عندك خطة بديلة

[muslim4ever]

بدر لى هذا السؤال وانا اتصفح مداخلة للاخينا هشام والتى بداء فيها نقل اخبار كندا لنا سواء مغتربين او مقيمين فى مصر

لا شك ان اخونا هشام احدث ضجة وجلبة بمدخلاتة المثيرة للجدل ولكنها تنم عن اشياء كثيرة لست بصصدها الان

ولكن ما استوقفنى فعلاً هو الحالة التى يعيشها اخونا هشام

الرجل عايش من داخلة فى كندا يتصفح اخبارها وينقلها لنا ويدافع عنها وهو جالس فى حجرته فى مصر

انا احي فيه اصرارة وارادتة

ولكن من اساس التخطيط السليم ياهشام ان يكون لك خطة بديلة لانك بالحالة اللى انا شيفها انت ممكن يحصلك شىء لاقدر الله لو لم تحصل على الهجرة

انت شادد حبل الهجرة على رقبتك ومعندكش استعداد انك تفك الحبل او تغيرة

هل فكرت اذا لم توفق للحصول على الهجرة حنعمل اية

اكيد حتجاوب بانك حتحاول تانى وتالت ورابع ودة ممكن يكون صح بس يجب ان يكون هناك تفكير اخر

العمر ممكن يروح منك وانتى بتجرى ورا سراب

بما انك مصر على فكرة الهجرة فجعل لنفسك اكثر من خطة

يعنى خليك فى موضوع كندا مستمر

وابداء فى البحث عن بلد اخرى

ولعلك فتحت حوار حول مشروعية السفر الى البلاد الغير اسلامية ولم نعرف موقفك انت

في بلاد اخرى كثيرة يمكن ان تهاجر اليها

حاول تفكر باسلوب مختلف ولعلنا نستيقظ يوماً ونجدك قد اصبحت هشام الموزمبيقى باذن الله :rolleyes:

تحياتى لك

تم تعديل 1 مارس 2008 بواسطة muslim4ever

[هشام الكندي ان شاء الله]

بسم الله الرحمن الرحيم

اولا: انا حاسس من كلامك يا اخ مسلم اني بقيت ظاهرة تستحق الدراسه و التحليل و عمل الابحاث عليها

ثانيا: "لا شك ان اخونا هشام احدث ضجة وجلبة بمدخلاتة المثيرة للجدل ولكنها تنم عن اشياء كثيرة لست بصصدها الان "

يا ريت تقول تنم عن ماذا؟ صدقني مش هزعل لو اتكلمت ببساطه و باسلوب مباشر

انا اتفق معك انني مخطأ لان ليس عندي اي خطه بديله سوي الهجرة

to immigrate or not to immigrate, that is the question

اكيد لو الموضوع لا قدر الله فشل فهيسيب اثر جرح غائر هيعيش معايا العمر كله

لكن حتي الان مهنديش اي خيار سوي الهجرة

لو عندك او عند اي حد بديل تاني ليا يا ريت يقول

"ولعلك فتحت حوار حول مشروعية السفر الى البلاد الغير اسلامية ولم نعرف موقفك انت "

انا ليس لي موقف في هذه المساله لاني لست مفتي

شكرا يا اخ مسلم علي موضوعك

[MZohairy]

رديت عليك يا هشام في موضوع تاني بنفس مضمون رد muslim4 ever تقريبا قبل ان أقرأ مداخلته فعذرا على التكرار

[رمضان]

انا من وجهة نظري مش شايف اي مشكلة بالنسبة للاخ هشام انه حاطط هدف محدد يسعى اليه بكل الوسائل على العكس تماما انا شايف انه افضل من غيره كتير على الاقل فيه هدف يسعى اليه وربنا يوفقه ان شاء الله .

وعلى فكرة اللي بيسعى لشيء ونيته سليمة ربنا بيوفقه وبينوله مراده حتى لو طال الوقت .

هشام بالنسبة لي افضل بكثير جدا من اللي حط ايده على خده منتظر الحال يتعدل وينتقد ويشتم وخلاص

[MZohairy]

انا من وجهة نظري مش شايف اي مشكلة بالنسبة للاخ هشام انه حاطط هدف محدد يسعى اليه بكل الوسائل على العكس تماما انا شايف انه افضل من غيره كتير على الاقل فيه هدف يسعى اليه وربنا يوفقه ان شاء الله .

