اجراءات الهجرة الي كندا من الالف الي الياء

[maher]

أنا مبرمج أعمل في الرياض و عايز أتقدم بطلب هجرة لكندا عن طريق السفارة

أنا عاوز أعرف كم المدة حتى أستلم التأشيرة

لأنو اسمعت أنو طلعت قوانين جديدة للهجرة تراعي حاجات السوق الكندي وأنا قرأت في الموقع الرسمي للهجرة CIC.GC.CA

أنو كندا تعاني نقص شديد في المبرمجين فهل هذا الأمر يعجل من سرعة معالجة طلب الهجرة

أرجووووووكم للعندو معلومات مؤكدة يجاوبني

[drhossam]

السلام عليكم جميعا .. أنا عضو جديد في المنتدى .. الحقيقة المنتدى رائع و في ناس أفاضل .. و اتمنى اني أقابل الأعضاء الكرام بإذن الله في كندا لما ربنا يحقق لنا امانينا_.. قولوا آمين .. الأستاذ الدكتور الشامي ألف مبروك و حمد الله ع السلامة أنا طبيب عام في ابها يعني لو زي ما أنا فهمت ان حضرتك في جدة ..يبقى بيني و بينك 850 كيلو بس ...... الأخ الغالي هشام الكندي ان شاء الله ...عاجبني فيك إصرارك ربنا يكرمك وينولك اللي في بالك.. أنا كنت هستعجل واعمل زيك وقدم فيدرالي في شهر 7 اللي جاي واكتب حاجات ممكن تحصل في خلال 3 أو 4 سنين عشان أحصل ال 67 نقطة و أقدم بدري سنة .. لكن زي ما أنت عارف في جملة في الاستمارة بالخط العريض بتقول you ‎must ‎fulfill ‎all ‎criteria ‎at ‎the ‎time ‎you ‎submit ‎your ‎application ‎..لذلك أنا قررت أعمل زيك و استنا للسنة الجاية أذاكر شوية فرنساوي يمكن لو لقيت نفسي متكمن أقدم كيبيك واختصر الوقت مع العلم اني لا أفقه شيء في الفرنساوي حاليا .. لكن جزاك الله خيرا وباقي الاخوة اللي شاركوا في باب كورسات اللغة .... الأخ meeeedoooo‏ اظن أنت طبيب بشري وكنت سألت قبل كده عن المعادلة ..أنا الحمد لله امتحنت الجزء الأول في الرياض ونجحت .. فلو عندك أي استفسار أنا تحت امرك ....... اخوكم د. حسام

[bent misr]

الأخت سميه صالح هيه دي الخطوات بالضبط :lol:

بس أنا كنت فاكره ان الفايل نمبر هوه الي أخذناه يوم ما سلمنا الابليكاشن

يعني المفروض ان السفاره تبعت الرقم في خلال 4 شهور أرجو التأكد والرد عليه

لو سمحتي ؟ :blink:

الأخ هشام أنا تحت أمرك في أي استفسار على حد علمي :blink:

و على فكره مفيش أي ورق مطلوب منك تقدمه مع الابليكاشن

لحد ما همه يطلبوا الاوراق الي همه عاوزنها.

و بالنسبه ل minimum criteria يعني الحاجات الاساسيه من حيث

التعليم و السن و الخبره الفلوس ( الرصيد ) و ده طبعا حسب عدد أفراد

الاسره...و على فكره أي شئ يجد بعد التقديم لازم تبعته في جواب للسفاره

و طبعا الزواج بيعلي النقاط.

يلا روح و قدم علطول ان شاء الله.

