رؤية جديدة في الحياة الزوجية السعيدة,!!!!

[badroora]

تحدثنا عن السعادة الزوجية بين زوجين طبيعين .

وعرفنا كل واحد ايه اللى ليه واللى عليه .

دلوقتى بقي عاوزين نناقش الجزء الثانى اللى بصدده كتبت الموضوع والامثلة المذكورة فيه .

الزوج اللى يفاجيء زوجته بزوجة تانية دون اخبارها والسبب انه عارف انها مش هتقبل ؟

النوع الثانى هو ان الزوج شايف انه زوجته بها مشاكل فسيلوجية (مؤقته) وبدل مايفكر يقف جنبها ويعالجها كان اسهل حل ليه ان يبحث ان اخرى علما بانه حالته المادية معقولة وليست جيدة .وفى حين انه فى فترة من الفترات لمدة سنه تقريبا كان يعانى من مشكلة جعلته غير قادر على ممارستة حياته الطبيعية بشكل طبيعي والزوجة استحملته ووقفت جانبة لحين تعدى الازمة التى استغرقت عام كامل . وهو اول ما ربنا شفاه وعفاه فكر فى اخرى.

النوع الثالث هو الزوج الملول الذي يكره التعود ودائما يبحث عن كل ماهو جديد اى يحتاج اللى تجدد مشاعرة مش شرط زواج ممكن مجرد صداقة عادية او حب بريء عشان بس يكسر الملل الناتج من الحياة الزوجية .

نوع رابع مدمنى العلاقات على الانترنت تلاقي الزوج جالس على النت يعمل غراميات والمسكينه فكراه بيشتغل وبتعمله شاي وسيباه وهو بيسلى وقته.

نوع خامس اللى كل حجته اصل مراتى مش انا اللى اخترتها اصلي امى اخترتها وانا عايش معاها عشان بجاملها وكمان ملهاش ذنب طبعا الكلام دا بيقولوا للضحية الجديدة عشان يكسب عطفها وحبها لانه شهيد زواج الصالونات .

هذه الامثلة موجودة وبكثرة .

عاوزين نعرف ايه العلاج لمثل هذه الحالات .

وياريت المناقشة تكون عملية يعنى مش تحيز لفئة معينه او دفاع باطل حيث اننى لن اتهم فئه واحدة هى المشكلة جات كدا ان الرجل هو بطلها لكن هذا لا يمنع ان الزوجة لها نسبة ولو بسيطة ادت به الى ذلك .

بس بردوا مش معقول كل زوج من العينات اللى ذكرتها دى عاوز زوجته حطة عنيها علية 24 ساعة ولو غفلت للحظات نلاقي الزوج مشي على كيفة :Exclam:

[nash]

من وجهه نظري المتواضعه جدا...طبعا لا ألزم أحد بذلك....

إذا كانت الزوجه صبورة فممكن تحاول وتتكلم وتتناقش مع زوجها في أيجاد حلول وبدائل عديده...لتجديد الحياة الزوجيه ....

إذا كانت ضعيفه و (منكسرة ) ولا يوجد لها ضهر تتسند عليه فالأفضل لها..وسيكون هذا خيارها أن تصبر وتحتمل وتقول نصيبي وخلاص....

إذا كانت قويه ومدعمه من كل من حولها فالأفضل الطلاق طالما حاولت وبذلت كل ماتستطيعه وأدخلت حكم من أهلها ومن أهله ..ولم يجدي ذلك نفعا مع الزوج....بشرط ألا تكون قد قصرت في شيء من واجاباتها تجاة الزوج والأولاد...

