هل تقبل بعمل زوجتك خارج المنزل

[vipwithyou]

ماشى يا محمد كاكى براحتك وياريت تقدر تنفذ دة من غير قمع لأن عيشتك هتبقى هباب لو مراتك اساسا ً فى دماغها الشغل

يارب فضى دماغ الحريم علشان يقعدوا فى البيت اريحلهم ولنا :sad:

[Handicraft]

الكائن الوحيد على سطح الأرض الذى يرى فى خروج المرأة من عشها للعمل عيب ومايصحش ووصل لحد التحريم .... هو الإنسان

انا مع اعطاء المرأة الحرية فى العمل او عدمه ، شرط مراعاة الأولويات الأسرية والمحددات التى فرضتها الطبيعة من حمل وولادة ورعاية ابناء.

تم تعديل 5 مارس 2008 بواسطة Handicraft

[MZohairy]

ايه يا جماعة التصويت 4 : 4 ليه عايزينه 10 : 4

خلينا نكسب

نتايج التصويت بقت 10 :4 اهو ياعم عشان متزعلش

بس بالعكس :sad:

[أسد]

لكن عايزك تردلى على نقطة الغيرة على الزوجة والخوف عليها من التلوث اللى موجود فى سوق العمل الخارجى

مش هنتكلم عن العمل فى السعودية لأنه اكيد افضل طالما هيكون مع حريم او بنات فقط

لكن فى مصر يا ريس نعمل ايه ؟؟؟!!!

طبعاً الغيرة .. كأي شئ .. مستويات ..

فإذا كان الرجل غيور جداً بشكل كبير .. وغيرته عمياء لا يقتنع بالتفسيرات المنطقية للأمور ..

أو أنه كان العكس تماماً .. لا يأبه حتى ولو كانت الأمور على غير الطبيعة ..

ده ملوش حل .. يحتاج بالقطع نوع من العلاج النفسي .. والتعديل السلوكي ..

ولكنه إذا تفهم الأمر بالصورة الصحيحة .. وبالطبع أنا اشترطت أن يكون مكان العمل ملائم .... ومناسب لطباعنا كمسلمين وشرقيين ..

فيجب أن تكون هناك معايير واضحة لمجال العمل ..

فلا أعتقد أن سيدة تعمل في مكان يكون الحال منفردة مع رجل في غرفة أو مكتب مقفل طوالالوقت ..

أو في مكان غير ملائم ..

لكني أتحدث عن العمل في مدرسة .. أو مستشفى .. أو شركة أو جهة حكومية ... الخ ..

أقصد الأماكن المتعارف عليها للعمل ..

ويمكن للرجل أن يتفق مع زوجته ويوضح لها مدى غيرته .. وما هي الأمور التي يقبلها والتي لا يقبلها

ويجب على الزوجة أن تقبل بها وتعمل على تنفيذ هذا الإتفاق مع الزوج

وان تراعي شعوره .. وتراعي ألا تقوم بما لايحبه أو يقبله

والسيدة المحترمة تفعل ذلك

والثقة المتبادلة بين الرجل وزوجته أمر هام جداً .. بل هو الأساس في العلاقة بينهما ..

أما لو لم يتحقق ذلك .. فلا يجب أن تعمل الزوجة ... لأن في تلك الحالة فالعمل سيؤدي إلى مشكلات ومتاعب أعقد بكثير من المنافع التي قد تعود بسبب هذا العمل ..

[amrhoras]

اكيد الاختلاف ف الرأى لا يفسد للود قضيه

لكن ليه ياواد ياعمرو انت متحبش مراتك تشتغل هل انت خايف عليها ولا ايه بالظبط.....

سؤال يطرح نفسه ليه بنحب الجماعه متشتغلش مع العلم ان الوالده الله يعطيها الف عافيه تعمل الى الان

لكن كل واحد له ارائه .....

نيجي للبنت . بتقول ايه اول مايجي الواد اين الحلال ويقولها مفيش شغل

تقول الهانم ....

يعنى انا اخد شهاده اد كدى علشان اقعد فى البيت اخدمه هو وعياله لا والله حرام مش موافقه

انما لو جينا للناحيه العمليه ..