بنت مصر :ninja:

[SEMSEMS]

شكرا استاذ هشام علي الموضوع المتميز واتمني مقابلتك في كندا قريبا ان شاء الله

عندي سؤال :

النقطة رقم 26:

what is NOC

أكتب ايه في

YOUR PROFICIENCY IN FRENCH

النقطة 27

DETAILS OF FAMILY MEMBERS

هل دي للمتزوجين فقط ولا أكتب فيها اسماء اخواتي ؟

النقطة 22

FORMAL YEARS OF EDUCATION

هل دي من أول الحضانة ولا الثانوي ولا الجامعة ؟

شكرا جزيلا يا جماعة

[SEMSEMS]

هل من مجيب؟

[AboAsem]

SEMSEMS

أسمح لى أرد على أسئلتك

what is NOC

National Occupational Classification (NOC) is the nationally accepted reference on occupations in Canada

شوف ده http://www5.hrsdc.gc.ca/NOC-CNP/app/AboutNOC.aspx?lc=E

ببساطه هى قائمه بها كل أسماء الوظائف الموجوده بالسوق الكندى مقسمه إلى مجموعات و لكل وظيفه رقم محدد فى القائمه ، لأن أثناء ملىء الطلب ستحتاج إلى ذكر الوظائف التى شغلتها ، و ستبحث عن رقم هذه الوظيفه فى NOC و تكتب رقمها فى الطلب.

أكتب ايه في

YOUR PROFICIENCY IN FRENCH

مستوى إتقانك للفرنسيه ، ممكن تكتب مستواك الحالى ، فيه ناس بتكتب مستوى أعلى من الواقع حالياً على أساس أنهم سيحسنون لغتهم فى المستقبل القريب ، طبعاً ستحتاج لاحقاً إلى أرسال شهادات تثبت مستواك فى اللغه الفرنسيه و الإنجليزيه و لكن ليس عند تقديم الطلب

DETAILS OF FAMILY MEMBERS

هل دي للمتزوجين فقط ولا أكتب فيها اسماء اخواتي ؟

نعم للمتزوجين فقط ، العائله هى الزوجه و الأبناء و لا علاقه للأقارب الأخرين بالطلب

FORMAL YEARS OF EDUCATION

هل دي من أول الحضانة ولا الثانوي ولا الجامعة ؟

من إبتدائى حتى أخر مستوى تعليمى وصلت له (جامعى - ماجستير - دكتوراه)

إكتب إجمالى عدد السنوات

بالتوفيق أبو عاصم

[drpharma]

رحت فين يا اخ تورونتو والله مفتقدينك وخصوصا انا لاني لقيت حل لمشكله جواب التامينات يا رب يكون المانع الي باعدك عننا خير

[مسافرة]

السلام عليكم و رحمة الله

الاخ drpharma

رجاء قل لى ماذا فعلت فى موضوع جواب التامينات ؟ وهل الحل رسمى و قانونى ؟

أصل انا برضه عندى مشكلة فى اثبات الخبرة .. كل اللى عندى جواب من الشركة بيقول انى اشتغلت سنة.. و خايفة جدا السفارة ما تعترفش بيه و لا قدر الله الطلب يرفضوه عشان السبب ده بس بعد ما اكون كملت كل الطلبات التانية و صرفت و دخت فى تجميع الورق و علقت امل فى الهجرة

شكرا مقدما

[SEMSEMS]

SEMSEMS

بالتوفيق أبو عاصم

ألف شكر لحضرتك يا ابو عاصم

حقيقي رد وافي كافي

الله يوفقنا جميعا لما يحب ويرضي

[هشام الكندي ان شاء الله]

يا جماعه بجد وحشتوني وحشتوني وحشتوني

و الله كل ما بفضي نص ساعه و لا حاجه باجي جري علي المنتدي علشان اسلم علي كل حبايبي, خايف اذكر اسماء احسن انسي حد من حبايبي

علي العموم ربنا معاكم و كله يهاجر بسلام

سلامي الي تورنتو و ايهاب سالم و سمسم و كابتشينو و مزاميزو و الشامي و مسافرة و استاذه سميه و مصريه و مغتربه و قرنفل و ابو عاصم و بنت مصر و اخيرا و ليس باخر بدريه

ارجو ان يعذرني كل من لم يذكر اسمه لاني قلت بسرعه كدا في ساعه صربعه

ربنا مع الجميع و يحقق لكم كل احلامكم

هشام الكندي ان شاء الله

[مسافرة]

حمد الله على السلامة يا هشام..........

قدمت و لا لسة ؟

يالا اتكل على الله و قدم ماتضيعش وقت..