راحه البال وهدوء الأعصاب ثمنهم ليس زهيد حتي تحتمل المرأة سخافات زوجها وأعماله الطفوليه ورعونته بإستمرار

[امانى]

لم تسمح لى ظروفى الماضية يا صديقتى ان اشارك برايىفى موضوعك الرائع السعادة الزوجية بين زوجيين طبيعيين

ولأن الاخوة المحاورين والمحاورات قد اعطوا الموضوع حقه من الاراء فسأرد انا على اسئلتك الاخيرة وطبعا هذا رأيى الشخصى

ممكن ان يكون صوابا او خطأ

اولا الزوج الزى يفاجئ ذوجته بذوجة اخرة دون علمها ولا يوجد بهذه الذوجة مايعيبها يعنى تراعى الله فيه وفى بيتها رأيى ان هذا

الذوج خائن وغشاش اباح لنفسه طعن ذوجته دون سابق انزار كان لابد ان يقول لها مسبقا حتى لو عرف انها لم تقبل ولكن لابد من ان

يتحاور معها ممكن هذا الحوار ينجح فى الوصول الى حل المشكلة وتنتهى الاذمة او يفشل وهنا يكون للذوجة حق الاختيار اما ان تقبل

ان يكون بحياة ذوجها اخرى او ترفض وتطلب الطلاق وعلى الذوج احترام رغبتها فى ذلك

ثانيا بالنسبة للذوج الثانى الذى وقفت ذوجته معه فى محنته ومرضه وتحملت من اجله ومن اجل بيتها وبعد ان عافاه وشافاه الله نسى

كل ذلك ولم يتحملها فى شدتها ومحنتها وفكر باخرى هو ذوج انانى لا يفكر الا فى نفسه فقط لأنه لم يتذكر وقوفها بجانبه فى مرضه وبدل

ان يقف بجوارها فى محنتها جرى الى اخرى هذا النوع من الاذواج لايفكر فى بيت ولا عيلة هو يفكر فى نفسه فقط انا ثم انا ومفيش غير انا

النوع التالت الذوج الملول اعتقد هنا يقع جزء كبير على المرأة فى تسلل الملل الى ذوجها . الروتين دائما يسبب الملل فى الحياة

الذوجيه سواء للرجل او المرأة ولابد للطرفين ان يتفهما هذه الجزئية لابد من كسر الروتين فى الحياة اليومية يكون فى تحاور بخصوص

تسرب الملل الى حياتهم يتفقو على كسر الروتين وتجديد حياتهم الذوجية بحلول عديدة ممكن تنفيذها .

النوع الرابع من الاذواج مدمن الانترنت طبعا بالنسبة للذوجة لو متعلمة لن يستطع ان يضحك عليها بأنه بيشتغل وتروح تعمله شاى ولكن

ممكن قوى يقعد على النت لفترات طويلة ومش معقولة هتقعد طول الوقت بجواره تشوفه بيكلم مين وهنا من رايى ان تناقشه الذوجه

وتطلب منه ان يترك لها مساحة من وقته للحوار معها تحاوره تفهمه انه الجزء الاكبر من كيان الاسرة . تلفت نظره بحاجات بسيطة بدل

ما تناوله الشاى وتخرج تجلس بجواره تشرب معاه هى الاخرى الشاى تسأله بلباقة عن رأيه فى من يعمل علاقات غراميه على النت

سواءذوجه او ذوج تحسسه انها عارفة بطريق غير مباشر وتطلب سماع رأيه فى ذلك تقول بطريق غير مباشر رأيها فى ذلك انه ممكن

تكون المراة التى تكلم الرجل ذوجة وام وانه من الممكن الوقوع فى نفس الوضع هل يقبل ذلك على ذوجته وبكده يحترم نفسه على

الاقل خوفا أن ياتى يوما ان يكون ذلك الرجل لا قدر الله

اما بخصوص ذوج الصالونات ده بقى حكايه هل اتجوز بدون فترة خطوبه؟ يعرف فيها الطرف الاخر ويفهمه عن قرب؟ ويقرر بعدا الاستمرار

