اذهب إلى المحتوى
محاورات المصريين

البت بيضا بيضا بيضا

MZohairy

بواسطة MZohairy
في الفنون

 مشاركة

Recommended Posts

MZohairy عضو جديد

MZohairy

بتاريخ:
بتاريخ:

الموضوع ده يا اصدقائي مفتوح خصيصا لمناقشة خصائص الهبل و الغفل التي وصفها الغناء الشعبي والغناء بصفه عامه عن الرجل الشرقي

اغنية : البت بيضا بيضا بيضا ...البت بيضا و انا اعمل ايه؟

خلوا بالكم ان الراجل هنا بيسأل و بيحاول تبرير سيلان لعابه و ضياع اتزانه لمجرد ان البت بيضا!! :lol:

بصرف النظر بقى

بيضا و تخينه أو بيضا و غبيه أو بيضا و تفوقه حجما بمراحل ..كل ده مش مهم المهم انها بيضا و بالتالي لازم نعذره على أي هطل يصدر منه!! :huh:

تلاقي الكوبليه اللي بعده بيقول

ضيعت مالي على حلالي..ضيعت مالي وانا اعمل ايه

برضه خلوا بالكم من كلمتين

ضيعت

و حلالي

الراجل لسه بيتساءل وانا اعمل ايه؟

خصوصا انه ضيع ماله كله يا عيني في كلام فاضي .... بس مش مهم طالما ضاع على حلاله يبقى كله تمام!! شفتوا السماجه؟ :sad:

نيجي لأغنيه تانيه لعبد المطلب ايضا بتبرز الجانب العبيط في الرجل المحب الشرقي

ساكن في حي السيده و حبيبي ساكن في الحسين

و عشان انول كل الرضا يوماتي اروحله مرتين

طبعا لكل من لم يزر القاهره فحي السيده و حي الحسين بعيد أوي عن بعض بمقاييس زمان الاغنيه

و طبعا هي احياء شعبيه و فقيره

و بالتالي الرجل المحب الولهان حيرقع مشوارين يوميا من السيده للحسين

مشوار الصبح و مشوار المغرب مثلا

و أكيد حيركب كذا مواصله بطبيعة الحال.. مره ترماي و مره اوتوبيس و مره عربيه كارو حسب توافر المواصلات و قدرة المحب الماليه brd::

و لا يخفى عليكم حر القاهره صيفا يا اخواني.. فتلاقي الراجل ده ياعيني لابس و متقمع و حاطط الطربوش عشان يسخنله راسه زياده و راكب الأوتوبيس في الزحمه و العرق و البهدله

عشان في الآخر يروح يشوف المحبوبه اللي ساكنه في حي الحسين و ينول كل الرضا!!

و المشوار ده يوميا

و كل يوم مرتين

شفتوا عته رجالي اكتر من كده؟ :sad:

و للحديث بقيه

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
Modest عضو جديد

Modest

بتاريخ:
بتاريخ:

أضيف خاصية هامة في الرجل الشرقي ألا و هي "التنبلة".. ده كان زمان طبعاً مش دلوقتي خالص :huh:

و هي شديدة الوضوح في أغنية فريد الأطرش "هاتوا لي من الحبيب كلمة" brd::

واخد لي بالك من كلمة "هاتوا لي"

الأخ قاعد مأنتخ في البيت و بيبعت الناس تجيب له من الحبيب "كلمة" .. أمّال لو عايز كلمتين تلاتة كان عمل ايه :lol:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك
أسد عضو جديد

أسد

بتاريخ:
بتاريخ:

تخاصمني .. برضه .. أحبك ...

تلاوعني .. برضني .. أحبك ...

تهجرني .. برضه .. أحبك ...

تنساني .. برضه ... أحبك ..

أحبك .. أنا أحبك ...