وعلى فكرة اللي بيسعى لشيء ونيته سليمة ربنا بيوفقه وبينوله مراده حتى لو طال الوقت .

هشام بالنسبة لي افضل بكثير جدا من اللي حط ايده على خده منتظر الحال يتعدل وينتقد ويشتم وخلاص

السعي مش مشكله ابدا يا رمضان بل بالعكس ده شيئ محبذ جدا و مطلوب

بس متكونش آمالي و تطلعاتي محصوره في احتمال وحيد قد ينجح و قد يفشل

تحضير البدائل مطلوب في كل الأحوال

شكرا

[~Heba~]

اخ رمضان شكلك مشفتش مواضيع و ردود هشام طب مش شايف اسمه ده بيكره مصر و بيجاهر بكرهها و انا مش فاهمه كره مصر يعنى ايه غير كره اهلهايعنى هو داخل المحاورات و كأنه بيقول انا مش طايقكم

[رمضان]

انا من وجهة نظري مش شايف اي مشكلة بالنسبة للاخ هشام انه حاطط هدف محدد يسعى اليه بكل الوسائل على العكس تماما انا شايف انه افضل من غيره كتير على الاقل فيه هدف يسعى اليه وربنا يوفقه ان شاء الله .

وعلى فكرة اللي بيسعى لشيء ونيته سليمة ربنا بيوفقه وبينوله مراده حتى لو طال الوقت .

هشام بالنسبة لي افضل بكثير جدا من اللي حط ايده على خده منتظر الحال يتعدل وينتقد ويشتم وخلاص

السعي مش مشكله ابدا يا رمضان بل بالعكس ده شيئ محبذ جدا و مطلوب

بس متكونش آمالي و تطلعاتي محصوره في احتمال وحيد قد ينجح و قد يفشل

تحضير البدائل مطلوب في كل الأحوال

شكرا

صاحب بالين كداب

خليه يركز في اتجاه واحد ويخوض التجربة بحلوها ومرها

هوه شايف الغربة شيء وردي ويمكن كاره الاوضاع في مصر بس صدقوني لما يترك مصر هيعرف انه مقابل مكاسب معينة هيخسر حاجات كتير فلازم يكون مستعد لده ومتقبله

[رمضان]

اخ رمضان شكلك مشفتش مواضيع و ردود هشام طب مش شايف اسمه ده بيكره مصر و بيجاهر بكرهها و انا مش فاهمه كره مصر يعنى ايه غير كره اهلهايعنى هو داخل المحاورات و كأنه بيقول انا مش طايقكم

احنا مش من حقنا نزايد على وطنية حد

اعتقد ان الاخ هشام سنة صغير وواضح جدا من كلامه ان الضغوط اللي واجهها اكبر من سنة واكبر مما يحتمل فلازم احنا نحتويه ونحاول نوضح له الصورة شوية شوية

[muslim4ever]

لم اكن اقصد من هذا ان نعيد الكرة مع اخونا هشام ونكرر الجدل القائم سواء بالتايد او الرفض

القصد كان مشاركة الرجل وفتح افكار جديدة قد تكون غائبة عنه فى ظل معايشثتة واندماجة فى شىء لم يحدث بعد

اتذكر اخى هشام واقعة حدثت منذ قرابة 3 او 4 سنوات واعتقد ان كل من عرفها تاثر بها

وهى واقعى انتحار احد الشباب لعدم قبولة فى وزرارة الخارجية فالرجل كان اول دفعتة فى كلية اقتصاد وعلوم سياسية

وحاصل على درجة الماجستير والرجل كان عايش انه خلاص اصبح فى السلك الدبلوماسى وربط حياتة على هذا التصور ولكن لم يقبل لانه غير لائق اجتماعياً كما ابلغوة

بذلك (والدة مزارع - هاكذا يتصورون) فلم يستطع ان يتحمل واقدم على الانتحار

انا هنا فقط اعطيك واقعة واتمنى من الله الا تصل الى هذا الوضع

ولكن حاول وسر فى هجرتك الى كندا ولكن اجعل امام عينيك انها لا تمثل شىء وانها ان لم تاتى فقدر الله وما شاء فعل

وتذكر قول الله عز وجل

( إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ )

اعتقد انك فهمتنى بالخطاء فانا لا احللك ولا اسطيع ذلك فلست من اهل الاختصاص ولا من الذين يهاجمون الاشخاص لمجرد اختلافهم معهم بالفكر او الراى

فانا لا اختلف معك بالكلية ولا اتفق معك بالكلية

تحياتى لك

[هشام الكندي ان شاء الله]

بسم الله الرحمن الرحيم

الاخ زهيري:

معلش انا مقريتش ردك اللي كتبته قبل كدا, يا ريت تكتبه هنا و اكون شاكر جدا ليك

مشكلتي ان معنديش اي بديل, يا ريت اللي عنده بديل يقوله ليا و ربنا يجازيه خير

لكن الهجرة هيا نمرة واحد و اتنين و تلاته كمان

الاخ رمضان:

شكرا ليك علي ردودك الهادئه العقلانيه بالنسبه لموضوع الهجرة

اكيد فيه حلو و مر لكني متقبل المر منذ البدايه فاكيد المر في كندا افضل من المر هنا

بالنسبه لمسأله الوطنيه فصدقني هبه عندها حق

انا مش وطني و لا مصري تماما

سيبهم يزايدوا علي وطنيتهم عندهم حق, هما بيحبوا مصر بلدهم و هما احرار لكن هبه قالت كلمه حق اني فعلا مش بحب مصر (لكني مش بكرهها)

ادعيلي يا استاذ رمضان ربنا يوفقني و اهاجر كندا احسن انا بتعب اوي في موضوع الفرنساوي و مستحمل القرف في الشغل علشان اخد خبره اربع سنين و اهاجر

لازم يكون فيه حل جذري

الاخت هبه:

قلت مرارا و تكرار انا مش بكره مصر و لو انا مش طايقكم مكنتش دخلت المحاورات اصلا! صح؟

اخي المسلم دائما:

الانتحار كفر يا اخي و ربنا يستر و الواحد مش هيعمل شئ زي دا ان شاء الله

لكنك برضه لم تذكر البديل؟ يا ريتك تذكر البديل لاني فعلا معنديش ببديل و بمنع نفسي حتي من مجرد التفكير فيه حتي تكون الهجرة هي البلسم الشافي لكل الالام في مصر

اخوكم

هشام الكندي ان شاء الله

[رمضان]

انا عارف بل وعلى يقين تام يا هشام انك مش بتكره مصر انت كاره الاوضاع في مصر وده شيء طبيعي

بس يا ريت لو توضح النقطة دي للاخوة وتقول بالحرف الواحد انا بكره الاوضاع في مصر ومش بكره مصر لان مصر مش حكومة ورئيس وفساد مصر ارض مصر وطن نتحمى فيه وقت المحن وصدقني مهما نلف وندور ملناش غيرها

اذا ضاقت بك السبل في اي مكان هتلاقي مصر مستنياك

[capitshino]

السلام عليكم ورحمة الله

لا اعرف سببا حقيقا لفتح مثل هذا الموضوع والذى تكلمنا فيه تكرارا...

بالنسبة للاخ هشام اعتقد انه من اقل حقوقه ان يختار اسمه مادام اسم محترم ولا يجرح احد

بالنسبة لموضوع كندا.. فهو ايضا حر فى هذا الخيار .. هذا شئ يخصه فقط ولا يخص احد غيره

اما بالنسبة للمهندسة هبه ...فسارد عليها بكلمة بسيطة ... الاخ هشام لم يقل انه يكره مصر

ويجب عليكى عندما تنقلى كلام احد ان تنقليه كله وليس كما ان يقول احد " ولا تقربو الصلاة" ولا يكمل الاية

هو قال انا لا احب مصر ولكننى لا اكرهها ايضا.. مع اختلافى معه فى هذه النقطة

وللجميع تحياتى

[هشام الكندي ان شاء الله]

بسم الله الرحمن الرحيم

الاخ كابتشينو:

ليك وحشه يا كبتشينو, و ربنا يطمننا عليك دايما

تحليلك عقلاني و يبدو من كلامك انك تقرا ما بين السطور

الاخ رمضان:

الاوضاع في اي مكان تعبير صادق عن طبيعه هذا المكان, بمعني الاوضاع في مصر تعبير صادق عن مصر, و الاوضاع في مصر هي تعبير صادق عن طبيعه شعب مصر, و شعب مصر هو تعبير صادق عن حكومه مصر

لقد قال رئيس الوزراء احمد نظيف كلمه هاجمه بسببها الكثيرون و لكني اؤيده تماما فيما قال

لقد قال ان الشعب المصري غير مؤهل للديقراطيه في الوقت الحالي

الرجل قال الحق لكن قامت الدنيا و لم تقعد و طالبت الصحف الصفراء و السوداء بمحاكمته

الشعب بالفعل غير مؤهل للديمقراطيه لانه و بكل بساطه يرفض الرأي الاخر و يكفره و يتهمه بالعماله و الجاسوسيه و الشذوذ

انا لا اتحدث عن الكل و لكن عن السواد الاعظم

ما يقود الي الاوضاع في اي بلد هو الشعب و ليس الحكومه

عندما احتلت امريكا العراق لم يقول عاقل ان حكومه امريكا احتلت العراق و لكن امريكا احتلت العراق

و الحكومه الامريكيه تعبير عن الشعب الامريكي

للاسف الاوضاع في مصر ليس سببها الحكومه و لكن الشعب نفسه, فالشعب يتحمل مسؤوليه ما يحدث له

ساضرب لكم مثالين اغرب من الخيال

المثال الاول في برنامج العاشرة مساء و كان يحكي عن نزول حمله من الضرائب الي الفجاله و مسكوا تاجرين مخالفين مما دفع كل محلات الفجاله الي الاغلاق احتجاجا علي سياسات الحكومه!

و جابوا باقي التجار بيقولوا حرام عليكم سيبونا ناكل عيش!

يعني الحكومه ما تجمعش الضرايب تقولوا متخاذله, تعمل حملات تقولوا حرام طيب تعمل ايه؟

الضرايب دي هتنفعني و تنفعك يا اللي عايز تاكل عيش برضه

المثال الثاني: ملايين من جماهير الشعب المصري انطلقت في مظاهره حب و تاييد جابت شوارع مصر من اقصاها الي اقصاها و ظهرت في الاعلام لاسابيع متعاقبه احتفالا بالفوز بكاس الامم الافريقيه!

لن اقول لكم تعطيل المرور و تعطيل انتقال عربات الاسعاف و المطافي او الرجل الذي اصيب بالسكته بعد هدف ابو تريكه كي لا اتهم بالجنون لا سمح الله,

لن اقول لهم لا تحتفلوا

لكني ساقول لهذه الجماهير:

انطلقتكم احتفالا بنصركم في مجال الهذل, و جلستم في بيوتكم بعدما نشرت صحف الدنمارك ال 17 مجتمعه في يوم واحد الصور المسيئه للرسول تضامنا مع الصحفي الذي تلقي تهديدا بالقتل

يبدو ان المنتخب و اخباره اهم و ادعي للخروج و الاحتفال من النصره لرسول الله! و لا حول و لا قوة الا بالله

منذ فتره سمعت من احد الاصدقاء ان هناك جمعيات تابعه للحكومه و الحزب الوطني تعطي كورسات كمبيوتر و انجليزي, بل و تقوم بتوظيف الخريجين الملتحقين بهذه البرامج

وظائف في معهد يات و بنك بلوم و بيرلتز و اماكن اخري بمرتبات مجزيه

العاطل للاسف في هذا الزمان هو عاطل الفكر و ليس عاطل عن العمل.

انتم تنظرون للجانب السلبي في اداء الحكومه, كما تفعل صحف المعارضه, و تتركون الجانب الايجابي

الحكومه المصريه مثلها كمثل اي حكومه لها قرارات صائبه و اخري تحيد عن الصواب و لكن علينا ان لا ننسي انها حكومه هذا الشعب, و للاسف فالمثقفين يتعاملون علي اساس ان الشعب المصري شئ و الحكومه شئ اخر تماما

خلاصه ما اود قوله, ان الاوضاع = الشعب= الحكومه

يا ريت يا جماعه اللي عنده بديل يقوله لو فشل موضوع الهجره لا قدر الله

بفكر اروح سياحه و اقطع الباسبور و يبقي لا تراجع و لا استسلام و اموت هناك من البرد و الجوع بدلا من البقاء هنا

*ملاحظه هامه: ارجو ان لا يفهم من كلامي اني مؤيد او معارض للحكومه المصريه لانني كما قلت مرارا و تكرارا فانا اتابع ما يحدث في مصر فقط و ليس من حقي المشاركه لانني ببساطه لست مصريا

هشام الكندي ان شاء الله