من عدمه . بعد الزواج الم يحدث تفاهم وتقريب المسافات بينهم ؟ بعدين مفيش مجاملة فى العواطف انا لا اقول ان المسؤلية تقع على

الرجل فى انجاح هذا الذواج ولكن تقع ايضا على الذوجه لابد من التفاهم بالعشرة ممكن لكل طرف ان يعرف مميزات وعيوب الطرف الأخر

ومحاولة تقريب وجهة النظر بينهم والتغاضى قليلا عن المساوئ واصلاح ما يمكن اصلاحه والالتقاء عند نقطة تجمعهم ومن خلالها اصلاح

ما يعيق تلك الالتقاء وهنا لازم الطرفين معا وليس طرفا مفرده من يقوم بذلك

اخيرا اذا رعى الله كل من الذوج والذوجه فى تعامله تجاه الاخر وكل طرف من الطرفين مللك مفتاح قلب وعقل الطرف الاخر واعتبرا

حياتهم الذوجيه سفينه لابد لها من ربان ودفة لا غنى لطرف عن الاخر ولمسيرة هذه السفينة بأمان دائما لازم الانتباه دائما والبعد

عن اماكن الصخور والامواج المتلاطمة والا ستغرق هذه السفينة بمن فيها

حاجة اخيرة احب ان اضيفها هى شكرى وتقديرى للاخ سكوب لما تفضل به من اراء عن سر السعادة الزوجيه وياريت كل الازواج يكونو

بهذه العقلية وكمان السيدات تنفذ هذه اللفتات البسيطة التى تجدد العاطفة فى الاسرة وتجعلها دائما حياة سعيدة

اشكرك يا بدريه على موضوعك الهايل واسفة للاطالة

امانى

تم تعديل 2 مارس 2008 بواسطة امانى

[vipwithyou]

لكن لو حضرتك بتفكر في تعدد الزوجات يبقي انصحك بصرف النظر عن الهجرة الي كندا او حتي الي أي دولة غربية لأن هناك دي بتعتبر جريمة تستاهل الحبس ...

وبعدين يا راجل هو مافيش فعلا تعدد زوجات فى الغرب بس فى تعدد ( من غير كتب كتاب والعياذبالله ) واللى مش قادر على نفسة

أو مراته مش قادرة تعمل شغل البيت هيتصرف يعنى ( الشغالات كتير )

[vipwithyou]

تحدثنا عن السعادة الزوجية بين زوجين طبيعين .

وعرفنا كل واحد ايه اللى ليه واللى عليه .

دلوقتى بقي عاوزين نناقش الجزء الثانى اللى بصدده كتبت الموضوع والامثلة المذكورة فيه .

الأول موضوعك رائع فعلا والمفروض يوضح حاجات كتير

الزوج اللى يفاجيء زوجته بزوجة تانية دون اخبارها والسبب انه عارف انها مش هتقبل ؟

دى فيها وجهات نظر كتير من رفض وقبول وكنا اتكلمنا فى موضوع شخص يعمل بالكويت وفوجئت زوجته بأنه تزوج فى الكويت من اخرى

هذا المثال كان خاطئ جدا ً لأنه قابل زوجته المتفانيه معه وأعطته كل عمرها وتقضى بالباقى فى تربية الأولاد وهو يفكر فقط فى نفسة

انا رفضت هذا المثال من الرجال لكن الشرع سمح بالزواج لكن ليها ظروف كتير ومتطلبات اكتر وشروط ايضاً صعب توفيرها

النوع الثانى هو ان الزوج شايف انه زوجته بها مشاكل فسيلوجية (مؤقته) وبدل مايفكر يقف جنبها ويعالجها كان اسهل حل ليه ان يبحث ان اخرى علما بانه حالته المادية معقولة وليست جيدة .وفى حين انه فى فترة من الفترات لمدة سنه تقريبا كان يعانى من مشكلة جعلته غير قادر على ممارستة حياته الطبيعية بشكل طبيعي والزوجة استحملته ووقفت جانبة لحين تعدى الازمة التى استغرقت عام كامل . وهو اول ما ربنا شفاه وعفاه فكر فى اخرى.

