ABO ADAM بتاريخ: 6 يوليو 2008 تقديم بلاغ مشاركة بتاريخ: 6 يوليو 2008 شكرا يا أستاذ لخبطة بس انا جى من دبى مش من مصر و دة حوالى نفس الراتب الى باخدة فى دبى بس انا كنت عايز اعرف كدة مستاهلة ولا خالينى فى دبى مع العلم ان المرتب دة هنا بعد السكن و المصاريف مابتحوش منو ولا مليم و تشكر على الرد عن أبي عبدالله النعمان بن بشير رضي الله عنهما قال : سمعت رسول الله صلى الله عليه وسلم يقول : ( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم رابط هذا التعليق شارك المزيد من خيارات المشاركة
أبوسلطآن بتاريخ: 28 نوفمبر 2008 تقديم بلاغ مشاركة بتاريخ: 28 نوفمبر 2008 (معدل) عايز تتفسحلو إنته عازب ليها طريقة ولو انته متزوج ومعاك عيالك ليها طريقة تانية خالص لو إنته عازب يوم الخميس بالليل هتروح لجماعة بلديتك تسهر معاهم ليله الخميس وتقوم تصلى الجمعة وتتغدى معاهم لو حد في سكن الجماعة دول شغال في شركه هتلاقي معاه عربية الشركة ، هتخرجوا بيها الكورنيش ، تجيبوا الكورنيش من أوله لأخره مشي بالعربيه طبعا أيقاع السير في الكورنيش بطئ لأنه فيه زحمه كتير وعيال مشغالين كاست بصوت عالى وفي الغالب مش هتفهم الكاست بيقول إيه لأنها أغنيه بلغة خليجيه صرفه وكمان العيال بيبقوا مسرعين الشريط(كتير من الشباب السعودي بيعملوا الشرايط بالطريقة دي طريقة التسريع ) عربيات كتير وهتكون عربيتك أقل موديل على الكورنيش هتوصل أخر الكورنيش وهتضطر ترجع تاني أيه بقا المتعة أو الفسحة اللى في كدا ما عرفش ، جو الكورنيش سىء غالباً والرطوبة عالية فيه ، العيال اللى بتبيع حاجات على الكورنيش كلها حاجات عبيطه يعني مش حتى بيبعوا حاجات لها نكهه او طعم مميز لا . لو قعدت على الكورنيش هتلاقي ناس كتير فارشه وقعده اللى بيلعب طاوله ولا بيشوي الكل قاعد متنح ماعدا المصريين ولو بنتين طلعوا يتمشوا كدا لوحدهم ( وياحبذا لو كانتا كاشفات وجوههن ) هتشوف كل أشكال الافتكاسات من الشباب من نوعية الكلام في موبايل من النوعيات الغاليه أو فتح لاب توب في حركة تمثيلية مهروشة أوي أو محاولة الاستظراف ومداعبة طفل في لفته كريمة من الشباب لأظهار مدى لطفهم . بحس أنه الكورنيش دا مكان للتمثيل يعني الكل بيمثل على الكل البنات بتمثل أنها بتتمشى والعيال نفسي الشىء بيمثلوا علشان يلفتوا انتباه البنات ، صاحب العيله اللى مع عائلته بيمثل أنه خايف على عياله لو قربت منهم في القعده شويه يزجرك بنظره معناها ( لا يسلم الشرف الرفيع من الأذى حتى يراق على جوانبه الدم ) وهو نفسه لا يتورع أن يسترق النظرات لو مزة شديده عدت من جنبهم وكمان العائله بتمثل أنها بتشم الهوا في مكان الرطوبه النسبية فيه 100 % ولو هما قاعدين في جنوب الكورنيش هيشموا رائحه المياه الراكدة اللى رائحه المجاري جنبها تعتبر نسيم عليل . العيال اللى ماشيه بالعربيات بيمثلوا أنهم أغنياء في حين لو ففتشت أي واحد فيهم ( رغم فراهة السيارة اللى هو راكبهه ) مش هتلاقي غير بطاقة سوا ب 10 لزوم الدماغ بتاع أخر الليل ويمكن خمسه ريال نقدي أو مافيش والسيارة يابتاع أبوه قسط يابتاع خويه( صاحبه) واخده سلف الليله لزوم الكشخة ( المنظرة ) على الكورنيش ومع أول تفتيش ( وما أكثرها ) على الكورنيش العيال دي بتتفضح . فعلا يالخبطه حكيت الواقع وعندك توصيف رائع جدا للوضع،، ولو ان الاستهزاء بالسعوديين واضح والسخريه من الامور السلبيه واغفال الامور الايجابيه وتمجيد ابناء وطنك وكأنهم فوق النقد هههههههه الا انه اعجبني فعلا ذا الوصف الحقيقي والدقيق تحيتي وتقدير لك وكل مصري مسلم[وسط][/وسط] تم تعديل 28 نوفمبر 2008 بواسطة أبوسلطآن رابط هذا التعليق شارك المزيد من خيارات المشاركة
