مطعم مصري!

[Sherief AbdelWahab]

في جميع أنحاء العالم مطاعم صيني تقدم السوشي.. ومطاعم إيطالية تقدم جميع أشكال المعجنات الإيطالية المعروفة حول البسيطة ..وهناك مطاعم لاتينية تقدم التورتيا والفاهيتا.. ومطاعم لبنانية تقدم التبولة والفتوش ..ومؤخراً مطاعم مغربية تقدم حساء الحريرة وغيرها..

لكن هل سمع أي حد فيكم في المهجر أو بلاد الاغتراب عن مطعم مصري؟ وإن كان فيه؟ ليه مش منتشرين ومش بنفس السمعة اللي بنلاقي بيها مطاعم دول تانية؟ رغم ثراء المطبخ المصري واكتسابه لخبرات ممن مروا على أرض مصر من أتراك ومغاربة وأوروبيين..

إيه اللي ممكن مطعم مصري يقدمه برة؟ بجد وبدون تريقة..

خلص الكلام

[أسد]

شغلني هذا الموضوع ...

وسألت نفسي كثيراً نفس السؤال ...

وسألني كثير من أصدقائي العرب والأجانب ....

هو ليه مفيش مطاعم مصري ..

طبعاً فيه مطاعم بتقدم أكل مصري خصوصاً في الدول العربية ..

أشهرها مطعم جاد ... وهو بيثدم أكل مصري من كل الأنواع .. بدأها زمان بالفول والطعمية .. ودلوقت بيقدم أطباق متنوعة وفطير .... الخ ..

ولكني أرى أن ليس لدينا في مصر مطبخ مصري يستطيع أن يقدم وجبات لها مواصفات موحدة .. ولكن الأكل المصري بشكل عام يعتمد على شطارة من يطبخ ..

الأكلات المصرية الشعبية هي الفول والفلافل والكشري ... وهي لا تصلح في كل وقت وكل زمان وكل مكان ..

فمثلاً هناك المطبخ اللبناني .. والمطبخ الشامي .. والتركي ... وهي الأوسع إنتشاراً في العالم .. ويطلق عليها المطاعم العربية ...

وهناك المطاعم الإيرانية .. والتي تقدم المشاوي بنكهات خاصة جداً بهم ...

ولكن هناك مطاعم مصرية أصيلة (شعبية جداً) تقدم الطبيخ العادي بامية وكوسة ولوبيا وفاصوليا ... الخ ...

ولكنها لا تجذب إليها إلا بعض المصريين فقط .. ولا أعتقد أنها مغرية لغير المصريين ...نظراً لتواضع مستواها ...

[مسافر زاده الخيال]

توجد في السعودية

جده خصوصا مطاعم مصرية ممتازة

للطرب والكشري والفول والطعمية

ال...........خ

[se_ Elsyed]

لأ في

ومش بس الفول والكُشري والكلام ده

لإنكم عارفين إن الفول والطعمية ما بيتاكلوش إلا في الفطار أو العشا

لكن الرياض فيها كذا مطعم مصري وأشهرها جاد وفي مطعم اخر في مربع المطاعم بشارع التخصصي وهو " المشربية " ويقدم محاشي وملوخية بالأرانب وفتة و ما إلى ذلك لكن جننننان بصراحة

وجده مليانة مطاعم مصرية متنوعة

[إيزيس]

في الإمارات أبو شقرة وفرحات ونجف وعليهم إقبال كبير

لكن المطاعم اللبنانية أكتر أكيد

[osaimi]

فى المنطقة الشرقية مفيش ولا مطعم مصري ، مفيش غير مطاعم فول وطعمية للأسف مش نضيفة وتخش تلاقى البياع عمال يعمل السندوتشات ويحطلك الطعمية والبطاطس بإيده ولا هو لابس جوانتي ولا حاجه وبصراحة تبص لمنظر أظافرة تقرف أساسا من الأكل والمطعم كله

ودايما تلاقى المطاعم المصرية مش نظيفة وقديمة جدا وطرابيزات خشب وعليها مشمع وبصراحة حاجة مقرفة جدا جدا وماتشجعش أي حد ياكل فيها خاصة غير المصريين

أنا عارف ان فيه بعض المطاعم المصرية فى الرياض وجده والإمارات كويسة زى أبو شقرة وجاد وواحد بتاع سمك مش فاكر اسمه لكن أسعارهم غالية جدا بالمقارنة بالمطاعم المثيلة لبلاد أخرى

لكن زى ما قلت لكم فى البداية هنا فى المنطقة الشرقية أو البحرين مفيش مطعم واحد مصرى محترم ، وبعدين هي مصر مافيهاش غير فول وطعمية وكشرى دا ايه الفقر اللي احنا فيه ده ، فين المشاوى المصرية اللي مفيش زيها فى الدنيا ، فين الفطاير والمحاشي وإلخ بس المهم طريقة التقديم والتسويق

خلاصة الموضوع أعتقد ان فيه مشكلة تسبب عدم انتشار المطاعم المصرية وعدم الإقبال عليها ان وجدت وهي:

1 - عدم نظافة البائعين وعدم الظهور بالشكل اللائق من ناحية الملبس

2 - عدم نظافة المكان

3 - عدم أختيار نوعية طعام يقبل عليها المصريين وغيرهم من الجنسيات

4 - الطمع والجشع

5 - عدم إستعداد المصريين للقيام بمشاريع إستثمارية خارج الوطن إلا القليل ودائما ما يفكر متي العودة الي الوطن اللي مبهدلنا ومغربنا

وفى النهاية يؤسفنى أقولكم ان معظم السعوديين والشوام بيبعدوا عن اي مطعم يلاقوا فيه مصريين ، شفتوا المأساه ...

[nash]

أنا جربت كل فروع جاد.....في الرياض ....يا نهاري...هو في ايه؟؟؟

لا طبعا المستوي تدني مرة واحده...حتي أطباق التقديم والأكواب الزجاجيه...منظرهم يصعب عليك...مع أنه شغال تمام التمام ومافيش حاجه تمنعه يجدد في السرفيس ...

[إيزيس]

لا طبعا المستوي تدني مرة واحده...حتي أطباق التقديم والأكواب الزجاجيه...منظرهم يصعب عليك...مع أنه شغال تمام التمام ومافيش حاجه تمنعه يجدد في السرفيس ...

على فكرة نفس الملحوظة على أبو شقرة في دبي أحسن مشاوي وأفضل أنواع اللحوم و الحمام خصوصا عندهم لكن الملاعق أحيانا تعور

العيال آه والله نوعية مش ولابد

والجرسونات آخر مرة رحنا كانوا هيشتموا بعض قدام الناس و العمالة مصرية والمالك مصري وتحس إنه بيبهدلهم للأسف في المعاملة

أخد سمعة كويسة وبعدين عينك ما تشوف إلا النور

[قديم]

اعتقد لما انا ابحث عن مطعم مصري سابحث عن اصناف مصريــه بلديــه . وهي ما تشتهر فيها الدوله

حتي لو انا في مصر لما اقول عايز مطعم مصري اقصد بها الاطباق المصريه المشهوره ..

فمثلا المطبخ المصري هو الطعميه والفول والكشري . والحمام المحشي اعتقد هذه الاصناف هي اللي تشتهر فيها مصر عموما

المطبخ المغربي . الحريره والكسكسي

المطبخ الايراني هو الرز بالزعفران ,,,,,,

المطبخ الاردني والفلسطيني . هو المنسف

السوري واللبناني مشهور عنهم المشوري والحمص .

لم اجد في الرياض مطعم مصري يقدم الوجبات المصريــه علي اصولها بالطعم والنكهه المصريه ( بالزي المصري والديكور ) اغلب تلك المطاعم جاد وابو شقره معاعم تقدم وجبات عامه .

انا لما اروح مطعم افضل انه يكون مختص بذات الطبق . لا يمكن اطلب كشري من مطعم سوري مثلا

او اطلب كسكسي من مطعم ايراني او مصري

[رمضان]

بالنسبة لينا هنا في الكويت فيه جاد وابو شقرة وحسني وطبعا جاد وابو شقرة حدث ولا حرج ( يع ) ما ينفعش يتاكل فيهم اما بالنسبة لحسني فهو جيد

انا فاكر يوم افتتاح ابو شقرة رحت المطعم وسبت الاكل وطلعت كملت في مطعم تاني لان بصراحة الاكل كان مش ولابد

[مصطفى عبد الوهاب]

فى المنطقة الشرقية مفيش ولا مطعم مصري ، مفيش غير مطاعم فول وطعمية للأسف مش نضيفة وتخش تلاقى البياع عمال يعمل السندوتشات ويحطلك الطعمية والبطاطس بإيده ولا هو لابس جوانتي ولا حاجه وبصراحة تبص لمنظر أظافرة تقرف أساسا من الأكل والمطعم كله

ودايما تلاقى المطاعم المصرية مش نظيفة وقديمة جدا وطرابيزات خشب وعليها مشمع وبصراحة حاجة مقرفة جدا جدا وماتشجعش أي حد ياكل فيها خاصة غير المصريين

أنا عارف ان فيه بعض المطاعم المصرية فى الرياض وجده والإمارات كويسة زى أبو شقرة وجاد وواحد بتاع سمك مش فاكر اسمه لكن أسعارهم غالية جدا بالمقارنة بالمطاعم المثيلة لبلاد أخرى

لكن زى ما قلت لكم فى البداية هنا فى المنطقة الشرقية أو البحرين مفيش مطعم واحد مصرى محترم ، وبعدين هي مصر مافيهاش غير فول وطعمية وكشرى دا ايه الفقر اللي احنا فيه ده ، فين المشاوى المصرية اللي مفيش زيها فى الدنيا ، فين الفطاير والمحاشي وإلخ بس المهم طريقة التقديم والتسويق

خلاصة الموضوع أعتقد ان فيه مشكلة تسبب عدم انتشار المطاعم المصرية وعدم الإقبال عليها ان وجدت وهي:

1 - عدم نظافة البائعين وعدم الظهور بالشكل اللائق من ناحية الملبس

2 - عدم نظافة المكان

3 - عدم أختيار نوعية طعام يقبل عليها المصريين وغيرهم من الجنسيات

4 - الطمع والجشع

5 - عدم إستعداد المصريين للقيام بمشاريع إستثمارية خارج الوطن إلا القليل ودائما ما يفكر متي العودة الي الوطن اللي مبهدلنا ومغربنا

وفى النهاية يؤسفنى أقولكم ان معظم السعوديين والشوام بيبعدوا عن اي مطعم يلاقوا فيه مصريين ، شفتوا المأساه ...

عموما أنا مش عارف المطاعم دي ظروفها ايه بس بحكم عملي في مجال الفنادق أقدر أقول ان من أحسن الطباخين الطباخين المصريين كمهنة و كنظافة أما حكاية الجوانتي بصراحة عمري ماسمعت وأنا شغال او و أنا بأدرس ان من شروط المهنة لبس جوانتي و لو عاوز ألبس جوانتي ألبسة و أنا بأستخدم مواد ممكن أن يتم من خلالها نقل جراثيم أو ميكروبات للطباخ نفسه أو وجود جروح أو قطوع في يد الطباخ أما حكاية الأظافر دي فهو خطأ فردي و الراجل مالهوش حق

و الله بالنسبه لحكاية المطاعم المصرية أنا ليا أصدقاء لهم مطاعم في هولاندا و في ايطاليا و اللي أعرفة أنهم مشهورين جدا هناك و حكاية الترابيزات الخشب لو هنتكلم عن أسس تكوين مطعم هنلاقي ان الترابيزات بتكون خشب في الأغلبية و حكاية المشمع اللي عليها دي بتعتمد على درجة المطعم أو نوع الزباين اللي بتتقدم لهم الخدمة يعني مش معقول هيكون مطعم شعبي و يحط على الترابيزات ميلتون وفوق الملتون مفرش كبير و فوق المفرش الكبير نيبرون يبقى هايروح يشحت علشان يشغل المطعم بتاعة

أظن ان لو كان فيه واحد مصري شايف انه لو فتح مطعم بالمواصفات القياسية لانشاء مطعم في المنطقة دي و هيكسبة ماكنش اتأخر أما نوع الخدمه و الأكل فدة بيعتمد على نوعية الزباين قبل كل شئ

أظن ان حكاية النظافة دي عامل شخصي و بعدين هو مش اسمه بائع لأن واحنا تلامذه لسه كان بيقولوا لنا على ماده المطبخ دي "فن الطهي" و بعدين مش علشان لاقينا واحد عامل طباخ و عفش يبقى كل الطباخين زيه و حكاية اليونيفورم دي مشكلة لأن وأنا ماشي في الشوارع ممكن ألاقي واحد واقف بعربية كبدة على الناصية و لابس يونيفورم كامل و ناقص يعمل للعربية لوجو و يحطة على اليونيفورم و مرة كنت شغال في قريه سياحية في مصر اسمها سما العريش و مافيش واحد من اللي شغالين في المطبخ بيلبس يونيفورم غير أنا وكام واحد

أحلى حاجة الجملة الأخيرة دي ده أنا بأشوفهم في أي فندق اشتغلت فيه و همه اتهيأ لهم ياكلو البوفيه كله و طبعا الحمد لله كل اللي عاملينه مصريين أبا عن جد