هذا النوع من الازواج غير محترم وانانى وحسبنا اللى ونعم الوكيل فيه

فسيولوجيا ً المرأة تحتاج للرجل أكثر مما يحتاجها هو !!

وبعدين كل امرأه بداخلها رغبه شديدة لتكوين حياه زوجيه سعيدة اكتر من الرجل وفعلا هى بتصبر كتير على الراجل

وهو الاهم عندة قضاء حاجته وخلاص مش مهم هى كمان خدت حقها على اكمل وجه ولا لا

وفعلا سؤال لكل رجل .. يا رجاله خلوا بالكم من زوجاتكم علشان عدم وصولهم للراحة هيخليهم معندهم رغبه فيكم بالتالى انتوا كمان مش هتحسوا بالراحه بس والكل يفهم طبعا ً

النوع الثالث هو الزوج الملول الذي يكره التعود ودائما يبحث عن كل ماهو جديد اى يحتاج اللى تجدد مشاعرة مش شرط زواج ممكن مجرد صداقة عادية او حب بريء عشان بس يكسر الملل الناتج من الحياة الزوجية .

يا عزيزتى دة مش ملول ولا حاجة بس زوجته هى اللى غلطانه انها ما جددتش حياتهم وهو كمان بي العامل الأكبر عليها

المفروض تهتم بنفسها بقوامها بجمالها بشياكتها علشان مايكونش ليه الحق فى النظر بالخارج فهى السبب فيه

نوع رابع مدمنى العلاقات على الانترنت تلاقي الزوج جالس على النت يعمل غراميات والمسكينه فكراه بيشتغل وبتعمله شاي وسيباه وهو بيسلى وقته.

علشان كدة المفروض الست تشارك زوجها وتحاول تتعمل شغله وتغلس عليه بحجة مساعدته علشان تعرف بيعمل ايه

انا الحمد لله بأعمل زوجتى او خطيبتى من دلوقتى علشان تبقى تعرف تمسكى متلبس

نوع خامس اللى كل حجته اصل مراتى مش انا اللى اخترتها اصلي امى اخترتها وانا عايش معاها عشان بجاملها وكمان ملهاش ذنب طبعا الكلام دا بيقولوا للضحية الجديدة عشان يكسب عطفها وحبها لانه شهيد زواج الصالونات .

دا واحد بيبرر لنفسه ولغيرة سبب زواجه التانى فقط لغسل ماء الوجه

هذه الامثلة موجودة وبكثرة .

عاوزين نعرف ايه العلاج لمثل هذه الحالات .

وياريت المناقشة تكون عملية يعنى مش تحيز لفئة معينه او دفاع باطل حيث اننى لن اتهم فئه واحدة هى المشكلة جات كدا ان الرجل هو بطلها لكن هذا لا يمنع ان الزوجة لها نسبة ولو بسيطة ادت به الى ذلك .

بس بردوا مش معقول كل زوج من العينات اللى ذكرتها دى عاوز زوجته حطة عنيها علية 24 ساعة ولو غفلت للحظات نلاقي الزوج مشي على كيفة :rolleyes:

تم تعديل 2 مارس 2008 بواسطة vipwithyou

[هشام الكندي ان شاء الله]

بسم الله الرحمن الرحيم

دعوني اقول كلمه الحق التي قد لا يتحملها الكثير

المرأه مظلومه مظلومه مظلومه في المجتمعات الشرقيه

الرجل يمارس ديكتاتوريه و قهر علي زوجته نتيجه ممارسه قهر عليه في العمل مما يدفع المرأه لقهر ابنائها مما يؤدي الي مجتمع لا يعلم مصيره الا الله