سلامى و بالتوفيق

[abee]

بالنسبة للابليكشن في نقطة

19Your current occupation

هل لازم تكون متناسبة مع ال NOC

علي سبيل المثال انا الوظيفة بتاعتي مش موجودة بالاسم في الnoc و لكن في حاجة قريبة عليها و ليها نفس المهام و الفاعلية

في النقطة 26 برضو سؤال زي كده

26your work experience

هنا انا عندي شهادة خبرة من مكان سابق و لكن ايضا التسمية بتاعت ال noc مش متطابقة مع شهادة الخبرة

هنا هل اكتب ال noc code و التسمية كما هي في شهادة الخبرة ؟

ام اعود الي مديري السابق لعمل شهادة متطابقة بالتسمية مع ما هو موجود في ال NOC

تحياتي للجميع

[abee]

سؤال عن الابليكشن مرة اخرى

النقطة 6 :

Your country of residence

دي مفيهاش مشكلة ,,

المشكلة في Since when

انا كنت بشتغل برة و رجعت , التاريخ هيكون من يوم ميلادي في البلد و لا من يوم مرجعت من برة

تحياتي و شكرا علي المساعدة

[فــيــروز]

عندى استفسار ممكن يكون غبى شويه دلوقت أمّا الواحد يحب يحسب النقاط الخاصّه بالمؤهل

يعنى الأوبشن اللىّ أظنّه ملائم ليّا هو ده

Obtained a university degree of two years or more at the bachelor’s level and completed at least 14 years of full-time or full-time equivalent studies

بس الفكره إن الدراسه السابقه على الجامعه عدد سنينها 12 بس مش 14 !! يبقى أى اختيار أنسب !! :hi: خصوصا إن كل الاختيارات بيسألوا يا إمّا عن 13 سنه أو 14 و همّا فى مصر 12 بس قبل الجامعه :hi: أجيب الفرق منين !!

[الأهلاوي الأصيل]

عندى استفسار ممكن يكون غبى شويه دلوقت أمّا الواحد يحب يحسب النقاط الخاصّه بالمؤهل

يعنى الأوبشن اللىّ أظنّه ملائم ليّا هو ده

Obtained a university degree of two years or more at the bachelor’s level and completed at least 14 years of full-time or full-time equivalent studies

بس الفكره إن الدراسه السابقه على الجامعه عدد سنينها 12 بس مش 14 !! يبقى أى اختيار أنسب !! :hi: خصوصا إن كل الاختيارات بيسألوا يا إمّا عن 13 سنه أو 14 و همّا فى مصر 12 بس قبل الجامعه :hi: أجيب الفرق منين !!

ال 14 سنة داخل فيهم كل سنين التعليم سواء السنين قبل الجامعة أو سنوات الدراسة في الجامعة نفسها

يبقى عندك 12 قبل الجامعة + 4 أو 5 أو 6 بتوع الجامعة حسب كليتك

[فــيــروز]

ال 14 سنة داخل فيهم كل سنين التعليم سواء السنين قبل الجامعة أو سنوات الدراسة في الجامعة نفسها

يبقى عندك 12 قبل الجامعة + 4 أو 5 أو 6 بتوع الجامعة حسب كليتك

شاكرين مهللين يا فندم

أنا فكّرت بردو يكون ده قصدهم بس قلت طيب هيحسبوا سنين الكليّه مرتين ليييييييه :hi: عموما سلو بلدهم كده :hi:

[bibito]

الاخوة الاعزاء

سؤال اخر انا حاصل علي بكالوريوس وبعدين عملت دبلومة دراسات عليا لمدة سنة يعني اجمالي سنين الدراسة 17 سنة فكم اعطي لنفسي من النقاط 20 أم 22 .

سؤال اخر انا كنت اعمل باحد الاشغال وبعد ترك العمل اكتشفت ان العمل قام بالتامين علي بعد سنة ونصف من عملي لديهم حيث انني بدأت العمل 1/9/2000 وتم التامين في 3/2002 ثم عملت في مكان اخر من 2/2004 وحتي الان فهل اكتب في الاستمارة خبرة العمل من تاريخ العمل ام من تاريخ التامين وهل اضيف الخبرة الاولي للثانية ام لا.