هواى نوت تشتغل اتس اوك روحى ياحبي اشتغلى واثبتي نفسك وشخصيتك وترجعيلى بألف سلامه

بس طبعا يختلف الرأى ده من راجل لراجل

مثلا العبد لله رأيي انه مرفوض وموضوع غير قابل للنقاش ومفيش اقناع طبعا

اولا انتى دالخه ع حياه جديده خالص تشيلى مسؤوليه اسره بحالها محدش قال ان الراجل يؤمر ويشخط ومراته تنفذ او تشتغل سورى خدامه فى بيت جوزها بالعكس

طرفين متكاملين والكمال لله وحده بيأسسوا شركه صغيره اسمها اسره قائمه ع الحب والتعاون والتفاهم

انتى متعلمه اوك اثبتي ده لنفسك مش لازم الشغل هو اللى يثبت شخصيتك اثبتي امام الجميع انك سيدة ناجحه فى مكانك اسرتك لا تحتاج الى اى شيء ولو بسيط

ولا اقول ان مسؤوليه المنزل ومن فيه مسؤوليتها هى فقط فعلى الزوج مسؤوليه المشاركه فى مساعدة زوجته فى اعمال المنزل وتربية ابنائه لكن اسأس المنزل الزوجه ولا ننس ان صاحب الكلمه هو رب الاسره الزوج يعنى علشان محدش يقول انها تكون صاحبة الكلمه والقرار انما لها حق المشاركه ف الرأى ومناقشة زوجها

نيجي بقى لحتة التعليم ليه بقى متستغلش علمها فى تربية ابنائها وده هو التحدى واثبات الذات وليس العمل هو الشخصية

المرأه كائن جميل رب العالمين لما خلقها خلقها بدون عضلات خلق فيها الحنان والانوثه ليه احنا نتحدى كل هذه السمات ونشوهها بتعب الحياه والمواصلات ومشاكل الشعل وحمل البيت واعبائه

ليه لا تشعر كأنها اميره فى مملكتها ولها امير واحد فققط فى الدنيا من تهتم به ويهتم بها وتكون هذه العرقه ناجحه ومتوجه بحبة كتاكيت صغنينين يكونوا الدنيا كلها

هى بس تيجي وحتعرف معنى الكلام ده انما تقولولى شغل وقرف واثبات الشخصيه عملنا احنا ايه من اثبات الشخصيه ف الشغل ان كان الشخصيه يكون فى كل مكان مش محتاجين مكان للعمل من اجل اثبات شيء ما .........

شكرا جزيلا وكمان انا راجل غيور جدا ومخى لما بيقفل بكون ...... :blink: ربنا مايكتب ع حد يشوف عصبيتي ..... ع الله تعتب باب البيت وكمان دكتوراه يكون ف الطبيخ مع انى استاذ ورئيس قسم ومش محتاج طبيخ لانى محبوش انما برده اكل البيت لا يعلى عليه

ع الله كلامنا يطلع خفيف مش مسبك زى الطبيخ ع قلب حريمات المنتدى :blush2:

[نانا]

الحمد لله رب العالمين ...

أوضاعي المادية ميسرة بفضل من الله .. ولا أعتقد أنني محتاج لدخل إضافي لتسيير متطلبات الحياة ..

وزوجتي تعمل .. ومنذ زمن بعيد ..

عمل المرأة ليس فقط للحاجة المادية كما يقول البعض .. ولكنه في بعض الأحيان يكون حتمية وضرورة لتطية تكاليف متطلبات الحياة ...

ولكن عم لالمرأة يصقل معارفها وخبراتها .. ويجعلها أكثر مهارة في التعامل مع الآخرين .. وأكثر واقعية .. وأكثر ثقة بنفسها .. وأقل إتكالية وإعتمادية ..

فدور المرأة في الأسرة ليست خادمة الأسرة .. أو أنها الشخص المسئول عن تأدية المهام المنزلية وفقط ... ولكنها تربي الأبناء وتعلمهم .. فلو كانت سيدة ذات مهارات عالية ومرتفعة وثقافة .. وخبرة حياتية تكتسب فقط من خلال التعامل مع الآخرين . فإنها في تلك الحالة تكون قادرة على تأدية مهامها بشكل أفضل بكثير ..

ولكن يعيب على عمل المرأة أنها تكون منهكة القوى عند عودتها إلى المنزل وتحميلها بكافة الأعمال المنزلية يعتبر ظلماً وعدواناً عليها وقهر .. وتجبر ..

وفي حالتي .. لدي في المنزل خادمة تقوم بكافة الأعمال المنزلية تقريباً .. ماعدا لمسات الطهي الهامة .. ورعاية إبني .. فهذا مسئولية الأم بالطبع ...

لذلك فقد صوتت على موافقتي على عمل المرأة ..

بل أنني قد أدعوا لذلك .. بشرط

ألا يكون في عمل المرأة إهانة لإنسانيتها ولا يتعارض مع القواعد الصحيحة والإنضباط الأخلاقي في مكان العمل ..

