رؤية جديدة في الحياة الزوجية السعيدة,!!!!

[badroora]

الاخ العزيز : هشام الكندى ان شاء الله

سعيدة جدا بمشاركتك معنا خارج باب المغتربين واتمنى ألا تشعر بغربة وسطينا هنا

كل كلامك صحيح وسليم ومافيهوش اى عيب ماعدا هاتين النقطتين ولذلك اقتبستهم لنتاقش حولهم .

فالرجل العملي الذي يحسب كل شئ تناسبه امرأه عمليه

و الرجل هوائي التصرف تناسبه امرأه هوائيه كذلك

فاذا تزوج رجل من امرأه مغايره له في الصفات فستبدأ المشاكل

لو الزوج هوائي والام هوائية تفتكر ماهو مصير الاولاد لزوجين بهذه الصفات .؟

انا لى راى اخر هو ان احيانا الاختلاف فى الشخصيات بيكون جذاب اكتر عن التشابهة لان التشابهة دايما بينتج عنه تنافر .

ولازم الكفة تكون موزونه بمعنى لو شخص هوائي وفيه صفات حسنه ممكن يرتبط بانسانه متزنه وتحاول معاه فى الجزء الضعيف فيه وكذلك الرجل .

اما هوائي يتجوز هوائية هتبقي حياتهم تافهه والله اعلم .

كذلك هناك عدم فهم من الاخوات لحقيقه تعدد الزوجات في الاسلام الي حد ان كثير من النساء تقبل ان يقيم زوجها علاقه غير شرعيه مع امرأه اخري افضل من ان يتزوج باخري

انا لا اتفق معك فى هذه النقطة . ولا اعلم لماذا كثيرا من الرجال يرددون هذه الجملة ويتهمون النساء بانهم يحرمون شرع الله فى التعدد ويقبلون الزنا والخيانة .

دا مش صحيح ولن اتناقش فيه لان فى موضوع طويل عريض يتحدث عن هذا الشأن

لمحبي الاطلاع عليه ( الزوج الثانية الحق المر )

سعدت جدا بمشاركتك وارائك

تحياتى ,,,

بدرية

تم تعديل 28 فبراير 2008 بواسطة Badria Mekkawy

[badroora]

أستاذ : Scorpion

اولا هاستغل الفرصة هنا من اجل ابداء اعجابي الشديد اولا باسلوب حضرتك فى التحاور كعضو والادارة كمشرف .

حضرتك تمتاز باسلوب متزن جدا ومعتدل ودميقراطى . فالى الامام دائما يا رب .

نرجع للموضوع

حضرتك كتبت :

بدون أدني شك السعادة الزوجية تملك المرأة 95% من مكونات نجاحها ..

. و بصراحة شديدة في جميع العلاقات الزوجية الرجل هو الذي يحوز علي الجانب المريح منها .

. بينما المرأة يقع علي عاتقها كل الإجهاد النفسي قبل الجسدي ..

فالأنانية هي سمة الرجل ... حتي في اللاوعيه ...

فالرجل و أنا أعترف بذلك ما هو الا طفل كبير ...

هو الآن يحمل مسئولية بيته ... و يشارك زوجته الأهتمام بمعظم مطالب هذا البيت بما فيها مسئولية تربية الأطفال .. و لكن يبقي دائمآ هذا الطفل داخله ....

يريد ان يكون محور اهتمام زوجته

يريد ان تدلل فيه دائمآ ...

يريد ان تقتنع زوجته بكل ما يقول

يريدها ان تطيعه

يريدها أن تكون زوجته .. و أمه ... صديقته ... و أم أولاده ...

يريد ان امكن ان يتهرب من بعض المسئوليات أو الأعمال الصغيرة التي من الطبيعي ان يقوم بها في بيته ...

أحيانآ حتي لو هو مقتنع بأن زوجته مجهدة الي حد كبير ..و لكن الأنانية التي يحملها في اللاوعيه .. تجعله أحيانآ يتغاضي عن هذا الأجهاد و يختلق أعذارآ مقنعة تجعل من زوجته الأستمرار في اداء واجبات منزلية أخري بالرغم من أجهادها ...

و غالبآ تنجح المرأة في إرضاء كل تلك المطالب ... فهذه طبيعتها .. بينما نحن لا نستطيع بالفعل القيام بجزء من تلك التضحيات .. لأن هذا ايضآ موجودآ في طبيعتنا ... و في اسلوب تربيتنا الخاطيء ....

ما تقوله حضرتك .. يجعل من المرأة خطوة خلف الرجل ... و لكن هذا لا يفيد كثيرآ في بناء بيت سعيدآ بالفعل .. قد يجعله سعيدآ ظاهريآ .. أو يقنع كل منهما نفسه بأنهم سعداء و ليس بالأمكان أفضل مما كان ...

و لكن السعادة الحقيقية هي التي تنبع من اقتسام المشاعر ... نفس الحنان ... نفس التفاهم ... نفس التضحيات ... بل نفس الواجبات و الحقوق .. لا يوجد من يطيع الآخر .. بل من يتفهم الآخر عن اقتناع و محبة ...

أو كما قالت العزيزة قرنفل .. "كل الكلام ده مضروب في الخلاط و متوزع عالأتنين " ....

السعادة الحقيقية نجدها في لفتات صغيرة غير منتظرة ...

نجدها عندما يقوم الرجل بدون حتي الحاجة الي ذلك بكي "كوم هدوم" تجدها الزوجة مرتبة عند عودتها من مشوار او من العمل ...

نجدها عندما تقوم الزوجة بالأعتذار عن زيارة تهمها و لكنها تعرف انها "تقيلة علي قلب" زوجها ...

نجدها عندما تجد الزوجة ورقة صغيرة بها كلمات رقيقة من زوجها حتي بعد سنين من الزواج ....

نجدها عندما تقوم الزوجة بالوقوف في طابور بدلآ من زوجها .. ليفاجيء عند عودته ان تلك المهمة السمجة لم يعد في حاجة الي القيام بها ...

نجدها في محبة اولادهما و اقتسام جميع واجبات تربيتهم بالتناوب ...

نجدها في الآف من اللفتات الصغيرة .. و النظرات المتفاهمة ....و الثقة التامة ...

و لكن لن نجدها أبدآ في فصل مواردهما المالية ... فمتي فتح مجال ل "ده بتاعي و ده بتاعك " ابتدأ ظهور لشيء منفصلآ بينهما .. و من خلاله سيبدأ دخول سلبيات كثيرة .. تهز من هذا الوشاح المتماسك الذي يجمعهما ...

بصراحة انا سعيدة جدا جدا بكلمات حضرتك , انا كما قولت حضرتك انسان متزن جدا وراق فى نفس الوقت .

ولن اجد ما اضيفة بعد اللى حضرتك كتبته غير :) :) ويا ريت كل معشر الرجال يفكروا بنفس طريقتك والله كل مشاكلنا هتنحل .

ربنا يسعدك يا رب .

واتمنى من الاخوة الرجال ان يجاوبوا على سؤال حضرتك

ما هو دورنا نحن كأزواج في اضفاء السعادة علي جنبات منزل نحن مسئولين عنه في المقام الأول ...؟

مع خالص مودتى ,,,

بدرية

[هشام الكندي ان شاء الله]

بسم الله الرحمن الرحيم

في باب المغتربين كله ثار من ارائي و قلتوا ضد الشرع و ضد الدين

اذا كنتم رافضين راي هشام في نقطه معينه لان رايه غلط في النقطه دي, مش معني كدا انكم ترفضوا راي هشام في كل شئ لانه هشام ليس الا!

انا منكرش ان رايي بيكون في غلط في بعض الاحيان لاني انسان و اكيد بغلط

لكن انا بذكر راي الدين, يمكن انا مش عارف و بفسر الدين علي مزاجي برضه؟

طيب يا ريت توضحوا راي الدين في التعدد, مش عايز اكتر من كدا و لا اقل؟

و يا ريت تقولوا احكامه و شروطه و كل شئ يخص التعدد في الاسلام

و هل من المعقول ان يشرع الله عز و جل شريعه فيها ضرر للعباد؟

ارجو التوضيح

الاخت هبه:

فين الاحصائيه اللي بتقول ان عدد الرجال اكبر من عدد النساء؟

يمكن في كالكتا في الهند, عدد الرجال فعلا 60% و عدد النساء 40% لذلك يدفع الرجال المهر مع ان التقاليد الهنديه تقضي بان تدفع المراه المهر للرجل كي يتزوجها!

