هل تقبل بعمل زوجتك خارج المنزل

[nash]

حاسه بيكي ياقرنفل...والله :wub:

والصحيان الصبح بدري من النجمه ..والناس التانيين الوحشين نايمين لغايه الساعه 14..

وترجعي تجري تحضري الغدا...ياحرام...وترفعي سماعه التليفون علشان مافيش وقت تردي علي حد....وتشوفي الولاد ومذاكرتهم...ده غير بأة تقعدي تجري وراهم..وتعاقبي...وتدلعي...يوووووووووة...

.........................................................................

تامر المرأة لديها الحاسه السابعه...ولديها حس عالي جدا بالمسؤوليه..وحينما تجد أن البيت والاولاد في حاجه إليها ستترك كل شيء

وإذا كان الاولاد في سن المدرسه وهناك وقت طويل للزوجه...ولا يوجد لديها هوايه؟؟ ماذا تفعل لو كنت مكاني؟؟ جاوب بأة علي السؤال؟؟؟

........................................................................

والله العظيم الشغل حاجه مش لذيذه خالص ومتعبه نفسيا وجسديا..بجد وجد يعني والحقيقه لا اشجع عليه نهائي لإني جربته وبرغبتي الشخصيه وتركته برغبتي الشخصيه....

الشغل يكون رائع لو كنت صاحبه شركه وانزل بمزاجي وارجع بمزاجي...علي راي قرنفله ..شهر شغل واربعه اجازة...

[vipwithyou]

طيب وفين زوجها بقى اللى عايزها تستناه لما يرجع متهندماله علشان يدلعها

انا عندى اختى تعانى فعلا من الموضوع دة

بتطلع من 7 الصبح وترجع الساعة 2 يادوب تسخن الأكل اللى طابخاه من بالليل وتنام من العشاء وما بتذاكرش لأولادها لانها بتكون

خلصانه من الشغل

يبقى ليه بقى دا كله

فين زوجها فى خريطة حياتها

[سهيلة]

rar مشاركة بتاريخ أمس, 10:22 PM

ده أنا مش موافق و بس... ده أنا مصر

الشغل للمدام مش بس عشان الفلوس... لكن عشان حاجات كتير قوي

أولها ان يكون لها career ناجح و خبرة تقدرها علي حمل البيت كله لو ربنا افتكرني بدري...

تانيها ان شخصيتها و ثقتها بنفسها تتطور و يكون لها عالم تاني غيري... انا مراتي لما بتعد في البيت بابقي كل اهتمامها... و ده شئ مش دايما كويس

تالتها ان يكون لها دايما زمايل و أصدقاء... نقدر نختار منهم أصدقاء للأسرة... مش دايما أنا بالاقي أصدقاء مناسبين من نفس ظروفنا في محيط عملي... و خصوصا اننا بنتنقل كتير... و صحابنا كمان مش بيفضلوا في مكانهم.

رابعا القعدة في البيت لما الولاد يبقوا في المدرسة (أو بعد ما يخلصوها) بتبقي مملة جدا... و حرام علي اجبرها علي كدة...

طبعا دي شخصيات... بس في حالتي أنا... تشتغل بالتلاتة...

الاستاد rar

بصراحة كلامك ف الجوووووووووووووووووووووووووووووووووووووون

يا جماعة بدون تعصب افهموا الستات بتفكر ازاى

احنا موش بنخرج ونشتغل عشان الفلوس اطلاقا

ابسوليوتلى

الست بتشتغل عشان حاجات كتيراوى منها اللى قالة الاستاد رير ومنها

عشان تحس بقيمتها ف المجتمع وانها عضو مفيد

عارفة ان الناس هترد علية وتقول لما الست تربى ولادها وتحافظ علىبيتها دة افيد حاجة للمجتمع

اكيد انا معاكم

بس لية ما يحصلش الاتنين معا

كتير ستات بيشتغلوا واولادهم ف مراكز مرموقة وبيوتهم هادية وناجحة

اهم حاجة التنظيم والتفاهم بين الزوجين صدقونى

وكتير ستات قاعدة ف البيوت وولادهم منحرفين

الست لما بتحس انها عضو فعال مفيد ف المجتمع دة بينعكس على حاجات كتير ف البيت

واختلاطها بناس تانية بردو مفيد بيوسع مداركها ودايرة معارفها وثقافتها وبتفيد اولادها وزوجها بافكار جديدة مفيدة