[~Heba~]

الغريب انه محدش اختار الخيار الاخرانى

مفيش راجل طبعا بيحتاج لراتب مراته و ان احتاج اكيد كرامته لا تسمح

بس اللى بيحصل انه مش هو اللى بيحتاج لأ البيت اللى بيحتاج و الاولاد عشان بس يعيشوا عيشة كريمة راتب الزوج لوحده لا يكفى

على فكرة ممكن يكونوا فيه ستات صوتوا سرا لصالحهم فى الموضوع :blush2: :blink: :blink:

[نانا]

ما اعرفش ايه اللي حصل انا كتبت كلام أد كدة واتمسح مع اني تعبت فيه اوي

كلامي بإختصار اني مش بتعارض مع عمل المرأة وفي نفس الوقت مش بأيده

وكمان انا اللي لاحظته اختلاف آراء الأعضاء وانا شايفة اني ده شيء طبيعي جدا

لأن كل أسرة بتختلف عن التانية

وكمان يا أستاذ تامر اللي هو مرتاح ومش بيشتكي من عمل زوجته مش لازم نقومه عليها طالما ده عاجبه

وزوجته مرتاحة والعكس صحيح

أنا شايفة لو في حالة ان الحالة المادية للزوج مش تمام يبقى لازم زوجته تشاركه طبعا بعد علمه لضرورة عملها لأنهم كيان متكامل وكمان عمل الزوجة بيفيدها جامد بيخليها تقدر تساير العالم اللي حاوليها ما تبقاش قاعدة في بيتها مش دارية باللي بيحصل حواليها وزوجها يحس انها جاهلة بكل اللي بيحصل وهي كمان ما تحسش بكيانها اللي لازم تثبته لنفسها وتكون على أقصى درجة دراية بالعالم الخارجي وكل اللي بيحصل من حواليها وعلى درجة وعقلية كبيرة يقدر زوجها يستشيرها في امور كتيرة في حياته لان الحياة الزوجية بجد تكامل بين الزوجين

بس ده بردو ما يعطلش مهامها المنزلية خصوصا إني مش بأيد الإستعانة بخادم أو شبه ذلك لأني بحس ان البيت ده مملكة الزوجة ما فيش حد ابدا لازم يتدخل في شئونه غيرها ولا تقصر في حقوق زوجها وحقوق نفسها لكن بجد ساعات الحياة هي اللي بتفرض علينا كدة

أما بقى لو الحالة المادية للزوج تمام وما فيش داعي لعملها يبقى ( من رأيي بردو ) إنها تقعد في بيتها أحسنلها بس بردو تبقى على دراية باللي حواليها وده من خلال كذا وسيلة لازم تتابع الأحوال والدنيا وده من خلال كذا وسيلة ممكن جريدة معينة تتابعها عندها النت تقدر تتساير وتعرف الجديد لازم بردو تثقف نفسها وما تتكاسلش عن ده ابدا بجد هتقدر تستفيد من وقتها بدون ملل بعد قيامها بكل مهامها المنزلية

ويقدر زوجها يعرفها ويقدرها ويتعامل مع كيانها بطريقة تتناسب مع عقليتها وثقافتها ويبقى كدة هي كسبت في كل الأحوال كسبت ثقة في نفسها واحترام زوجها لعقليتها

[نانا]

وكمان إضافة معلش لكلامي إننا لازم نراعي إن لازم المرأة تضمن وظيفة ودة طبعا بعد درجة شهادتها وثقافتها

لأننا ما نعرفش الدنيا ممكن تعمل فينا إيه

يعني لو مصدر رزقهم الوحيد الزوج ولو لقدر الله ويا رب ما يحصل أبدا الزوج تعب أو توفى وكان فيه أولاد مين هيراعي شئون البيت وهيصرف عليه في الحالة دي الزوجة لازم تشتغل عشان خاطر ولادها

[Muhammad Zidan]

ما اعرفش ايه اللي حصل انا كتبت كلام أد كدة واتمسح مع اني تعبت فيه اوي

كلامي بإختصار اني مش بتعارض مع عمل المرأة وفي نفس الوقت مش بأيده

وكمان انا اللي لاحظته اختلاف آراء الأعضاء وانا شايفة اني ده شيء طبيعي جدا

لأن كل أسرة بتختلف عن التانية

وكمان يا أستاذ تامر اللي هو مرتاح ومش بيشتكي من عمل زوجته مش لازم نقومه عليها طالما ده عاجبه

