاده و الكابه ...........الخ

و الانسان السوي هو الذي تظهر منه الكثير من هذه الاحاسيس في الاوقات المناسبه

فيخاف عند سماع اصوات غريبه و يفرح عندما ينجح في عمل شئ ما و يكتئب عند وفاه شخص عزيز عليه

اما الانسان غير السوي فيلازمه احساس شبه دائم في معظم الاوقات

فتجد انسان يضحك و سعيد باستمرار, او حزين و عابس لفترات طويله

لذلك فالتبادل في الزواج يقوم علي اساس تفاهم الطرفين, بمعني انه اذا حزن طرف ما علي الاخر ان يجاريه في مشاعره محاولا اخراجه من حاله الحزن باسلوب لطيف لا يعرفه الا كليهما نتيجه العشرة المتبادله بينهما

و بعيدا عن كون الرجل رجلا و المرأه مرأه فكلاهما انسان كرمه الله

فالرجل الذي يتعمد ارهاق زوجته بسبب و بدون سبب فهو رجل غير سوي

فهناك من يتزوج بدلا من استئجار خادمه مثلا

و المرأه التي لا تراعي مشاعر زوجها او حقوقه عليها في نفسها فهي امرأه مقصره

فاحيانا نجد امرأه تهمل في حقوق زوجها بالشهور متعلله بوفاه قريب لها

كذلك فالمرأه ليست مطالبه بالتزين كل يوم من اجل زوجها, فقد تكون مرهقه في يوم ما او قد يكون هناك ظرف خاص بها, الا انها في حاله تفرغها من الاعمال المنزليه و وجود متسع من الوقت قبل عوده زوجها فعليها التزين

لذلك فالتبادل قد يتضح منذ فتره الخطبه التي شرعها الاسلام و وضع لها ضوابط حتي يتعرف كلا الزوجين الي بعضهما البعض تجنبا لحدوث الصدامات بعد الزواج

اما عن المشاكل التي يتحدث عنها الاعضاء الافاضل فمعظمها ان لم يكن كلها ناتج عن سوء اختيار

فالرجل العملي الذي يحسب كل شئ تناسبه امرأه عمليه

و الرجل هوائي التصرف تناسبه امرأه هوائيه كذلك

فاذا تزوج رجل من امرأه مغايره له في الصفات فستبدأ المشاكل

لذلك فالاساس في الزواج هو التفاهم و بسط جناح الرحمه للطرف الاخر

صحيح ان الانسان لا يسير طيله حياته عي احساس واحد او شعور معين, الا ان هذا في حد ذاته ميزه لكلا الزوجين لتجديد ايقاع الحياه الزوجيه

اذا كانت الزوجه تطبخ و تكنس و تلمع حذاء زوجها, فليس عيبا ابدا ان يقوم زوجها بالطبخ و الكنس و تلميع حذاء زوجته اذا كانت مريضه او اذا كانت تعمل مثله او بسبب اي ظرف

كذلك هناك حلقه مفقوده كحلقه دارون و هي الفرق بين الشك و الغيره و هو للاسف سبب معظم حالات الطلاق

كذلك هناك عدم فهم من الاخوات لحقيقه تعدد الزوجات في الاسلام الي حد ان كثير من النساء تقبل ان يقيم زوجها علاقه غير شرعيه مع امرأه اخري افضل من ان يتزوج باخري

بالنسبه لنقطه الشك و الغيره و التعدد فسوف اكمل حديثي غدا لانني ساخلد الي النوم و اذهب للعمل و ادرس فرنساوي .......... دعواتكم

اخوكم

هشام الكندي ان شاء الله

[vipwithyou]

يوووووووه كنت ناوى اشارك لكن .. !

[~Heba~]

يا " فاطمة"! مامن إمرأة كشفت وجهها بغير ( إذن ) زوجها ، إلا إكبها الله على وجهها في النار .

انتى جايبة الحديث ده من الجماعة الوهابيين!!!!!!! فين اسناده

ممكن تجيبى ليا اسناده و هل هو فى الصحيحين و فى اى كتاب الضبط

معلش فيه حاجة ضرورى لازم اقولها الاخ هشام الكندى انت اخر واحد تتكلم عن الزواج و انت عارف قصدى كويس

تم تعديل 26 فبراير 2008 بواسطة ENG.Heba

[هشام الكندي ان شاء الله]

يا " فاطمة"! مامن إمرأة كشفت وجهها بغير ( إذن ) زوجها ، إلا إكبها الله على وجهها في النار .

