عربية استخدمها فى الأجازة

[osaimi]

السلام عليكم

الموضوع هو ان احنا اللي بنشتغل فى الخليج ومعندناش سيارة (عربية) فى مصر بنحتار آخر حيره بسبب مشاكل الإيجار والناس اللي بيشتغلوا في هذا المجال اللي تحس ان كلهم نصابين وعاوزين يمضوك شيك علي بياض او تسيب لهم جواز السفر ومهازل ما بعدها مهازل

المهم فكرت اني أشترى عربية من مصر وخلاص بالقسط ، قالولي حرام تركنها لمدة 11 شهر وهتبوظ وهتدفع فلوس كتير والسيارة قيمتها هتقل وما إلي ذلك

قلت طيب أشترى من السعودية ، قالولي لازم تكون أقل من 1500 سي سي عشان الجمرك ما يبقاش كتير ، لكن لقيت ان حتي ال 1500 سي سي هتكون سعرها أقل فى حدود 5000 جنيه فقط (مش مستاهله البهدلة وقرف الجمرك والممرتشين)

ايه رأيكم فى الموضوع ده وإيه أفضل طريقة عشان تقضي أجازتك ومعاك عربية بدون قرف أو مشاكل

مع أطيب تحياتي للجميع

[deemuck]

ايه رأيكم فى الموضوع ده وإيه أفضل طريقة عشان تقضي أجازتك ومعاك عربية بدون قرف أو مشاكل

مع أطيب تحياتي للجميع

الموضوع زي ما تكون قاعد تقرأ اللي في دماغي

تحكمه عوامل كتيرة. حجم العائلة ، اسعار التذاكر ، الوزن لو عايز تنزل وتحمل وتشيل ... الخ . وتيجي في الاخر التجربة الشخصية

انا بالنسبة لي عايز اجرب انزل بسيلرة مجرد تجربة شخصية

[osaimi]

sorry i have a problem to write arabic

anyway, i went to egypt twice driving

what i can tell you.. whenever you are driving in saudi arabia there is no problem at all especially if you like the long trip drive

but when you just arrive to egypt you will start suffering .

even we you drive in egypt.. the check point and any one else will try to stop you to get some money. they thinking that we having a lot of money

anyway despite i have a nice and new car here in saudi arabia, i will never repeat it again

i am sorry to tell you that but you can ask another people who did the same

regards

[vipwithyou]

غريبة هو حضرتك بتسأل تنزل بسيارة ولا لا وفى الآخر بتنصح بعدم النزل بسيارة علشان الناس اللى بتقابلك فى مصر كل واحد عايز منك حاجة ؟!

رأيي الشخصى ان سيارات الخليج أفضل من اللى فى مصر

اذا مفيش مشكلة فى الفرق يبقى هاتها من برة واعتب شوية فى الطريق مش مشكلة

[vipwithyou]

حضرتك نسيت تقول متعه وجود سيارة خاصة معاك فى مصر خلال اجازتك ؟؟ صح ولا لا ؟؟

[إيزيس]

و الله عندنا نفس المشكلة

بالنسبة لنا النزول بري ما جربناش و ما بنفكرش فيه

ننزل من هنا سيارة مشكلة

نشتري ونخليها في مصر مشكلة

الحل اللي وصلناله نتحمل المواصلات في مصر مش هيحصل حاجة عادي وأهي فرصة للتغيير والاحتكاك بالواقع ونسمع شرايط هابطة في البيجو و يتعطل بينا القطر

و مواعيد الباصات الحلوة والتاكسيات المتوفرة جدا كل ده بنشوفه لكن بصدر رحب وربنا بيكرمنا بأخويا أختي أخت زوجي يوصلونا أحيانا و في الرحلات العائلية

بنتوزع في سيارات العيلة إجباري يعني والدنيا بتمشي وأنا حابة كدة علشان الأولاد يتعبوا شوية وده صحي بالنسبة لهم