انما تخيل لو الست ما فيش ف دماغها غير الطبيخ وتربية الاولاد

كل ايامها هتبقى شبة بعض

مللل روتين

ما فيش تجديد

ولما تبتدى تهتم بكل كبيرة وصغيرة ف حياة ازوج لانة بؤرة جياتها

بيتضايق وتبتدى المشاكل :wub:

موش كدة ولا اييييييييييييييييييييييييييييييييييييييييييييييييييية :)

[nash]

ياسهيله نماذج المرأة العامله وبيتها هادي وولادها حلوين موجود...بس زمان اكثر من الأن...الظروف أتغيرت..وريتم الحياة أختلف...

أنتي بالذات يا سهيله ماينفعش تقعدي في البيت لإن مهنتك المجتمع بالفعل محتاجها...

:wub: :)

موضوع عمل المرأة بيتهيألي موضوع بسيط جدا...ان الزوجه تخرج للعمل وهي هاتقول حقي برقبتي الحقيقه...

بيتهيألي كمان ممكن بالنقاش أمور كتيرة تتحل ...بالنقاش مش بالعند....والحياة بسيطه جدا والمفروض انها تكون ظريفه مش سلسله عذابات متواصله

[فــيــروز]

ده أنا مش موافق و بس... ده أنا مصر :wub:

الشغل للمدام مش بس عشان الفلوس... لكن عشان حاجات كتير قوي

أولها ان يكون لها career ناجح و خبرة تقدرها علي حمل البيت كله لو ربنا افتكرني بدري...

تانيها ان شخصيتها و ثقتها بنفسها تتطور و يكون لها عالم تاني غيري... انا مراتي لما بتعد في البيت بابقي كل اهتمامها... و ده شئ مش دايما كويس :)

تالتها ان يكون لها دايما زمايل و أصدقاء... نقدر نختار منهم أصدقاء للأسرة... مش دايما أنا بالاقي أصدقاء مناسبين من نفس ظروفنا في محيط عملي... و خصوصا اننا بنتنقل كتير... و صحابنا كمان مش بيفضلوا في مكانهم.

رابعا القعدة في البيت لما الولاد يبقوا في المدرسة (أو بعد ما يخلصوها) بتبقي مملة جدا... و حرام علي اجبرها علي كدة...

طبعا دي شخصيات... بس في حالتي أنا... تشتغل بالتلاتة...

الله الله الله :110:

كده الناس تفكّر .. كده الناس تعيش ..

على فكره ممّا يصعّب الموقف على المرأه العامله هو أسلوب تفكير الكثيرين فى المجتمعات الشرقيه ..

الرجل يعتبر التعاون مع زوجته فى أعمال المنزل أو المذاكره مع الأولاد أمر يقلّل من شأنه ..

ومن ثمّ تتحمّل المرأه أعباء محدّش قال إنّها تخصّها وحدها ..

بالإضافه إلى أنّه ليس أمر صحّى أن تكون كل خيارات الزوجه نابعه من تفكيرها فيما يسعد زوجها و أولادها على حساب ما يسعدها هى شخصيا !! ولا ينبغى أبدا وضع الأمور على طريقة "إمّا سعادتنا أو سعادتك" المفروض التضحيات تكون متبادله من جميع أفراد الأسره ..