لكن في مصر؟ مستحيل يكون الرجال اكثر من النساء

الاخت العزيزه بدريه:

رايك في اول نقطه جميل جدا و اقنعني

ممكن يكون الاختلاف في الصفات شئ كويس مش وحش, عندك حق فعلا

اخوكم (اذا كان ما يضايقكمش)

هشام الكندي ان شاء الله

[vipwithyou]

بلغ عدد السكان داخل جمهورية مصر العربية في أول يناير 2006 حوالي 71.348 مليون نسمة وذلك وفقاً لمعدل زيادة طبيعية 1.91 % .

وتشير تقديرات السكان الصادرة عن الجهاز المركزي للتعبئة العامة والإحصاء أن الإناث في المجتمع المصري تشكل حوالي نصف سكان الجمهورية . حيث بلغ عدد الإناث التقديري في أول يناير 2006 حوالي 34.839 مليون نسمة بنسبة 48.83% من إجمالي عدد السكان . والجدول التالي يوضح تطور أعداد السكان من سنة 2001 حتى 2006ونسبة الإناث من إجمالي عدد السكان.

المصدر : الجهاز المركزى للتعبئة العامة والإحصاء

يتضح من الجدول السابق أن الإناث تمثل ما يقارب نصف سكان مصر وذلك خلال الفترة المشار إليها سابقا . وهو ما يتضح من نسبة الإناث إلى إجمالي عدد السكان خلال الفترة محل الدراسة والتى بلغت حوالى 48.83%من إجمالي عدد السكان خلال هذه الفترة .

[vipwithyou]

معلش آسف يا مهندسه هبه رديت مكانك عن سؤال الأستاذ هشام عن الاحصائية

وبعدين احنا مش عملنا كل حاجة فى الشرع علشان نمسك فى حته التعدد ونقول لا لازم ننفذ الشرع

الشرع بيقول ندى الزوجة حقها ونحاسبها بعد كدة

مش نعاقبها وخلاص

هى كائن مالوش حقوق فى الشرع

لا حول ولا قوة الا بالله

تم تعديل 29 فبراير 2008 بواسطة vipwithyou

[badroora]

اخيرا وصلتلك يا تامر تعالالى بقي

اعتقد كما قال اخى سكوربيون ان المرأه لها الدور الأكبر جدا ً فى نجاح الحياة الزوجية ليس بعمل مجهود معين

لكن الطبيعى ان الرجل لا يرغب بكثرة المشاكل الزوجية يميل الى راحة الدماغ لكن السيدات هما اللى ممكن ميكبروش دماغهم زى الرجاله وبيعلقوا على حاجات

ممكن تكون تافهه جدا ً ويكبروها وتبقى مشكلة

بقي يا تامر نحاج الحياة الزوجية مش محتاج مجهود وتعاون بين الزوجين , مابالك بقي لما يكون طرف واحد هو اللى بيبذل المجهود اكيد الحياة مش هتستمر .

طيب لما الراجل يكبر دماغه والزوجة تكبر دماغها الجيران بقي اللى هيحلولهم مشاكلهم .

وهل تعتقد ان دى ميزة ان الراجل يميل الى راحة الدماغ المفروض بما انه الاقوى انه هو اللى يحتوى زوجته والمشاكل معنا . مش يهرب منها بتكبير الدماغ .

الزوج لا يريد من زوجته الا الهدوء غير المميت والرقة غير الممله والحيوية العاقلة ، تقدير مجهودة وتعبه فى الشغل

يسلام هو ساكن فى مستشفي ولا ايه .

فاذا هناك امرأة عظيمة عمليا ً تأكدوا ان وراءها رجل فقد كثير من حقوقه ويضحى كثيرا ً من اجلها

احتمال , يبقي على كدا بقي كل الزوجات تقف عند نجاح زوجها وتستمر فى التضحية من اجله وهى يكفيها فخرا انها زوجة لرجل عظيم . :lol:

صدقونى هذا صحيح

مش شرط انه يكون صحيح .ولكن وجهة نظرك ويجب ان تحترم

بس هأبسط بقى أختنا بدرية بقة طالما انها عايزة تتكلم عن الجانب السىء

يا تامر مين قال انى السلبيات بتبسطنى والا كنت اكتفيت بالفكرة اللى اخدتها ومجتش هنا عشان نتناقش ونشوف حلول للمشاكل دى .

انا بالعكس كل ماشوف مشكلة اى زوجين باكون فى منتهى الحزن والقهر وخصوصا لو كنت على علاقة بيهم باتخيل ايام خطوبتهم ويوم فرحهم وقد ايه عملوا المستحيل عشان يتجوزوا

واقارنه باللى باشوفة من مشاكل وغدر بانقهر جدا وباشعر وقتها ان الدنيا مش بقي فيها خير .