أبوسلطآن بتاريخ: 28 نوفمبر 2008 تقديم بلاغ مشاركة بتاريخ: 28 نوفمبر 2008 اليوم شووووووووواء فكرة شوي اللحمة مش مترسخة أوي في ذهننا كمصريين لذلك مشاريع الشواء بتكون مستبعدة لكن المثل بيقول (( من عاشر القوم أربعين يوم صار منهم )) والشواء هنا في السعودية اساسي جدا لذلك لما بنطلع البحر أو نروح المنتزهات الفاضيه في طريق الملك أو بنقعد في الجزيرة اللى في طريق الكورنيش أو حتى ابحر الشمالية أو الجنوبية بتكون القاعدة في منتهى الممل يعني هتقعد تبص لزوجتك وهيا تبص لك وتبصوا للأولاد وهما بيلعبوا وتبتسم ابتسامة أبوية وتقولها الأولاد كبروا يانجاة على طريقة عماد حمدي في فيلم الأرض في الحالة دي لازم هيكون حد بيشوى جنبك وريحة اللحمة المشويه هتجيب لك جنان وخصوصا لو كان سوري أو لبناني طبعا دا هيثير جواك عطافة الشوي أول 5 مشاريع شوي هيفشلوا والسبب إنك في كل مره هتنسى حاجه الأوله في الشواء هتكتشف أنك مش عارف تولع الفحم وهتعرف من أهل الخبره انه فيها حاجه اسمها مشعل خاص بإشعال الفحم أكيد هتكون نسيت تجيبها لذلك أول مشروع شواء هينتهي زي نهاية مشروع الخروج في مظاهره من بتوع حركة كفاية يعني هترجع البيت عيونك حمرا والاولاد كمان من الدخان والمحاولات المستميته لاشعال الفحم وهتبدأ شوا قبل الفحم ما يستوى الغريب أن الفحم هيبدأ يجمر و يبقا جاهز للشوا مع أخر حته لحمه هتشيلها من من على النار . الثانية في الشواء هتشتري لحمه زي أي تلميذ – مش فاهم شواء – من عند جزارك المعتاد اللى في الغالب بيكون قليل الضمير والنتيجة النهائية الحصول على لحمة او كفته مشويه بتكون كاوتش وعلشانك أول مره تشوي هتكون كل حاجه مشتراه جديده لذلك هتلاقي عملية الشوي اتكفلت فوق ال 200 ريال وحصلت في النهاية على 2 كيلو لحمة مشويه من أسوأ ما أكلت في حياتك وأعرف كتير من المحترفين يقولوا إن نتيجة التجربة الأولى المريرة دي كادت تودي بحياتهم الشواءيه وكانوا هيتركوه كليا لكن مّن الله عليهم بالصبر . الثالثة في الشواء اللحمة هتطلع طريه والسبب عدم الخبرة في معرفة السوا يعني هتبص ظاهريا وتشوف اللحمة استوت تشيلها وتكون النتجية سمفونية من الشد والجذب مع اللحمة معركة بالاسنان منك ومن الاولاد لكن بردو بعزم المصريين مش هتترمي اللحمة وعلى رأي المثل ( خسارة بطنك ولا خسارة قرشك ) على أن يكون هناك حركة تسويه إلحاقية داخل داخل البطن بمساعدة ال 2 لتر ببسي الكارثة بقا هتكون في اليوم اللى كل حاجه هتكون فيه كامله يعني الفحم والمشعل واللحمة اللى من عند الجزار اللى عنده ضمير لكن الحلو ما يكملش هتكون كمية اللحمة غير كافية ( في الشوي الواحد بياكل قد أكله العادي 30 مره ) وقد تنتهي الرحله بأحقاد مابين افراد العائلة لانه كل واحد هيكون شايف أو آثر على نفسه وقام جعان علشان التاني يعيش احساس الشواء هههههههههههههههههههههههههههههههههه والله انت رهيب يالخبطه والله بتوصف وصف فعلا دقيق بجد يالخبطه عاوز تلفونك نفسي اشوفك بعد اذنك يعني رابط هذا التعليق شارك المزيد من خيارات المشاركة
شاب مصري بتاريخ: 28 نوفمبر 2008 تقديم بلاغ مشاركة بتاريخ: 28 نوفمبر 2008 انت مشكلة يا حج لخبطة ملكش حل بجد دمك عسل :closedeyes: تقدم مصر سيمر بعدة مراحل أول مرحلة هي القضاء على نظام مبارك رابط هذا التعليق شارك المزيد من خيارات المشاركة
لخبطه بتاريخ: 29 نوفمبر 2008 كاتب الموضوع تقديم بلاغ مشاركة بتاريخ: 29 نوفمبر 2008 عمنا أبو سلطان منور الموضوع " اللى كنت نسيته بسبب الانشغال" وسعيد أنه عجبك الاسلوب بخصوص تمجيد الذات وانتقاد الاخرين فدا مش المقصود أبدا والله ولي هنا من السعوديين اصحاب أكثر من أخوات بل وتعملت منهم حاجات جميله كتير ........... فكرة المبالغة لازمه في توضيح الصورة ... بخصوص التليفون يشرفني اني اتصل عليك وهبعت لك التليفون في رساله لما أرجع جدة إن شاء الله الفاضل " شاب فاضل مصري " :lol:ياعم اخجلتم تواضعنا وكلامك شجعني أضيف باقي الاجزاء لكن عذرا لما تيجي الاجازة بقا لانه الدنيا هنا ملخبطة wst:: أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
jamalpody بتاريخ: 29 نوفمبر 2008 تقديم بلاغ مشاركة بتاريخ: 29 نوفمبر 2008 تسلم ايدك يا لخبطه بصراحه موضوعك مسرحيه لذيذه جدا كمل يا عم http://www.youtube.com/watch?v=aSOFf63hPqc&feature=player_embedded#! رابط هذا التعليق شارك المزيد من خيارات المشاركة
ahmed hashem بتاريخ: 29 نوفمبر 2008 تقديم بلاغ مشاركة بتاريخ: 29 نوفمبر 2008 كنت عايز من الأخوة المقيمين في جدة يفيدوني بخصوص معدل الرواتب انا جايلي عرض عمل براتب شامل 7000ريال (شامل السكن وعمل الإقامة) ما عدا التأمين الصحي على صاحب العمل انا مهندس خبرة 5 سنوات وبصراحة خلال سنتين بحث ما جاليش افضل من كدة راتب بس في نفس الوقت مش عايز اكون زي ما روحت زي ما جيت وكمان كنت بستفسر عن شركة بتسفر عن طريق الباخرة السويس-جدة لإني بحب السفر البحري جدا وتكلفة السفر رابط هذا التعليق شارك المزيد من خيارات المشاركة
لولا بتاريخ: 29 نوفمبر 2008 تقديم بلاغ مشاركة بتاريخ: 29 نوفمبر 2008 كنت عايز من الأخوة المقيمين في جدة يفيدوني بخصوص معدل الرواتب انا جايلي عرض عمل براتب شامل 7000ريال (شامل السكن وعمل الإقامة) ما عدا التأمين الصحي على صاحب العمل انا مهندس خبرة 5 سنوات وبصراحة خلال سنتين بحث ما جاليش افضل من كدة راتب بس في نفس الوقت مش عايز اكون زي ما روحت زي ما جيت وكمان كنت بستفسر عن شركة بتسفر عن طريق الباخرة السويس-جدة لإني بحب السفر البحري جدا وتكلفة السفر لو الراتب 7000 والسكن فى سكن الشركه الراتب يعتبر كويس ... لو كان شامل بدل سكن ومواصلات وانتا حتسكن بيه برا فهو مش عرض ممتاز لكن لو كان افضل عرض جالك خلال كام سنه فأعتقد انك مش لازم تترد فى قبوله لأنه مش عرض مجحف كبدايه .. ان شاء الله حيزيد مع الوقت اكيد انتا عارف ظروفك ومدى حاجتك للسفر . ولو كانت الشركه كويسه اتوكل على الله ربنا يوفقك . طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