انا لا اتحدث عن كل الناس و لكن الكثير, نسبه قد تصل الي 75%

الرجل هو من يعنف المرأه و يسئ معاملتها و يجبرها علي ترك العمل وقتما يشاء و يعاند في كثير من الاحيان حتي لا يطلق زوجته و يتركها معلقه

يطالبها دائما بان تكون علي سنجه عشرة كما يقولون 24 ساعه في اليوم دون حتي اعطائها تكاليف هذا! تتصرف بقا

يطالبها بطهي و كنس و مسح و معامله حسنه لاهله و تربيه اولاد و ابتسامه و ضحكات و عدم شكوي, كله تمام يا فندم

حتي لا يساء فهمي, فالمرأه في احوال اخري تكون هي الظالمه, و لكن هذه المرات اقل بكثير من المرات التي يكون فيها الرجل ظالما

للاسف مشكله العلاقات الزوجيه بين الزوجين هي انعكاس لظروف اقتصاديه و سياسيه و اجتماعيه و لا يمكن اصلاحها بدون (لن اقول اصلاح) و لكن ترميم تلك الظروف المحيطه

الهجرة الجماعيه و الطلاق و الانتحار و الشذوذ و تاخر سن الزواج و سوء العلاقات الاسريه و كثرة حوادث القتل بسبب و بدون و التطرف الديني و التكفير و الجاسوسيه و التعري و سوء الاخلاق بشكل عام و ..............الخ

كل هذا لا يمكن حله كليا بعيدا عن المشاكل الاجتماعيه و الاقتصاديه و السياسيه

صدقوني, كل الحلول ستكون بمثابه مسكنات مؤقته و ليست بحلول دائمه

و للاسف الشديد فلا يوجد اي حلول جذريه لتلك المشاكل علي الاقل في الفتره الحاليه

فدعونا نتحري الصدق و نحاول ايجاد تلك المسكنات بدلا من الحديث عن الحلول الجذريه

اخوكم

هشام الكندي ان شاء الله

[nash]

حتي الأن لم أجد نموذج الزوجه الضعيفه المقهورة ...ماشاء الله الوعي زاد جدا لدي النساء..ومن يظن أن نموذج المرأة الضعيفه لا يزال موجود بالنسب الماضيه فهو واهم....أو يتخيل اشياء في ذهنه ...أو يتمني أن تكون حقيقيه...

الأن هناك أختراع جديد اسمه ( الخلع ) ولم تعد الزوجه تنتظر السنوات الطوال في محاوله للفكاك من الزوج ...يكفي أن تذهب إلي المحكمه وتشرع في الإجراءات...حتي تسترد ماسلبه منها الزوج الظالم....

الحمدلله لا يزال مجتمعنا مجتمع محافظ..ولا يزال للرجل أحترامه وللمراة أحترامها ...وككل مجتمع يوجد الصالح والطالح....وابدا لم تصبح النماذج الشاذه مقياس لقياس الأمور.... لذلك تبق حالات فرديه

تم تعديل 2 مارس 2008 بواسطة nash

[vipwithyou]

الحمدلله لا يزال مجتمعنا مجتمع محافظ..ولا يزال للرجل أحترامه وللمراة أحترامها ...وككل مجتمع يوجد الصالح والطالح....وابدا لم تصبح النماذج الشاذه مقياس لقياس الأمور.... لذلك تبق حالات فرديه

بصراحة انا من الناس اللى زعلوا من قانون الخلع .. لانه وان كان ميزة للمرأة لحمايتها من القهر لكنه فى اوقات كتير كتر الحلو بيعمل تسوس

ودا اللى بنحاول نعملة ان السيدات يعيشوا حياة كريمة ومنضطرش يكون فيه نوع من القهر اما من الرجل او من المرأة تجاه الآخر

يعنى يبقى شكل الراجل حلو وهو بيتخلع .. اكيد لا :rolleyes:

[هشام الكندي ان شاء الله]

حتي الأن لم أجد نموذج الزوجه الضعيفه المقهورة ...ماشاء الله الوعي زاد جدا لدي النساء..ومن يظن أن نموذج المرأة الضعيفه لا يزال موجود بالنسب الماضيه فهو واهم....أو يتخيل اشياء في ذهنه ...أو يتمني أن تكون حقيقيه...