وزوجته مرتاحة والعكس صحيح

أنا شايفة لو في حالة ان الحالة المادية للزوج مش تمام يبقى لازم زوجته تشاركه طبعا بعد علمه لضرورة عملها لأنهم كيان متكامل وكمان عمل الزوجة بيفيدها جامد بيخليها تقدر تساير العالم اللي حاوليها ما تبقاش قاعدة في بيتها مش دارية باللي بيحصل حواليها وزوجها يحس انها جاهلة بكل اللي بيحصل وهي كمان ما تحسش بكيانها اللي لازم تثبته لنفسها وتكون على أقصى درجة دراية بالعالم الخارجي وكل اللي بيحصل من حواليها وعلى درجة وعقلية كبيرة يقدر زوجها يستشيرها في امور كتيرة في حياته لان الحياة الزوجية بجد تكامل بين الزوجين

بس ده بردو ما يعطلش مهامها المنزلية خصوصا إني مش بأيد الإستعانة بخادم أو شبه ذلك لأني بحس ان البيت ده مملكة الزوجة ما فيش حد ابدا لازم يتدخل في شئونه غيرها ولا تقصر في حقوق زوجها وحقوق نفسها لكن بجد ساعات الحياة هي اللي بتفرض علينا كدة

أما بقى لو الحالة المادية للزوج تمام وما فيش داعي لعملها يبقى ( من رأيي بردو ) إنها تقعد في بيتها أحسنلها بس بردو تبقى على دراية باللي حواليها وده من خلال كذا وسيلة لازم تتابع الأحوال والدنيا وده من خلال كذا وسيلة ممكن جريدة معينة تتابعها عندها النت تقدر تتساير وتعرف الجديد لازم بردو تثقف نفسها وما تتكاسلش عن ده ابدا بجد هتقدر تستفيد من وقتها بدون ملل بعد قيامها بكل مهامها المنزلية

ويقدر زوجها يعرفها ويقدرها ويتعامل مع كيانها بطريقة تتناسب مع عقليتها وثقافتها ويبقى كدة هي كسبت في كل الأحوال كسبت ثقة في نفسها واحترام زوجها لعقليتها

مساااااااااااااء الخيرات

والله الكلام كله جميل ورائع بس في حته صغيرة كده ما ينفعش تدخل في وسط الكلام ده

يا أخت نانا ببساطة شديدة وأعتقد إن حد غيري كتب هذا الكلام : الرجل اللي مايقدرش يفتح بيت ويصرف عليه ويكفيه تماماً ما يتجوزش أحسن لأن بنات الناس مش لعبة والا إيه .... ها تقوليلي ما حدش يضمن غدر الزمن ودوام الحال من المحال أقولك إن اللي صاير على الزوج صاير على مراته وولاده لو أكل أيس كريم ها ياكلوا أيس كريم لو أكل زلط ها ياكلوا زلط لأن الزواج من بدايته مشاركة في كل شيء في السراء والضراء في الغنى والفقر في السعادة والحزن ولو انتي واخدة بالك من الأفلام الاجنبية تلاقي لما يحصل جواز تلاقي الكاهن بيقول نفس المعنى ده ..

باختصار الرجل مسئول مسؤلية تامة وكاملة عن إطعام وكساء زوجته وأولاده يبقى هي ما عليها غير إنها تساعده ... معنوياً ماشي ... تشد من أزره تمام ... بتربية العيال ماشي... بالاقتصاد في المصاريف يجوز ... بالمحافظة على الهدوء والسكينة ماشي ... بكل ما تستطيع أن تفعله ما عدا إنها تعكنن عليه وتقوله عاوزة اشتغل عشان كلمة أشتغل دي بتحسس الرجل إنه قليل جداً ومش قادر يكفي بيته .

وأشكرك جزيلاً

Muhammad Zidan

[نانا]

أستاذ محمد كلام حضرتك تمام بس فيه حاجة إن دلوقتي معظم الشباب مش من السهل انهم يبتدوا حياتهم بيسر كدة يعني

وذي ما حضرتك ما قولت غدر الزمان

ليه نجبر نفسنا اننا نعيش كدة مستسلمين طالما في ايدنا الحل لازم الزوجة تشارك زوجها بردو لو الحال مش تمام لحد حتى ما المستوى يتحسن

لازم يكون فيه تكامل ما بينهم ذنبهم ايه الأولاد طالما في ايد حد الحل ان الزوجة تشارك زوجها في المصاريف على الأقل تخفف من أعباؤه

وده بردو راجع ليه لو هو مصمم براحته بس كدة هيبقى بيظلم نفسه وبيظلم ولاده

كمان الزوج نفسه اللي بيقدر يحكم لو مش عاجبه شغل مراته وحاسس بتأثير شغلها على بيتها يطلب منها تسيب الشغل