ليه .. هو فيه ايه ...؟؟؟

:lol: brd::

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ:
أضيف خاصية هامة في الرجل الشرقي ألا و هي "التنبلة".. ده كان زمان طبعاً مش دلوقتي خالص :huh:

و هي شديدة الوضوح في أغنية فريد الأطرش "هاتوا لي من الحبيب كلمة" brd::

واخد لي بالك من كلمة "هاتوا لي"

الأخ قاعد مأنتخ في البيت و بيبعت الناس تجيب له من الحبيب "كلمة" .. أمّال لو عايز كلمتين تلاتة كان عمل ايه :lol:

فعلا هنا امعان في اظهار الراجل بمنظر المتخلف عقليا و شديد الكسل

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
KANE عضو جديد

KANE

بتاريخ:
بتاريخ:

إيه عزيز محمد

فكرتني بمقال قديم -لا اتذكر لمن-

هذا المقال يتحدث عن أن الأغنية العربية القديمة أغلب المعاني الموجودة بها ماشوسية

واننا شعب يهوى العذاب

كما ذكرتني أيضا ببرنامج المبدع الساخر احمد رجب الإذاعي القديم عن تلك المعني الساذجة أحيانا

ولا ازال اتذكر تعليقاته الساخرة اللاذعة

عن مقطع أغنية

علشان الشوك اللي في الورد بحب الورد :lol:

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ:
تخاصمني .. برضه .. أحبك ...

تلاوعني .. برضني .. أحبك ...

تهجرني .. برضه .. أحبك ...

تنساني .. برضه ... أحبك ..

أحبك .. أنا أحبك ...

ليه .. هو فيه ايه ...؟؟؟

brd:: :huh:

هنا يا أسد فيها قولان

ممكن يتقال ان ده حب فريد من نوعه

و ممكن يتقال انها دلقه و رزاله و تقل دم من المحب الغلس :lol:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

مش بس اغانى المطربين اللى كان فيها دلقة وشقى ومشورة....برضه لو نظرنا الى الموضوع من جانب اخر وبنظرة نسائية...حنجد ان البنت من قديم الازل بتدور على ابن الحلال....وتغزل شباكها حول اى واحد مهما كان شكله....وهنا يحضرنى مقطع مش عارفة لمين..بس غالبا لست ناصحة بتقول فيه

اسمر اسمر..طيب ماله

والله سماره سر جماله

مادام حبيبنا

وحيناسبنا..ماله..ماله

واخدين بالكم من حيناسبنا دى؟....يعنى كله يهون فى سبيل حضور المأذون....

وشكورم :lol:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
واحد تاني عضو جديد

واحد تاني

بتاريخ:
بتاريخ:

مش كده وبس ... التنبلة كمان كانت وصلت غايتها في اغاني زي :

يا رايحين الغورية

هاتوا لحبيبي هدية

يعني الراجل كتر الله خيره استنى ولاد الحلال لما ييجوا رايحين الغورية ... وقالهم يجيبوا معاهم لحبيبة هدية

كسل ما بعده كسل ... دا حتى ماكلفش خاطره يقولهم ايه نوع الهدية اللي يجيبوها ...

وحتى مش عارفين اذا كان ادالهم فلوس واللا قال لما يرجعوا نبقى نتحاسب :lol: ...

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله....

صدقت يا استاذ واحد....ولا التانى اللى بيقول

قلت لابوها عليها وقالى خلى المهر علينا وخلى ....رحت مخلّى...

استغلال مابعده استغلال...

ضرب المهر فى جيبه واخد البنت صدقة جارية...

ايييييييييييه :lol:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ: (معدل)
مش كده وبس ... التنبلة كمان كانت وصلت غايتها في اغاني زي :

يا رايحين الغورية

هاتوا لحبيبي هدية

يعني الراجل كتر الله خيره استنى ولاد الحلال لما ييجوا رايحين الغورية ... وقالهم يجيبوا معاهم لحبيبة هدية

كسل ما بعده كسل ... دا حتى ماكلفش خاطره يقولهم ايه نوع الهدية اللي يجيبوها ...

وحتى مش عارفين اذا كان ادالهم فلوس واللا قال لما يرجعوا نبقى نتحاسب brd:: ...

:lol:

والله ياواحد افندي تاني انت آراءك بقت عظيمه بعد ماتجوزت

انا بقى اللي بيغيظني أوي الهطل اللي نزل على الحبيب في اغنية ياوابور قوللي رايح على فين

الراجل بعد ما ركب الوابور ( القطر) بيسأل رايح على فين

لأ و مش بيسأل بني آدم من الركاب ...لأ ده بيسأل الوابور نفسه

شفتوا غباوه ذكوري اكتر من كده؟

تم تعديل بواسطة mzohairy

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ:
السلام عليكم ورحمة الله....