الأن هناك أختراع جديد اسمه ( الخلع ) ولم تعد الزوجه تنتظر السنوات الطوال في محاوله للفكاك من الزوج ...يكفي أن تذهب إلي المحكمه وتشرع في الإجراءات...حتي تسترد ماسلبه منها الزوج الظالم....

الحمدلله لا يزال مجتمعنا مجتمع محافظ..ولا يزال للرجل أحترامه وللمراة أحترامها ...وككل مجتمع يوجد الصالح والطالح....وابدا لم تصبح النماذج الشاذه مقياس لقياس الأمور.... لذلك تبق حالات فرديه

المجتمع محافظ و فيه احترام متبادل و الحالات الاخري حالات شاذه

المجتمع مافيهوش طلاق و لا شذوذ و لا اغتصاب و لا قهر متبادل!

حتي التعدد اللي شرعه الاسلام محدش عايز يقولوا رايه فيه بكل وضوح

بتقولوا لما نبقا نطبق الدين كله نبقي نيجي لموضوع التعدد

لكن تقولوا رايكم في الهجرة كما يحلوا لكم و انها حرام و رده و كل حاجه وحشه

كلام اقل ما يوصف بانه ديماجوجي و ازدواجي المعايير

مشكله المجتمع الحقيقيه اللي بتبكيني دمعا و تقطع قلبي هي ان المواطن مش لاقي مكان يركن فيه عربيته الهمر

و لا لاقي جزيرة يعيش فيها في البحر الاحمر و بيضطر يا كبدي يأجر جزيرة في البهاما او يروح اسبانيا في جزر الكناري

و محدود الدخل يضطر اسفا للذهاب الي جزر العنتيل (علي فكرة فيه جزر بالفعل اسمها كدا)

انا اسف يا اخواني علي مشاركتي خارج باب المغتربين اصلا و اهتمامي بالشؤون الاجتماعيه او الاقتصاديه للناس, هو لم يكن اهتماما و لكن كان تعبير عن وجهه نظر

اوعدكم مش هكتب تاني اي خبر خارج عن اخبار كندا و الهجرة الي كندا و المهاجرين الي كندا او اي شئ متعلق بكندا بشكل مباشر او غير مباشر

انا الغلطان و اكرر اسفي و ارجو ان تقبلوه

[badroora]

بصراحة يا ناش كلامك متزن وعاقل وشمل نوعين من الزوجات وكيف يتصرفوا وانا شايفة ان رايك عاقل جدا وواقعى :wub:

أمانى الغالية

انتى طبعا

جيتى متأخرة بس كلامك شمل الموضوع كله ولخصه فى كلمات جميلة سلسة بريئة مثلك. وكلامك نابع من شخصية ناضجة وام وزوجة ناحجة عارفة ازاى تمشي امورها وحياتها .

برافوا عليكي يا امانى وربنا يسعدك يا رب . :)

تامر السيد: شكرا يا تامر على ردك المفصص والشامل . وانت اجبت عن كل اسالتى باسلوب جميل ومقنع .

وباشكرا ايضا لانك انت اكتر واحد شاركت فى الموضوع واديته حقه وكل ارائك جميلة وواقيعة حتى التى اختلف معاها ايضا بردوا جميلة لانها اكيد يتتماشي مع ناس اخرى شكرا لك مرة اخرى :110:

العزيز هشام الكندى ان شاء الله .