انتى جايبة الحديث ده من الجماعة الوهابيين!!!!!!! فين اسناده

ممكن تجيبى ليا اسناده و هل هو فى الصحيحين و فى اى كتاب الضبط

معلش فيه حاجة ضرورى لازم اقولها الاخ هشام الكندى انت اخر واحد تتكلم عن الزواج و انت عارف قصدى كويس

استاذه هبه:

اولا: انا قبل ما اكتب تعليقي كتبت ارجو ان يتسع صدركم لي, و دا كان رأيي عن العلاقه السويه بين الزوج و الزوجه في الحياه الزوجيه السليمه و كان من حقك الاختلاف معي او انتقادي, اما اني اكون اخر واحد او اول واحد يتكلم فدي حاجه مش عارف اقول لحضرتك ايه فيها؟

اذا كان قصدك علي موضوع العروسه ذات المواصفات الخاصه فدا شئ خاص بي و بحياتي الشخصيه

فيه ناس كتير بتفضل الزواج علي اي شئ اخر و شايفين انه متعه اكبر من اي شئ

انا انسان من نوع اخر شايف الحياه الادميه و العلم اهم من كل شئ علشان كدا قررت الهجرة

و اضطررت اني ادور علي عروسه بهذه المواصفات لتحقيق هدف اسمي الا و هو الهجره

و انا اعترف مقدما انها لن تكون حياه زوجيه سليمه من الاساس لانها قامت علي تحقيق مصلحه

لو حضرتك كنتي قلتي الكلام دا و انتقدتيني كنت هكون سعيد جدا, لكن انك تصادري حقي في الكلام و تقولي انتا اخر واحد ممكن يتكلم فدا شئ احزنني جدا

ثانيا و دا الاهم: يا ريت حضرتك تعرفينا من هم الوهابيين و ما هو اساس معتقداتهم و كيف انتشر مذهبهم؟ و علي اي اساس حكمتي ان هذا الحديث منسوب للحركه الوهابيه؟ مش يمكن منسوب لاحدي المذاهب الشيعيه مثلا!

[Scorpion]

طيب ..

نرجع بقي للموضوع ....

بدون أدني شك السعادة الزوجية تملك المرأة 95% من مكونات نجاحها ... و بصراحة شديدة في جميع العلاقات الزوجية الرجل هو الذي يحوز علي الجانب المريح منها .. بينما المرأة يقع علي عاتقها كل الإجهاد النفسي قبل الجسدي ..

فالأنانية هي سمة الرجل ... حتي في اللاوعيه ...

تكلم الجميع هنا عن دور المرأة "ربة المنزل" في اضفاء السعادة علي العش الزوجي ...

و لكننا لم نتكلم حتي الآن عن شريحة كبيرة جدآ من الزوجات بجانب كونهم ربات منزل و لكنهم يأدون أعمالآ وظيفية أيضآ مثلهم مثل أزواجهم ...

و بما أن الحوار مفتوح للجميع الآن ...

ما هو دورنا نحن كأزواج في اضفاء السعادة علي جنبات منزل نحن مسئولين عنه في المقام الأول ...

تحية الي العزيزة بدرية علي هذا الموضوع ..

و الي العزيزة قرنفل التي في كلمات بسيطة عبرت عن خلاصة حياة زوجية بسيطة و سعيدة أعيشها شخصيآ ....

[إيزيس]

ربنا يسعدك يا سكوب

على فكرة أنا وبكل أسف مش ربة منزل

[nash]

فكرتوني بموقف لطيف...كنت أنا أعتزلت الشغل ...وتحولت إلي ربه منزل أراريه ...طول الليل مستيقظه وطول النهار نايمه وأجازة والحياة جميله...

دار حوار بيني وبين زوجي.....لو سمحت يا ابو ياسر لما تيجي تعمل الرز علشان هاكون نايمه ( عيني قويه )

أبو ياسر مذهولا وقد فغر فاهه ...وقال...يعني أجي من الشغل تعبان وهلكان وكمان ألاقي الهانم نايمه واقف أعمل الرز !!!!؟؟؟

أم ياسر بسذاجه شديده...ماهو ياابو ياسر ياما جيت من الشغل وكنت بقف أعمل الرز وتيجوا تلاقوا الغدا جاهز ......( وش واحده متمسكنه علي الاخر)

أبو ياسر......تصدقي عندك حق....ولا يهمك لما أجي واخلصه هابأة اصحيكي......( ووالله قالها بكل طيبه )....

مايستفاد من هذا الحوار.....

بقليل من الهدوء واللؤم نستطيع ان نأخذ عيونهم ونجعلهم يعملون ما يستنكفون حتي التفكير فيه...( وش ميت براءة )

طبعا إذا توافرت اشياء أخري كحسن الخلق للطرفين والإحترام المتبادل وقبل كل ذلك الحب...وتقدير كل طرف للاخر...