ahmed hashem بتاريخ: 29 نوفمبر 2008 تقديم بلاغ مشاركة بتاريخ: 29 نوفمبر 2008 شكرا على الإهتمام بالرد اكيد محتاج للسفر عامة انا هسافر وربنا يستر كتر التردد مش كويس ياريت لو حد يعرف اماكن محددة الواحد ينزل فيها جدة يعنى سكن عزاب مع اخوان مصريين يكون بجوار شارع الكورنيش لإني بخاف من الوحدة جدا وكمان ايه افضل وسيلة للذهاب للعمل لحد ما اطلع رخصة واشتري سيارة وربنا يوفق الجميع في هذه الأيام المباركة رابط هذا التعليق شارك المزيد من خيارات المشاركة
Amr Radwan بتاريخ: 30 نوفمبر 2008 تقديم بلاغ مشاركة بتاريخ: 30 نوفمبر 2008 شكرا على الإهتمام بالرد اكيد محتاج للسفر عامة انا هسافر وربنا يستر كتر التردد مش كويس ياريت لو حد يعرف اماكن محددة الواحد ينزل فيها جدة يعنى سكن عزاب مع اخوان مصريين يكون بجوار شارع الكورنيش لإني بخاف من الوحدة جدا وكمان ايه افضل وسيلة للذهاب للعمل لحد ما اطلع رخصة واشتري سيارة وربنا يوفق الجميع في هذه الأيام المباركة مرحبا بك في جده بص يا حبيبنا .. انت بس توصل بالسلامة .. و هتلاقي حواليك كتير .. بس تعالي انت بالسلامة و تواصل معانا .. و الحمد لله احنا هنا اسرة واحدة بنحب بعض و بنخدم بعض و بنقف جمب بعض .. و الحمد لله .. "إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ" قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم رابط هذا التعليق شارك المزيد من خيارات المشاركة
alsaher بتاريخ: 30 نوفمبر 2008 تقديم بلاغ مشاركة بتاريخ: 30 نوفمبر 2008 كنت عايز من الأخوة المقيمين في جدة يفيدوني بخصوص معدل الرواتب انا جايلي عرض عمل براتب شامل 7000ريال (شامل السكن وعمل الإقامة) ما عدا التأمين الصحي على صاحب العمل انا مهندس خبرة 5 سنوات وبصراحة خلال سنتين بحث ما جاليش افضل من كدة راتب بس في نفس الوقت مش عايز اكون زي ما روحت زي ما جيت وكمان كنت بستفسر عن شركة بتسفر عن طريق الباخرة السويس-جدة لإني بحب السفر البحري جدا وتكلفة السفر أخي الكريم حسب معرفتي المتواضعة لز كنت مهندس مدني (إنشائي) أو معماري فالراتب قليل شوية لأنه الوضيفتين دول معدلات رواتبها زادت السنين الآخيرة وبالنسبة للسكن أن يكون قريب من الكرنيش فده صعب لأنه بيكون غالي جدا جدا بعدين مش مستاهل للدرجة دي حسب مكان عملك فين لأنه زحمة الطرق الصبح ممكن تعملك قلق جامد وبالتوفيق إن شاء الله رباه إن لم اكن أهلا لبلوغ رحمتك *** فإن رحمتك أهلا لتبلغني لأنها وسعت كلّ شيء رابط هذا التعليق شارك المزيد من خيارات المشاركة
ترنيم بتاريخ: 18 ديسمبر 2008 تقديم بلاغ مشاركة بتاريخ: 18 ديسمبر 2008 انت فين يا أستاذ لخبطة الكمبيوتر اتكسر من خبط راسك فيه ولا ايه؟ أنا قولت أفكرك انك تكمل موضوعك الرائع ربنا يجازيك خير نحن فى الانتظاررررررررررر وحيدة في غربتي ...أسيرة في عزلتي ....الي حين ألقاكم يا أحبتي رابط هذا التعليق شارك المزيد من خيارات المشاركة
لونا بتاريخ: 19 ديسمبر 2008 تقديم بلاغ مشاركة بتاريخ: 19 ديسمبر 2008 و انا كمان اؤيدك يا ترنيم فى دعوة لخبطة لاكمال موضوعه اللى كل ما اقرؤه يعلو صوتى بالضحك من دقة الملاحظة و جمال الاسلوب و خفة الدم و الواقعية الشديدة ربنا آتنا في الدنيا حسنة .. و في الآخرة حسنة .. و قنا عذاب النار .. يا رب .. احفظ مصر و المصريين رابط هذا التعليق شارك المزيد من خيارات المشاركة