صلي عالنبي يا هشام وهدى اعصابك انت طرحت تساؤل ولكل شخص مطلق الحرية ان يرد على تساؤولك او لاء فهذا لا يعنى اننا ننسحب من المشاركة فى المواضيع العامة او تجعلنا نندم على مبادرة طيبة افدتنا بها واتمنى ان تكون استفدت ايضا مننا .

ولو انت لن تعرف حكم التعدد فى الاسلام

شوف يا سيدي اليك موضوع تم شرح فيه التعدد واسبابة واراء بين مؤيد ومعارض

اقراه كويس هتلاقي اجابة لكل اللى بتدور علية

الزوجة الثانية الحق المر

ب

شكرا لك يا هشام على تفاعلك ومشاركتك فى الموضوع .

بجد انا سعيدة جدا من المناقشة فى الموضوع د لانه يعتبر من المواضيع القلية التى لن نخرج بعيدا عن اصل الموضع حتى ولو كانت المناقشات تاخذنا بعيدا للحظات ولكنها فى النهاية كانت تصب فى اصل الموضوع .

لغة الحوار كانت راقية جدا وانا لا انكر انى استفدت منكم جميعا , ونجاح الموضوع مش عشان انا اللى كتباه بالطبع لاء نجاحة كان بناء على الاراء والاقلام المحترمة التى شاركت وكانت اكبر من اى اختلاف وتجاوزنا كل العقبات وفى الاخر النتيجة كانت اننا ناقشنا جميع جوانب الموضوع وجمعنا اراء مختلفة كلها جميلة ومفيدة ناتجة من خبرات ناجحة .

شكرا جزيلا لكل من بذل من وقته ومجهودة وشاركنا بارائه

باشكركم جميعا

والله ينعم عليكم بحياة زوجية سعيدة

مع خالص مودتى ,,,

بدرية مكاوى :110:

[لؤلؤة]

تعدد الزوجات هو الأساس و الزوجة الواحدة ده هو الأستثناء

بدليل أن الغرب عندهم تعدد برده

بس تعدد الصديقات

فاحنا نختار يا نبقي زي ديننا يا نبقي زي الغرب

لكن عشان نكدب علي نفسنا و نقول لأ ده غلط مش ممكن

[هشام الكندي ان شاء الله]

الي الامام لؤلؤه, وضحي لهم حقائق غائبه عنهم و احتسبيه في ميزان حسناتك

[سيف الدين جلال]

تعدد الزوجات هو الأساس و الزوجة الواحدة ده هو الأستثناء

بدليل أن الغرب عندهم تعدد برده

بس تعدد الصديقات

فاحنا نختار يا نبقي زي ديننا يا نبقي زي الغرب

لكن عشان نكدب علي نفسنا و نقول لأ ده غلط مش ممكن

رسول الله لم يتزوج فى حياة السيدة خديجة غيرها.

ليس كل الغرب كما تظنين!

عدد النساء فى مصر اقل من عدد الرجال.

تعدد الزوجات ..وانجاب الكثير من الابناء ....من امهات مختلفة ...(وعن تجربة مع احد اقاربى )..لا يولد بين الابناء الا الضغينة...(وليس كل الحالات بالطبع )

واحد متزوج وعنده اسرته مستقرة واطفاله و و و وو ..ما هو مبرر زواجه من امرأة اخرى غير ...(النذالة )

هناك تندر من احد الشيوخ الافاضل ..على كهل ..استفسر عن انه يريد ان يستر على فتاة شابة فقيرة ويتزوجها ..فافحمه الشيخ ..اجعل اجرك اجران ..وابحث لها عن شاب فقير ليتزوجها ..(الشيخ ابن عثيمين على ما اتذكر )

عندما يكون الواحد له حمى واحدة .....مش هيكون ناقص ...حموات تانية ..!!!

[nash]

احيانا هناك ردود يكون الغرض منها تحويل الموضوع عن مسارة الحقيقي لغرض في النفس...