مرسي ليك يا تامر على تفاعلك فى الموضوع والمشاركة باراء قيمة طبعا البعيدة عن الشخصنه .

تحياتى

بدرية

تم تعديل 29 فبراير 2008 بواسطة Badria Mekkawy

[badroora]

يا جماعة المشكلة مش مشكلة عدد البنات ولا الرجال مين اكتر من مين ؟

طيب ما فى عوانس بنات وعوانس رجالة يعنى العنوسة مشتركة

ايه الفايدة لما يبقي عندي عدد البنات اقل من عدد الرجال والرجال اساسا مش قادرين يتجوزوا

.

[nash]

أصلك مش واخده بالك يا بدريه الحجه اللي بيسوقها الرجاله الراغبه في التعدد أن عدد الإناث أعلي من عدد الذكور ..فالراجل هايعمل جميله في الإناث ويعدد علشان العنوسه .....حجه فارغه يعني ...قال هايعملوا جميله ....

[Muhammad Zidan]

أصلك مش واخده بالك يا بدريه الحجه اللي بيسوقها الرجاله الراغبه في التعدد أن عدد الإناث أعلي من عدد الذكور ..فالراجل هايعمل جميله في الإناث ويعدد علشان العنوسه .....حجه فارغه يعني ...قال هايعملوا جميله ....

مساااااااااااااااااء الخيرات عليكم جميعاً

إيه هي الحجج دي اللي الرجالة بيقولوها عشان يتجوزوا تاني ... هو في واحد عاقل يفكر يتجوز تاني .... تاني إيه وتالت إيه ... وبعدين هو البني آدم لو سعيد في حياته ... لأ بلاش سعيد دي عشان ما تقوقوش مبالغة هو الإنسان لو عنده قناعة ورضا بالمقسوم ويحاول يغير أو ينسجم مع طباع الإنسان أو الطرف التاني معاه يفكر في الجواز ليه .... ونفسي أقول حاجة عن الجواز والمفروض إن كلامي يؤيد كلام العزيز هشام الكندي إن شاء الله ... المشكلة الكبرى هي في الاختيار .... وكل واحد يتحمل نتيجة اختياره وبعدين تعالوا نجيبها من الأول البداية رجل عاوز يتجوز ويبتدي يدور ويبحث ويسأل ويتقصى ويتمحص لغاية ماربنا يرزقه بواحدة على قده بالضبط يعني ربنا بيديلك على قد عملك ( الطيبون للطيبات ) وبعدين ندخل في معمعة الفرش والشقة وخلافه وفي الآخر بنوصل لعش الزوجية ومن خلال تجربتي الشخصية أنا حبيت مراتي بعد الجواز مش في الخطوبة ولا قبلها ( أنا اتجوزت جواز صالونات عادي جداً ) نرجع للموضوع ..... الطبيعي والمفروض أن الحياة الزوجية بدايتها الحقيقية بعد ما يتقفل عليهم باب الشقة كل واحد بيظهر على طبيعته والله البني آدم ما بيظهر على حقيقته إلا بعد الجواز .. بيكون جوه الاتنين نية لتكوين أسرة وأولاد وغيره يبقى لازم يحصل نوع من الانسجام والذوبان بين الاتنين ذوبان .... يبتدي كل واحد ينسى أو يترك بعض العادات اللي بتضايق الطرف التاني طبعاً مش هايتخلص منها كلها لكن محاولات من الاتنين اللي مفروض إنهم أصبحوا واحد واللي بيخلي الحياة تستمر وتدوم .. هو الرحمة والمودة والأولاد والمشاكل و... و ... و ... و ...

