مفيش حد مسئول عن شارع الوحدة بأمبابه

[تيجر تيجر]

اسكن فى شارع الوحدة بامبابة واريد ان اوصف لكم الحال فيه شكله ايه مع انه احد شرايين امبابة الرئيسيه

1-عند محطة السلم ومحطة التوحيد والنور بائعيين الفاكهه محتللين الشارع وباريت على جنب لا والله العظيم فى نصف الشارع بالضبط والحمد لله تفضلوا شاكرين بترك النصف الاخر من الشارع للناس ولكن سائقيين الميكروباص كان لهم راى اخر لان الناس بتركب وتنزل بكثرة فى هذه الاماكن ليكتمل غلق الشارع نهائيا وتظل طوابير السيارات فى انتظار العبور ويهيأ لهم ان عبور خط بارليف اسهل

2- اعمل بالدقى واريد ركوب سيارة لميدان الكيت كات فأجد الباشمهندسيين السائقيين يحملّو ا السيارة حتى المطبعة الاميريه بخمسين قرش ومن هناك حتى ميدان الكيت كات بخمسين قرش ومن هناك خمسين قرش لنفق الدقى يعنى استغلال رهيب لانهم يعلموا تماما انهم احرار فى بلدهم لا محاسب ولا مراقب و ان تكلم احد الركاب يبقى نهاره مش فايت ويتشتم واسهل الردود مش عاجبك انزل يعنى ينزل يروح فين ؟

3- شارع طويل عريض ورئيسى لا مكان فيه لصندوق لالقاء القمامه مع ان والله العظيم بيخصموا 6 جنيه شهريا مع فاتورة النور عشان كده بس مفيش حد بيسأل وعليك انت القاء زبالتك بنفسك طب بتخدوا 6 جنيه ليهههههههه والناس من غيظهم بيلقوا شنط القمامة من البلكونات وتنزل على الارض وتنفجر وتتبعثر محتواياتها ويصبح الشارع كله مجال خصب عشان ترمى فيه زبالتك وووووحسبنا الله ونعم الوكيل

هو مفيش حد مسئول ولا الكل قاعد فى المكاتب المكيفه من فلوس الناس الغلابه وسايب الناس تولّع فى بعضها طيب لو مفيش حد هيتصرف قول لنا واحنا نكّون مننا فينا مجلس من ناس حكماء هما اللى يديروا شؤننا ويبقى فيه سلطة رئيسيه بس شكليه وسلطة محليه بس فعليه يا عالم حرام عليكم الدول العربيه اللى كانت فى اخر دول العالم التالت اصبحوا بيهتموا ببلادهم وبيحاولوا يطوروها ويحسنوا الخدمات المقدمه للجماهي (بصوا للامارات بقت ازاى) نيجى احنا بتوع السبع الاف سنة حضاره يكون ده مصيرنا وده اخرتها ده احنا احترمنا لانفسنا مش عارفيين نحصل عليه يارب نحاول نتغيير مش عشان حد عشان نفسنا