استقدام الزوجه الي السعوديه

[loyal]

السلام عليكم ورحمة الله وبركاته

أنا سعيدة للغاية لانى انضميت مؤخرا لهذا المنتدى الرائع والذى يبين التآلف والتعاون الجميل بين المصريين والمناقشة الهادفة الفعالة

كنت عاوزة بس أسأل سؤال للمقيمين فى السعودية هى اجازة عيد الاضحى اللى حتبدأ من أول ذو الحجة ولمدة أسبوعين تقريبا حتكون المصالح فى السعودية شغالة يعنى مثلا مكاتب الاستقدام شغالة ( وزارة الداخلية ، الخارجية) يعنى ممكن جوزى لو عرف يعمل اجراءات الاستقدام يعملها فى الاجازة دى وانهى وقت أفضل قبل الحج ولا بعده يعنى الفترة الاولى أول الاسبوع الاول من ذو الحجة ولا بعد الحج لغاية 5 ديسمبر

كمان فيه سؤال هو فيه معقبين للمعاملات اللى زى الاستقدام فى كل مؤسسة أو مكان حكومى يعنى ممكن تتعمل الاجراءات مثل استقدام الزوجة أو عمل زيارة ليها عن طريق المعقبين دول ولا لازم يبقى بنفسه يعنى جوزى فى الاحساء ويعمل فى جامعة لازم يروح بنفسه للدمام ولو مفيش اجازة ممكن يدى لمعقب فعلا للمعاملات دى .

وشكرا لكم جزيلا

[banaga]

اهلا بيكى يا مدام/loyal معانا فى محاورات المصريين

بصى هو النهاردة اخر يوم فى الهيئات الحكومية من بكرة 2 ذو الحجه خلاص اجازة لبعد العيد يعنى خلاص مفيش تقديم لاى حاجة اما بمناسبة لموضوع المعقب فبصراحه انا مش متاكد ينفع معقب و لا لاء ياريت حد من الاخوة هنا يفيدك الى اعرفة ان مكاتب الاستقدام فى جده و الرياض و الدمام فبتوع المنطقة الغربية بيجوا جده عندنا و المنطقة الوسطى و ما حولها بيروحو الرياض و المنطقة الشرقية بيروحوا الدمام

و ربنا يوفقكو ان شاء الله

[loyal]

اهلا بيكى يا مدام/loyal معانا فى محاورات المصريين

بصى هو النهاردة اخر يوم فى الهيئات الحكومية من بكرة 2 ذو الحجه خلاص اجازة لبعد العيد يعنى خلاص مفيش تقديم لاى حاجة اما بمناسبة لموضوع المعقب فبصراحه انا مش متاكد ينفع معقب و لا لاء ياريت حد من الاخوة هنا يفيدك الى اعرفة ان مكاتب الاستقدام فى جده و الرياض و الدمام فبتوع المنطقة الغربية بيجوا جده عندنا و المنطقة الوسطى و ما حولها بيروحو الرياض و المنطقة الشرقية بيروحوا الدمام

و ربنا يوفقكو ان شاء الله

متشكرة لحضرتك جدا على الاجابة أصل جوزى كان مش عنده اجازة فى الوقت السابق وبكده حيبقى مش حينفع دولوقتى زى ما قولت ، ولكن يا ريت فعلا موضوع المعقب ده وأخوانا هنا يا ريت يفيدونا اذا كان صحيح يبقى فيه أمل ان الحاجة تخلص من غير يوم اجازة وربنا يسهل

[هنادي]

استحلفك بالله يا اخي الرد عليه هل سيتم فتح الاستقدم دون التقيد بالمهنه

واذا كان زوجي المهنه عامل لكنه حاصل علي بكالريوس تجاره هل يستطيع تغير المهنه

ارجوووووووووووووووووك الرد الموضوع ده هام بالنسبه لي

[se_ Elsyed]