نرجع لأصل الموضوع اللي فيه نوع من تحفيز وشحذ همم النساء للتربص والتحفز بأزواجهم ... يا جماعة ليه بنخالف طبيعة الكون ( بعيداً عن الشريعة والدين ) طبيعة الكون في كل المخلوقات إن الأنثى كائن رقيق ضعيف حساس غالباً رومانسي يحتمي في الذكر ينعم في ملك الذكر يشعر بالأمان التام في وجود الذكر ... ده في كل المخلوقات فما بالنا نحن بني آدم وحواءسربوا لنا إحساس بقهر المرأة وخضوع المرأة وذلها مع زوجها وحاجات على مر العصور لم نلمسها أو نشعر بها ليه لزعزعة الأسرة وتدمير أصول وموروثات المجتمعات الشرقية المتمسكة بشراع الله والدين الإسلامي .. على المستوى الاجتماعي مفيش رجل ما بيتخانقش مع مراته أنا بتخانق معاها يمكن كل أسبوع مرة أو مرتين بس عمري ما تخيلت إني ممكن أعيش من غيرها عمري ما فكرت إني أتجوز واحدة تانية رغم ميسور الحال عندي إحساس بالسكن والسكينة معاها عشان كده لما نشوف رجل اتجوز على مراتههاتلاقي مستوى ثقافته ونشأته الأصلية بسيطة أو متواضعة لأن الإنسان رغم مسببات التعدد يستطيع أن يتوازن ويتأقلم مع أسرته أو زوجته بمعنى أدق .....

الموضوع طويييييييييييييييييييييييييييييييل لكن أنا رديت على بعض الحاجات اللي استنفرتني وليس استفزتني عشان الأخت بدرية ما تفهمش إن الاعتراض على فكرة الموضوع .... الاعتراض على توجيه الموضوع أو الأفكار لطريقة معينة في علاقة ما ينفعش فيها غير التلقائية بدون تنظيم وترتيب وكلام زي ( الاحترام المتبادل ... والذمة المالية المنفضلة ... الموبايل والماسينجر ..) ملاحظة : أنا شاركت لأني لقيت رجالة كتير عاملين مداخلات وأنا من مؤيدي اتجاهات ورؤى الأخ العزيز هشام الكندي إن شاء الله

وأخيراً آسف جداً إن كنت زعلت حد مني

والسلام عليكم ورحمة الله وبركاته

Muhammad Zidan md2:

[vipwithyou]

فى مشاركة كنت كتبتها فى موضوع كان فاتحه أخويا قاهرى وكان باسم ( نصيحة لكل الشباب قبل الزواج )

يمكن تفيدكم هنا

بسم الله الرحمن الرحيم

بصوا يا رجالة والستات ميبصوش علشان مايعرفوش بنخطط لهم ايه

عايزين زوجاتنا ميفكروش فى أى حاجة غيرنا أو أى حاجة

تشغلهم عننا

على فكرة دة تصورى باذن الله لحياتى فى المستقبل ان شاء الله

أولاً لابد أن يكون الزواج عن اقتناع تام وياريت عن حب المهم اقتناع وقبول ورضاء تام من الطرفين

بص بقى الحاجات الخفيفة دى بس للمتزوجين

اولا ياسيدى ممكن قبل ما تنزل الصبح تقبل زوجتك حتى لو هى نايمة ويُفضل لو نايمة

طبعاً متصيحاش علشان تعملك الفطار أساساً الواحد مبيكونش ليه نفس الصبح

( بس هى تبقى جدعة بقى لو هى اللى حافظة على فطارك من نفسها )

أنا يا جماعة بأقول الحاجات دى للمتزوجين علشان محدش يزعل منى

المهم واذا زوجتك كانت صاحية وجهزت لك الفطار قبل ما تنزل الشغل ياريت

وهى بتوصلك للباب علشان تخرج لشغلك تعمل نفسك نسيت حاجة مهمه وتروح

راجع لها وبعد اذنكم واخدها حضن دافئ طبعاً وقبلة خفيفة كدة وتسيبها وتمشى

ثم ممكن اذا انت دخلت الحمام قبلها الصبح تغسل وشك وهى كانت صاحية

وهتدخل وراك الحمام عادى يعنى ممكن تكون أخدت صباع روج من بتوعها

الكتير اللى انت جايبهوملها بس علشان تستخدمهم فى البيت وتروح على

المراية اللى فى الحمام وكاتب لها بحبك يا ... وتكتب الاسم اللى بتحب تسمعة هى منك كدلع لها مثلا

يا سلام بقى لما تسيب لها ورقة فى مكان تعرف انها هتشوفة أول ما تصحى من

النوم على مخدتك مثلاً او على المرايا أو أى حاجة المهم وتكتب لها بحبك برضوا مش هتخسروا حاجة صدقونى