[Muhammad Zidan]

يلا يا رجاله ماتخافوش

مسااااااااااااااء الخيرات

أقول وما تزعلوش ولو اني خايف بس ها قول وأطلع برة بسرعة

لأ طبعاً تخرجي للشغل ليه عشان إيه عشان تتخانقي في المواصلات ... عشان واحد وقح مش متربي يقل أدبه عليكي في الشغل .... عشان مديرك يعاكسك وماتعرفيش تردي عليه ولو رديتي عليه يبهدلك .... عشان تتخانقي مع بتاع الخضار .... عشان تفتني بجمالك شباب في الشارع مش لاقيين حاجة يعملوها ... عشان يتلخبط نظام بيتك وتتأخري على غدا الأولاد وجوزك اللي راجع طهقان وكفران ... عشان تختلطي بمجتمع الرجال اللي أغلبه قلة أدب وهمجية .... عشان تقلقي جوزك اللي يبقى رايح شغله ومش عارف مراته عاملة إيه في شغلها ياترى حد زعلها حد دايقها أو.... أو .... عشان إيه والا إيه ... عشان حاجات كتير جداً ماتروحيش الشغل ربنا جايبلك التكريم وراجل بيحافظ عليكي وبيخاف عليكي من كل الموبقات خارج بيتك وبيرحمك من كل حاجة وحشة ممكن تقابليها برة بيتك تيجي انتي عاوزة تلغي ده كله وتقوليله أشتغل .....

حرام عليكن والله

Muhammad Zidan :wub:

[ابو محمود]

انا هتكلم عن نفسى ومحدش يزعل

انا كانت المرأة سعيدة بحياتها ودخل زوجها ومتوفر لها كل سبل الراحة المعقولة بدون تناقص او أسراف فيجب ان تحمد اللة هى وزوجها وتربى أولادها وتقوم على بيتها وتترك فرصة العمل لواحدة أخرى تكون محتاجة فرصة العمل وللعلم انا زوجتى لا تعمل من يوم ان تزوجنا وكانت تعمل ولوتركتها الى اليوم كانت ستحصل على درجةمدير عام مثل زميلاتها الأن ولاكنها بكل صراحةقالت انها احسن منهم حالآ لانها تربى أولادها وتهتم بهم لأنها ايضأ بتربيتها أولادها تعمل عمل أهم من الألتحاق بعمل ذودخل وهذا سر نجاح البيت ورغم ذلك يوجدكثير من الرجال طماعين وينظرون لعمل المرآة بطمع فى دخلها المادى مهما حدث لها من تحرش وتعب نفسى وكثير من النساء تتمنى ان تكون ملكة على عرش الزوجية اى لا تعمل ودة رأى أخيكم

[vipwithyou]

تسلم ايدك يا محمد يا زيدان ومتخافش ماتجريش انا معاك يا ريس

[vipwithyou]

تسلم يا محمود مصطفى على رأيك السديد

يلا يا رجاله خلوا الستات يقعدوا فى البيت

[vipwithyou]

ايه يا جماعة التصويت 4 : 4 ليه عايزينه 10 : 4

خلينا نكسب

[أسد]

الحمد لله رب العالمين ...

أوضاعي المادية ميسرة بفضل من الله .. ولا أعتقد أنني محتاج لدخل إضافي لتسيير متطلبات الحياة ..

وزوجتي تعمل .. ومنذ زمن بعيد ..

عمل المرأة ليس فقط للحاجة المادية كما يقول البعض .. ولكنه في بعض الأحيان يكون حتمية وضرورة لتطية تكاليف متطلبات الحياة ...

ولكن عم لالمرأة يصقل معارفها وخبراتها .. ويجعلها أكثر مهارة في التعامل مع الآخرين .. وأكثر واقعية .. وأكثر ثقة بنفسها .. وأقل إتكالية وإعتمادية ..

فدور المرأة في الأسرة ليست خادمة الأسرة .. أو أنها الشخص المسئول عن تأدية المهام المنزلية وفقط ... ولكنها تربي الأبناء وتعلمهم .. فلو كانت سيدة ذات مهارات عالية ومرتفعة وثقافة .. وخبرة حياتية تكتسب فقط من خلال التعامل مع الآخرين . فإنها في تلك الحالة تكون قادرة على تأدية مهامها بشكل أفضل بكثير ..

ولكن يعيب على عمل المرأة أنها تكون منهكة القوى عند عودتها إلى المنزل وتحميلها بكافة الأعمال المنزلية يعتبر ظلماً وعدواناً عليها وقهر .. وتجبر ..