استحلفك بالله يا اخي الرد عليه هل سيتم فتح الاستقدم دون التقيد بالمهنه

واذا كان زوجي المهنه عامل لكنه حاصل علي بكالريوس تجاره هل يستطيع تغير المهنه

ارجوووووووووووووووووك الرد الموضوع ده هام بالنسبه لي

أيوه ممكن إن شاء الله

لكن لازم شركته تساعده

عشان يعطوه خطاب تعريف لتغيير مهنته بالسفاره في جواز السفر.. وده خطاب عادي مش محتاج حتى غرفه تجارية

وكمان يعطوه خطاب نقل كفاله - كده وكده - على اي شركة اخرى لان تغيير المهنة مرتبط بنقل الكفالة

العبء الأخير يقع على العثور على مُعقب ملحلح ويقدر يخلص ده ... والفيزيتا بتبقى في حدود 3 الاف ريال

وربنا يوفق الجميع

[se_ Elsyed]

بالنسبة لفتح الأستقدام لجميع المهن فهي مجرد أشاعات تتناثر هنا وهناك ..

لما يفتحوها الأول لطالبي الزيارة يبقى كتر خيرهم

[loyal]

يا جماعة لدى سؤال دولوقتى زوجى بيحاول يعملى الاستقدام وان شاء الله مفيش مشكلة فى مهنته بس لو كنت حامل فى الشهر الأول دولوقتى ووصلتلى الورقة الصفرا هل لازم اعمل كل الاجراءات والتحاليل فورا بعد وصول الورقة الصفرا لي ولا فيه مدة محددة ممكن أثناءها اعمل فيها الاجراءات دى وانا اعرف ان لازم اكون محضرة نفسى للسفر فى خلال 3 شهور بس بعد ما اخد التاشيرة على الباسبور يعنى انا لما توصلى الورقة الصفرا واروح اخلص الاجراءات فى اد ايه يعنى هل فيه مدة صلاحية لتقديم الورقة الصفرا للقنصلية ولا مفتوحة يعنى لازم اقدم الورقة الصفرا فى خلال اد ايه وبعد ما اخلص الاجراءات والتحاليل وكده واستنى التأشيرة لما القنصلية تديهالى استعد للسفر فى غضون 3 شهور ولا ايه

ممكن الافادة وتساعدونى فى الموضوع ده

[حماده عبده]

ياجماعه كنت عايز أسأل بس هل ممكن أستقدام زوجتي وأنا مؤهلي دبلوم صنايع و مهنتي في الأقامه( فني ميكانيكي أنتاج) ولا مش ممكن الموضوع ده :rolleyes: ولحضارتكم جزيل الشكر

[herohero]

انا حبيت هنا انقل تجربة يمكن تضيف شيئ ليس اكثر انا اليوم كنت مع صديق ليا هندي روحت معاه عشان الاستقادام المهم هو كان فيه استعباط من شكته انه مهندس ولانه لايعلم العربية فمكنش واخد باله ان مهنته فني ماكينات زراعيه

المهم ف الشركة عدلوا له الهنة الى مهندس بعد اعتماد كافة شهاداته لما ذهبنا اليوم لمكتب الاستقدام لقيت الراجل ف الاستقبال بينبه اي حد عامل او راعي او ميكانيكي او اي مهنه مش مؤهل عالى المهنة لا يسمح له بالاستقدام او الزيارة

ده اللي حصل ادامي هنا ف استقدا الرياض وزميلي عشان كان معدل مهنة طلب منه رخصة العمل من مكتب العمل راح شركته ادوله كارت مخضركده فيه بيانات حاجه زي كعب العمل بتاع مصر وروحت معاه تاني بعد صلاة الظهر اداه لنفس الموظف وخد الورقة الصفراء واموره مشيت عادي خالص

هذه تحجربة رايتها حبيت انقلها يمكن تفيد حد

[حماده عبده]

ياريت يا جماعه العنده فكره عن موضوع الأستقدام يفيدني أنامعايا دبلوم صنايع والمهنه (فني ميكانيكي أنتاج) هل ممكن أعمل أستقدام؟

تم تعديل 14 يونيو 2010 بواسطة حماده عبده