ساعات ربنا يوعدنا بحد من إياهم : انتو إزاي ماشيين من غير عربية اللي هو ياي يعني00000000 واحنا زي مانتوا عارفين هنا مفيش خطوة من غيرها لكن بناخدها ببساطة وكووووووووووووووووول

الخلاصة خد الأمور ببساطة هتمشي الأجازة و السيارة زي ما هتوفر لك وقت أحيانا هتعطلك مرور و ميكانيكي و و و و انت عارف الباقي طبعا

فلسفة هايلة صح..........ميرسي

[vipwithyou]

اعتقد اذا الاجازة اكتر من شهرين كدا لازم عربية لكن اذا اقل من كدة يبقى هتمشى بقى اى حاجة

[إيزيس]

مين اللي عنده أجازة شهرين يطلع لنا كده عشان نقر قصدي نتعرف عليه

الأهم ونت الصادق إإن ده يرجع لحجم الأسرة يعني لو الباشمهندس تامر وخطيبته عادي تاكسيلت تمشي حتى حجة كويسة مش لاقيين تاكسي التاكسي بيتأخر كده يعني

عيلة صغننة زينا 4 أفراد أوكي

أكتر من كده نشوف فلسفة أخرى

تم تعديل 26 فبراير 2008 بواسطة قرنفل

[se_ Elsyed]

أولاً عايز أرد على الإخوة اللي حتى عمرهم ما جربوا ينزلوا مرة مصر بسيارة لكن بيرددوا بدون ان يتعبوا نفسهم ويتأكدوا من المعلومة او أقول أكثر من ذلك .. يتقوا الله في بلدهم ويقولوا إن المرتشين بيقابلوك في كل حته ... والمرتشين اللي بيقلبوك في الجمارك و و و و

وأقسم بالله العظيم إني نزلت مصر منذ عامين بسيارتي ولم أجد في جمارك - نويبع - من يقلبني أو يقولي هات إلا الرسوم الجمركية .... وحتى لما جيت اعزم على واحد من بتوع الجمارك بزجاجة مياة غازية رفض بشدة ... هذا للأمانة وعدم غتهام الناس بالباطل

والوحيد اللي طلعت له 10 جنيهات وأعطتها له من دون أن يؤدي لي خدمة هو واحد امين شُرطة وبرغبتي وبإرادتي ...

وأثناء وجودي لمدة شهر ... ولإني حتى الان مكسل اطلع رخصة مصرية وماشي بالسعودية والدولية ... وسافرت بها داخل مصر يمين وشمال لم يوقفني أي أحد إلا في مدينة نصر - ما هي بتيجي على أهون سبب - وأنا اللي كنت غلطان عشان ماشي بوصل النور ...

وفي الرجعة نسيبي رجع بها لا قال لي إنه إتقلب ولا دفع رشوى ولا يحزنون ..

فياريت نبطل النغمة الهابطة بتاعت الرشاوي اللي موجودة في كل حته وفي كل ركن بمصر ..

آه موجوده مش هاننكر زي ما هي موجوده على سطح المريخ نفسه طالما يوجد إنسان من لحم ودم .. واللي فيكم في السعودية وبيشوف الرشاوي بتندفع هايقول ده المصريين دول اغلب من الغُلب وحتى رشاويهم خايبه ..

لكن إتقوا الله ولا تصوروا بلدكو على إنها مجموعة عصابات منظمة بتقلب الناس في كل وقت وكل آوان ..

------------

اما معضلة تشتري سيارة ولا تنزل بسيارة ..

فحلها بسيط جداً

الفلوس اللي هاتدفعها تريبتك وتذكرة سيارة على الباخرة ... ورسوم جمركية مقابل الأفراج المؤقت عن السيارة وكذلك وإنت راجع ومش هاتقل عن 5000 ج نقول كحد أدنى ..

طب ما تنزل تأجر سيارة مفتخرة ومكيفة ومن مكتب محترم وبحوالي 5000 ج برضوا في الشهر ..

وولا تهلك عربيتك ولا تعمل صيانة شاملة ولا تغير الأربع كاوتشات ولا تذل نفسك في الطريق يومين وشوية سواقة متواصلة وتضيع أجازتك وما إلى ذلك ...

وتوته توته خلصت الحدوتة

هـــــــــا سمعونا نغمة مكاتب التأجير الحرامية واللي بيقلبوا الناس واللي بيرتشوا من الناس

[nash]

طيب ما اللي يحاول ياخد رشوة تشتكيه أيه المشكله؟؟؟

الصيف قبل الماضي حاول احدهم بطريقه مستترة إجبار اخي علي دفع شيء...لا يستحقه واخدين بالكم ...واحد بني آدم مش ألف واحد من ضمن طاقم كبير في ميناء نويبع..فما كان من اخي الا أن قدم شكوي لضابط الميناء...وبالتالي أنهي أوراقه في سرعه خياليه مع الإعتذار الشديد...من أطقم الموظفين....

أيه المشكله لما حد فينا يرفض الدفع بل ويقدم شكوي؟؟

مش معقول هاندفع غصب عنا ...المسئاله بسيطه...

[vipwithyou]

المشكلة انه هيبات يوم فى الجمرك علشان يطلع رسمى ههههه دا اعتقادى

[deemuck]

طب ما تنزل تأجر سيارة مفتخرة ومكيفة ومن مكتب محترم وبحوالي 5000 ج برضوا في الشهر ..

وولا تهلك عربيتك ولا تعمل صيانة شاملة ولا تغير الأربع كاوتشات ولا تذل نفسك في الطريق يومين وشوية سواقة متواصلة وتضيع أجازتك وما إلى ذلك ...

برضه نأخذ في الاعتبار ان تذاكر السفر لو تصحبك عائلة كبيرة تعتبر تكلفة بجانب مبلغ ال 5000ج. والبعض يحب يشيل ويشيل ويشيل الكثير من الوزن

بس حلوة انك ممكن تسوق بالرخصة الدولية لان انا فعل المشلكة معيش رخصة مصرية وتكلفتها 1000ج :closedeyes:

[se_ Elsyed]

بس حلوة انك ممكن تسوق بالرخصة الدولية لان انا فعل المشلكة معيش رخصة مصرية وتكلفتها 1000

مانا بأقولك إني بأستهبل وبأسوق بالرخصة الدولية

لإن ممنوع تسوق برخصة دولية في بلدك يا ريس

وبالتالي بأقول عليها وصل نور

وبعيدن هي الرخصة المصرية غليت ليه كده ؟ 1000 ج بتاعت إيه ؟

قصدك ريشوه :closedeyes: يعني ؟

[vipwithyou]

انا لحقت نفسى وطلعتها بـ 500 بس يا سى السيد انت بتتبلى على الناس ولا ايه :closedeyes:

بس انا طلعتها ايام الرخص

تم تعديل 26 فبراير 2008 بواسطة vipwithyou

[ahmed_saleh]

بس حلوة انك ممكن تسوق بالرخصة الدولية لان انا فعل المشلكة معيش رخصة مصرية وتكلفتها 1000

مانا بأقولك إني بأستهبل وبأسوق بالرخصة الدولية

لإن ممنوع تسوق برخصة دولية في بلدك يا ريس

وبالتالي بأقول عليها وصل نور

وبعيدن هي الرخصة المصرية غليت ليه كده ؟ 1000 ج بتاعت إيه ؟

قصدك ريشوه :) يعني ؟

طب يا جماعة الاحسن انك تشتري سيارة من الخليج عشان هي الاحسن فنياً و تنزلها نهائي لمصر و بعدين تستخدمها بالاجازة و توفر تمن الايجار و ترفعها و انت ماشي و تصينها بتمن الايجار اللي وفرته و ركبت عربية بتعتك و على مذاج مذاجك و حطيت فلوسك في عربيتك و في الاخر هتدفع يعني هتدفع بس المهم هتدفع لمين ؟؟؟؟؟ :closedeyes:

شكراً لكم

[osaimi]

الأخ VIPWITHYOU

حبيبي الرد ماكانش أصلا علي السؤال اللي انا طرحته وهو شراء سيارة من مصر ولا من السعودية ، الرد كان علي الأخ DEEMUCK اللي قال أنه هينزل أجازته بالسيارة كتجربة وأنا مطرحتش السؤال عشان أرد علي نفسي وإلا ماكانش فيه داعي أساس لطرح الموضوع ، أحنا بنطرح مواضيع هنا عشان نستفيد من آراء بعضنا البعض واللي عنده رأي أو نصيحة يقولها واللي معندوش أهلا به كقارئ

الأخ السيد

أرجو منك أن تناقش الموضوع بشكل أحسن من كده ، الكلام ده من واقع تجربة شخصية وليس من نسج الخيال وانت لا تحب بلدك وتتمني أن تكون بلد محترمة أكثر مني ومن جميع المصريين فى الغربة اللي شافوا بلاد كنا بنقول عليها متخلفة بقت أحسن وأنضف من مصر للأسف ، ما تعملش زي بتوع الحزب الوطني اللي بيقولوا للمعارضة ماتنشروش غسيلنا الوسخ بره ، طب هو من الأصل ليه فيه غسيل وسخ

يمكن كان حظك حلو مع موظف الجمارك اللي ممكن يطلعلك القطط الفاطسة لو شكلك ما عجبوش لكن أنا عايز اسألك (عملت ايه فى كشف المفرقعات ؟ ) أوع تقوللي مادفعتش رشوه ! عملت إيه لما وصلت المينا .. مش بزمتك قعدت منتظر انت ووولادك عالرصيف لمدة 6 أو 7 ساعات - ياراجل داحنا المركب بتاعتنا وصلت الساعة 3 الفجر وفضلنا قاعدين عالرصيف زي الشحاتين مستنيين سعادة ظابط المفرقعات اللي ماجاش إلا الساعة 8 الصبح وكان شكلنا يكسف قدام بعض السعوديين اللي جايين يزوروا مصر هتعمل ايه لو سحبوا رخصتك عشان السرعة وبعتوهالك علي سفاجة ولا الغردقه ، مش هتخاف تروح متلاقيهاش ، وغيره وغيره ، مش عايز أتكلم بالتفاصيل المملة لكن ممكن تسأل حضرتك كل الناس المحترمه اللي نزلت مصر بالعربية عن تجربتهم وهما هيقولولك

[أسد]

الموضوع الأساسي هنا .... عن السيارة التي ستستخدمه في مصر ... أثناء الأجازة ...

وحسب ما فهمت الإختيارات المطروحة كالتالي :

1 - تشتري سيارة في مصر سواء بالتقسيط أو نقداً .. وتستخدمها في الإجازة وبعدين تركنها ختى السنة القادمة.

2 - تشتري سيارة من الخليج بمواصفات خليجية لأنها الأفضل وتخليها في مصر وتستخدمها برضه وقت الإجازة

3 - تنزل الأجازة بسيارتك وترجع تاني

4 - تستأجر سيارة من مصر ..

أظم مفيش أي إحتمالات أخرى ..

سأجاوبكم من واقع تجربتي .. وخبرتي .. على مدار سنوات وسنوات ..

الخيار الأول والثاني زي بعض ... ولو عايز يكون عندك عربية في مصر خد الخيار الأول .. لأن مفيش حاجة اسمها المواصفات الخليجية أحسن من المواصفات المصرية ... المواصفات الخليجية تقريباً زي المصرية .. لكن المصرية فيها كماليات أكثر في الغالب ... والعفشة في المواصفات المصرية أفضل .. معالجات الحرارة متشابهة ... وبعدين الكلام ده بقى قديم وعفى عليه الزمن... الشركات العالمية بتحافظ على مستواها في كل مكان ..

