اجراءات الهجرة الي كندا من الالف الي الياء

[nona alawaal]

الاخت الفاضلة نونا

قيل والله اعلم

انك لو غير واثقة من الفرنساوي اكتبي none احسن ما تطلع في دماغهم ويسالوكي فيه

ده طبعا لو درجاتك متظبطة

شكرا لك أستاذ قناوى , يعنى افرض ان درجاتى جابت ال67 بتاعتهم بالايلتس يطلبوا منى برضه امتحان الفرنساوى بتاعهم ، لمجرد انى كتبة basic , modret؟؟؟؟

و بعدين اكتب none و له N/A

طب كده انا اكتب ايه فى الثكند اوفيشيال لانجوتش ...

و بعدين انا شيفة انه الافضل انى اكتب the second official language: French

with skills of 2 modert and 2 basic .................. و لو جبت الدرجات المطلوبة فى الايلت و طلبوا حتى منى الامتحان دى لغة الواحد مستواه بيتقدم او بيتأخر فيها وفقا الى عده عوامل التمرين و الاستخدام مثلا .. فى الانجليش انا كتبة

write and speak: high

listen and read : modret

و لكن يمكن لما اجى اعمل الامتحان الاقى العكس صح

انا كنت ناوية انى اروح البنك اليوم و بعده على السفارة و اخلص من مرحلة التقديم علشان ابدا اركز فى مرحلة الدراسة اذا كانت لغات او غيره بس ربنا ما اردش

فهل السفارة بتستقبل الابليكشن فقط يوم الخميس من 10 - الى 12 .. و باقى ايام الاسبوع لا

شكرا جزيلا

و كل عام و حضرتكم جميعا بخير

تم تعديل 21 أغسطس 2008 بواسطة nona alawaal

[nona alawaal]

الاخت الفاضلة نونا

قيل والله اعلم

انك لو غير واثقة من الفرنساوي اكتبي none احسن ما تطلع في دماغهم ويسالوكي فيه

ده طبعا لو درجاتك متظبطة

الاستاذ الفاضل قناوى : انا اطلعت على الموقع بتاع الcic تانى ووفقا للورق بتاعهم اننا ممكن نختار لغة الانترفيو يعنى English or French or any other language

على شرط انك تدفع ثمن المترجم ... بس طبعا هيكون شكلها وحش لو رايح لبلد مش عارف لغتهم

فمعتقدش انهم هيطلع فى دمغهم يعملوا الانترفيو معانا بلغة غير اللى احنا مختارنها .. هى ممكن بس يغلسوا و يقولوا امتحان الفرنساوى .. بس ساعتها لو مغطية الدرجات بالايلتس هيبقى ملهوش لازمة بس ........ كده و لا ايه ؟؟؟

[makarawad]

ألاخوه الافاضل

انا كنت سالتكم عن موهلى حيث اننى بكالريوس هندسه وسبعه عشر عام دراسه بس هو عدد النقاط 20 وليس 22

بخصوص اللغه انا عملت الايلتس كذا مره ولسه مجبتش سبعتيين وكان مقدميش حل لانهم طلبوه غير انى ابعت الجوابات من الشغل ومن الجامعه وكلنى حجزت امتحان تانى

وانا مستنى ردهم وهو رد من التلاته

اولا قبلو الجوابات ودى معجزه والله واعلم

ثانيا طلب الايلتس مره اخرى

ثالثا رفض الملف

وفى كل الحالات لا استطيع غير قبول الرد والتصرف معه ولكن بعد ثلاث سنوات ومصاريف لا املك غير ان اقول اذا شاء الله ورفض الملف فلن استطيع التقديم مره اخرى لانها عمليه مرهقه

وساوافيكم بالنتيجه ان شاء الله ولكن ليا رجاء من له حاله مماثله فليعرفنا ماذا حدث

مشكوريين

[nona alawaal]

بكالوريوس بتاعك 22 نقطة يعني 65 عيد الامتحان وجيب 7 في اي قسم توصل 67

انتم يا جماعة سبقنى ,,,, ممكن نعرف من اللى سبقونا هو امتحان الايلتس بيخوف اوى كده ................ززانا بالفعل خيفة بس فيه ناس بتقول انه سهل ........الحقيقة ايه

[makarawad]

لا امتحان الايلتس مش صعب بس محتاج تدريب كويس والفكره انك تجيب سبعات مش اى درجه

لانه فرق كبير بين سته ونصف وسبعه بالنسبه لكندا لكن بالنسبه للامتحان ممكن تكون كلمه واحده

[nona alawaal]

لا امتحان الايلتس مش صعب بس محتاج تدريب كويس والفكره انك تجيب سبعات مش اى درجه

لانه فرق كبير بين سته ونصف وسبعه بالنسبه لكندا لكن بالنسبه للامتحان ممكن تكون كلمه واحده

شكرا جزيلا و ربنا يوفقك فيه المرة القادمة

و يوفقنا ان شاء الله

[مسالم]

السلام عليكم ..

انا الحقيقه ماليش اي علاقه بالموضوع ده .. غير اني حسيت ان فيه ناس كتير جدا مقدمين للهجره وحسيت اني بتحلزق معاهم علشان اهاجر كندا .. مش عارف ليه .. انا شعرت ان اعضاء المنتدى جميعاً عاملين مخطط من ورايا وواقفين في طابور الهجره .. قلت لأ .. الحق يابو احمد .. لحسن تلاقيك بتكلم نفسك على المدى القريب .. ؟؟!!

ولاهتمامي الزائد بالموضوع اللي انا لست طرف فيه الى الان .. وجدت منتدى باللغه الانجليزيه يمكن يساعد اخوانا واخواتنا اللي ناويين يقطعوا كندا .. بالتوفيق ان شاء الله ...

لكن انا كان عندي سؤال واستفسار .. انا شايف ان معظم المتقدمين للهجره .. من المغتربين اصلاً في دول عربيه .. يعني احسن حالا من اخوانا المطحونين في مصر ... السؤال ... ليه ... ايه الهدف .. مادي .. معنوي ... ايه بالظبط .. ياريت حد يقولي اجابه منطقيه ..

http://www.canadavisa.com/canada-immigrati...ard/index.php#2

تم تعديل 22 أغسطس 2008 بواسطة مسالم

[مسالم]

مره اخرى السلام عليكم..

الاخوه المهندسين الافاضل وبالاخص الذين لديهم طموحات العمل في كندا على وظيفة مهندس مشاريع .. ارجو ان تشاهدو هذا الموقع الذي يبحث عن مهندسين مشاريع في كل مجال .. فقط في كندا ...

http://www.pmjob.ca/

قبل تقديم الCV يجب اعدادها بكل عنايه حتى لا تضيع فرصة التقديم .. ومن ثم الوظيفه ...

ربنا يوفقكم ..

عايزين نسمع اخبار حلوه ... :sad:

[nona alawaal]

يا جماعة معلش عندى سؤال

فى اتصال لى اليوم بمكتب برزى للهجرة الى كندا حيث انه عامل اعلان فى احدى الجرائد على توفير عروض عمل موثقة لتسرع و تدعيم اجرائات الهجرة

اللى ردت عليه قالت لى لازم اجيب بما يثبت ان يوجد ليه فى البنك 100 الف جنيه و شهادة الايلتس عند تقديم الابليكشن

فهل الكلام ده صحيح ........ ارجوا التأكد و اللى سبقونا يقولوا لنا

مع العلم انا مش ناوية اقدم عن طريق اى محامى ......... الموضوع ما يستهلش اروح لمحامى يملى الابليكشن فى ظل وجود موقع cic و منتداكم الموقر[/color]

تم تعديل 22 أغسطس 2008 بواسطة nona alawaal

[somayasaleh]

يا سيدي ممكن تدفع من أي فرع (هذا والله أعلم)... المهم يدخل حسابهم ف الآخر.

همه مش أغبياء للدرجادي!

لكن يستحسن الفرع اللي جمبهم ده لسببين:

1. إنتا كده كده هتروح تقدم الفايل للسفارة ، ما تعدّي ع البنك قبل ما تروح لهم.

إنتا قلت عاوز تبعت الفايل بتاعك بالبريد؟!!! صباح التناكة ع السفارة! إنتا مكسّل تيجي تقدم ورقك ، وتاخد إيصال بالاستلام من السفارة؟!

بقى الـ 200 كيلو العُمي دول همه الفيلم اللي تاعبك أوي؟!

والله أنا لو السفير الكندي ، وشايف واحد كده ، عمري مانا مدخّله بلدي!

2. الفرع ده يوميّاً بيتحطّ فيه إيداعات للمقدمين للهجرة. وبالتالي الموظفين اللي هناك عارفين إنتا بتعمل إيداع بكام مصري. همه كل فترة بيحددوا المطلوب تعمل إيداع بكام ، مش شرط القيمة الحالية للدولار الكندي. ولو قلت ندفع بزيادة عشان نشتري دماغنا ، الموظّف هيرجّع لك الحوالة ، ويطلب منك إيداع المبلغ المطلوب بالظبط... (بقى انتا يا فقير يا غلبان اللي هتبقشش على كندا؟! :lol:

وباااااااس...

كلام حضرتك تمام التمام

بس فيه طريقة اسهل للاخ السكندراني

انه يغير الفلوس المصري من اي صرافة عنده في اسكندريه بما يعادل 550 دولار كندي ويدفعهم كاش مع تقديم الاوراق في مكتب الهجرة في جاردن سيتي

انا قدمت بالطريقة ده وهم سوف يعطوه وصل بال550 دولار كمان ويعطوه رقم الملف في نفس الوقت وده افضل من البريد

وبالتوفيق للجميع

[محمد عيسى]

أخوكم محتاج المساعدة في كذا حاجه الله يكرمكم

1. الضمان المالي لازم يكون كله (أرصدة بنكية - أسهم - سندات) بإسمي و لا ينفع جزء بإسمي و جزء بإسم زوجتي لإن المبلغ كامل مش معايا؟ و متى يطلب اثبات الضمان المالي هل عند التقديم اول مرة ام عند الموافقة ام في المرتين؟ و هل يشترط ان يكون مضى عليه ستة شهور؟

2. بالنسبة للآيلتس هل يطلب مني و من زوجتي أم مني فقط لأن الطلب مقدم بإسمي مع العلم ان زوجتي لم تعمل منذ تخرجها من كلية التجارة و صفر في الانجليزي و الفرنساوي؟

3. الخبرة، أعمل منذ ثلاثة سنوات متواصلة بوظيفة معينة، و قبلها استمريت في العمل خمسة سنوات في وظيفة مختلفة، و الإثنان يندرجان تحت مؤهلي الجامعي، هل اكتب الوظيفة السابقة للحصول على الدرجات الكاملة و لا اكتب الحالية و اخسر نقطتين؟

4. الدكتور العزيز محمد التهامي، ممكن ابعتلك سؤال عالخاص؟

تم تعديل 22 أغسطس 2008 بواسطة محمد عيسى

[nona alawaal]

أخوكم محتاج المساعدة في كذا حاجه الله يكرمكم

1. الضمان المالي لازم يكون كله (أرصدة بنكية - أسهم - سندات) بإسمي و لا ينفع جزء بإسمي و جزء بإسم زوجتي لإن المبلغ كامل مش معايا؟ و متى يطلب اثبات الضمان المالي هل عند التقديم اول مرة ام عند الموافقة ام في المرتين؟ و هل يشترط ان يكون مضى عليه ستة شهور؟

2. بالنسبة للآيلتس هل يطلب مني و من زوجتي أم مني فقط لأن الطلب مقدم بإسمي مع العلم ان زوجتي لم تعمل منذ تخرجها من كلية التجارة و صفر في الانجليزي و الفرنساوي؟

3. الخبرة، أعمل منذ ثلاثة سنوات متواصلة بوظيفة معينة، و قبلها استمريت في العمل خمسة سنوات في وظيفة مختلفة، و الإثنان يندرجان تحت مؤهلي الجامعي، هل اكتب الوظيفة السابقة للحصول على الدرجات الكاملة و لا اكتب الحالية و اخسر نقطتين؟

4. الدكتور العزيز محمد التهامي، ممكن ابعتلك سؤال عالخاص؟

بخصوص الخبرة حضرتك هتكتب كل الوظائف اللى حضرتك شغلتها طيلت العشر سنوات السابقة و هتأخذ الدرجة كاملة ان شاء الله

الايلتس من حضرتك فقط لان الطلب باسم حضرتك ، و لكن زوجتك و الاولاد ان وجد سيحضرون معك الانترفيو ....... فلا بد الالمام بالانجليزية على الاقل لو مهاجر للمقاطعة الانجليزية

الضمان المالى ينفع باسمك او باسم زوجتك ، و مش عند التقديم ................... انا عايزة اسئل سؤال هو ما ينفعش الضمان المالى يكون فى صورة ارض او شقة او ممتلكات يعنى ؟؟؟؟؟؟؟؟؟؟؟؟؟؟

[nona alawaal]

السلام عليكم و رحمة الله و بركاتة

انا حيرانا و محتاجة مساعدتكم ،اولا فى حساب درجاتى.... عندى خبرة اكثر من 12 سنة فى مجال واحد يبقى كده 21 درجة - السن 10 درجات - الزوج بكالوريوس يبقى 4 درجات - انا بكالوريوس 16 سنة دراسة من اولى الابتدائى حتى الحصول على البكالوريوس ( السؤال هنا أحصل على 22 و له احصل على 20 ) اللى فهماه من موقعهم 22 هنا انا اتلخبط ............. اخر كلام ايه البكالوريوس ب 22 درجة و له ب20 درجة ؟؟؟؟.............. فى حالة العشرين هيكون اجمالى الدرجات 55 محتاجة فى اللغة 12 اما فى حالة ال22 للبكالوريوس هيكون اجمالى الدرجات 57 درجة يبقى هحتاج فى اللغة 10 بس ............ ثانيا لو انا هحتاج 10 و كتبت فى الابليكشن 2skills high - , 2 skills modret فى اللغة الاولى الانجليش و انا كده مش حتاج الا 7 5 5 5 فى الايلتس ........ هل هيصروا انى اجيب اللى كتبته فى الابليكشن ؟؟؟؟؟؟؟؟؟؟؟؟؟؟؟؟؟ و ثالثا : انا بقالى 3 سنوات باخذ كورسات فرنساوى و لكن بتقدم خطوة و ارجع خطوتين ... نوية اكتب اللغة الثانية فرنساوى بس مش ناوية ادخل لها امتحانات خالص ........ هل ممكن هما ينشفوا دمغهم و يصروا انى اعمل الامتحان و له هيكتفوا انهم ميحسبوش درجاتها طالما لا يوجد بها مستندات ؟؟؟؟؟؟؟؟؟؟؟؟؟ و هل هى علشان لغة ثانية ممكن اجيب بها ورقة انى باخذ كورس فى المجلس الفرنسى و خلاص بدون امتحانات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Bustami]

بكالوريس 20 نقطة ,,,,,,,,, لازم تجيبي 7 7 5 5 وانسي الفرنسي وما تعمليش اختباره

[nona alawaal]

وفقا للموقع الكندى:

A one-year university degree at the Bachelor's level AND at least 13 years of full-time or full-time equivalent study 15

A two-year university degree at the Bachelor's level AND at least 14 years of full-time or full-time equivalent study 20

Two or more university degrees at the Bachelor's level AND at least 15 years of full-time or full-time equivalent study 22

و أعتقد ان هنا هم يقصدون two or more years ..............لان بالعقل كده كيف يمكن للشخص الحصول على 2 او اكثر من درجة بكالوريوس فى 15 سنة اذا كان الباكالوريوس الواحد يحتاج الى 4 سنوات على الاقل يبقى ال2 باكالوريوس يحتاجون الى 8 سنوات بالاضافة 12 سنة تحت الجامعى يبقى الاجمالى هيكون على الاقل 20 سنة مش 15 سنة

[nona alawaal]

وفقا للموقع الكندى:

A one-year university degree at the Bachelor's level AND at least 13 years of full-time or full-time equivalent study 15

A two-year university degree at the Bachelor's level AND at least 14 years of full-time or full-time equivalent study 20

Two or more university degrees at the Bachelor's level AND at least 15 years of full-time or full-time equivalent study 22

و أعتقد ان هنا هم يقصدون two or more years ..............لان بالعقل كده كيف يمكن للشخص الحصول على 2 او اكثر من درجة بكالوريوس فى 15 سنة اذا كان الباكالوريوس الواحد يحتاج الى 4 سنوات على الاقل يبقى ال2 باكالوريوس يحتاجون الى 8 سنوات بالاضافة 12 سنة تحت الجامعى يبقى الاجمالى هيكون على الاقل 20 سنة مش 15 سنة

و بعدين عندنا فيصل اخر فى هذه النقطة هما بيستلمو منك الابليكشن بتاعتهم اللى فيها السؤال رقم )22(

how many years of formal education do u have ? ................... which is 16

what is your highest level of completed education ? ....................which you will choose Bachelor's degree

معندكش اختيار بيقول 2 او اكثر بكالوريوس

أعتقد اننا لازم نتناقش و ندرس الموضوع ده كويس هنا فى المنتدى لانه فيه misunderstand جامد............. و شكرا

[Bustami]

هم بيقولو - على الاقل -

في ناس بتعمل 2 بكالوريس في نفس الوقت - ناس فاضية - وتخلص خلال 5 سنين و في ناس بعد ما تخلص اول بكالوريس بتعمل سنه زيادة عشان تاخد تخصص تاني - بكالوريس برضو - من غير ما تعيد السنة الاولى والتانية - الي هم فيهم مواد مالهاش لزمة - ده طبعا في اوروبا والدول المتقدمة - المهم انتي 20 نقطة

[makarawad]

