كلنا بنحب فاطمة....ولكن

[مصري جدا]

:rolleyes:

كلنا بنحب فاطمة ...أسف أقصد مصر.......... بنحب مصر ولكن مش لازم يكون حبنا حب أعمي....يعني عاوز نناقش بهدوء وحب أزاي ممكن نََََرَجع لمصر حيويتها وروحها الجميلة اللي أفتقدناها ...أو افتقدتها {بلاش صيغة الجمع} طبعا أنا متأكد من أن مفيش حد بيحب مصر يرضي باللي وصلنا له من سوء حالة المعيشه وحالة اليأس اللي عند الشباب والغلاء اللي مش عارف حيوصلنا لفين ...والناس اللي بقت مش متحمله نفسها مش حأقول متحملة بعضها ...طيب أخرتها أيه ...

هل العيب فاللي بيحكم ..يعني الحكومة والرئيس ...

ولا العيب فينا كشعب ....... أغلبية أًًَُميه .... متعلم سلبي ....أنانيه وكل واحد يللا نفسي ...

مش عارف كل ماأنزل أجازة وأشوف حال الناس والبلد أقول الله يحفظك يامصر من اللي جاي واللي مش عارف حيكون أيه وحيعمل فينا أيه.....انتم رأيكم أيه ؟

رجعت لكي يامصر وبصيت في الوشوش

مالقيتش ولا وش فيهم ضاحك بشوش

الحزن ع الجبين مرسوم

والهم ع الكتوف مرشوش

وعجبي

أحمد جلبي

ملحوظة مهمة

ياريت النقاش لا يأخذ صفة شخصية ويكون من أهم شروطه الحب ...اللي مش بيحب يبعد....ماشي ....!!!

تم تعديل 2 مارس 2008 بواسطة مصري جدا

[shawshank]

ده موضوع قديم لي ذو صلة ...

مصر المثلى ... كيف الوصول ؟

[مصري جدا]

شكرا علي التوضيح

أنا رجعت لموضوع حضرتك المكتوب في 18/3/2007 يعني تقريبا قبل سنة وقراته واعجبت باسلوبه وطريقة العرض

ويبقي كده موضوعي معاد ......أنا وياك ....بس ممكن نبدأ نناقش نعمل أيه ....من سنة فاتت أكلمتوا في الموضوع و بعدين الموضوع نام سنة ...مش عاوز الموضوع ده ينام ...نعتبره صحوة للموضوع القديم ونشوف حنعمل أيه .....مش كلام فقط ......وألا حيكون كل اللي بنقوله ونكتبه بلا فائده ويبقي نتكلم في المطبخ والمواضيع الخفيفة وكده يعني.. وخلاص.....ولا أيه رأيك؟؟؟ :) :bro:

[هشام الكندي ان شاء الله]

بسم الله الرحمن الرحيم

استاذ مصري جدا:

يسعدني جدا المشاركه في موضوعاتك لانها موضوعات جميله جدا و عقلانيه و بعيده عن الشخصنه

اولا : اود ان اسالك عن سر تسميه مصر بفاطمه و هو اختزال او بمعني ادق تهميش لدور غير المسلمين في المجتمع المصري, مع العلم انهم شاركوا في صناعه الكثير و الكثير من امجاد مصر. فلماذا مثلا لم تقول فاطمه و تريزا؟ او لم تستخدم اسم محايد مثل مريم؟

ثانيا: ما هو تعريف مصر و المصريين من وجهه نظرك حتي نبدأ مناقشه منطقيه قائمه علي التعريف و التحديد؟

اخوك

هشام الكندي ان شاء الله

[مصري جدا]

بسم الله الرحمن الرحيم

استاذ مصري جدا:

يسعدني جدا المشاركه في موضوعاتك لانها موضوعات جميله جدا و عقلانيه و بعيده عن الشخصنه

اولا : اود ان اسالك عن سر تسميه مصر بفاطمه و هو اختزال او بمعني ادق تهميش لدور غير المسلمين في المجتمع المصري, مع العلم انهم شاركوا في صناعه الكثير و الكثير من امجاد مصر. فلماذا مثلا لم تقول فاطمه و تريزا؟ او لم تستخدم اسم محايد مثل مريم؟

ثانيا: ما هو تعريف مصر و المصريين من وجهه نظرك حتي نبدأ مناقشه منطقيه قائمه علي التعريف و التحديد؟

اخوك

هشام الكندي ان شاء الله

أولاَ..أهلا بك في موضوع أحباء مصر بأعتبارك واحد من محبي مصر

بالنسبة لموضوع الأسم....الحكايه أبسط من الأختزال والتهميش.....زمان كام فيه تمثيليه أسمها مين ميحبش فاطمة...وكانت فاطمة علي ما أعتقد بترمز لمصر.... مش عارف حتفتكرها ولا لأ....علي حسب عمرك.....فانا تصورت نفسي برد عليها...... كلنا بنحب فاطمة.....