ولا تسيب لها وردة على المخدة بتاعتك اذا نزلت قبل ما تصحى

يا سلام كمان لو اشتريت عصافير من غير ما هى تعرف وخليتها نايمة وجبتهم صحيتها بيهم

ممكن كمان تكونى بتتفرجوا فى السوق وتعجبها حاجة معينه بس خليها تحس انك مش عايز تشتريهالها ومتشتريهاش

فى وقتها لأى ظروف ممعكش فلوس أو حتى مش مقتنع بيها أو متشتروهاش وخلاص

فى الوقت دة بس بعد يومين أو ثلاثة فاجأها بانك اشتريت الحاجة اللى

حبتها دى من غير متكون عارفة انك هتيجبها لها

ياريت وانت فى الشغل لما تعرف انها بتصحى فى وقت معين يا سلام تروح متصل

بيها وتقولها حبيبتى وحشتينى وكنت عايز أسمع صوتك ومقدرتش أستنى لما

أرجع على الغداء وتكون باقى لك بس حتى نصف ساعة وتروح كويس

حاول تحسسها انها هى اللى ماسكة ميزانية البيت مش شرط تكون هى فعلاً

ماسكاها لكن هما فعلاً بيوفروا وياسيدى لو عايز انت حاجة خليها تجيبهالك

( بعض السيدات بيحبوا كدة والبعض الآخر مبيحبوش يشغلوا دماغهم بالمصاريف )

صدقونى كلكم فى ايدينا نعيش حياة سعيدة بأبسط الأشياء ومش شرط تكون

الحالة المادية عالية لكن أنا متأكد ان الحنان وحدة يكفى ان زوجتك

متتمناش من الدنيا حاجة تانية غير رضاك عنها وحبك ليها صدقونى

واللى عندة رأي تانى يقولهولى يمكن أنا عايش فى الخيال

أشكركم واذا فى جديد ها أقولكم عليه

أخوكم

تامر السيد

دى كانت مشاركة ...

وبعدين كملت بمشاركة تانية .. كما يلى

أما بخصوص ما أطلبة من الأزواج لتكون حياتهم سعيدة فلنناقش الشباب لماذا لا يفعل كل منا ما قلته فى مشاركتي السابقة من

رعاية وحنان لزوجته

ماذا يطلب الرجل من الزوجة ليفعل لها كل ذلك ؟

اولاً أن تكون له العون فى الحياة الصعبة ولو بمجرد الكلمة لن تعينه مادياً لكن احساسة بخوفها على حياته العملية يدفعة للتقدم فيها

ايه تانى عايزة الراجل من زوجته انها تكون الوجة الحسن له طيب ازاى

وتربية الأولاد وتجهيز الأكل وتنظيف البيت والبصل والكلام دة وعايزها تكون

الوجه الحسن له أيوة بأقولك ممكن جداً بسهولة ان شاء الله أولاً أنا لست مع

عمل المرأة ليس لمجرد منع المرأة من العمل ولكن لصيانتها من الشوائب

الموجودة فى سوق العمل بالتالي تكون المرأة فقط لزوجها وأولادها طيب

متقدريش فى الساعات بتاعة الصبح اللى زوجك فيها تكون جهزتى كل حاجة

الاول أنا عارف الستات شاطرين جداً وخصوصاً فى الأكل أنا متغرب وعارف بالتالى موضوع

الأكل قضية منتهية وكمان تقدرى تخلى البيت جنه فى نصف ساعة أو ساعة بالكتير

وياستى لو فى حاجة ثقيلة فى البيت أكيد البيه ( احم يا رجاله إنتوا فين ) مش هيأخر انه يساعدك فيها

من غير ما تطلب الزوجة طبعا يا جماعة ولا ايه ؟

بس كملى الأول يبقى كدة خلصتى موضوع الأكل وكمان الأولاد مش هياخدوا منك

حاجة ثانى أهم حاجة تخلى بالك من وزنك يعنى ايه يعنى أروح النادى ألعب

رياضة لا ياستى لو ظروف زوجك متسمحش اعملى رياضة فى البيت ودة سهل جداً

بس احنا اللى بنكسل غير ان ممكن خروج بالليل للفسحة ويكون فيها مشى

شوية يحرق أى أكل أكلناه المهم ان الست تخلى بالها من نفسها وصحتها بس

مش طول النهار قدام المرايا ماشى يا فتيات طيب لما يرجع الراجل للبيت ويلاقى الأكل

جاهز دى أهم حاجة طبعاً أصلنا مفاجيع أنا عارف ويلاقى زوجته بتقولة حمدالله

بالسلامة يا حبيبي وتجري عليه على انه وحشها ولا هو وحشها ولا حاجة لكن

تعمل كدة وخلاص صدقونى يا جماعة لو هو متدايق ومتنرفز من الدنيا كلها بس

بمجرد اللقاء دة لازم حالته النفسية تتغير فوراً صدقونى والله ودة ميمنعش

برضوا انها كل شوية كدة تعملة أى حاجة من اللى قلناها يعنى وردة ولا صنية بسبوسة

أو حلة محشى مسبكة كدة مع لحمة ضانى المهم كدة أى حاجة

وبالنسبة لصحيان الزوجة لإفطار زوجها دا مش ضرورى قوى لأننا ما بنفطرش اصلا لكن اذا حصل بيخلى يوم الزوج رائع من بدايته

على فكرة يا جماعة والله أعرف واحد صاحبى متزوج وواحدة كمان مكانش بينه وبينها حب قبل

الجواز لكن هو راعا ربنا فيها وهى كمان بتراعى ربنا فيه تعرفوا يا جماعة هو عارف الوصفة السحرية دى مني قبل الجواز

ومكانش متخيل انه هيقدر يعمل كدة حتى من قبل الجواز لكن بيقولى أهه بعد سنه انه بيعمل كدة فعلاً

ولو يقدر يعمل أكتر من كدة كان عمل تخيلوا بيقولي ان مرة هو بس

رجع البيت بالليل زهقان من قرف الدنيا والشغل والناس وكدة ودة طبيبعي وكلنا بنتعب بس هو فى اليوم دة كان عندة صداع بسيط شوية

وبس مجرد قال لزوجته أنا ها أنام شوية علشان عندى صداع تخيلوا بيحلف ليا

انها فضلت صاحية جمبة وهو نايم وهى بتعيط لغاية الساعة الواحدة والنصف بالليل لما فاق ولقيها بتعيط مصدقش نفسة

وسألها خير فى ايه هو فاكر ان فى حاجة كبيرة حصلت لكن تقوله انها خايفة عليه وبتعيط علشان هو نام وعندة صداع

شوفوا بقى طيب هو يعمل ايه ؟ تعرفوا بيقولى والله وقتها نسى الصداع ونسى الدنيا كلها وافتكر زوجته وبس فسهل يا جماعة نعيش حياة سعيدة

ومن غير غرامة لأن الكلام الحلو مش بالفلوس بس فعلاً كلمة واحدة حلوة ممكن تخلى زوجتك عايشة أسعد أيام حياتها وأهى كلمة مش هتكلفك حاجة

وهى كمان تحاول متقصرش فى حقك ولا فى نفسها وتعيشوا كلكم حياة سعيدة

أشكركم وحاسس انى طولت عليكم

أخوكم

تامر السيد

[هشام الكندي ان شاء الله]

يا جماعه انا مش فاهم راي الدين في التعدد

يا ريت حد يشرحلي

[vipwithyou]

وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا

[vipwithyou]

ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة وإن تصلحوا وتتقوا فإن الله كان غفورا رحيما

[vipwithyou]

روى قتادة عن النضر بن أنس عن بشير بن نهيك عن أبى هريرة قال : قال رسول الله (صلى الله عليه وسلم) : ( من كانت له امرأتان فلم يعدل بينهما جاء يوم القيامة وشقه مائل ) . والمقصود هنا الذي لا يعدل في النفقة والمبيت وليس في الحب وهوى القلب ، فلا أحد يملك القلوب سوى رب القلوب ).

وقال ابن عباس وابن جرير والحسن البصري : { كالمُـعَـلقة } أي تتركونها لا هي مطلقة [ فتبتغى زوجا آخر ] ولا هي ذات زوج

[ يرعاها ويقوم على شئونها ويعطيها حقوقها ] ، وقال قتادة { كالمعلقة } أي كالمسجونة .. وكان أبى بن كعب – رضي الله عنه – يقرأ الآية هكذا : { فتذروها كالمسجونة } ..

[Scorpion]

انا منكرش ان رايي بيكون في غلط في بعض الاحيان لاني انسان و اكيد بغلط

ما تتخيلش سعادتي قد ايه بقراءة السطر ده ...

هشام أحييك علي شجاعتك .. داعيآ الجميع بأن نفتح صفحة جديدة ...

الجدع لسه قاعد معانا كام سنة تانية قبل الهجرة ... و مين عارف الل ممكن يحصل فيهم ....

يعني ممكن يتجوز بنت الحلال اللي تشقلب حاله و تخليه ما يتعتعش من مصر ....

يا جماعه انا مش فاهم راي الدين في التعدد

أنت بس اتجوز الأول و بعدين ابقي تعالي اسأل السؤال ده ....

[vipwithyou]

وإذا اشترطت المرأة في عقد الزواج ألا يتزوج عليها ، فإن على الزوج احترام العقد وعدم الاقتران بأخرى إلا برضا الزوجة الأولى وتنازلها عن الشرط .. ففي الحديث الشريف : ( إن أحق الشروط أن توفوا ما استحللتم به الفروج ) [رواه البخاري ومسلم] .. ومعنى الحديث الواضح أن الشروط المدرجة في عقد الزواج هي أولى الشروط بالاحترام والالتزام .

[هشام الكندي ان شاء الله]

بسم الله الرحمن الرحيم

الاخ سكوربيون:

سعيد بردك عليا اولا

ثانيا: "يعني ممكن يتجوز بنت الحلال اللي تشقلب حاله و تخليه ما يتعتعش من مصر "

حتي لو حصل, همشي من مصر برضه

فيه حاجه اسمها الثوابت اللي لا يمكن التفاوض حولها و فيه اراء تانيه ممكن تصيب و ممكن تخطأ و ممكن الواحد يتنازل عنها تماما

الحاجات دي بتختلف من واحد للتاني حسب اراء كل شخص

"أنت بس اتجوز الأول و بعدين ابقي تعالي اسأل السؤال ده "

طيب الواحد عايز يعرف الاول المساله دي سواء كان هيتجوز او لا

صح و لا ايه؟

الاستاذ في اي بي:

رديت عليا باسلوب اكثر هدوئا في المرات الاخيره و هذا ما دفعني الي الرد عليك

يا ريت تقولها صريحه و مدويه بما انك عندك خلفيه دينيه كويسه

ان الاصل في الزواج في الاسلام هو التعدد

نعم التعدد

اما ان الواحد يكتفي بواحده او ان مراته اشترطت عليه ما يتجوزش عليها فدا حقه و اتنازل عنه و هو حر تماما لكن الاصل التعدد

زي اللي بتتنازل عن المؤخر و القايمه و اللي عارفه ان جوزها متجوزها علشان يهاجر بيها, هيا حرة حقها و اتنازلت عنه برضاها

و لا انتا رايك ايه؟

[Scorpion]

يا استاذ هشام ...

الموضوع بيتكلم عن رؤيتنا لحياة زوجية سعيدة ... سعيدة للأتنين ... مش للراجل بس .... لأن مع تعدد الزوجات 99.9 % الزوجة نفسها مش ممكن حتكون سعيدة ... علي الأقل في وقتنا ده ... يعني حتلاقي فين اللي واقفة تزغرط علي باب بيتها و جوزها داخلها بضرة ....

بخلاف الجانب الديني الذي له كل القدسية .... و لكن بجانب الأباحة لكن ليها شروط كتير قوي زي ما ذكرها لحضرتك الفاضل vipwithyouو علي رأسها ان تعدلوا ... طلعلي انت بس واحد عادل فعلآ بين زوجتين و مش حقول تلاتة او اربعة ... دايمآ حيبقي فيه انشالله شعرة تمييز بين واحدة و التانية ....

لكن لو حضرتك بتفكر في تعدد الزوجات يبقي انصحك بصرف النظر عن الهجرة الي كندا او حتي الي أي دولة غربية لأن هناك دي بتعتبر جريمة تستاهل الحبس ...

[هشام الكندي ان شاء الله]

اخي سكوربيون:

انا اعرف جيدا ان تعدد الزوجات جريمه في الغرب و عقوبتها السجن

اعلم ايضا انه في بعض الدول الغربيه يجرم الزواج من بنت العم او العمه او الخال او الخاله و يسمي الزواج في هذه الحاله زنا محارم

لكن كل دي حقوق للواحد تركها بمحض ارادته, لو مش عايز يتنازل عن حقه يبقي هو حر و يفضل في المكان اللي هوا فيه

[~Heba~]

هش هشاااااااااااااام

mc: mf-: mf_p: :Exclam: gjy:: :D

وقعتك مطينة بطين ان شاء الله

و ان شاء الله مش حتلاقى واحده ترضى بيك