الحياة تكون وقتها رحله في منتهي التشويق والسعاده...

[badroora]

سلام عليكم

عُدنا والحمدلله .

نبتدى بمدام فولانة ...

[]

بس طمنينا عن الاسر اللى اسديتى لها النصح واستجابت...ايه اخبارهم ؟؟؟

لاء اطمئنى انا ابان متهورة ومندفعة بس فيما يخصنى اما ما يخص الاخرين فانا حريصة جدا جدا لانى مقدرش اشيل ذنب اى بيت اخربه . انا

بامسك العصاية من النص افتمهم يعملوا ايه والقرار الخاص بالطلاق او البقاء يرجع ليهم هما . :) .

لا يوجد زوجة تقوم بواجبتها وتتقى الله فى اسرتها وزوجها يطلق عليها جارية .....دى بتكون زوجة صالحة

وطبعا انا مش ضد ان الزوجة تطيع وتكون صالحه حتى انا كتبت من ضمن كلامى انها لا يجب ان تقصر فى دورها الذي كلفها به الله

:blush2: عزوجل .يعنى تعمل اللى عليها عشان تعرف تلوم وتنتقم براحتها .

مدام ناش ....

هو الإحترام بين الزوجين..وتقدير كا منهما للأخر..وإذا توفرت النيه الخالصه لبناء اسرة قويه ألتفت كل واحد فيهما لتوطيد أركان هذه الأسرة ولم يجعل اي شي اخر ينغص عليه حياته..لإن بناء الاسرة شراكه بين الزوجين ..لازم يتخلوا عن الأنانيه في سبيل النجاح والتفوق...

مبدأ أن يخطأ طرف في حق الطرف الأخر..ويتقبل هذا الطرف الخطأ عليه ويصمت ..هي مسئله تتفاوت من شخصيه لأخري ..نقدر نقول عليها جينات..احيانا من الصعب تغيير نمط الشخصيه التي استكانت للإهانات أو تقبلها للوم او غيرة من مهانه....أنا أعتبرها في الحقيقه مهانه...فإذا كان زوجي لا يقبل كلمه ما..أنا ايضا لا اقبلها والمعامله بالمثل...

هناك تنازلات يقدمها الطرفين...إذا قدمها طرف واحد سينضب عطاءة في النهايه ووقتها سيأتي ساعه الحساب المحتومه...وقد تتهدم فيها بيوت

علي الزوج أن يشترك في كل مراحل العمليه التربويه والتعليميه للأولاد...لتوطيد الأواصر بينه هو وبين ابناءة في المقام الأول ..ومن لا يقم بذلك نتيجه ظروف العمل فعلي الزوجه مساعدته أكثر حتي يبدع ولا تشغله بهموم معينه ولكن إذا كان دلع فهنا ايضا توجد وقفه أخري ...وكل علي حسب شخصيه الزوجه ومدي قوتها وضعفها...

احييك يا ناش على هذه الكلمات فهى من اجمل ماقرات .

اكتر شيء عجبنى فى كلماتك هو ...

- التوازن بين قوة الشخصية ودورك كزوجة وام .

- عدم التنازل عن حقك كزوجة , انك تؤدى وجبك وعارفة اللى ليكي واللى عليكي .

- المساواه يعنى مافيش حاجة اسمها زوجة تتنازل عن حقوقها وتقبل حياة غير سوية فى سبيل ارضاء الطرف الاخر ,.

تعرفي يا ناش كلامك دا بالظبط هو نفس الفكرة اللى نفسي اى ست متغلبه على امرها وحقها مهضوم تتبعها .

بجد لو حياتك ممشياها بالطريقة دى يبقي برافوا عليكي وربنا يهنيكى يا رب .

شخصيا لا اقبل بإن يكون لي ذمه ماليه منفصله عن زوجي وهو ايضا لا يقبل أن يكون له هذه الذمه الماليه...وأتوقع أن الأزواج العاديين الذين يبذلون جهدهم لنجاح الأسرة لا يضعوا هذه النقطه في أذهانهم....

هنا لنا وقفة.!! لو الزوجة تعمل ممكن تشارك زوجها فى مصاريف الحياة يعنى لو محتاج اما لو مش محتاج يبقي ايه المانع ان يكون لها حسابها الخاص المنفصل عن زوجها ,طالما هى لن تقص من مصروف البيت وتدخر لنفسها وبما انها تعمل يبقي ليه زوجها يملك كل شيء , ويطبعا دى على حسب لان لى صديقات ال A.T.M card مع الزوج وهو الآمر الناهى فى الموضوع .وبصراحة انا لا احترم نوعية هذه الازواج الذى يمتلك البنك اكونت الخاص بزوجته .مش مسالة تخون ولا تشكيك بس يعنى مش شيك ابدا ان الزوجة تبقي شغالة وطالع عنيها وكمان تساذن وتاخد مصروف من حسابها الخاص .