وكمان لازم نلاحظ انه بيختلف من شغل لشغل

وليه نحط نفسنا في وضع مثير للشفقة وإحنا بإيدينا الحل لو مرت أزمة لقدر الله في الحالة المادية الزوجة تعمل مع الإتفاق طبعا بمراعاة شئون بيتها وعدم تأثير شغلها بالسلب على بيتها لحد إن شا ءالله ما الأزمة ما تعدي وتنتبه بقى وتتفرغ لبيتها

وأي أسرة يا أستاذ محمد بتختار الزوج المناسب اللي يقدر يحمي ويحافظ ويسرف على بنته وبيته

اما أن شايفة لو واحد اخلاقه كويسة وبيحبها فعلا وهيعمل ما بوسعه لإسعادها طالما عنده النية دي يبقى خلاص حكاية الرزق دي على ربنا مش هتقف أدامها

لأن الرسول صلي الله عليه وسلم قال

فيما معناه لو جاءكم ما تقبلون دينه وأخلاقة طبعا توكلوا على الله وادوه بنتكم طالما إنسان كويس ونفسه يبني أسرة وذات خلق وفيه قبول من جانب البنت خلاص طبعا ما يكونش عاطل او كدة لكن فيه خلق المؤمن وخلق المؤمن بترفض البطالة وعندها دافع للعمل

ومش مهم طالما هتبدأ أسرة بسيطة وتكبر بمرور الزمن ويكون فيها مشاركة من الطرفين وبعد كدة بقى نحدد ان الزوجة تقعد وما فيش داعي للعمل

يعني عمل الزوجة للضرورة

[إيزيس]

الغريب انه محدش اختار الخيار الاخرانى

مفيش راجل طبعا بيحتاج لراتب مراته و ان احتاج اكيد كرامته لا تسمح

أنا كنت داخلة أكتب في النقطة دي لقيت هبة سبقتني

مش عيب الراجل يحتاج ماديا لزوجته بس على أساس إنه مايكونش الزواج من الأساس مبني على سبب مادي

لكن الكل محرج من الاختيار الثالث رغم إنه هو الواقع حاليا و ده مش احتياج دي مشاركة لكن المشكلة إن الأغلبية فاهمين واجبات المرأة غلط

البيت و الأكل و الغسيل و الكوي دي واجبات الشغالة يعني في الإسلام الراجل ملزم بتوفير الشغالة للزوجة لأن واجباتها أكبر و أرقى من كده

لكن لو الظروف تتطلب إن الزوجة تشتغل و في البيت الواجبات موزعة على الإتنين و شغالة بتساعد أو لأ والتفاهم موجود و العمل مناسب إيه المشكلة

دي وجهة النظر العامة لكن أنا مازلت أكرر و أنادي إن البيت

البيت

ثم البيت

وباكره إسرائيل

تم تعديل 5 مارس 2008 بواسطة قرنفل

[رمضان]

البيت و الأكل و الغسيل و الكوي دي واجبات الشغالة يعني في الإسلام الراجل ملزم بتوفير الشغالة للزوجة لأن واجباتها أكبر و أرقى من كده

والله يا اخ قرنفل بقى واجبات الشغالة انت هتخرب علينا ولا ايه

[إيزيس]

والله يا اخ قرنفل بقى واجبات الشغالة انت هتخرب علينا ولا ايه

يا رمضان

يا رمضان

أنا قرنفل هانم

و قفشتك

هي دي النظرة الغلط راجع كتب الدين و كتب الشريعة و كتب خامسة إبتدائي و سلاح التلميذ لو لقيت أي رأي بيقوللك ده واجبات المرأة

يبقى العشا الليلة دي علي و المحاورات كلها معزومة

فيه فرق بين الواجب و الفضل ده فضل من الزوجة إنها تقوم بالإعمال دي من دافع الحب لأسرتها

لكن اللي هو مين يغسلك هدمتك و مين يعمللك لقمتك دي وصايا الست أم الخلول لولدها زعبول

[vipwithyou]

يا سلام عليكى يا ست قرنفل

والله انتى عسل

خليكى رافعة راية البيت

وأنا كمان باكره اسرائيل وايييييييييييه

[~Heba~]

ما عدا إنها تعكنن عليه وتقوله عاوزة اشتغل عشان كلمة أشتغل دي بتحسس الرجل إنه قليل جداً ومش قادر يكفي بيته .

