هل تقبل بعمل زوجتك خارج المنزل

[vipwithyou]

ياريت بجد كل واحد يقول رأيه بصراحة

[vipwithyou]

يلا يا رجاله ماتخافوش

[رمضان]

والله ده يا جماعة بيعتمد على الوضع الاقتصادي للرجل يعني لو الوضع المادي للرجل جيد ودخله يكفي فلا داعي لعمل الزوجة اطلاقا

انا لا احبذ عمل المرأة ولا حتى خروجها من المنزل لان وظيفة المرأة الاساسية هيه العمل على راحة زوجها وتربية ابنائها

[vipwithyou]

شكرا يا اخى رمضان على شجاعتك

طيب اختار الاختيار الثالث كدة

الموضوع مفتوح بصفه عامة يا جماعة وعايزينكم تتشجعوا ومتخافوش من زوجاتكم :wub:

[vipwithyou]

مين اللى قال يوافق دة

أكيد أختنا nash ماشى ماشى

تم تعديل 3 مارس 2008 بواسطة vipwithyou

[nash]

أنا أتنكرت ودخلت وأختارت اوافق كمان... :wub:

[vipwithyou]

معلش يا اخت Nash اجنا قلنا التصويت للرجاله

فى تصويت للسيدات

[إيزيس]

لا أوافق

أحسن حاجة البيت البيت البيت

وأنا باكره إسرائيل

[vipwithyou]

الله عليكى يا قرنفل يا شرقاوية انتى تعالى بقى جنبنا هنا وسيبى nash لوحدها

[vipwithyou]

ايه يا قرنفل انتى قلتى مش موافقة وعملتى التصويت على موافقة ولا ايه ؟؟؟ :wub:

[rar]

ده أنا مش موافق و بس... ده أنا مصر :wub:

الشغل للمدام مش بس عشان الفلوس... لكن عشان حاجات كتير قوي

أولها ان يكون لها career ناجح و خبرة تقدرها علي حمل البيت كله لو ربنا افتكرني بدري...

تانيها ان شخصيتها و ثقتها بنفسها تتطور و يكون لها عالم تاني غيري... انا مراتي لما بتعد في البيت بابقي كل اهتمامها... و ده شئ مش دايما كويس :)

تالتها ان يكون لها دايما زمايل و أصدقاء... نقدر نختار منهم أصدقاء للأسرة... مش دايما أنا بالاقي أصدقاء مناسبين من نفس ظروفنا في محيط عملي... و خصوصا اننا بنتنقل كتير... و صحابنا كمان مش بيفضلوا في مكانهم.

رابعا القعدة في البيت لما الولاد يبقوا في المدرسة (أو بعد ما يخلصوها) بتبقي مملة جدا... و حرام علي اجبرها علي كدة...

طبعا دي شخصيات... بس في حالتي أنا... تشتغل بالتلاتة...

[vipwithyou]

يا جماعة محدش ياخد باله من كلام الأخ rar واضح انه جاسوس جاى مبعوت علينا من معشر النساء

ليه كدة يا رار بس

طيب يا عم فترة الولاد فى المدرسة تبقى هى تنامهم وكل اللى فى السعودية بيعملوا كدة غير الموظفين

وبيعيشوا متهنيين فعلا فى مقابل انهم يلاقوا الرعاية والاهتمام الكامل من ازواجهم

شكرا لصراحتك ولردك كمان

احنا اخوات وانا بأهزر معاك

[إيزيس]

ده أنا مش موافق و بس... ده أنا مصر :wub:

الشغل للمدام مش بس عشان الفلوس... لكن عشان حاجات كتير قوي

أولها ان يكون لها career ناجح و خبرة تقدرها علي حمل البيت كله لو ربنا افتكرني بدري...