الموضوع أصلا عن رؤيه جديده في الحياة الزوجيه السعيده وليس عن تعدد الزوجات...والأخت الجميله بدريه أحضرت لينك يناقش هذه المسئله بإستفاضه...لمن يريد الاطلاع عليه...أو يتناقش فيها

لكن أظنها محاولات متكررة للخروج عن النص...ويبدوا انها دراسه جديده تتم علي عينه من الشعب المصري..وردات افعالهم...

تم تعديل 4 مارس 2008 بواسطة nash

[لؤلؤة]

أنا عارفة أن موضوع تعدد الزوجات ده بيزعل ناس كتير

بس ممكن نرجع لمواقع زي طريق الأسلام أو الشبكة الأسلامية و نقرا عن الموضوع ده

أختي ناش

أنا مبعدتش عن الموضوع و ادي كلام الأخت بدرية

دلوقتى بقي عاوزين نناقش الجزء الثانى اللى بصدده كتبت الموضوع والامثلة المذكورة فيه .
الزوج اللى يفاجيء زوجته بزوجة تانية دون اخبارها والسبب انه عارف انها مش هتقبل ؟

تم تعديل 4 مارس 2008 بواسطة لؤلؤة

[~Heba~]

يا لؤلؤوة هو انتى بنت ...طيب خلاص يا حبيبتى دورى على زوجة ثانية لجوزك و ما شاء الله البنات اللى عايزين يجوزوا كتير ...ايه رأيك فيا انا :wub: :flr1:

[لؤلؤة]

يا لؤلؤوة هو انتى بنت ...طيب خلاص يا حبيبتى دورى على زوجة ثانية لجوزك و ما شاء الله البنات اللى عايزين يجوزوا كتير ...ايه رأيك فيا انا :sad: :rolleyes:

أهلا يا هبة

خلاص لما اتجوز اجيب لجوزي زوجة تانية

أهو علي الأقل نساعد بعض في شغل البيت

بدل ما أعمل كل حاجة لوحدي :rolleyes:

[Toronto]

في كندا بيدرسوا قانون لتعدد الزوجات و ان شاء الله حيظهر عن قريب و اول ما يظهر حروح متزوج اتنين بس مش مصريات طبعا .

[badroora]

في كندا بيدرسوا قانون لتعدد الزوجات و ان شاء الله حيظهر عن قريب و اول ما يظهر حروح متزوج اتنين بس مش مصريات طبعا .

اصيل والله يا ترونتوا هما دول ولاد البلد الكنديين بصحيح

اسم على مسمي تورنتوا ترونتوا :lol:

تم تعديل 19 أبريل 2008 بواسطة Badria Mekkawy

[Toronto]

في كندا بيدرسوا قانون لتعدد الزوجات و ان شاء الله حيظهر عن قريب و اول ما يظهر حروح متزوج اتنين بس مش مصريات طبعا .

اصيل والله يا ترونتوا هما دول ولاد البلد الكنديين بصحيح

اسم على مسمي تورنتوا ترونتوا :big_boss:

ماهو انا مالقتش واحدة مصرية تستاهل كلهم بيتمسكنوا لحد مايتمكنوا,وبعد ماتقع رجليه وكل حي يبان علي حقيقته يبدا الوش التاني يبان و بدل ماتقولها يا حبيبتي تقولها يا معلمي :huh: ,انا اعرف رجالة مشيت بالبيجامات في الشارع من مراتاتهم في مصر.ربنا يجعل كلامناخفيف عليهم.اما المرأة الغربية حاجة محترمة اول ماتغضب عليك تروح واخدة النص في كل ثروتك ,و طبعا تاخد العيال و ياسلام لو عملت فريد شوقي وضربتها وراحت بلغت البوليس و تروح المحكمة وتحكم المحكمةحضوريا عليك انك ماتقربش لمحيط بيتها 12كيلو متر.انا عن نفسي لقيت الحل بستحمي بمية ساقعة,و بلعب رياضة . :lol: