ما تيجوا نحارب الفساد بجد

[vipwithyou]

ولا انت هتعمل فورمات للهارد كله حكومة وشعب

[م.سامح المصرى]

اعمل فورمات للشعب كمان

قونبلة يعنى :lol: لا مش قصدي

الناس الي نفوسها ضعيفة دي من اية مغصوبين

انما لو لقو واحد كويس هايعملو كل الي عندهم علشان يبقوا في مكانه كويسة

انما الناس مش متفيرسة اوى هوا يمكن يكون في شباب متفيرش وعايز فورمات بس اكيد في احسن منهم بكتير وشباب برضو

فخمتنى ...

سلامى لك استاذى

[إيزيس]

يعني مفيش فايدة

استسلام !!!!!

[لؤلؤة]

أقصد أفكار إحنا نقدر ننفذها كأفراد و مواطنين من غير الحكومة تغير من اتجاهات سيئة في المجتمع أو تخلق فرص عمل أو تغير ثقافة أولادنا

من غير حكومات حيبقي الموضوع كله مجرد محاولات

يعني ينجح البعض و يفشل كتير

بس أهو أحسن من مفيش

[نانا]

أنا شايفة زي ما قولت الأول نبدأ من نفسنا وفي أولادنا بجد هنغير حاجات كتيير على أد ما نقدر وأهم حاجة ما نتكاسلش بجد لازم نحاول وناخد الأمور دي بجدية مع نفسنا ومع اللي حوالينا خصوصا زي ما الأستاذ تامر والأستاذ سامح قالوا إن دلوقتي بقى فيه نفوس ضعيفة كتيير إحنا يا جماعة فيه حاجات حوالينا كتير مش سهل كدة نغيرها مش معني كدة اننا نتكاسل ونقول ما هو ده بيعمل يعني جات عليا زي ما ناس كتير بتفكر بالاسلوب ده وده طبعا اسلوب لا يتماشى مع ناس محترمة ونفسها تعمل حاجة كويسة

أنا شايفة إن أول خطوة نعملها نقرب من ربنا أكتر بجد ممكن حد يقول انا مهما اعمل فيه ناس اقرب مني لربنا بس الأسلوب ده غلط فكر أنت في نفسك تخيل إنك في درجة قريبة من ربنا وان ربنا بجد بيحبك وفضلك على ناس كتير وافتكر مع نفسك الحاجات الجميلة اللي بجد قولت فيها ربنا بيحبني من قلبك

حس انك شيء صالح في وسط مجتمع فاسد وانت بس اللي في ايدك تغيره من غير ما تعتمد على غيرك بجد الإحساس ده هييديك دافع انك تغير نفوس على اد ما تقدر على الأقل الناس اللي تعرفها

حاول تغير في ولادك قيم ومباديء ناس بوظيتها

وعلر ربنا التوفيق

[امانى]

أقصد أفكار إحنا نقدر ننفذها كأفراد و مواطنين من غير الحكومة تغير من اتجاهات سيئة في المجتمع أو تخلق فرص عمل أو تغير ثقافة أولادنا

موضوعك هايل يا قرنفل وممكن تنفيذه بس لو كل واحد شال من دماغه كلمه هى يعنى جت عليا انا لان لو كل واحد قالها يبقى

عمرنا ما هنتقدم ولا هنعمل حاجة تفيد ونستفيد منها . انا مع راى نانا فى كل كلمة قالتها فعلا لازم يكون عندنا وعى وايمان قوى

وتقرب الى الله نقدر عن طريقه غرس القيم فى ابنائنا ومن حولنا لان فاقد الشئ لا يعطيه

فى شارعنا مدرسة خاصة ابتدائية يملكها فرد من المجتمع مدرسة كبيرة ما شاء الله تضم عدد كبير من التلاميذ

وبعد الظهر بتفتح فصول للتقويه فى جميع المواد لتلاميذ المدرسة او تلاميذ من مدارس اخرى

ماذا يحدث لو ان صاحبها اضاف لكل فصل من فصوله 5 تلاميذ بالمجان لغير القادرين على ان يعاملو بنفس المعامله ؟

ماذا يحدث لو كل اسرة مقتدرة تبرعت او تكفلت بتعليم ابن او ابنه من اولاد الفقراء وما اكثرهم فى مجتمعنا؟

اكيد هتكون النتيجة هايلة وهى المشاركه فى بعد هؤلاء الاطفال عن الشوارع او ان يقعوا فى يد من لا يرحم حداثتهم

وتكون النهاية اطفال مشردة او حراميه او متسولين

لو قدرنا ننفذ الفكرة دى هنفيد هؤلاء الاطفال ونرحمهم اما استفادتنا احنا هتكون اعظم وهو الاجر والثواب عند الله

منقلش لو ممكن تنفيذها وتنفيذ حاجات كتيرة لو قلنا كلنا ايوة لازم نعمل حاجة تغير من حياتنا للافضل

اشكرك يا قرنفل على موضوعك واناحة الفرصة لقول رابى

امانى

تم تعديل 4 مارس 2008 بواسطة امانى

[إيزيس]

بس لو كل واحد شال من دماغه كلمه هى يعنى جت عليا انا

الغالية أماني

كلامك جدا صح و نورتي الموضوع و ياريت نبدأ بالأفكار الحلوة كلنا

[elgendy]

السلام عليكم ورحمة الله وبركاته

اهم امر يجب الانتباه اليه ومواجهته من المواطنين هو امتناع المواطن عن دفع الرشوه للموظف والتى اصبح الموظف يعتبرها حقا مشروعا له واصبح يطلق عليها اسماء دلع مثل شرب الشاى والاصطباحه مما يعنى انك اذا ذهبت لتقضى امرا فى قسم البوليس وكان ثمن الدمغه المفروض على الخدمه جنيه واحد فلاتعطيه جنيهان وكذلك الامر بالنسبه لموظفين المحاكم وغيرهم والصياع الذين تجدهم فى اى شارع حاملين فوط وعامل نفسه بيساعدك تركن ان امتناعنا عن دفع الرشوه لهؤلاء يجعل هؤلاء يسخطون على الحكومه وعلى المرتبات الهزليه التى يتقاضونها اما فى حالة دفع الرشوه لهؤلاء فسيستمروا على نهجهم فى نهب المواطنين بمعنى ان الحكومه تنهبهم وهما ينهبونا واحنا ندور على حد ننهبه وفضل زى ماهى بلد النهيبه.

[قديم]

اعتقد مصطلح الفساد لايطلق علي البقشيش اللي بتدفعــه للموظف الغلبان او للمدرس الخصوصي عشان يدرس ابنك ..

فهذه الحالات الفرديــه لا اعتبرها فسـادا بقدر ما هي تصرفات فرديه وسلوك فردي و يطلق عليها اصحابها ( عايزين نعيش )

الفســاد ومحاربتــه لا تكون من قاعــده الهرم .

محاربــه الفسـاد محاربه اصحاب النفوذ اصحاب القرار . من يسرق من يختلس مدخرات الشعب

لا ومن بنجاح المقاطعــه فسلوكي وسلوكك او مجهودي الفــردي سيغير بالامـر شيئا . بهذه الطريقــه

[سيزيف]

الاخوة الاعزاء

بالطبع كلنا يحب بلده

و بالطبع كلنا يريد و يحلم - على الأقل - بمصر أفضل و أنظف

أنا لا أود ان اكون محبطا

و لكن مشكلة الفساد انه منظومة كاملة تتحرك نحو اهداف جماعية مشتركة - فى الغالب الهدف هو تحقيق اقصى صدر من المكسب الغير شرعى و الهروب من قبضة القانون -

بمعنى

افرض انك موظف محترم

رحت فى مكان اللى فيه مرتشين

مجرد كونك نظيف اليد - حتى و لو لم تحارب فسادهم - سيجعلك عدوا محتملا لهم

و لن يهدأ لهم بال حتى يتحقق أحد أمرين

ان تصبح مرتشيا مثلهم فتنكسر عينك

او ان يطيحوا بك بعيدا عنهم

و كما هو معروف فى علم الاقتصاد ان العملة الرديئة تطرد العملة الجيدة

فالفاسدون يبعدون الشرفاء

بلاش

افرض انك مواطن شريف

و قررت تمتنع عن دفع الرشوة

لو انت مقاول مثلا

مستحيل ترسى عليك عملية

و لو رسيت عليك مش ممكن هيستلموا منك العملية و تاخد حقوقك بسهولة لان طبعا فيه مواصفات اكيد انت مش هتقدر تنفذها لاتك لو نفذتها بيتك هيتخرب

و المهندس اللى بيستلم العملية مش هيوافق على المخالفات الا لو دفعت رشوة

و لو انت مواطن عادى رحت تخلص مصلحة او تستخرج ورقة من اى مصلحة حكومية

و مش عايز تدفع رشوة

هيطلع عينيك و الورقة اللى ممكن تخلص ف نص ساعة ممكن تاخد لها شهر - ده لو طلعت اصلا

على فكرة

احنا بنتكلم على ابسط انواع الفساد

انما مثلا هناك انواع اخرى لا نستطيع نحن كأفراد حتى لو اتخذنا موقفا مثاليا ان نحاربه

مثل الاحتكار التجارى

و تزوير الانتخابات

و ......... و.........و.........

انا آسف لو كان كلامى محبط

بس هو ده الواقع

النظم غالبا لا تتغير من القاعدة - الا اذا قامت ثورة شعبية مثلا و هذا امر مستبعد حدوثه فى مصر -

و انما تتغير من القمة

[the egyptian]

ياريت نبدأ بنفسنا..... اقول ازاي...

هل كلنا نحترم الشارع اللي بنمشي فيه؟

هل اثناء قيادتنا للسيارة نسير في الاتجاه المخالف؟

هل نرمي يقمامتنا في الشارع؟

هل نرفع صوت الكاسيت او الراديو حتي لو بيضايق الاخرين؟

هل نحترم الطابور لما نكون بنقضي مصلحة و فيه طابور؟

هل نحترم الرأي الاخر ؟

هل تقول حضرتك و انت بتكلم اللي اكبر منك ولا دي موضة قديمة؟

[مصرى لم يندثر أثره]

احم احم ياجماعه تسمحولي ممكن اتكلم

ارى ان الاصلاح لن يكون فى هذا الجيل حاليا

ولكن الاصلاح سيكون بنسبه كبيره فى الاجيال القادمه ان شاء الله برهان ذلك

تذكرو معى السبعينات بأخلاقياتها موضة المينى جيب وغيرها من الانحلال الاخلاقى قبلها بقليل تصريح لبيوت الدعاره

ولكن الناظر فى حال الامة الان

يجد بكثره وجود الشباب الملتزم والشباب الواعى

فمنظومة الاصلاح تبدأ

اولا من الارضاع نعم الرضاع

بل من الام نفسها

ان اكبر قاعده لإصلاح هذه الامه هى النساء بصفه عامه لذلك نجد التهجم على المرأه فى مجتمعنا والمطالبه بتحريرها او بتلويثها

وكما قال شعرنا

الام مدرسة اذا اعددتها اعددت شعبا طيب الاعراق

من هنا تبأ عملية الاصلاح الحقيقيه

الاولاد ينشأون نشأ اسلامى معتدل مثقف

هذا النشأ سيورق فى المستقبل وتكون منهم كل فئات المجتمع الصالح ان شاء الله

اذا الاصلاح لن يكون الا بالنشأ الصالح مع تغيير فى سلوكنا

((إن الله لايغير مابقوم حتى يغيرو مابأنفسهم))

ووالله العظيم لن تصلح هذه الامه الا بما صلح به اولها

وهى العودة الى كتاب الله وسنة نبيه والتمسك بهم

نريدها امه اسلاميه مواكبة للعصر

كل فى عمله ملتزم بالشريعة الاسلاميه

بلا استثناء

وان شاء الله قريبا ستكون هذه الامه من أوائل الامم

واعتذر ان كان الكلام غير منسق لأنها افكار متلاحقه فى رأسى وليست مرتبه

[لولا]

ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!

صلاح جاهين.