الإختلاف بيكون في السيارات التي تقفل في مصر .. بس ...أما لو سيارة تقفيل بلادها كله واحد ..

ولكن إذا اشتريتها في مصر ستعامل في الصيانة أفضل .. والضمان أيضاً ..

ولكن ما الجدوى في تجميد قيمة سيارة .. لمجرد استخدامها شهر واحد في السنة ...

والسيارة من الركنة مدة طويلة .. بتحدث لها بعض التلفيات .. وأيضاً ستدفع فلوس جراج وحراسة قد تصل إلى ألفين جنيه في النسة .. واحسبها ..

ممكن تخلي الفلوس في بنك .. أو بنك إسلامي .. وبأرباح السنة تستأجر سيارة براحتك ..

الإختيار الثالث .. إذا كنت شباب .. وسيارتك حالتها كويسة .. وتتحمل مشقة السفر البري . وأسرتك كبيرة .. وحتقدر توفر التذاكر .. توكل على الله .. ولكن الموضوع به مشقة ومعاناه .. ولكنها لمدة يومين وترتاح باقي الإجازة .. وهذا الإقتراح جيد لمن هم يقضون أجازة طويلة في مصر.. يعني الشهر يعتبر قليل ..

الإختيار الرابع .. أستئجار سيارة من مصر ..

هذا يصلح لمن لا يريد أن يرهق نفسه .. وبيشتري تعبه بالفلوس .. ولكن ..

لا تستأجر من مكتب أي كلام .. استأجر من شركة كبيرة ومعروفة .. الأسعار كلها واحد .. الشركات الكبيرة بتعمل صيانة كويسه للسيارات .. وسياراتهم موديل السنة .. المكاتب التصغيرة .. السيارات بتكون بتاعة أفراد وهم بيأجروها لهم .. وبتكتب على نفسك شيكات ووصل أمانة وكلام فارغ .. أحذر بشدة من هذا الأمر ...

الشركات الكبيرة .. بتشترط انه يكون معك كريديت كارد .. فيزا أو ماستر ... بتاخد سيارة جديدة معمول لها صيانة .. مابتكتبش غير العقد .. وبتعمل لهام حاجة اسمها Authorization بقيمة إيجار السيارة .. وده بتعمله في كل حتة في العالم لما بتسكن مثلاً في أي فندق وتكون حتدفع بالفيزا ...

الشركات الكبرى والمحترمة لهم مكاتب قريبة منك في كل الفنادق الكبرى ...

أنا شخصياً جربت كله .. ولكني مؤخراً باعمل الحل الأخير .. بأجر سيارة كورولا موديل السنة .. أوتوماتيك بسعر 200 جنيه في اليوم ..

أما عن المواني المصرية .. والصعاب التي تواجهها ..

فحدث ولا حرج ..

ولكن بأمانة .. يمكنك عمل كل الإجراءات بدون ماتدفع ولا مليم رشوة .. واللي يغلس عليك ممكن تزعق وترفع صوتك حيخاف ويترعب ..

لكن الحقيقة بتتأخر شوية ... مش لتاني يوم .. لكن ممكن تتأخر للآخر .. وماتنساش . الموظفين والناس كلها بتكون مرتبطة انها لازم تخلص الركاب اللي جايين كلهم .. ومايقدروش يروحوا إلا لما يخلصوا كل الركاب ...

ولكن ممكن تستحمل انك تتأخر ساعة أو اثنين عن العادي إذا كان ذلك في سبيل انك ماتدفعش أي رشاوي ...

القيادة بالرخصة المصرية في مصر للمصرين هو عمل غير قانوني مثله مثل القيادة بدون رخصة ..

