عاوز اشترى عربية

[صـــــقـــــر]

السلام عليكم

عدت اليكم بعد طول غياب لانشغالى الشديد فى الفترة السابقة وان شاء الله منتفرقش تانى

الموضوع انى عاوز اشترى عربية !!!!!!!!!! طب وايه المشكلة :bro:

المشكلة هل اشترى جديد وادبس نفسى فى قسط لمدة 3 سنين ودفعة اخيرة وبعد كدة العربية بيقل سعرها طبعا لو حبيت تبيعها يعنى هتخسر فيها وغير كدة هبقى المالك التانى للسيارة لانه ايجار تمويلى مش قسط. قسط شروطه صعبة على الاجانب. يعنى مش هعرف انزلها مصر

ولا اشترى مستعمل .طب لو اشتريت مستعمل اشترى ايه وفين مع العلم انى فى جدة مش عارف اشترى منين واجيب اى مركة

انا ميزنيتى من 10000 الى 17000 مايزيدش عن كدة

الناس كلها هنا بتقولى اوعى تروح الحراج عشان النصب اللى هناك. ياريت تقولوى اعمل ايه . لانى بغرم كل يوم 30 ريال مواصلات وانا رايح الشغل . فافيدونا وجزاكم الله خير :)

[osaimi]

بصراحة المبلغ ده مش هايجيبلك عربية موديل جديد إلا لو كورى زي الهونداى أو الكيا ودي عربيات بتخسر فيها كتير لو جيت تبيعها بعد فترة أو تجيب ياباني بس هيكون موديل قديم يعني لو كورولا هتكون من موديل 95 وانت طالع

لو مايهمكش البنزين ومشاويرك مش كتير ، أنصحك تدور علي سيارة كابرس صابونه موديل 92 ولا 93 بحالة جيدة وهتكون فى حدود ال 10000 ريال - سيارة ممتازه ومريحة وآمنه لكن مشكلتها البنزين

وممكن تروح المعارض وتدور فى حدود السعر والنوع اللي انت عاوزة وما تشتريش إلا لما تشيك وتفحص بواسطة ميكانيكي أو محطة للفحص والمعارض بيكون عندهم سيارات أحسن من اللي فى الحراج ومضمونه أكثر وسعرهم بيبقي أكثر فى حدود 1000 الي 2000 ريال

وبرضه ممكن شوف مواقع بيع السيارات فى النت وهذا موقع جيد جدا للبيع والشراء المستعمل

http://www.mstaml.com

وربنا يوفق وتشتري سيارة كويسة ، وتحياتي

[قديم]

الناس كلها هنا بتقولى اوعى تروح الحراج عشان النصب اللى هناك. ياريت تقولوى اعمل ايه . لانى بغرم كل يوم 30 ريال مواصلات وانا رايح الشغل . فافيدونا وجزاكم الله خير

شراء العربيـه كحسبه اقتصاديه غير مجد حسب ما ذكرته ما لم تكن طبيعه عملك تتطلب ذلك او ان العربيه ستعطيك دخلا اضافيا . الخ

لكن عربيه عشان تروح بيها الشغل وترجع تاني فقط . وخصوصا لو انت اعزب غير مجد بالحسبه التاليه

اذا كنت تصرف ثلاثين ريال يوميا موصلات ليموزين فانت هتصرف بعربيتك حوالي 10 ريال بنزين يوميا

ناهيك عن الصيانه الدوريه للسياره مثل الزيوت كل شهر حوالي 150 ريال على اقل تقدير يعني 5 ريال يوميا

السياره القديمه ستحتاج مصاريف الاعطال واعتقد لن تقل شهريا عن 300 ريال او تعمل لها صيانه عامه اول ما تشتريها تاحذ لها خوالي 3000 ريال

تفضل السياره تقريا 3 سنوات بالكثير . احسب سعرها ومصاريفها الي دفعت عليها وقيمتها الي نقصت تلاقي تاجير ليوزين اوتاكسي يوميا اوفر

مهما كانت المبررات لو عايز تشتري عربيه اشتري عربيه جديده من الوكاله لان مصاريف الصيانه لمده خمس سنوات ستكون زيرووو ما دام استخدام العربيه استخدام شخصي واللي بيسوقها شخص واحد ,

هتبيعها بعد الخمس سنوات بنص قيمتها صحيح الخساره مره لكن هتدفع نفس المبلغ الخساره واكثر لو العربيه مستعمله غير الانزعاج اليومي من كثر الاعطال .

والتوفيق حليفـــــــــك

[أسد]

كلام أخي قديم صحيح ومضبوط مائة في المائة ...

إمتلاك سيارة لا يوفر النقود .. بل تكلفة إضافية ومصروف يحسب عليك .. بنفس المنطق الذي شرحه قديم ..

ولكن وجود سيارة هو أمر مريح .. يجعلك لا تتقيد بموعد الذهاب والعودة وتشعر أكثر بالحرية والراحة ...

وهذا بالطبع ستدفع ثمنه

والسيارة سواء إشتريتها جديدة أو قديمة ياباني أو كوري أمريكي أو صيني

ستحسر فيها عند بيعها

[صـــــقـــــر]

استاذ OSAIMI :wub: استاذ قديم :flr1: استاذ اسد :flr1:

الف شكر على اهتمامكم بموضوعى

استاذ QSAIMI انا قلت امبارح اشوف السيارات المستعملة اللى فى عبد اللطيف جميل لقيت اسعاره نار

مثلا تويوتا كورولا 2006 ودى اقل حاجة ب 40000 بالتقسيط توصل ل63000 بعد 3 سنين ودى عادى مش اوتوماتيك

شيفروليه لومينا 2006 47000 بالتقسيط توصل ل63000

وطبعا عنده الانواع محدودة فالمعارض اغلى ب5000 فاكتر

استاذ قديم . استاذ اسد فعلا كلامكم مظبوط جدا بس 30ريال دى اقل فوس ممكن ادفعها فى يوم انا ممكن اتحرك اكتر تخش فى 50 ريال واكتر وبتبقى كمان مقيد وعايز تتحرك اكتر

وكلام الاستاذ اسد مظبوط العربية تخليك تتحرك فى اى وقت ومع نفسك

بس انا قررت اشترى ان شاء الله المشكلة اشترى ايه ومنين

[aimen]

من اسبوعين اشتريت سيارة تويوتا تيرسل - 98 بمبلغ سبعة وثمانمائة ريال طبعا على شوية اصلاحات و نقل ملكية بقو ا فى حدود ونصف - وكمان زميل لى اشترى كورولا موديل 94 بمبلغ 8 ونصف يعنى العملية كلها قريبة اى نعم المستعمل متعب بس الجديد غالى وفوق امكانياتنا - معاك سيارة تقدر تتنطط بيها هنا وهناك وكمان تخلص بيها اشغالك - عن نفسى لو فتحت فى موضوع المواصلات ولا 100 ريال يوميا - عارف لما السيارة بتعطل ببقى عامل زى اليتيم وبأضطر اقع فى مصيدة الليموزين

حاول تشترى السيارة من شخص مثلك مش سمسار وكمان ممكن تشوف الوسيلة -أو الوسيط

[إيزيس]

إوعى تشتري من واحد صاحبك

إوعى تشتري سيارة واقفة مركونة يعني

الله يوفقك