سر النجاح

[Lancelot]

وصلتني عن طريق الفورورد هذه الرسالة ..... و عجبتني أوي ... و جعلتني أفكر ....

Sir, What is the secret of your success?, a reporter asked a bank president

BP: Two words

R: And, Sir, what are they

BP: Right decisions

R: And how do you make right decisions

BP: One word

R: And, What is that

BP: Experience

R: And how do you get Experience

BP: Two words

R: And, Sir, what are they

BP: Wrong decisions

لكن فعلا هل هناك سرا للنجاح .... طبعا التوفيق من عند ربنا ... لكن الواحد لازم ياخد بالأسباب ... و في السنوات الأخيرة – أو ربما قبلها – ظهرت كتب كثيرة تتحدث عن النجاح و الوصول إليه ... في البداية كانت موجهة لرجال الأعمال و الناس بتوع البيزنس ... لكن بعد كده أصبحت الكتب ديه للناس العادية ... و الكتب ديه بدأت تنتشر في مصر .... أنا مش ضد إنتشارها .. بالعكس أنا حتي إشتريت واحد من الكتب ديه ... و هو كتاب مترجم .... الكلام اللي فيه منطقي للغاية ... و يعطي تسلسلا منطقيا لأي حد عايز يعمل حاجة فعلا ....

بإختصار .... الأول لازم تعرف إنت عايز إيه .. علشان لما توصل تعرف إنك وصلت ...

و بعدين لازم تحدد قدراتك لأن علي ضوء قدراتك هتحدد مقدار نجاحك ... يعني أنا واد مليش في المذاكرة و إنت واد مقطع الكتب ... لما تظهر النتيجة و أكون أنا ناجح بمقبول في كل المواد بجيد في مادة واحدة .. و إنت جايب إمتياز في كل المواد ماعدا مادة واحدة جايب فيها جيد جدا .... افرح أنا و تزعل إنت ... لأن أنا وصلت للي أنا عايزه و أكتر شوية أما إنت لم تصل .. رغم إن اللي وصلتله أحسن بكتير من اللي أنا وصلتله ... علشان كده لازم تعرف قدراتك علشان ما تحملش علي نفسك أكتر ما تستحمل ... و ما تقللش من قدر نفسك .....

بعد كده تحط خطة علشان توصل للي إنت عايزه .... يعني عايز تبقي دكتور ... لازم تدخل كلية الطب .. و علشان تدخل الكلية ديه لازم مجموع كبير ... و علشان كده لازم تذاكر كويس ..... و هكذا ....

بعد كده ..... تنفذ بالتوفيق إن شاء الله ....

طبعا كل ده يتطلب ثقة بالنفس و إيمان بالله .... لأن دول سلاحك في مواجهة أي إضطرابات في طريقك ..

الكلام ده كله نظري بحت ... أنا لم أجرب أي من هذا لأن تجربتي أقصر من أن تحوي أي من هذا ... لكني أثرت الموضوع علشان أستفيد من خبرة الناس الكبار ....

شكرا لوقتكم .....

[أسد]

هذه المقولة هي الأساس .. فالنجاح .. ليس ضربة حظ تأتيك من حيث لا تدري

فلا يوجد شخص ناجح لم يسعي ويجتهد لتحقيق هذا النجاح

والسعي بمعني بذل الجهد والإجتهاد

وبالفعل .. لا بد من تحديد هدف أساسي .. وتتحرك في الإتجاه المناسب بالخطوات والإجراءات المناسبة لتحقيق هذا الهدف .

واتخاذ كافة السبل والأخذ بكل الأسباب لتحقيق هدفك

والمعنى هنا هو أخذ كل الطرق المشروعة

فإذا فعلت ذلك .. فانتظر فقط التوفيق .. من الله ..

وأيضاً تيقن من أن الله لا يضيع أجر من أحسن عملاً

فهذا عهد أخذه الله على نفسه تجاه عباده

ان الله لا يضيع أجر من أحسن عملاً

[بنت شعنونة]

المشكل يعني ايه نجاح؟

كل واحد فينا ليه مقياس مختلف للنجاح

يعني انا لم نجحت دور تاني في الكلية دا كان قممممممممة النجاح بالنسبة ليا مع انه قمة الفشل لغيري

المشكل في النجاح هوا انك تكون راضي

يعني هل انت راضي عن مستواك ايا ما كان او لا؟

لو انت راضي

تبقى ناجح بمقياسك انت

ولو لا

تبقى مش ناجح

انما المهم انت عاوز مين مقياسك ام مقياس الغير

انا ماشيا في الدنيا بمقياسي وبس

ولو اني اوقات اتاثر بمقياس الغير

لكن رحم الله امرءا عرف قدر نفسه..

بس المشكبة بقى

امتى تعرف انك ناجح؟؟

[Lancelot]

ان الله لا يضيع أجر من أحسن عملاً

الواحد لازم يؤمن بكده طول الوقت علشان يكون متأكد إن مجهوده مش رايح علي الفاضي ... و ده شئ مهم إنك تشوف الهدف دايما قدام عينيك علشان تعرف توصله ...

بنت شعنونة .... الرضا عامل مهم أوي في تحديد الإنسان لنفسه إذا نجح و لا لا ... و علشان كده الواحد لازم يقيس هدفه علي أد قدراته مش أكبر و لا أقل ... و لكن الرضا شئ علي أد ما هو كويس أوي شعوريا .. لكن في نفس الوقت مضر جدا .... لأن الواحد لو رضي عن نفسه علي طول الخط هتبقي كارثة و عمره ما هيتقدم ... و ديه مشكلتنا في مصر ... حالة عجيبة من الرضا ... فقط تذمر .. كلام في كلام ... و لكن عدم رضا حقيقي و رغبة في التغيير .. مفيش .....

بس المشكبة بقى امتى تعرف انك ناجح؟؟

علشان كده بنقول الواحد لازم يكون عنده ... لونج تيرم بلان ... خطة طويلة المدي ... علشان كل شوية يقف مع نفسه و يسأل نفسه أنا وصلت فين ........ صح و لا لأ ....