[osaimi]

مشكور جدا أخ أسد ، تلخيصك للموضوع ممتاز ومن خلال أنا توصلت للقناعة بالتأجير من شركات محترمة زي ما تفضلت لكن عندي سؤال ، تقصد شركات زي بدجت وأفيس ؟ والله إذا كان السعر كده يبقى ممتاز وهذا هو الإختيار الصحيح الآن

القيادة بالرخصة المصرية في مصر للمصرين هو عمل غير قانوني مثله مثل القيادة بدون رخصة ..

قصدك القيادة بالرخصة الدولية؟

[se_ Elsyed]

الأخ السيد

أرجو منك أن تناقش الموضوع بشكل أحسن من كده ، الكلام ده من واقع تجربة شخصية وليس من نسج الخيال وانت لا تحب بلدك وتتمني أن تكون بلد محترمة أكثر مني ومن جميع المصريين فى الغربة اللي شافوا بلاد كنا بنقول عليها متخلفة بقت أحسن وأنضف من مصر للأسف ، ما تعملش زي بتوع الحزب الوطني اللي بيقولوا للمعارضة ماتنشروش غسيلنا الوسخ بره ، طب هو من الأصل ليه فيه غسيل وسخ

يمكن كان حظك حلو مع موظف الجمارك اللي ممكن يطلعلك القطط الفاطسة لو شكلك ما عجبوش لكن أنا عايز اسألك (عملت ايه فى كشف المفرقعات ؟ ) أوع تقوللي مادفعتش رشوه ! عملت إيه لما وصلت المينا .. مش بزمتك قعدت منتظر انت ووولادك عالرصيف لمدة 6 أو 7 ساعات - ياراجل داحنا المركب بتاعتنا وصلت الساعة 3 الفجر وفضلنا قاعدين عالرصيف زي الشحاتين مستنيين سعادة ظابط المفرقعات اللي ماجاش إلا الساعة 8 الصبح وكان شكلنا يكسف قدام بعض السعوديين اللي جايين يزوروا مصر هتعمل ايه لو سحبوا رخصتك عشان السرعة وبعتوهالك علي سفاجة ولا الغردقه ، مش هتخاف تروح متلاقيهاش ، وغيره وغيره ، مش عايز أتكلم بالتفاصيل المملة لكن ممكن تسأل حضرتك كل الناس المحترمه اللي نزلت مصر بالعربية عن تجربتهم وهما هيقولولك

يا أخ عصيمي بأنصحك تتريث شويه وتقرأ بعض مداخلاتي او على الأقل تقرأ مواضيع متنوعة في المنتدى عشان تعرف مين اللي حزب وطني ومين موالاه ومين معارضة وذلك قبل نصيحتك لي بمناقشة الموضوع بشكل أفضل ؟

أما عن سؤالك

عايز اسألك (عملت ايه فى كشف المفرقعات ؟ )

سيادتك ولا حاجه وكل الإجراءات خلصت في أقل من نصف ساعة والله على ما أقول شهيد بمنتهى الإحترام مثلي مثل البقية اللي كانوا معايا ومن غير لا واسطه ولا يحزنون

عملت إيه لما وصلت المينا .. مش بزمتك قعدت منتظر انت ووولادك عالرصيف لمدة 6 أو 7 ساعات - ياراجل داحنا المركب بتاعتنا وصلت الساعة 3 الفجر وفضلنا قاعدين عالرصيف زي الشحاتين مستنيين سعادة ظابط المفرقعات اللي ماجاش إلا الساعة 8 الصبح وكان شكلنا يكسف قدام بعض السعوديين

راجع الرد السابق ..