مش بس اغانى المطربين اللى كان فيها دلقة وشقى ومشورة....برضه لو نظرنا الى الموضوع من جانب اخر وبنظرة نسائية...حنجد ان البنت من قديم الازل بتدور على ابن الحلال....وتغزل شباكها حول اى واحد مهما كان شكله....وهنا يحضرنى مقطع مش عارفة لمين..بس غالبا لست ناصحة بتقول فيه

اسمر اسمر..طيب ماله

والله سماره نص جماله

مادام حبيبنا

وحيناسبنا..ماله..ماله

واخدين بالكم من حيناسبنا دى؟....يعنى كله يهون فى سبيل حضور المأذون....

وشكورم :lol:

صباح شريف فولانه هانم افنظم

ده اسمه استغلال حريمي للبله الذكوري

و بالتالي برضه بيصب في نفس النقطه

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
واحد تاني عضو جديد

واحد تاني

بتاريخ:
بتاريخ:

بس الحق يتقال هي التنبلة وقلة -كسرة تحت القاف مش ضمة- الحيلة كانت حريمي كمان مش رجالي بس

يعني عندك مثلا الست اللي قالت :

ساكن قصااادي ...

وبحبه ...

كانت عملت ايه يعني؟ فضلت سايقة التقل عليه لغاية ما حصل اللي حصل وفي يوم صحيت على صوت فرح ... بصت من الشباك

لقيت زينة وتهاني وناس كتير دايرين هنا وهناك ... اتاري انه فرح بسلامته اللي ساكن قصادها ... وبتحبه :lol:

يا عابر الدهر سيب بينا أثر قدمك

اياك تكون امعة وجودك شبه عدمك

رابط هذا التعليق
شارك
MZohairy عضو جديد

MZohairy

بتاريخ:
  • كاتب الموضوع
بتاريخ:
بس الحق يتقال هي التنبلة وقلة -كسرة تحت القاف مش ضمة- الحيلة كانت حريمي كمان مش رجالي بس

يعني عندك مثلا الست اللي قالت :

ساكن قصااادي ...

وبحبه ...

كانت عملت ايه يعني؟ فضلت سايقة التقل عليه لغاية ما حصل اللي حصل وفي يوم صحيت على صوت فرح ... بصت من الشباك

لقيت زينة وتهاني وناس كتير دايرين هنا وهناك ... اتاري انه فرح بسلامته اللي ساكن قصادها ... وبتحبه :lol:

لأ يا واحد افندي تاني

ده نقول عليه خجل

انما الأمثله التانيه يتقال عليها هبل

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله.....

ومن الاغانى ايضا اللى كان الرجل يسمع شتيمته بودنه ويسكت :roseop: اغنيه

الطشت قالى....

ومن الاغانى اللى بتعبرعن طبيعة مشاعر المرأة وغلها الانثوى تجاه الاخريات لدرجة ان الست عايدة نطقت وقالت....

كايدة العُوزال انا من يومى

:blush2:

يعنى حقيقى لو فكرنا فى معانى الكلمات دى حنعمل موسوعة.....

صباحكم زى الفل....... :blush2:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
طه بدر عضو جديد

طه بدر

بتاريخ:
بتاريخ: (معدل)
و بالتالي الرجل المحب الولهان حيرقع مشوارين يوميا من السيده للحسين

مشوار الصبح و مشوار المغرب مثلا

و أكيد حيركب كذا مواصله بطبيعة الحال.. مره ترماي و مره اوتوبيس و مره عربيه كارو حسب توافر المواصلات و قدرة المحب الماليه

و لا يخفى عليكم حر القاهره صيفا يا اخواني.. فتلاقي الراجل ده ياعيني لابس و متقمع و حاطط الطربوش عشان يسخنله راسه زياده و راكب الأوتوبيس في الزحمه و العرق و البهدله

عشان في الآخر يروح يشوف المحبوبه اللي ساكنه في حي الحسين و ينول كل الرضا!!