وفي حالتي .. لدي في المنزل خادمة تقوم بكافة الأعمال المنزلية تقريباً .. ماعدا لمسات الطهي الهامة .. ورعاية إبني .. فهذا مسئولية الأم بالطبع ...

لذلك فقد صوتت على موافقتي على عمل المرأة ..

بل أنني قد أدعوا لذلك .. بشرط

ألا يكون في عمل المرأة إهانة لإنسانيتها ولا يتعارض مع القواعد الصحيحة والإنضباط الأخلاقي في مكان العمل ..

[gopy]

الحاجة المادية كلمة مطاطة جدا فكل البشر دائما فى حاجة إلى شئ ما " ناكل ونلبس أحسن , ناخد سكن أفضل, عربية جديدة , نؤمن مستقبل الأولاد سلسلة لا تنتهى من المطالب المشروعة وبالتالى الحاجة المادية لعمل الزوجة موجودة فى أغلب الأحوال وبتعبير رياضى هى - الحاجة المادية - قاسم مشترك يصح إخراجه من المعادلة بدون أن يؤثر فيها.

أعرف حالات كان عمل الزوجة فيها كارثة على الأسرة حتى مع وجود قدر لابأس به من التفاهم بين الطرفين كأن يكون دخل الزوجة أعلى بصورة كبيرة من دخل الزوج " من له القوامة هنا" أو يعرض على الزوجة عرض مغرى لا يرفض بالعمل فى فرع آخر أو حتى بلد أخرى وهكذا

أعرف حالات أخرى كان عمل المرأة فيها هو أساس فى البيت لا يمكن الأستغناء عنه كأن يعجز الرجل عن إيجاد عمل لفترة طويلة أو يكون دخله أقل من أن يوفى بمتطلبات الحياة اليومية

أريد أن أقول أن الأختيارات هنا تتغير من فرد لآخر ومن وقت لآخر تبعا لتغير ظروف الحياة و إختباراتها ولا يوجد هنا إجابة نموزجية ولا إجابة خاطئة

[amani]

اللهم اجعله خير

هو لسة فى حد بيقول ان الست تقعد فى البيت

طب ده حتى لو تغاضينا عن سنوات التعليم اللى اتعلمتها وحرقة دمها فى المذاكر

لآ وتنجح ومتسقطش ولا سنة زى غيرها يعنى

المفروض ان الراجل يسيب مراته تنزل تشتغل لاسباب تانية خالص

اولها : انها هترجع من الشغل تعبانة جدا ومصدعة ومش طايقة روحها

اوووووووووم متزهقش الراجل بالاسئلة والرغى الكتير

ده بالاضافة ان حيلها هيتهد خالص لما تبدا تذاكر للاشبال وتعمل الاكل وتنضف ....................................

تانى حاجة: انها تتعرف على ناس جديدة وتكون صداقات محترمة ويبقى ليها حياة تستمتع بيها

لان قعدة البيت مملة جدا جدا جدا للست اللى بتبات فيه بتصبح فيه يعنى الشريط بيعيد نفسه ومش بيعمل

ريفريش خالص

ومع السلامووووووووو عليكووووووووووووو

[vipwithyou]

الأسد خرج من عرينه

اجرى انا بقى استخبى

شرفتنا يا اسد برأيك السديد العاقل اللى وان كان ما ريحنيش انما هو صح جدا ً

لكن عايزك تردلى على نقطة الغيرة على الزوجة والخوف عليها من التلوث اللى موجود فى سوق العمل الخارجى

مش هنتكلم عن العمل فى السعودية لأنه اكيد افضل طالما هيكون مع حريم او بنات فقط

لكن فى مصر يا ريس نعمل ايه ؟؟؟!!!