بس فيه نقطة مش لازم نعديها في الموضوع وهي مشكلة أن كل واحد بقي حساس لدرجة كبيرة من حاجات عادية

...زي موضوع فاطمةوتريزا أنا لما كتبت الموضوع فكرت في شئ واحد هو مصر اللي بتحضن كل ولادها بدون تمييز وده المطلوب مننا كأول خطوة للعمل من أجل مصر ...أننا منفرقش بين مصري والتاني ....مش بس مسلمين ومسيحيين .....ولكن حتي مابين المسلمين وبعضهم والمسيحيين وبعضهم وأهل بحري وأهل الصعيد واهل سينا كلنا لبعض ومع بعض

أما ماذا أقصد ب مصر

صعب أني أعطي تعريف ل مصر.... مصر هي المكان والزمان والحب الصافي اللي مش ممكن شئ يعكره

بأختصار كل شئ جميل ربنا أعطاه لنا ........ قبل ماأيدينا وأفعالنا تفسده {بقول أيديينا مش أيديهم}

أما المصريين فهم كل دول .......

المصريين اللي بنوا الحضارة ..×××....واللي دلوقتي بيجروا وراها

المصريين اللي رفعوا أسم مصر في كل المجالات .....×××.......واللي بنتكسف من أنهم مصريين

اللي ضحوا بأرواحهم علشان أرض مصر..×××.. واللي ضحوا بمصر علشان أنفسهم

ولاد كل اللي صانوا وزرعوا وحفروا وعبروا وعمروا مصر ....×××.....وكمان ولاد اللي ناموا وأتكاسلوا واللي وسرقوا ونهبوا وخربوا

هم دول المصريين اللي أقصدهم......

علمك يا مصر مرفرف وفي الهوا طاير

وبيقولنا ياولادي معاكم أنا ساير

خليكوا أيد واحدة في وش اعدائي

لاني تعبت وخايف أقع ……من كتر ماأنا شايل

وعجبي

علمك يامصر مدلدل ومش عاوز يطير

وف وسط الهوا راكد ومالوش تأثير

من كتر ماشيلوه من طين …تقل

ومستني أيدينا تنضفه..وساعتها من غير هوا بيطير

وعجبي

أحمد جلبي

[ايهاب سالم]

بالنسبة لموضوع الأسم....الحكايه أبسط من الأختزال والتهميش.....زمان كام فيه تمثيليه أسمها مين ميحبش فاطمة...وكانت فاطمة علي ما أعتقد بترمز لمصر.... مش عارف حتفتكرها ولا لأ....علي حسب عمرك.....فانا تصورت نفسي برد عليها...... كلنا بنحب فاطمة.....

فاطمه في ذلك المسلسل (مين اللي ميحبش فاطمة) كانت فتاه من النمسا احبها بطل المسلسل واسلمت و تزوجته و غيرت اسمها لفاطمه

عشان كده انيس منصور مؤلف القصه اعتبر اننا كلنا لازم نحبها عشان كده

تم تعديل 5 مارس 2008 بواسطة ايهاب سالم

[مصري جدا]

الأخ إيهاب .أسف علي الخطأ الغير مقصود بالطبع..وشكرا علي تصحيح المعلومه ...يظهر الزهايمر بدأ

لكن أسم فاطمة كان بيرمز لمصر في أكثر من عمل ...أعتقد في الرصاصة لاتزال في جيبي أذا لم تخونني الذاكرة

لكن المهم أنها رمز مش أكثر :blush2:

[الحازم حسن]

الأخ إيهاب .أسف علي الخطأ الغير مقصود بالطبع..وشكرا علي تصحيح المعلومه ...يظهر الزهايمر بدأ

لكن أسم فاطمة كان بيرمز لمصر في أكثر من عمل ...أعتقد في الرصاصة لاتزال في جيبي أذا لم تخونني الذاكرة

لكن المهم أنها رمز مش أكثر

فاطمة بتاعت " من الذي لا يحب فاطمة " ترمز للنمسا

فاطمة بتاعت " الرصاصة لا تزال في جيبي " ترمز لمصر

دوكها النمسا وديكها مصر

حضرتك بئه عايز أي فاطمة فيهم

[مصري جدا]

ياريت مانسيبش الموضوع الأصلي ونمسك في حاجات فرعيه مش ح تفيدنا