قولوا كده من الاخر هو ده السبب...خايفين على البرستيج

يا سيدى تعب الزوج و شقاه على عين الزوجة و راسها و هو مش قليل و لا حاجة والا ايه يا ستات هو فيه زوجه فى الدنيا تقول على زوجها قليل ممكن طبعا اذا كان قليل فعلا

[Muhammad Zidan]

ما عدا إنها تعكنن عليه وتقوله عاوزة اشتغل عشان كلمة أشتغل دي بتحسس الرجل إنه قليل جداً ومش قادر يكفي بيته .

قولوا كده من الاخر هو ده السبب...خايفين على البرستيج

يا سيدى تعب الزوج و شقاه على عين الزوجة و راسها و هو مش قليل و لا حاجة والا ايه يا ستات هو فيه زوجه فى الدنيا تقول على زوجها قليل ممكن طبعا اذا كان قليل فعلا

مسااااااااااااء الخيرات

والله يا باشمهندسة كلامك صح بس أن ها فسرلك أنا قصدت إيه بكلامي يعني لو حضرتك في الشغل كدة وبتقومي بعمل معين وبتجيدي فيه تماماً بل ورائعة فيه يجي واحد زميلك في المكتب يقولك أنا عاوز أعمل الشغل ده مكانك أوبدالك أو يجي المدير يقول لواحد منزمايلك خد شغل الباشمهندسة هبة أو ساعدها فيه .. متهيألي إنك ها تحسي إن في حاجة غلط في شغلك أو إنك مش كفئ للشغل ده .. بس كده

لكن أرجع وأقولك إن أي رجل في الدنيا وحطي تحت رجل عشرين خط أي رجل في الدنيا يحب يحافظ على مراته من أي حاجة ولو من كلمة بسيطة من برة البيت دي حاجة سيكولوجية وأعتقد إنها فسيولوجية كمان الرجل في تركيبته النفسية حاجة اسمها الغيرة والكرامة والنخوة وبعض المسميات التقيلة دي اللي بتشوفها الستات على إنها حاجات مش مستاهلة وانها تقدر لو اشتغلت تحافظ على كرامتها وعلى نفسها من أي حاجة وحشة ومن أي حد يحاول يتجاوز معاها ... وإيه اللي يخلينا أستنى واحد يتجاوز معاكي طيب ما أنا أحافظ عليكي من الأول وأخليكي قاعدة بكرامتك في البيت ولا حد يترازل عليكي ولا تبهدلي نفسك في أي حتة فكرتوا في كده أبداً .. كل اللي فكرتوا فيه عاوزة أثبت ذاتي عاوزة يكون لي مركز أدبي زيي زيك طيب ياستي ما أنا وانتي واحد ( ده المفروض ) ( ذوبان )... يا باشمهندسة أنا لو مراتي عاوزة تشتري حاجة من برة .. لازم أكون معاها عشان أجنبها أي حوار مع بياع أو سواق تاكسي أو أي حد يستظرف أو يستخف ومتهيألي إنتي بتقابلي حاجات كتيرة زي دي بخلاف المعاكسات والرزالة من المتسكعين لكن لو ماشي معاكي جوزك حد يقدر يكلمك حد يعرف يبصلك أكيد كان جوزك فرمه

الحكاية كلها حكاية رجل بيحب زوجته وبيخاف عليها من الهوا الطاير وبيغير عليها وبيحافظ عليها وعاوز يكرمها و... و... و...

تركيبة نفسية ربنا خلق الرجل بيها هي كده

ولا رجل قليل ولا ست قليلة

وشكراً

Muhammad Zidan

[Muhammad Zidan]

أستاذ محمد كلام حضرتك تمام بس فيه حاجة إن دلوقتي معظم الشباب مش من السهل انهم يبتدوا حياتهم بيسر كدة يعني

وذي ما حضرتك ما قولت غدر الزمان

ليه نجبر نفسنا اننا نعيش كدة مستسلمين طالما في ايدنا الحل لازم الزوجة تشارك زوجها بردو لو الحال مش تمام لحد حتى ما المستوى يتحسن

لازم يكون فيه تكامل ما بينهم ذنبهم ايه الأولاد طالما في ايد حد الحل ان الزوجة تشارك زوجها في المصاريف على الأقل تخفف من أعباؤه

وده بردو راجع ليه لو هو مصمم براحته بس كدة هيبقى بيظلم نفسه وبيظلم ولاده

كمان الزوج نفسه اللي بيقدر يحكم لو مش عاجبه شغل مراته وحاسس بتأثير شغلها على بيتها يطلب منها تسيب الشغل

وكمان لازم نلاحظ انه بيختلف من شغل لشغل

وليه نحط نفسنا في وضع مثير للشفقة وإحنا بإيدينا الحل لو مرت أزمة لقدر الله في الحالة المادية الزوجة تعمل مع الإتفاق طبعا بمراعاة شئون بيتها وعدم تأثير شغلها بالسلب على بيتها لحد إن شا ءالله ما الأزمة ما تعدي وتنتبه بقى وتتفرغ لبيتها

وأي أسرة يا أستاذ محمد بتختار الزوج المناسب اللي يقدر يحمي ويحافظ ويسرف على بنته وبيته

اما أن شايفة لو واحد اخلاقه كويسة وبيحبها فعلا وهيعمل ما بوسعه لإسعادها طالما عنده النية دي يبقى خلاص حكاية الرزق دي على ربنا مش هتقف أدامها

لأن الرسول صلي الله عليه وسلم قال

فيما معناه لو جاءكم ما تقبلون دينه وأخلاقة طبعا توكلوا على الله وادوه بنتكم طالما إنسان كويس ونفسه يبني أسرة وذات خلق وفيه قبول من جانب البنت خلاص طبعا ما يكونش عاطل او كدة لكن فيه خلق المؤمن وخلق المؤمن بترفض البطالة وعندها دافع للعمل

ومش مهم طالما هتبدأ أسرة بسيطة وتكبر بمرور الزمن ويكون فيها مشاركة من الطرفين وبعد كدة بقى نحدد ان الزوجة تقعد وما فيش داعي للعمل

يعني عمل الزوجة للضرورة

مساااااااااااااااء الخيرات

I am convinced, but I can not accept

And don't ask me why

Muhammad Zidan

[vipwithyou]

أستاذ محمد كلام حضرتك تمام بس فيه حاجة إن دلوقتي معظم الشباب مش من السهل انهم يبتدوا حياتهم بيسر كدة يعني

وذي ما حضرتك ما قولت غدر الزمان

ليه نجبر نفسنا اننا نعيش كدة مستسلمين طالما في ايدنا الحل لازم الزوجة تشارك زوجها بردو لو الحال مش تمام لحد حتى ما المستوى يتحسن

لازم يكون فيه تكامل ما بينهم ذنبهم ايه الأولاد طالما في ايد حد الحل ان الزوجة تشارك زوجها في المصاريف على الأقل تخفف من أعباؤه

وده بردو راجع ليه لو هو مصمم براحته بس كدة هيبقى بيظلم نفسه وبيظلم ولاده

هل بتعترفين انه كدة ظلم له ولأولادة فقط يبقى كويس انه مش ظلم ليها

وكدة تبقى حضرتك موافقة على عدم عمل المرأه فى حالة رغبة زوجها او فى حالة عدم حاجتهم ماديا ً

لأن اذا المرأة هتشارك علشان المشاركة ماشى جزاها اللى خير

لكن لو تفكيرها اصلا فى العمل مش للمشاركة وكمان ممكن تشترط ان دخلها يكون لها هى بس ( فى حالات خاصة )

يبقى نسمى دة ايه مشاركة

وهل نقدر نسمى دة عصيان للزوج ام لا

كمان الزوج نفسه اللي بيقدر يحكم لو مش عاجبه شغل مراته وحاسس بتأثير شغلها على بيتها يطلب منها تسيب الشغل

وكمان لازم نلاحظ انه بيختلف من شغل لشغل

كلام جميل .. كلام معقول .. مقدرش اقول حاجة عنه .. وياريت الكل يفهمه

وليه نحط نفسنا في وضع مثير للشفقة وإحنا بإيدينا الحل لو مرت أزمة لقدر الله في الحالة المادية الزوجة تعمل مع الإتفاق طبعا بمراعاة شئون بيتها وعدم تأثير شغلها بالسلب على بيتها لحد إن شا ءالله ما الأزمة ما تعدي وتنتبه بقى وتتفرغ لبيتها

السؤال واضح وصريح فى حالة عدم حاجة المنزل لعمل الزوجه .. فلماذا تصر على العمل

وبعدين انا مستعد اناقش اى حد وأطلعه مقصر فى بيته واولادة وزوجه اذا كان بيعمل لأن مفيش حد يقدر ابدا ً يوازن بين كل دة

علما ً بان الزوج مش مغصوص على انه ياكل من ايد شغاله اكل ظازج حتى لو كانت امكانياتهم جامدة جدا ً وتسمح دى اقل حاجة فى التقصير

شكرا يا نانا لمشاركتك الجميله

[نانا]

شكرا يا أستاذ تامر على تعقيب حضرتك

أنا رأيي إن ما فيش حاجة اسمها ان الواحدة تشتغل لكن يكون دخلها ليها هي إزاي بقى يبقى ايه لازمة عملها بقى لو مش هتشارك مشاركة فعالة في بيتها