و المشوار ده يوميا

و كل يوم مرتين

شفتوا عته رجالي اكتر من كده؟

اسمحولى بقى انا عندى راى تانى خالص فالاخ عبد المطلب كان اذكى واحد فى كل الرجالة

ليه :blush2:

الكل قاعد بيحب بنت الجيران ولازم تكون ساكنة قصاده (زى بتاع الاخت نجاة) علشان ما يتعبش نفسه ويبص البيت اللى جنبه

يعنى البنت اللى قدامه وخلاص

وغالبا ابوها بيشوفه مرة وتنتهى بعلقة لو ربنا ستر

او جوازة لو حظه مهبب (مش قصدى حد معين منا طبعا :blush2: )

اما عبد المطلب فهو صايع قديم بيمشى شويه صحيح بس فى الاخر لا البنت تعرف عنوانه ولا ابوها يعرف يحصله لو جرى من السيدة لسيدنا الحسين

مش باقولكم صايع قديم

تم تعديل بواسطة طه بدر
رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

خير يا زهيرى؟....مافيش اغانى تانية ولا ايه

استاذ طه..تصور انا سمعت الاغنية قريب..ولقيت انه مش بس بينأى بنفسه عن المشاكل...لكن برضه عايز ياخد كل الرضا وفى المقابل حيولع بنفسه شمعتين للسيدة وسيدنا الحسين..وماحدش عارف برضه حيشتريهم من ماله الخاص ..ولا حيولعهم بس....

فيه برضه اغنيه لمحرم فؤاد بيرد بها على الست عايدة بخصوص الكيد.....لما كان واقف ورا الراقصة وعمال يقول والنبى لنكيد العوزال ونقول اللى ماعمره انقال...ياكايدنهم ..يافارسنهم بالقوى ياحنا...ويبص للراقصة علشان يشوف فى عنيها نظرة رضا ويطمئن انها كده جيتوا مبسوط كتير...اهو توحد اهو معاها وانضم لمصاف الراقصات وبدأ يكيد ....

ياترى ايهم أكيّد؟....كيد النسا ولا كيد الرجال؟...والمصيبة بقى لو اتلموا الاتنين على بعض.....

يبقى الواحد يجرى من قدامهم.........:lol:

صباحكم زى الفل................. :rolleyes:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
رحاب عضو جديد

رحاب

بتاريخ:
بتاريخ:

الحمد لله وشهد شاهد من اهلها مجبتش حاجه من عندى

لان الكلام ده لو قالته اى بنت كنتو

علطول حتقولواالبنات مش فاهمين حاجه

انا بحييك على صراحتك دى

وسلامى لكل المطربين التنابله

رحاب بنت مصر

بحبك يا مصر

:rolleyes:

اه يا جرحى المكابر

وطنى ليس حقيبه

وانا لس المسافر

رابط هذا التعليق
شارك
حسام يوسف عضو جديد

حسام يوسف

بتاريخ:
بتاريخ:

السلام عليكم

يا أخوتى ابناء ادم

بنات حواء بيستدرجوكم لأن المطربين السابق ذكرهم

مغفلين

وانا مقلق من الاسقاط انه يكون على كل الرجال

وعموما الحمد لله (تشامر )حسنى قام بالواجب

وقال لو قفتى على ايديكى

وتتنططى

وحاجات كدة

استغفر الله

ذنووووووووووووووووووووووووووووب

رابط هذا التعليق
شارك
galaxy عضو جديد

galaxy

بتاريخ:
بتاريخ:

يا جماعه ليه مش بتشوفوا النماذج الايجابيه و نازليين سلخ في المطرب المكافح طلب ............عندكوا مثلا لما قال .........

ما بيسألش عليا ابدا ولا بتشوفوا عنيا ابدا ....يا ما نديتوا واترجيتوا......... ان يرق في مره ابدا........

يعني الراجل تعب و اترجي و عمل اللي عليه بس تقول ايه بقي ملهاش في الطيب نصيب :lol:

وكمان اثبت انه دقيق الملاحظه .يعني دا كله عرفوا بس لما عنين المحبوب فتنوا .....يعني لسه حتي ما نطقتش.........يعني وهيا طايرة كدا. :blink:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك
AMEIR عضو جديد

AMEIR

بتاريخ:
بتاريخ:

الجمال مش كل حاجة اهم حاجة الدين والخلق والطبع والطيبة والحنان والرمنسية والعواطف والمشاعر الأحاسيس من الجمال الجمال بيروج والصفات الطيبة بتبقى والزوجة دايما بتحب اهلها وماتطيق عليها كلمة لكن اهل زوجها عادي مش مهم عندها ليه يبقى الزوج كمان اهله عنده اهم من اهل زوجته وبيعاملهم احسن ليه ميكونش اهل الزوجين يتعامولوه احسن معاملة ليه كل طرف يتعتبر اهل شريك حياته اهله ويعاملهم مثل اهله :roseop:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • عبير يونس
      6
      •°¤♥ يا ليلة بيضا و هنية ...ده عيدميلاد طبيبة مصرية ♥¤°•
      كل سنة وانتي طيبة يا قمر مفتقداكي جدا ان شاء الله تكوني بخير يارب

      بواسطة عبير يونس
      كُتب

    • fatfouta
      19
      البت لابسة كوتشى فى الفرح من الفقر يا عالم يا ظلمة
      بذمتكم ده منظر مجرم ولا حرامى ده ؟؟ ده حمل وضضضضيع... ده حتى شوفوا حفيدته يا عينى.... البت فى فرحها لابسة كوتشى يا ظلمة على راى ازوزو اتقوا الله انتوا وثورتكم دى

      بواسطة fatfouta
      كُتب

    • ozoozo
      24
      ياتري هاتكون بيضا ولا حمرا (قمه الخميس 30\12)
      هاه تفتكروا القمه الجديده هاتكون بيضاء ولا حمرا القمه المره دي ذات حاله خاصه يعيش فيها الاهلي حاله من التعثر بينما الابيض يمشي بخطي ثابته من بدايه الموسم طبعا انا اتمناها بيضا وان كنت اعتقد انها ممكن تنتهي بالتعادل او الفوز للزمالك طبعا احنا كزمالكاويه بنتمني ان الاهلي يعود مره تانيه للمنافسه عشان الدوري يبقاله طعم مش معقول هنافس نفسينا-كنت بسمع الجمله دي كتير زمان من الاهلاويه- هاه انتو توقعاتكم ايه ولا

      بواسطة ozoozo
      كُتب

    • لماضة مصرية جدا
      18
      البت باتعة...!!!
      السلام عليكم و رحمة الله و بركاته هو شعر عامي....بس الراجل اللي بيقوله ده حد حلو أوي بيسموه شاعر المصطبة الشيخ....أمين الديب التلقائية و الحضور اللي فيه....و البساطة مع المعني مينفعشي تتفوت.... يا رب تعجبكم البت باتعة! البت باتعة بنت زيد عبد الصبور اللى أمها يوم عرسها كان عفشها حلة وبابور ومعاه كمان صندوق خشب كان أصله سحارة صابون فيه بنستين والمكحلة ومراية والفلاية والملقاط وحجر وليفة ومبخرة وقزازة كان فيها البخور وجوز صحون ومنخلين والطشت والقروانة والغربال

      بواسطة لماضة مصرية جدا
      كُتب

    • SoSo R
      21
      عيد ميلاد البت نوجة
      النهاردة عيد ميلاد البت نوجة حبيبتى wst:: صاحبة الميدالية الذهبية فى شلفطة المداخلات :blink: و المتأهلة لكأس العالم فى الشلفطة...وهى أملنا فى الأولمبياد فى فانكوفر :lol: المصيبة و الكارثة إن البت طلعت أصغر منى :sad: ...لأ و بتلات سنين ياللصاعقة!!!!!!!!!!! تبقى تقولى يا أبلة بأه...عشان إنتى مش من مستوايا :lol: بس أطعم حاجة إنها مواليد شهر 8 وبرج الأسد زيىى يعنى أجدع ناس كل سنة و أنتى طيبة سنة حلوة يا جميل :sad: wst:: تحياتى سوسورانى

      بواسطة SoSo R
      كُتب

×
×
  • أضف...