ألاخوه الافاضل

بخصوص البكالريوس بتاعنا تاكيدا هو 20 نقطه فقط ولكن فى حاله الماجستير بس او الدكتوراه يحصل على 25

وفعلا محتاجيين فى الايلتس 5577

بخصوص عقود العمل نخلى بالنا من النصب ولا يلزم ضمان مادى للحصول على عقد العمل ولا يجب الدفع مقدما فى حاله تسهيل عقد العمل فيجب ان نكون واضحيين مع الطرف التانى انه مفيش دفع مقدمه

بخصوص المحامى من عدمه على حسب الشخص هو ناوى يجتهد ولا لا ولكن لا يوجد فرق يذكر فى حاله دراسه موقع الهجره جيد

الفرنساوى هو حل ولا انا لست مع الاخ اللى قال انسوه لان فيه ناس لسه عندها وقت ومقدره على المتابعه كل واحد وحالته

[samady]

السلام عليكم

أنا كان المفرود أكمل الأبليكاشن وأقدمه للسفارة الأسبوع اللي فات بس أنا واقف عند نقطة محيراني ، انتو عارفين ان الشاب مننا في مصر وخصوصا أول مبيتخرج بشتغل في مكانين وخصوصا الصيادلة لأن احنا عندنا يأما ندخل الجيش بنقضي سنة في مستشفى حكومة (اللي هي سنة التكليف) وطبعا في خلال السنة دى الواحد بيكون الصبح في الحكومة وبليل في أي صيدلية ياكل منها عيش

طيب فين المشكلة

المشكلة إن أنا عندي 7 سنين خبرة بس وانا بملي الأبليكاشن لقيت ان أول 4 سنين التوارخ دخلة في بعضها (وده طبعا وفقا لشهادات الخبرة اللي معايا) يعني في أوقات أنا بشتغل في مكانين وفي أوقات بسيب واحد منهم وأشتغل في مكان تاني فيبقى في واحد مشترك مع شغلانتين وكده يعني

طب أنا أعمل إيه باه في الوضع ده أكتب التةاريخ زي ماهي ولا أغير فيها طب ولو كتبتها زي ماهي في السفارة هيعتبرو الشغل ده بارت تايم ولا فل تايم (مع العلم إني كنت بشتغل فل تايم في الأتنين والله يعني 16 ساعة في اليوم) طب ماشي لو اعتبروها بارت تايم يبقى أنا كدة عندي كام سنة خبرة

أفيدوني افادكم الله

[makarawad]

أخوكم محتاج المساعدة في كذا حاجه الله يكرمكم

1. الضمان المالي لازم يكون كله (أرصدة بنكية - أسهم - سندات) بإسمي و لا ينفع جزء بإسمي و جزء بإسم زوجتي لإن المبلغ كامل مش معايا؟ و متى يطلب اثبات الضمان المالي هل عند التقديم اول مرة ام عند الموافقة ام في المرتين؟ و هل يشترط ان يكون مضى عليه ستة شهور؟

2. بالنسبة للآيلتس هل يطلب مني و من زوجتي أم مني فقط لأن الطلب مقدم بإسمي مع العلم ان زوجتي لم تعمل منذ تخرجها من كلية التجارة و صفر في الانجليزي و الفرنساوي؟

3. الخبرة، أعمل منذ ثلاثة سنوات متواصلة بوظيفة معينة، و قبلها استمريت في العمل خمسة سنوات في وظيفة مختلفة، و الإثنان يندرجان تحت مؤهلي الجامعي، هل اكتب الوظيفة السابقة للحصول على الدرجات الكاملة و لا اكتب الحالية و اخسر نقطتين؟

4. الدكتور العزيز محمد التهامي، ممكن ابعتلك سؤال عالخاص؟

الاخ الفاضل محمد عيسى

الضمان المادى يجب ان يكون باسمك فقط وارصده البنوك افضل حل ومده ثلاث شهور فى الحساب كافيه جدا وليس لدى درايه فى نظام التقديم الجديد ولكن يبدو انه ابلكيشن بس دلوقت وعند طلب باقى المستندات يجب تقديمه ولا داعى للقلق بس خلى بالك فيه طلبات بتترفض لعدم اكتمال هذا الشرط فاحسب عدد افراد عيلتك كويس وبزياده شوف الملبغ يبقى كام فى جسابك لمده تلات شهور

لا يطلب لغه للزوجه فى الفيدراك سكليد وركرز

خبرتك تكفى ولا يشترط ان تكون فى نفس المكان وسيجب عليك ارفاق السى فى فلا تقلق