تانيها ان شخصيتها و ثقتها بنفسها تتطور و يكون لها عالم تاني غيري... انا مراتي لما بتعد في البيت بابقي كل اهتمامها... و ده شئ مش دايما كويس :)

تالتها ان يكون لها دايما زمايل و أصدقاء... نقدر نختار منهم أصدقاء للأسرة... مش دايما أنا بالاقي أصدقاء مناسبين من نفس ظروفنا في محيط عملي... و خصوصا اننا بنتنقل كتير... و صحابنا كمان مش بيفضلوا في مكانهم.

رابعا القعدة في البيت لما الولاد يبقوا في المدرسة (أو بعد ما يخلصوها) بتبقي مملة جدا... و حرام علي اجبرها علي كدة...

طبعا دي شخصيات... بس في حالتي أنا... تشتغل بالتلاتة...

الكلام ده كله فلة و ميت صح

ما تبصليش يا تامر أيوة صح ما عنديش شيزوفرينيا ولا حاجة

أفهمك

النصف الأول من الكلام ينطبق على أسرتنا لولا والدتي عندها عمل محترم معاش والدي كان صغير لأنه توفاه الله في عز الشباب و كنا هنقع في مشكلة وألف بعد

الشر عليك يا رار و يديك الصحة والعمر و تشوف ولاد ولاد ولادي قٌصدي ولادك

أما إن الشغل بيفتح المدارك و الأفكار آه لكن ممكن يسد النفس و يضيق الخلق و يضيع العمر ودي طبيعة كل الأعمال حاليا يعني لو شغلة خفيفة كدة من خمسة لخمسة و نص أوكي لو أروح الشغل يوم و أغيب يومين تمام أوي لو كل 3 شهور شهرين أجازة فلة

لو حد عنده شغل بالمواصفات دي يقوللي عايزة أعمل نيو شغل

[nash]

ياسلام .....

يعني الزوجه تشتغل علشان تساعد زوجها ماديا مافيش مشكله ....لو الإمكانيات مش ولا بد....

ولو الراجل مادياته كويسه يباة تقعد في البيت علشان المفروض تخدمه هو.....

طيب فين الرغبه الحقيقيه للزوجه؟؟؟ هي عايزة ايه أصلا؟؟؟ تشتغل ولا تقعد ؟؟؟

مش أنتوا عايزين ايه اصلا.......قال تخرج علشان تساعد الراجل...أو تقعد علشان تخدم الراجل....

نرفزتوني :wub:

[Scorpion]

يا جماعة محدش ياخد باله من كلام الأخ rar واضح انه جاسوس جاى مبعوت علينا من معشر النساء

ليه كدة يا رار بس

هو الباشا من الحزب الوطني و الا حاجة ... يعني عايز استفتاء صح و لا الكل يوافق علي رأيك ؟؟

طبعآ انا اختياري معروف مش محتاج اقوله ... :wub:

[vipwithyou]

يا nash طيب مين اللى يحدد ان شغلها دة هيؤثر سلبيا ً على البيت ؟؟؟

[إيزيس]

إحنا مش أهلي و زمالك مش الست مش بتشتغل علشان تساعد الراجل اللي هو حيالله جوزها دول حاجة واحدة الظروف أوكي و هي ماتحبش تشتغل خلاص و العكس صحيح لكن لو الأمور توصل لأزمة يبقى الحق الحق الراجل من حقه يقعد مراته في البيت وهي كمان من حقها

تقعد في البيت برده

في نفس ذات البيت

[vipwithyou]

الباشا سكوربيون شرفنا يامرحبا يا مرحبا

طيب يا عم قول رأيك للكل علشان نستفيد

[vipwithyou]

طيب يا جماعة فعلا احنا عايزين نناقش الموضوع لو الظروف المادية كويسة

علشان مايكونش فى اى ضغط على الراجل انه يكون موافق على شغل المرأة علشان الدخل

ارجوكم تركزوا على النقطة دى

اذا الظروف المادية كويسة جدا ً والحمد لله

[vipwithyou]

وانا اساسا ً ما بأحترمش الراجل اللى ما يقدرش يصرف على بيته كويس