الفاضل أ.زوهيري

صلوا على النبي يا ستات و سيه لا في و على رأي المرحوم خالد الذكر عماد عبد الحليم ليه ليه ليه ليه حظي معاكي يا دنيا كده

و في جنات الخلد ان شاء الله

عليه الصلاة والسلام

والله يفشفش الطوبة اللى تحت راس سي عبحليم .

الأخت بدرية الشهير بنجفه

اضاء الله طريقك....

احنا وانت وكل المشتركين قادر يا كريم.

عايزه توصلي لإيه بالصلاة على النبي كده وانا ارسيكي على العباره؟

والله عاوزة كل خير . وكل واحد يعرف اللى ليه واللى عليه .

ان شاء الله نكمل الرد على باقي الاخوة والاخوات .

خالص مودتى ....

بدرية

تم تعديل 27 فبراير 2008 بواسطة Badria Mekkawy

[vipwithyou]

اعتقد كما قال اخى سكوربيون ان المرأه لها الدور الأكبر جدا ً فى نجاح الحياة الزوجية ليس بعمل مجهود معين

لكن الطبيعى ان الرجل لا يرغب بكثرة المشاكل الزوجية يميل الى راحة الدماغ لكن السيدات هما اللى ممكن ميكبروش دماغهم زى الرجاله وبيعلقوا على حاجات ممكن تكون تافهه جدا ً ويكبروها وتبقى مشكلة

الزوج لا يريد من زوجته الا الهدوء غير المميت والرقة غير الممله والحيوية العاقلة ، تقدير مجهودة وتعبه فى الشغل

والزوجة ايضاً تريد من زوجها الحنان ( دون استغلاه خطأ ) ، احتواءها ، تقدير مجهودها وتعبها ، مراعات حقوقها وظروفها الطبيعيه

اعتقد ان كلاهما لا يريد من الآخر سوى ما ذكرت أو على الأقل لتكون حياتهم سعيدة

لكن ايضا ً الزوج يريد من زوجته ان تطيعه وهذا الأمر تترجمه المرأة بأنه سيطرة غير طبيعيه من الزوج أو ليس له الحق فيه

فهل هذا صحيح ؟ أعتقد ان معظم السيدات ترى هذا الموقف

طموح المرأة لا يقمه الرجل لكن لابد ان يكون الطموح فى حدود لا تطغى على حقوق الرجل

شخصيا ً لا أحبز عمل المرأة لكن .. لكن .. لكن اتمنى ان تكون زوجتى ليست فقط للطبيخ والبيت وخلاص

لأن العمل يفتح عقليتها لكن .. لكن .. لكن كما ان وراء كل رجل عظيم امرأة تضحى من اجله

فاذا هناك امرأة عظيمة عمليا ً تأكدوا ان وراءها رجل فقد كثير من حقوقه ويضحى كثيرا ً من اجلها

صدقونى هذا صحيح

وشكرا

[vipwithyou]

شخصيا لا اقبل بإن يكون لي ذمه ماليه منفصله عن زوجي وهو ايضا لا يقبل أن يكون له هذه الذمه الماليه...وأتوقع أن الأزواج العاديين الذين يبذلون جهدهم لنجاح الأسرة لا يضعوا هذه النقطه في أذهانهم....

هنا لنا وقفة.!! لو الزوجة تعمل ممكن تشارك زوجها فى مصاريف الحياة يعنى لو محتاج اما لو مش محتاج يبقي ايه المانع ان يكون لها حسابها الخاص المنفصل عن زوجها ,طالما هى لن تقص من مصروف البيت وتدخر لنفسها وبما انها تعمل يبقي ليه زوجها يملك كل شيء , ويطبعا دى على حسب لان لى صديقات ال A.T.M card مع الزوج وهو الآمر الناهى فى الموضوع .وبصراحة انا لا احترم نوعية هذه الازواج الذى يمتلك البنك اكونت الخاص بزوجته .مش مسالة تخون ولا تشكيك بس يعنى مش شيك ابدا ان الزوجة تبقي شغالة وطالع عنيها وكمان تساذن وتاخد مصروف من حسابها الخاص .

انا عن نفسى متفق مع زوجتى اذا فى مشروع لنا خاص يبقى هى هتشتغل لكن شغل عن حد لا

وكدة كدة متفقين على مصروف هتاخدة خاص بيها وأنا طبعا ً ماليش دعوة بيه

حتى هى قالت انها عايزة تدفعة قسط لعربية عايزة خاصة بيها وانا ما اعترضتش

طالما انها هتقوم بواجباتها يبقى راحتها هى كمان من أولوياتى

لكن الزمة الماليه بين الزوجين معروفة من عهد الرسول ( صلى الله عليه وسلم )

لكن انا مش فاكر والله الحديث اللى بيسبت ان الزوجة زمة ماليه خاصة بيها المفروض

اخوكم

تامر السيد

تم تعديل 27 فبراير 2008 بواسطة vipwithyou

[Scorpion]

عزيزي vipwithyou

عندما قلت أن ان المرأه لها الدور الأكبر فى إنجاح الحياة الزوجية .. فهذا عائد الي طبيعة الأنسان بوجه عام .... فالرجل و أنا أعترف بذلك ما هو الا طفل كبير ...

هو الآن يحمل مسئولية بيته ... و يشارك زوجته الأهتمام بمعظم مطالب هذا البيت بما فيها مسئولية تربية الأطفال .. و لكن يبقي دائمآ هذا الطفل داخله ....

يريد ان يكون محور اهتمام زوجته

يريد ان تدلل فيه دائمآ ...

يريد ان تقتنع زوجته بكل ما يقول

يريدها ان تطيعه

يريدها أن تكون زوجته .. و أمه ... صديقته ... و أم أولاده ...

يريد ان امكن ان يتهرب من بعض المسئوليات أو الأعمال الصغيرة التي من الطبيعي ان يقوم بها في بيته ...

أحيانآ حتي لو هو مقتنع بأن زوجته مجهدة الي حد كبير ..و لكن الأنانية التي يحملها في اللاوعيه .. تجعله أحيانآ يتغاضي عن هذا الأجهاد و يختلق أعذارآ مقنعة تجعل من زوجته الأستمرار في اداء واجبات منزلية أخري بالرغم من أجهادها ...

و غالبآ تنجح المرأة في إرضاء كل تلك المطالب ... فهذه طبيعتها .. بينما نحن لا نستطيع بالفعل القيام بجزء من تلك التضحيات .. لأن هذا ايضآ موجودآ في طبيعتنا ... و في اسلوب تربيتنا الخاطيء ....

ما تقوله حضرتك .. يجعل من المرأة خطوة خلف الرجل ... و لكن هذا لا يفيد كثيرآ في بناء بيت سعيدآ بالفعل .. قد يجعله سعيدآ ظاهريآ .. أو يقنع كل منهما نفسه بأنهم سعداء و ليس بالأمكان أفضل مما كان ...

و لكن السعادة الحقيقية هي التي تنبع من اقتسام المشاعر ... نفس الحنان ... نفس التفاهم ... نفس التضحيات ... بل نفس الواجبات و الحقوق .. لا يوجد من يطيع الآخر .. بل من يتفهم الآخر عن اقتناع و محبة ...

أو كما قالت العزيزة قرنفل .. "كل الكلام ده مضروب في الخلاط و متوزع عالأتنين " ....

السعادة الحقيقية نجدها في لفتات صغيرة غير منتظرة ...

نجدها عندما يقوم الرجل بدون حتي الحاجة الي ذلك بكي "كوم هدوم" تجدها الزوجة مرتبة عند عودتها من مشوار او من العمل ...

نجدها عندما تقوم الزوجة بالأعتذار عن زيارة تهمها و لكنها تعرف انها "تقيلة علي قلب" زوجها ...

نجدها عندما تجد الزوجة ورقة صغيرة بها كلمات رقيقة من زوجها حتي بعد سنين من الزواج ....

نجدها عندما تقوم الزوجة بالوقوف في طابور بدلآ من زوجها .. ليفاجيء عند عودته ان تلك المهمة السمجة لم يعد في حاجة الي القيام بها ...

نجدها في محبة اولادهما و اقتسام جميع واجبات تربيتهم بالتناوب ...

نجدها في الآف من اللفتات الصغيرة .. و النظرات المتفاهمة ....و الثقة التامة ...

و لكن لن نجدها أبدآ في فصل مواردهما المالية ... فمتي فتح مجال ل "ده بتاعي و ده بتاعك " ابتدأ ظهور لشيء منفصلآ بينهما .. و من خلاله سيبدأ دخول سلبيات كثيرة .. تهز من هذا الوشاح المتماسك الذي يجمعهما ...

[badroora]

مدام : amani

اسلوبك حلو جدا وبسيط وواضح ان دمك خفيف (مثلي ) :blink:

كل كلامك جميل جدا وانا اوفقك فية 100% ماعدا الحتة دى :blush2:

وانا عن نفسى مقتنعة ان الراجل لو بص برة يبقى انا الى خليته يعمل كدة انا اللى زقيته مش حد تانى

انا شايفة ان فيها ظلم وتحامل على الزوجة لان فيه كتير زوجات كويسات واوزاجهم هما اللى عنيهم فارغة وبيبصوا بسبب وبدون سبب .