ولو التأخير ده حصل في السعودية زي ما بنتطلع في المطار حتى لعدة ساعات عشان الطيارة إتأخرت او فيها عُطل او الرحلة إتأجلت ... هل بيبقى السعوديين شكلهم وحش قدامنا أو بننتقد الوضع حتى ؟

لو سحبوا رخصتك عشان السرعة وبعتوهالك علي سفاجة ولا الغردقه

حصل يا فندم وسحبوا ورق العربية لأني كنت مخالف وماشي من غير رخصة قيادة ... وأستهال اللي يجرى لي طالما مُخالف للقوانين

ممكن تسأل حضرتك كل الناس المحترمه اللي نزلت مصر بالعربية عن تجربتهم وهما هيقولولك

أنا اللي هاقولك تسأل الناس المحترمة اللي بتسافر البحرين عن طريق جسر الملك فهد واللي المفروض إنه فركة كعب لحد البحرين ... بيقعدوا حضرتك كام ساعة ملطوعين على الجسر ... وملطوعين فين ؟ دول في نار الله الموقدة

بالمناسبة .... لي مئات من الزملاء والأصدقاء بينزلوا بسياراتهم مصر .. وفي مصاعب بتقابلهم .. لكنها مصاعب متوقعه لإن حضرتك السفر بالطرق البرية وخصوصاً التي يتخللها ركوب البحر في أي مكان في العالم هو قمة العذاب وأتحدى دولة في العالم فيها سفر بالبر والبحر - باخرات عبارات لنش سريع لنش بطيء - إن يكون لها مواعيد محددة لا تخالفها .... لإن الأمر يشتمل على تحميل ركاب وبضائع وسيارات و و و وما إلى ذلك ... مش مجرد شنطتين وكام راكب زي الطائرات ....

ولو حضرتك بتسأل الناس المحترمة اللي بينزلوا بري وخصوصاً عن طريق ميناء العقبة بالأدرن .. قولهم : هل ما تعانونهم من الإخوة الأشقاء في الأردن يساوي 1/10 مما تعانونه في بلدكم مصر ... إسأل وإبقى قولي

وعشان كده لما خضت التجربة كنت خايف جداً من موضوع الأدرن وكان هناك أحد الضباط الادرنيين المعارف منتظرنا هناك وهو اللي انها جميع الإجراءات وإحنا قاعدين في مكتبه بنشرب شاي ...

وكل ما نرجوه من الإخوة المصرييين إنهم ينظروا للأمور بعين العدل .. ويبقى عندهم توازن بين الإيجابيات والسلبيات .... مش كله سلبيات فقط من الألف إلى الياء وكأن مصر دي دولة من دول قارة جُهنم ..

[أسد]

مشكور جدا أخ أسد ، تلخيصك للموضوع ممتاز ومن خلال أنا توصلت للقناعة بالتأجير من شركات محترمة زي ما تفضلت لكن عندي سؤال ، تقصد شركات زي بدجت وأفيس ؟ والله إذا كان السعر كده يبقى ممتاز وهذا هو الإختيار الصحيح الآن

القيادة بالرخصة المصرية في مصر للمصرين هو عمل غير قانوني مثله مثل القيادة بدون رخصة ..

قصدك القيادة بالرخصة الدولية؟

أنا في العادة اتعامل مع شركة الطيار .. وهيشركة على نفس مستوى تلك الشركات وموجودة في كل الفنادق

أقصد الرخصة الدولية ...

ملهاش معنى تاني ..

فيه حاجة اسمها رخصة دولية تستخرج من مكاتب سياحية أو نوادي السيارات علشان لو حضرتك مسافر سياحة في أي بلد تقدر تستأجر سيارة كام يوم وتسوق بيها بشكل قانوني ..

ولكن في كل بلاد العالم .. لا يسمح لمواطني البلد أو المقيمين فيها بشكل نظامي القيادة بالرخصة الدولية ...

وبالتالي .. بما أنك مصري لا يسمح لك بالقيادة بالرخصة الدولية أي لا يسمح لك بالقيادة إلا بالرخصة المصرية ..

وأي واحد غير مصري جاء إلى مصر للسياحة يمكنه القيادة بالرخصة الدولية ولكن إذا كانت له إقامة نظامية مثلاً للدراسة أو العمل أو الزواج أو أي من أشكال الإقامة النظامية .. لا يسمح له إلا بالقيادة بالرخصة المصرية