زوجتي حاصلة ايضا علي بكالوريوس فهل تعطيني 4 ام 5 درجات لانني وجدت بعض الاصدقاء بمنتديات اخري يقولوا ان الزوجة تعطي 5 درجات ومواقع اخري 4 علما بان سنين الدراسة لها 15 سنة.

وسمعت ان المتزوج ولدية اطفال يكون له اولويات في القبول فهل هناك درجات علي الاولاد.

وهل هناك اي مكان يعطيني فرصة عمل لدية وكيف

ارجوا الافادةمن الاخوة بالمنتدي لتعم الفائدة

[nona alawaal]

طب يا جماعة ... انا فعلا باملى الابليكشن اهه

Application for permanent residence

Federal skilled worker class

simplified application process

IMM 0008

و ديه انا نزلتها من موقع ال CIC من على النت ... تمام كده

كنت البارح وقفة عند السؤال 18 و الحمد لله اتحلت هكتب (ايدمونت ) تمام كده

اليوم انا حيرانة فى سؤال LANGUAGE .....23

هل يمكننى اكتب فى اللغة الثانية الفرنسى BASIC للاربع مهارات .... و له كده متتحسبش

و بعدين انا مطلبة ااخذ الايلت للانجليزى .......

ماذا عن اللغة الثانية ؟؟؟ هل لها امتحان هى الاخرى؟؟؟؟

شكرا على المساعدة

ربنا معانا كلنا

و كل عام و حضرتكم بخير

[nona alawaal]

الاخوة الاعزاء

سؤال اخر انا حاصل علي بكالوريوس وبعدين عملت دبلومة دراسات عليا لمدة سنة يعني اجمالي سنين الدراسة 17 سنة فكم اعطي لنفسي من النقاط 20 أم 22 .

سؤال اخر انا كنت اعمل باحد الاشغال وبعد ترك العمل اكتشفت ان العمل قام بالتامين علي بعد سنة ونصف من عملي لديهم حيث انني بدأت العمل 1/9/2000 وتم التامين في 3/2002 ثم عملت في مكان اخر من 2/2004 وحتي الان فهل اكتب في الاستمارة خبرة العمل من تاريخ العمل ام من تاريخ التامين وهل اضيف الخبرة الاولي للثانية ام لا.

زوجتي حاصلة ايضا علي بكالوريوس فهل تعطيني 4 ام 5 درجات لانني وجدت بعض الاصدقاء بمنتديات اخري يقولوا ان الزوجة تعطي 5 درجات ومواقع اخري 4 علما بان سنين الدراسة لها 15 سنة.

وسمعت ان المتزوج ولدية اطفال يكون له اولويات في القبول فهل هناك درجات علي الاولاد.

وهل هناك اي مكان يعطيني فرصة عمل لدية وكيف

ارجوا الافادةمن الاخوة بالمنتدي لتعم الفائدة

الSPOUSE او الCOMMON - LAW PARTNER بيعطى فى حالة البكالوريوس اربعة درجات بس بغض النظر عن كونه الزوجة او الزوج ... هو مفيش درجات على الاولاد :ninja: فيه على الزواج الله الموفق

[الأهلاوي الأصيل]

ال 14 سنة داخل فيهم كل سنين التعليم سواء السنين قبل الجامعة أو سنوات الدراسة في الجامعة نفسها

يبقى عندك 12 قبل الجامعة + 4 أو 5 أو 6 بتوع الجامعة حسب كليتك

شاكرين مهللين يا فندم :ninja:

أنا فكّرت بردو يكون ده قصدهم بس قلت طيب هيحسبوا سنين الكليّه مرتين ليييييييه :lol: عموما سلو بلدهم كده :lol:

العفو...هما بيبقوا عايزين يعرفوا إجمالي سنوات التعليم بما فيها الجامعة ، حتى لو فيه ماجستير ودكتوراه تتحسب السنين بتاعتهم معاهم

وتاخدي ال 25 نقطة بتوع التعليم كاملة لو عندك 17 سنة تعليم + ماجستير أو دكتوراه