مدام : قرنفل

انا سعيدة جدا بكلامك وبالعكس كلامك كله نصايح بس انتى مش واخدة بالك , ربنا يباركلك فى حياتك وولادك وزوجك يا رب ويديم عليكي السعادة والهناء والسرور

وعجبتنى جدا الجملة دى عشان كدا اقتبستها

نجاح الحياة الزوجية سهل جدا بالتسامح و الوضوح والحب طبعا

الاجمل انها كلمات بسيطة بس تنفيذها صعب لان من الصعب تواجد ( السعادة مع التسامح والوضوح متوجة بالحب )(

ولكن لو فيه و موجود يبقي الحمدلله الدنيا لسه بخير .

مدام دعاء

كلامك مظبوط جدا ووانا اتفق معك فيه بس ماعدا الشكر عالفاضي والمليان للزوج . يعنى من راى الاعتدال حلو يعنى جايب كيس فاضي اكدب علية واقوله والله الفراغ اللى فى الكيس يجنن تسلم مجايبك :lol: ااقوم تانى يوم الاقية داخلى بشيكارة فراغ ويملالى البيت فراغ طالما دا بيسعدنى :)

لكن لو حضرتك شايفة ان الطريقة دى ناجحة يبقي كويس اللى يقدر ينفذها ينفذها طالما بتجلب السعادة .

انا عن نفسي لو حصل نصيب واتجوزت ودخل بكيس فاضى :blush2: هاعبيه هو داخل الكيس :ninja:

طبعا انا بتكلم عن الازواج والزوجات العاديين والعاديات لكن اكيد فيه نماذج غير سوية كتير وبتبقى محتاجة حلول تانية خالص

حضرتك بقي نهيتى مداخلتك بموضوع تانى وياريت تقولنا من وجهة نظرك ايه اللى المفروض يعملوه الزوجات لازواج غير سويين

الاخ : قاهرى

انا معجبة جدا بمخاطرتك ودخولك موضوع كان محظور دخولة معشر الرجال :ninja:

المهم

قبل كل شيء فلا داعى للاسف لان لكل منا وجهة نظره الخاصة ويجب ان تحترم , وانا احترم كل الاراء وحتى ولو تختلف معى .

وانا مش بقول ان الزوجة تتحامل على زوجها ولا تحملة فوق طاقته .

موضوع التزين كما قالت اخت من الاخوات فهو لنفسها قبل كل شيء , فانا مش معترضة على كدا انا كل اعتراضي على زوج شايف انه مش مهم هو كمان يتزين لزوجته .

الحب والمودة طبعا هو اساس كل العلاقات الانسانية بين الناس مش بين الازواج وبس .

وانا كلامى اللى كتبته قولت انه مش stander الناس تمشي عليه انا قولت او فيما معناه ان الزوج الكويس على العين والراس

واللى مش ,,, يبقي دا محتاج معاملة من نوع خاص عشان يتعدل ويعرف قيمة زوجته ودورها والامان اللى بتوفرهوله داخل المنزل .

لكن طبعا انا مش باقول ان دى حرب والاقوى هو اللى يكسب

على فكرة .... الردود من اخوتنا البنات فيها خبرات احلى من الخبرات الى قبلتيها

انا طبعا سعيدة بالجانب الايجابي لاخوتنا المتزوجات , ولكن هذا لا يمنع ان السلبيات موجودة وملومسة ,.

مدام : Om Marrwan

اولا الله يسلمك يا رب .

كلامك معتدل جدا وكما ذكرتى بيكمل باقي الكلام اللى ذكروه الاخوات .

ولكن انا كنت عاوزة نناقش الحياة الغير سوية لان دى اللى هنطلع منها بتجارب وحلول .

ولكن لو الكل مثالى فى حياته يبقي كدا هنكون بنضحك على بعض لان فى زيجات كتيرة فاشلة واكيد ليها اسابها واكيد فى بيوت بتنهار وليها اسبابها

وكمان نسبة الطلاق معدلها زاد قوى .

فاعتقد لو ناقشنا المشكلة من جوانبها السوية والغير سوية هنكون بكدا قدمنا رسالة كاملة فيها الجانبين وهتكون مفيدة اكتر .

الاستاذ : محمود مصطفي

:lol: داخل عليا بفونت 18 (على راى ابو محمد )طيب يا سيدي حضرتك عايش زى سي السيد ربنا يهنيك ويباركلك فى حياتك , ويدى الفرصة لام الولاد تشارك فى الموضوع بتاعى دا عشان افتح عنيها وبعدها ابقي احكيليى على اللى هيحصل :blush2:

والله مواخدة فكرة سيئة عن الرجالة ولا حاجة , السيء سيء بدون ادعاء عليه

واللى يطمنك انى مش باحكم على الناس بالجملة انا باقول فيه الكويس واللى مش كويس .

بخصوص بقي الاعتذار اللى زوج عمله لزوجته دا

تلاقيها ممضياه على شيكات و كُومبيالات ومعاها وحُجة البيت وبطاقة التموين وهو سحب ناعم لحد ما يتلايم عليهم وخوصوصا بطاقة التموين دى :blush2: لان الزيت غلى والعدس غلى والراجل مش عاوز يخسر كل شيء

عرفت بقي انه مش حب ولا حاجة

ويا سيدي باقدم اعتزار شامل لكل الازواج اللى جرحت شعورهم بالحقيقة المرة

واخيرا ربنا يديم عليك حياة زوجية سعيدة بدون مشاكل آآآمين

تم تعديل 27 فبراير 2008 بواسطة Badria Mekkawy

[~Heba~]

و الله كلام جميل اوى و معقول جدا بس خيالى بشكل

يتبقى فى النهاية الرجالة عايزين سيطرة و الستات عايزين حرية و الاولاد عايزين شيكولاته

و الله السيرة دى كرهتنى فى الجواز منك لله يا بدرية

[vipwithyou]

عندما قلت أن ان المرأه لها الدور الأكبر فى إنجاح الحياة الزوجية .. فهذا عائد الي طبيعة الأنسان بوجه عام .... فالرجل و أنا أعترف بذلك ما هو الا طفل كبير ...

هو الآن يحمل مسئولية بيته ... و يشارك زوجته الأهتمام بمعظم مطالب هذا البيت بما فيها مسئولية تربية الأطفال .. و لكن يبقي دائمآ هذا الطفل داخله ....

يريد ان يكون محور اهتمام زوجته

يريد ان تدلل فيه دائمآ ...

يريد ان تقتنع زوجته بكل ما يقول

يريدها ان تطيعه

يريدها أن تكون زوجته .. و أمه ... صديقته ... و أم أولاده ...

يريد ان امكن ان يتهرب من بعض المسئوليات أو الأعمال الصغيرة التي من الطبيعي ان يقوم بها في بيته ...

أحيانآ حتي لو هو مقتنع بأن زوجته مجهدة الي حد كبير ..و لكن الأنانية التي يحملها في اللاوعيه .. تجعله أحيانآ يتغاضي عن هذا الأجهاد و يختلق أعذارآ مقنعة تجعل من زوجته الأستمرار في اداء واجبات منزلية أخري بالرغم من أجهادها ...

و غالبآ تنجح المرأة في إرضاء كل تلك المطالب ... فهذه طبيعتها .. بينما نحن لا نستطيع بالفعل القيام بجزء من تلك التضحيات .. لأن هذا ايضآ موجودآ في طبيعتنا ... و في اسلوب تربيتنا الخاطيء ....

انا معك فيما تقول

ما تقوله حضرتك .. يجعل من المرأة خطوة خلف الرجل ... و لكن هذا لا يفيد كثيرآ في بناء بيت سعيدآ بالفعل .. قد يجعله سعيدآ ظاهريآ .. أو يقنع كل منهما نفسه بأنهم سعداء و ليس بالأمكان أفضل مما كان ...

و لكن السعادة الحقيقية هي التي تنبع من اقتسام المشاعر ... نفس الحنان ... نفس التفاهم ... نفس التضحيات ... بل نفس الواجبات و الحقوق .. لا يوجد من يطيع الآخر .. بل من يتفهم الآخر عن اقتناع و محبة ...

" نفس الحنان " هل العصفوره والحصان يتساويان فى حاجتهم للحنان بالتأكيد لا حتى لو كان الحصان طفل كبير لكن الطبيعة تختلف

بالتالى العصفور يحتاج له اكثر

" نفس التفاهم " قد يوصل الطرفين للمساواه التامة وهذا ما ارفضة من نواحى معينه

" نفس التضحيات " بعد الزواج تضحى الزوجة من وجهة نظرها بحريتها ويضحى الرجل براحة باله ( فقط اذا لم يجد ما تمناه فى زوجته )

" نفس الواجبات والحقوق " لا اعتقد ان هذة طريقة جيدة لإنجاح الحياة الزوجية والا لدامت المشاكل كل يوم على حاجات تافهه بها مطالبة الزوجة بأى حق يكتسبة الزوج لنفسة وتصبح الحياة بين رجلين وليس رجل وامرأة

" لا يوجد من يطيع الآخر " صعب جدا ً لأن هذا ما تتمناه المرأة حيث أنها تعطى معنى طاعة الزوج بأنه فرض عليها

وبطبيعتها ترفض الطاعة العمياء

أو كما قالت العزيزة قرنفل .. "كل الكلام ده مضروب في الخلاط و متوزع عالأتنين " ....