كيان البنت ده كيان واحد بدليل ان الزجل في أغلب الأحيان بيسيب فلوسه مع مراته مع انها ما ساهمتش معاه في شغله

لكن عشان فيه تكامل وكل واحد مقدر ده

وأنا رأيي بكل وضوح إن عمل المرأة بيقتضي شروط معينة سبق وذكرتها

لكن طبيعة المرأة كمرأة من رأيي لبيتها ولأولادها مع الحفاظ بردو على مستواها الثقافي والعلمي

وطبعا لشهادتها اللي ممكن في أي وقت تكون معرضة إنها تحتاجها في ظروف معينة

لأن يا جماعة بصراحة معظم الستات بتكون ميالة لشئون البيت ودي بتكون الأولوية عندها وبعدين موضوع الشغل ده بالتفاهم والعقل لو هتقدر فعلا تنجح في بيتها وشغلها

بجد الست في بيتها أهم كتير من الست في شغلها

لتجربةممكن تكون خاصة شوية

بصراحة أنا في حياتي أنا عندي ماما طبيبة لأمراض النساء ودي مهنة صعبة جدا وبابا كذلك طبيب بس لتخصص تاني أمراض باطنة وقلب بس هم بدأوا مع بعض من الصفر يعني كانوا بيعملوا في أولا مستشفى واحدة وبعدين عيادة واحدة

يعني ما فيش خروج لماما أو إختلاط مع حد غير زباينها اللي كلهم ستات

وبابا كمان مقدر عمل ماما جدا لأنه طبيب ومعاها وشايف أد ايه بتتعب وكمان بيسدوا عن بعض وفعلا كبروا بيتنا الحمد لله والحالة المادية ما شاء الله

وبابا مش معارض لعمل ماما أبدا وكمان لأنه عارف أد إيه ماما بتتعب جاب واحدة زي دادة تقضي شغل البيت بسرعة وتخرج لعلمه إنها يا دوب بتخلص شغلها بتكون تعبانة جدا يا دوب لو هتلحق تقعد معانا وتطبخ لو الموضوع متاح وتفضالنا بس قدرت بمرور الزمن إلى حد ما تتأقلم مع الشغل وبردو الحمد لله على إيديها إتربينا كويس وأحيانا بتتفرغ للبيت هي لوحدها بأجازة أو كدة من الشغل

لكن بجد يا جماعة هي بتتعب أوي وفي نفس الوقت بتحب مهنتها بتحس إنها بتأدي رسالة جميلة وزباينها بيحبوها جدا خصوصا إن شغلها حساس جدا ومحتاج ثقة بينها وبين زباينها وعلاقة قوية كمان

لكن اللي حصل اني بجد كرهت عمل المرأة ليه لأني بشوف انه شيء شاق جدا

لدرجة ان ماما بجد بتقولي من قلبها يا ريت حالة زوجك المادية تكون كويسة وما تحتاجيش تشتغلي أحين

إحنا أيوة الحمد لله عمل ماما مش هيأثر لو قعدت لكن هي بقت طبيعة وعادة محبوبة بالنسبالها وجزء من حياتها وكيانها بالرغم من علمها انها بتتعب أوي وبتحب تقعد في بيتها وبتكون أجمل لحظات ليها لما تاخد أجازة فترة وتتفرغ للبيت لكن والله الأجازة مش بتطول أوي

المهم بجد إني ما بقيتش أحب عمل المرأة لأنه بجد ناتج من حياة أنا عيشتها لأن اللي شايفاه ان الست هي اللي بتتعب ما فيش حد أدها لأنها بتبقى محتاجة تنظم وقتها أوي

وكمان ممكن يكون الموضوع ده زايد في حالتي شوية لأن ماما حالة خاصة شوية لأن شغلها متعب جدا وعيادتها في نفس البيت واحنا عارفين ان دكتور النساء معرض للشغل في أي وقت لدرجة والله ان ساعات ماما بتقعد يومين ما تنامش واحنا كلنا بنتألملها لكن بردو أنا معجبة بيها لأنها قدرت تنشأ بيت جميل وأسرة أجمل وبابا مقدر ده جدا لكن بجد هي اللي بتتعزب ومبسوطة جدا وما طلبتش أبدا تسيب الشغل

وبابا محايد لأنه شايفها ناجحة في بيتها وفي شغلها

أنا آسفة طولت أوي بس مش عارفة الكلام سرح مني أوي وقربت أحكي قصة حياتي

لكن بجد الموضوع ده شدني لدرجة دي