مثل شاب كويس مصري

[م.سامح المصرى]

السلام عليكم ورحمة الله وبركاتة

دا موقف حصل معايا

حسيت بجد ان شباب مصر رجالة

كنت مروح البيت حوالى الساعة ١.٥ بالليل

لقيت شاب لابس لبس شيك واقف ادام البيت بتاعنا وعمال يبص على الشقق وكآن مستنى اى حد يعدى

المهم دخلت البيت وقلتله السلام عليكم

قالي وعليكم السلام ورحمة الله

سيبتة وروحت علشان اطلع ندهلى قالي : كابتن معلش ثواني

هوا في حد في البيت دا اسمة كذا كذا

قلتلة لا مفيش خالص ...... طب الي وصفلك وصفلك عنوان اية

قالي هوا البيت دا قلتله لا الصراحة مفيش وسيبته علشان اطلع

هوا حس انة مفيش الي بيدور علية

قالي طب بص بعد اذنك قلتلة اتفضل

طلع من الجاكيت بتاعة ... بوك (مش كتاب ) لا بوك بتاع المدامات الى بيشيلوة

لقيتة طلع منه بطاقة واحدة وبيقولى انا بسال علي دي

طلع نفس العنوان بتاعنا قلتلة تعالي نروح نفس النمرة بس في الشارع الي جنبينا

(انا الصراحة قلت اهو الواحد يعمل خير مع الراجل دا ويدلة ) المهم اخدتة ورحنا بس طبعا الساعة ١.٥ وداخلة علي اتنين

قلتلة يبقي اكيد البيت دا

بس طبعا مش هاينفع ننده او نخبط علي حد دلوقتى

انتا تعلالها بكرة الصبح تبقي كسبت ثواب

لقيتة رد بسرعة من غير ما يفكر قال لا

الصراحة انا قلت يمكن هايبقي في الشغل او مش من هنا

بس فضولى خلانى سألته لية انتا مش عايز تجيلها بكرة يعنى

قالي اكيد هيا دلوقتى قلقانة علي بوكها ومش عارفة تنام ........ اطمنها حتى

ووقف تحت البيت الى كنا بنظن انه بيتها

المهم قالى طب انتا لو شوفت صورة ولادها تعرفها قلتله يمكن... بس كان متحفظ جدا وهوا بيوريلي صورتهم واتضحلى انه

اساسا ما بصش جواها غير في البطاقة وكرت

ورانى صورة ولادها عرفتهم ساعتها طلعو ليهم محل في شارعنا

روحنا المحل لقيناه قافل قلتلة ما ادمكش بقي غير انك تجيلة بكرة قالي لا دا في كرت ليهم في البوك ممكن نتصل بيهم

اتصلت بالراجل وقلتله حضرتك تعرف فولانه الفولانيه قالي اة دا مراتي

قلتله طب دا بوكها ضاع وواحد لقاة قالي ممكن تجيلي المحل التاني

في خلال الفترة دي اتضحلى ان الشاب الي على ما اعتقد ما تجاوزش سن العشرين من نفس المنطقة

الشعبية الى انا فيها .... بس محترم جدا فاهم الدنيا وفاهم الناس وكل شوية يقولى معلش انا تعبتك معايا

المهم راح للراجل دخلة جوا والولد اول ما دخل اعد يعتذر للراجل ويقولة ملش انا بس فتحته علشان اعرف اي حاجة تدلنى

على صاحب الحاجة دي ..... الراجل فرح بية جدا وقالة لا عادى الف شكر انك تعبت نفسك

المهم وانا مروح معاه بقولة كويس والله انك عملت كدة ربنا ان شاء الله هايجزيك خير

لان الحدام ما بيدومش

قال طبعا الحرام ما بيدومش الي هاتخدة جنية هاتدفعة ٣ قلتلة اة والله

راح قالى وصاحبك كمان حصلت فية الحكاية دي كتير (ساعتها فرحت مش شماته فية لا لانى لقيت واحد اتنصب علية زيى )

المم سلمت علية وسيبته مشى

بس سألت نفسي طالما الولد دا اتنصب علية واكيد من الى قالة ان اتنصب علية في حاجات كتييييييرة

ما فكرش لية وقال .

يعنى هيا مصر ولا المصريين عملولى اية دا انا اتنصب عليا واان لسة صغير دا بلد ..... لا يا عم دا حقى انا هاخدة

كان ممكن اي واحد بيكرة مصر وحصل معاه الموقف دا كان عمل كدة قطعاً

واعد يسب فيها وكان خد البوك بلى فية(مع العلم انة لما ورانى صور ولادها شوفت شوية فلوس ميات ذا في جيب وكان في كذا جيب نفس الحكاية )

اتعجبت فعلا لانه ما عملش كدا مهما اتعمل فية افتكر ربنا

ومهما اتظلم ما يظلمش

لاكن كان لية مبدأ ....... حسيت انة زي باقي ولادكم وولادنا اتربوا تربية كويسة

هيا الحكاية مش كبيرة للدرجة بس بجد انا الشاب دا اعتبرتة افضل واحد قابلتة لفترة مؤقتة

[م.سامح المصرى]

يا ريت الى حصل معاه موقف كويس يحكية

[إيزيس]

موضوع جميل يبرز نماذج مشرقة

شكرا يا باشمهندس

الموقف ده حصل مع زوج أختي بس بشكل غريب جدا جدا هو وجد محفظة رجالي في الأرض بعد الصلاة وكانت مليانة وفيها كريديت كارد ورخصة و فلوس

هو شاف الرخصة و عنده ميزة حفظ الأرقام المهم اترسم رقم السيارة في دماغه وفي نفس اليوم شافها و فيها شاب في العشرينات وفضل وراه بالسيارة كأنها مطاردة

لحد حي بعيد نسبيا عن المكان واضطر إنه يقف بسيارته أمام سيارة الشاب علشان يخلص المهمة و الظريف إنه بدأ معاه بشكل أرعب الولد عمل فيها ظابط و شغل طلع

رخصك و الشاب يا عيني اترعب و بعدين فهمه الحكاية و أعطاه المحفظة و طبعا ماكانش مصدق إنه ترجع له في نفس اليوم رغم إنها وقعت منه في مكان بعيد جدا عن

سكنه