الثانوية العامية .. كلاكيت للمرة المليون

[se_ Elsyed]

أنا مش هاتكلم ولا اطول لساني وخليني ساكت احسن وإقراوا اللي مكتوب النهاردة ف يجريدة المسا

مؤتمر استراتيجية التعليم يطلب

إلغاء الأدبي والعلمي.. في الثانوية العامة

نظام الشعب يخلق.. أنصاف مثقفين

الإسكندرية- أحمد عمر:

اقترح المشاركون في مؤتمر استراتيجية التعليم قبل الجامعي اعادة النظر في شعبتي العلمي والأدبي للثانوية العامة. وطالبت وزيرة البحث العلمي السابقة الدكتورة فينيس كامل جودة بالغاء التشعيب في عام 2012 بعد الانتهاء من تطبيق المرحلة الأولي من استراتيجية التعليم 2007-2012.

تضمن الاقتراح تخصيص سنة دراسية بعد انتهاء الدراسة الثانوية اسمتها "تمهيدي لدخول الكليات" لتكون الدراسة فيها من اختيار الطالب وفق الكلية التي يرغب في الالتحاق بها.. استغرب المشاركون من أساتذة جامعات وخبراء ومثقفين نظام الشعبتين المعمول به في الثانوية العامة في مصر وقالوا "إنه يخلق أنصاف مثقفين فطلبة الأدبي لا يدرسون المواد العلمية وطلبة القسم العلمي لا يعرفون شيئاً عن الفلسفة والمنطق وعلم النفس"

أنا من رأيي يلغوا الثانوية من أساسة ونرجع ندرس عند سيدنا في الكُتاب .. أهو لا تنسيق ولا دروس خصوصية ولا هم ولا ديون متلتلة على الاهالي اللي بيقطعوا من قوتهم عشان عندهم عيل في الثانوية العامية

حاجه تقرف ... مش كده ؟

[deemuck]

......................تخصيص سنة دراسية بعد انتهاء الدراسة الثانوية اسمتها "تمهيدي لدخول الكليات" لتكون الدراسة فيها من اختيار الطالب وفق الكلية التي يرغب في الالتحاق بها

طالما ان الدراسة علي وفق الكلية التي يرغب بها الطالب. طب من السنة دي يخلوها في بداية الدراسة بالكليات. وتبقى اسمها اعدادي.

ويعملوا خليط بين المواد العلمية والادبية ويكونوا هما الدراسة بالمرحلة الثانوية.

تم تعديل 24 فبراير 2008 بواسطة deemuck

[~Heba~]

مش حينفع ابدا يلغوا اقسام الادبى و العلمى المواد حتكتر على الطلاب وفى الاخر حيدرسوا حاجات بعيده على مجال عملهم فيما بعد لكن احب انوه لحاجة ان الثقافة مش بتيجى من الدراسة الثقافة بتيجى من الاطلاع و البحث عن المعلومات فى المواضيع المختلفة يعنى مثلا انا كنت علمى و احب اقرأ فى كتب علم النفس كهواية عشان بحب اكتشف اسرار النفس و اتعلم التعامل مع الانماط البشرية المختلفة لكن اذاكر و امتحن علم نفس ....مستحييييييل

[سيف الدين جلال]

المفروض ....ان الدولة تحترم نفسها ....وتخللى الناس تنتخب المحافظين ..مش كل لواء يطلع على المعاش..يدوله محافظة .كهدية نهاية خدمة..وساعتها ..النظام التعليمى هيختلف من محافظة للاخرى ..ويكون فى تنوع .فى النظم ..طول ما الدولة مركزية ..وكل شىء عند اهل العاصمة ....مش هنشوف تقدم فى اى مجال

[The Coder]

على فكره الكلام ده قديم لحد ما .. أنا سامع إنهم كانوا بيدرسوه يجي من شهر

بس مكنتش عارف إنه ممكن ياخد الوقت ده كله علشان يتطبق :huh:

و الله أعلم.. يمكن يكون التأخير ده لسبب.. لحد ما يلحقوا يخترعوا المناهج الجديده .. علشان يقدروا ينفذوا اللي بيقولوا عليه ده

وبعدين مين قال إن اللي بيتخرج من الثانويه العاميه أو حتى الكليه بيكون مثقف من أساسه .. أو حتى ربع مثقف. :lol:

يا إخوانا التعليم الأيام ديه بقى علشان تاخد شهاده إسمها المؤهل العالي .. تفرح بيها شويه و بعدين تبقى مجرد كلمه تحطها في السي في بتاعتك و إنت رايح تشتغل مهندس كمبيوتر مثلاً و إنت أساساً بكالوريوس تجاره .... و عجبي brd::

تم تعديل 3 مارس 2008 بواسطة The Coder

[أسد]

قرأت عن وضوعات ذات علاقة ....

يجوز أنها تفسر بعض الشئ هذا الكلام ...

الجامعات الأوروبية إعتباراً من العام 2010 ستجعل الدراسة بالكليات ثلاث سنوات بدلاً من أربع سنوات ..

وأعتقد أنه لارتباطالجامعاتالمصرية بالجامعات الأوروبية بعدة إتفاقات وبروتوكلات ... (لا أتحدث عن المستوى الأكاديمي أو الدراسي أو حتى مستوى الطلاب)

فإنهم في مصر حسبما أعتقد يدرسون تطبيق هذا الأمر في مصر أيضاً .. وهو أن يجعلوا مدة الدراسة الجامعية ثلاث سنوات ..

وتفسيري للأمر ...

أنه قد يكون نظراً لأن مستوى خريجي الثانوية الامة المصرية أصلاً غير كافي للأهيل للدخول للجامات في حالات كثيرة .... فإنهم قرروا أن يتحايلوا على الأمر بإضافة تلك السنة بهذا المسمى العجيب ...

وهذا كلام ... غير موثق وغير متأكد منه تماماً .. ولكنه معلومات توافرت لدي .. وربطتها بالموضوع

[ابتسامة رضا]

السلام علينا وعلي عباد الله الصالحين

قبل كل شئ لازم ولابد أولا يزرعوا ضمائر ويكبروها وينموها ولما تستوي

يوزعوها علي الشعب علشان بلدنا فيها أزمة ضمييييييييييييييير

[freemind]

اذا كانت هذه افكار من يرسمون سياسات التعليم فى مصر فهذه مصيبه كبرى فالعلم كله يتجه الى التخصص و نحن نريد نعود الى الماضى . لماذا لا نتبنى احدى تجارب التعليم الناجحه فى اى دوله من الدول الكبرى و نطبقها بدون فزلكه بدلا من هذا التخبط .