لكن أولا تتنازل الزوجة عن العمل خارج المنزل فى مقابل انها تكون ملكة فى بيتها ولها كل الحقوق والتقدير والاحترام

وليس مجرد ربة منزل أو لا قدر الله تصل لدرجة ( الشغاله ) من هنا ليس من حقها المطالبة بالعمل ( اقصد بالعمل ليس فى التدريس او الطب فتلك الوظائف احترمها للسيدة فيما عدا ذلك فلا .. ) أو ان كان العمل مع الزوج ويفضل ان يكون فى مشروع خاص بهم

السعادة الحقيقية نجدها في لفتات صغيرة غير منتظرة ...

نجدها عندما يقوم الرجل بدون حتي الحاجة الي ذلك بكي "كوم هدوم" تجدها الزوجة مرتبة عند عودتها من مشوار او من العمل ...

نجدها عندما تقوم الزوجة بالأعتذار عن زيارة تهمها و لكنها تعرف انها "تقيلة علي قلب" زوجها ...

نجدها عندما تجد الزوجة ورقة صغيرة بها كلمات رقيقة من زوجها حتي بعد سنين من الزواج ....

نجدها عندما تقوم الزوجة بالوقوف في طابور بدلآ من زوجها .. ليفاجيء عند عودته ان تلك المهمة السمجة لم يعد في حاجة الي القيام بها ...

نجدها في محبة اولادهما و اقتسام جميع واجبات تربيتهم بالتناوب ...

نجدها في الآف من اللفتات الصغيرة .. و النظرات المتفاهمة ....و الثقة التامة ...

و لكن لن نجدها أبدآ في فصل مواردهما المالية ... فمتي فتح مجال ل "ده بتاعي و ده بتاعك " ابتدأ ظهور لشيء منفصلآ بينهما .. و من خلاله سيبدأ دخول سلبيات كثيرة .. تهز من هذا الوشاح المتماسك الذي يجمعهما ...

كلام حضرتك ده تمام خالص وياريت كل الناس تعمل كدة علشان يوصلوا لحياة سعيدة بحاجات بسيطة غير مكلفة

تم تعديل 27 فبراير 2008 بواسطة vipwithyou

[badroora]

و الله السيرة دى كرهتنى فى الجواز منك لله يا بدرية

:blush2: كدا يا هبه وانا اللى عاملة على مصالحتك وبافتح عينيكى عشان محدش يضحك عليكي وتعرفي حقوقك كويس :)

عموما متقلقيش بعد مانخلص الموضوع دا هنفتتح club للمعقدات من الزواج وان شاء الله كل العقد تنحل بس ادعى وقولى امين :blush2:

تم تعديل 27 فبراير 2008 بواسطة Badria Mekkawy

[vipwithyou]

الرجل بطبيعته له حقوق وعليه واجبات ويجب ان يتلزم بها

والسيدة ايضاً بطبيعتها لها حقوقها وعليها واجبات يجب ايضا ً الالتزام بها

لكن اذا قامت الزوجة بآداء واجب من واجبات الزوج هنا يختل الميزان

[ابو محمود]

و الله كلام جميل اوى و معقول جدا بس خيالى بشكل

يتبقى فى النهاية الرجالة عايزين سيطرة و الستات عايزين حرية و الاولاد عايزين شيكولاته

و الله السيرة دى كرهتنى فى الجواز منك لله يا بدرية

شوفتى ياست بدرية يانهار ذى بعضة احنا عندنا بنات يابنتى وعايزين نسترهم

أهوانتى خليتى الباش مهندسة بتعتنا كرهت الجواز طب علشان خاطر بناتنا والنبى ممكن نضيف موضوع يرفع ويزودالزواج فى البلد علشان انا عندى بنتين ربنا يسترك دنيا وأخرة وبعدين انا عايز افرح بيهم وعلى فكرة المدام بتسلم عليكى كتير اووووى وبتدعيلك ربنا ينور طريقك وتشوفك عروسة وقاعدةفى الكوشة جنب النبى حارسة اللى مش سى السيد وبعدين كان زمان سى السيد قبل أكتشاف الأكياس النايلون الشفاف ايام ماكانو بيعبوالفاكهة فى قرطاس ورق وأكياس مرسوم عليها المحمل ييجى كدة من 30 سنة هههههههههههههه