Eng Eslam بتاريخ: 19 ديسمبر 2008 تقديم بلاغ مشاركة بتاريخ: 19 ديسمبر 2008 (معدل) السلام عليكم ورحمة الله وبركاته طبعا التحية الاول للناس المشرفة على المنتدى المفيد ده ودى اول مشاركة ليا ويا رب ما تكونش الاخيرة ان شاء الله انا مهندس شبكات اتنقلت قريب للعمل هنا فى جدة بقالى تقريبا شهرين او اكتر شوية ولحد دلوقتى لسة ساكن فى شقق مفروشة ومش لاقى سكن مناسب طبعا على اساس انى لسة عازب ف يبقى موضوع البحث عن سكن مناسب ده يعنى صعب الا طبعا لو ليك معارف فى البلد اوحاجة للاسف انا ما ليش معارف كتير (او قليل) فى جدة ف اذا كان فى هنا ناس تقدر تساعدنى يبقى الشكر موصول ليهم وانا باردو بادور عن نفسى والله المستعان وشكرا للجميع تم تعديل 19 ديسمبر 2008 بواسطة Eng Eslam رابط هذا التعليق شارك المزيد من خيارات المشاركة
ozoozo بتاريخ: 19 ديسمبر 2008 تقديم بلاغ مشاركة بتاريخ: 19 ديسمبر 2008 هعتقد عليك وعلي حي الجامعه كله مصريين رابط هذا التعليق شارك المزيد من خيارات المشاركة
Eng Eslam بتاريخ: 20 ديسمبر 2008 تقديم بلاغ مشاركة بتاريخ: 20 ديسمبر 2008 طيب شكرا ليك يا اوزوزو على الرد و لو حد هنا ساكن فى حى الجامعة يا ريت يفيدنا و لو حد عنده معلومة تفيد فى حكاية السكن دى ما يبخلش علينا بالرد فين الاستاذ لخبطة والاستاذ سى السيد ؟ وشكرا مرة تانية للجميع رابط هذا التعليق شارك المزيد من خيارات المشاركة
hamada بتاريخ: 22 مارس 2009 تقديم بلاغ مشاركة بتاريخ: 22 مارس 2009 ياجماعة انا دى اول مشاركة ليا وعلى فكرة انا استفدت جدا من حوارتكم فى انى اطلع رخصة السياقة(ده اللى مكتوب بالرخصة) وحوراتكم عن دلة افادتنى كتير وقررت انى اكون واحد منكم وفعلا السودانيين يضرب بيهم المثل فى الجدعنة والوقوف فى الازمات رابط هذا التعليق شارك المزيد من خيارات المشاركة
لخبطه بتاريخ: 22 مارس 2009 كاتب الموضوع تقديم بلاغ مشاركة بتاريخ: 22 مارس 2009 أولاً اســـــــــــــــــــــــــــــــــــف اسف كبيرة للناس المحترمة اللى ردت على الموضوع واناولا هنا لكن عذري إن المنتدى ما بيعتش رسايل يقول أنه فيه مشاركات وبالصدفة جاتني رساله تنبيه ولقيت كتير ردود وشاكر لكم على ثناءكم على الموضوع شكرا للأساتذة لونا ترنيم وياريت أكون عند حسن ظنكم والله بحاول أكتب كام جزء لكن الدنيا زحمه في الشغل كمان بخاف منكم اكتب حاجه وتطلع أقل من السابق :) لكن ربنا يقدر أنا لا أكتب الأشـــعار فالأشعـــــــــار تكتبني أريد الصمت كي أحيا ولكن الذي ألقاه ُينطقني رابط هذا التعليق شارك المزيد من خيارات المشاركة
ترنيم بتاريخ: 22 مارس 2009 تقديم بلاغ مشاركة بتاريخ: 22 مارس 2009 أخيرا ظهرت يا أستاذ لخبطة ............... :Exclam: :Exclam: :Exclam: عود أحمد ..............:D :D :D يلا مستنين جولاتك الجاية ha) ha) ha) وحيدة في غربتي ...أسيرة في عزلتي ....الي حين ألقاكم يا أحبتي رابط هذا التعليق شارك المزيد من خيارات المشاركة
ابو حودة بتاريخ: 5 نوفمبر 2009 تقديم بلاغ مشاركة بتاريخ: 5 نوفمبر 2009 انا جديد في جدة والموضوع عجبني لاني فعلا معي عائلة ولسة مش عارف الاماكن اللي ممكن اخرج فيها مع العائلة وياريت نكمل رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان