استفسار عن وظيفه فى ابو ظبى

[amado]

سأذهب بأذن الله الى الامارات, و اود من الاخوه الافاضل السؤال عن عقد عمل فى ابو ظبى فى وظيفه customer service براتب 1500 درهم فى الشهر والسكن على الشركه , هل هقدر اعيش بالراتب ده هناك , علما بأنى مش رايح هناك علشان احوش انا بس عايز اخد الامارات محطه سفر ليا الى اوروبا او استراليا او كندا لانى سمعت من بعض الاصدقاء هناك ان الاجراءات من هناك اسهل واسرع وكمان شروطهم بتبقى اقل من مصر

ارجو من الاخوه اللى فى الامارات يردوا عليا ويساعدونى بالنصيحه !

[amado]

ايه يا جماعه هو مفيش رد ولا مداخلات من الاعضاء ليه ؟؟؟؟

هو السؤال صعب اوى كده عموما , شكرا

[AboAsem]

السلام عليكم ورحمة الله و بركاته

أخى الفاضل ، أدعوا الله أن يوفقك لكل خير ، و أذكرك بصلاة الإستخارة قبل أى خطوة

طبعاً راتب 1500 درهم فى الشهر ضئيل جدا و إنسى موضوع التحويش و يا رب تقدر تعيش بس.

أبوظبى غاليه جداً و تزداد غلاءً كل يوم و سأعطيك فكره سريعه,

إيجار شقه غرفتين و صاله تخطى 110 ألف درهم سنويا . نعم تخطى مئه و عشر ألاف درهم فى السنه . أنا متأكد إن السكن اللى على شركتك هو سكن عزاب عبارة عن 4 أو 5 أشخاص فى الغرفه إن لم يكن أكثر ! و بالتأكيد إذا كنت متزوج فالراتب المعروض لا يكفى حتى لإيجار سكن ملائم.

الأكل و المواصلات و البنزين و الإتصالات و كل شىء غالى جدا .

أخى تكاليف إستخراج الرخصه تتخطى ثلاثه ألاف درهم ، يعنى راتب شهرين بالنسبه لك.

الملخص : إذا كان لك شغل فى مصر و قادر تغيش ـ إنسى العرض ده. إذا كنت لا تعمل فى مصر ، تعالى الإمارات و جرب

ممكن تفكر إنك تيجى و تدور على شغل أحسن ، إذا كان العرض ده فى شركه خاصه و جيت إشتغلت فيها كام شهر و بعدين ربنا يسرلك بشغل أحسن فلن تستطيع الإنتقال

إلا بموافقه الكفيل و هذا صعب، ممكن تتطلع على قانون العمل من موقع وزارة العمل الإماراتيه

http://www.mol.gov.ae

إذا حابب تسأل عن شىء معين ، أنا موجود و إن شاء الله أقدر أساعد

بالتوفيق

[capitshino]

السلام عليكم

المرتب صغير جدا يا اخى ...نصيحة من اخ لك زار الامارات .. المعيشة غالية جدا ولا تذهب الا اذا لم تجد شغل فى مصر .. اما بالنسبة للهجرة لكندا من هناك فهى اسرع لانك ستكون تبع مكتب لندن .. ولكن لا توجد تسهيلات لان النقط هى هى 67 نقطة مطلوبيين سواء مقدم من مصر او الخليج والله اعلى واعلم

[أبو العز]

أخى العزيز

رد الأخ أبوعاصم سليم 100% هذه المرتب لايكفيك حتى تشرب به سجائر هنا فى أبوظبى ، كما انه طبقا لمفردات راتبك الضئيل لايمكنك الحصول على تأشيرة لأى دولة أوروبية رجاء مراعاة ان الجماعة الأوروبيين مش هبل أو عبط وهما عارفين ان الكثير من الشباب يأتى الى الامارات كمحطة للسفر الى أوروبا وامريكا ولكنهم يطلبون منك أشياء لاقبل لك بها وأولها الدخل المرتفع

نصيحة خليك فى مصر ، واذا رغبت القدوم الى الامارات والعمل بها ممكن ترسل لى CV الخاصة بك وانا أحاول اساعدك فى الحصول على عمل جيد بعون الله بس بشرط تكون امكانياتك فى اللغة الانجليزية والكمبيوتر مرتفعة ، فأنا أعمل فى شركة كبرى وللأسف قمنا بانهاء خدمات العديد من العمالة المصرية بسبب عدم اجادتهم اللغة وهذه نصيحة لكل شاب مصرى

راسلنى على الايميل الخاص بى Joophy2004@yahoo.ccom وان شاء الله اقدر اساعدك

[فيصل رافت]

سأذهب بأذن الله الى الامارات, و اود من الاخوه الافاضل السؤال عن عقد عمل فى ابو ظبى فى وظيفه customer service براتب 1500 درهم فى الشهر والسكن على الشركه , هل هقدر اعيش بالراتب ده هناك , علما بأنى مش رايح هناك علشان احوش انا بس عايز اخد الامارات محطه سفر ليا الى اوروبا او استراليا او كندا لانى سمعت من بعض الاصدقاء هناك ان الاجراءات من هناك اسهل واسرع وكمان شروطهم بتبقى اقل من مصر

ارجو من الاخوه اللى فى الامارات يردوا عليا ويساعدونى بالنصيحه !

والله ياختى السفر فيه سبع فوائد وراتب 1500 درهم وعليهم السكن ومش هاتحوشى يبقى يدوبك وحلو اوى بس تصحيحا لمعلومة السفر الى دول اوروبا اسهل من الامارات او اى دوله خليجية معلومه خاطئة من الدرجة الاولى وذلك عن تجارب لبعض الزملاء وربنا يوفقك

اخوكى فيصل رافت المحامى بدبى وتشرفى الامارات

[amado]

السلام عليكم

اولا احب اشكر جدا الاخوه الافاضل (ابو العز , ابو عاصم , كابتشينو , فيصل ) اللى ردوا على اسألتى ومساعده اخوكم الجديد احمد صلاح فى الموضوع ده , هو اولا العرض ده كان جاى من واحد قريب ليا قاعد فى ابو ظبى , قال انه هيعملى زياره الى ابو ظبى لمده شهرين وفى خلال الشهرين دول كنت هدور على شغل , فقالى انه ممكن يشوفلى شغلانه فى الشركه ده بالمبلغ ده وهو طبعا يشكر على اى حال وكفايه انه هيعملى زياره , وانا عندى 25 سنه ومعايا ليسانس اداب ودبلومه حاسب اّلى من شركه مايكروسوفت وواخد كورسات انجليزى و soft skills واحب اشكر الاستاذ ابو العز على واقفه الرجاله ده وانا انشاء الله هبعتلك ال cv بتاعى على ايميلك وايميلى هو amado333@yahoo.com

وربنا ييسر لما فيه الخير انشاء الله