[vipwithyou]

اولها : انها هترجع من الشغل تعبانة جدا ومصدعة ومش طايقة روحها

اوووووووووم متزهقش الراجل بالاسئلة والرغى الكتير

طيب شوفى بقى انتى قلتى ايه

انا عندى تدوشة رغى وهو يكون متقبل بصدر رحب احسن ما تكون هى حالتهال النفسية زى الزفت وتعيشه فى نكد وتكون مقصره فى واجبها فى البيت وواجبها الأهم ناحية زوجها

تم تعديل 4 مارس 2008 بواسطة vipwithyou

[vipwithyou]

يقال ان المرأه لا تأخذ بالها من نفسها الا اذا كانت خارجة

هل معنى كدة انها ماينفعش تاخد بالها من نفسها ورشاقتها وجمالها وهى فى بيتها

مش لازم يكون الهندمة والجمال والشياكة دى لعامة الشعب مش لزوجها بس :wub:

[ايهاب سالم]

طبعا تشتغل بدون قيد او شرط وبدون حاجه ماديه

انا زوجتي بتشتغل من يوم ما اتجوزنا من 10 سنين .... عن غير حاجه ماديه ... وفلوس شغلها كله ليها

وكمان بتذاكر وتمتحن وتاخد شهادات في مجال عملها

وعندنا 3 ابناء .. وعمر ما كان فيه مشكله

عصر الحريم انتهى

[~Heba~]

يا تامر انت لسة مش فاهم تدخل الزوج فى قرار العمل (هل تعمل ام لا )بيخلى الزوجة تعند و خصوصا اذا كان تدخله مش مجرد تدخل ده حشر بقوة و عافيه

المفروض يسيبها تفكر مع نفسها و تختار الانسب لوضعها لانه احنا منقدرش نقول بشكل عام الست ينفع تشتغل و الا لأ لان كل زوجة لها ظروفها الخاصة

ممكن بس يبدى رأيه من غير ضغط اذا هى طلبته

على فكرة انا لم اصوت لانى شايفة و لا واحد من الخيارات مطابق لرأيى

[إيزيس]

حاسه بيكي ياقرنفل...والله

:sad:

والصحيان الصبح بدري من النجمه ..والناس التانيين الوحشين نايمين لغايه الساعه 14..

وترجعي تجري تحضري الغدا...ياحرام...وترفعي سماعه التليفون علشان مافيش وقت تردي علي حد....وتشوفي الولاد ومذاكرتهم...ده غير بأة تقعدي تجري وراهم..وتعاقبي...وتدلعي...يوووووووووة...

وضيفي على كده يا نوشة لو زوجك بيشتغل في مكان أبعد معناه مين بيوصل الكتكوتة للمدرسة ماما

مين بيوصل بقلظ لو الباص اتأخر ماما

مين بيروح لهم المدارس لو فيه مشكلة ماما

مين بتطلع عبنه الصبح معاهم اصحوا افطروا صلوا البسوا ماما

لأن بابا يا حرام ينزل من الفجر مشواره يا عيني ساعة و نصف ربنا يكتب له السلامة يا رب هو و كل اللي زيه

[Muhammad Zidan]

تسلم ايدك يا محمد يا زيدان ومتخافش ماتجريش انا معاك يا ريس

مساااااااااااء الخيرات

والله يا vipwithyou أنا خايف من هجوم الستات على رأيي لكن حتى لو ماوفقوش وصمموا على الشغل .... الرأي الاول والأخير لينا طبعاً ..... ده مش تعسف ولا استغلال حقوق عاطيهالنا الشرع لكن إذا كانت هي مش عاوزة تقتنع .. يبقى مفيش حل غير القرار وعاوز أقول حاجة مفيش راجل يحب حد يعانده في بيته لأن دماغ الراجل أنشف من الحديد وعلى رأي أخونا الفنان هاني رمزي في فيلم محامي خلع بيقول لعلا غانم أنا أحب أكاي لوحدي في البيت يعني ديك واحد بس مش أجيب ديك تاني يكاكي قصادي .. وبعدين هما ما فكروش ببساطة ليه الراجل مش عاوزهم يشتغلوا ياريت واحدة ترد عليا وتقول أسباب منطقية وموضوعية ليه الرجل بيرفض شغل الست ... إهدوا بقى ولعتوا الدنيا وشميت ريحة تمرد عندي لكن أنا عندي القدرة لقمع أي ثورة مهما كان حجمها وقوتها وبرضه ها كاكي لوحدي في بيتي .....

كوكوكوكو مفيش شغل لو السما انطبقت على الأرض .

سلام

Muhammad Zidan :sad: :rolleyes: