هل تقبل بعمل زوجتك خارج المنزل

[vipwithyou]

تسلم ايدك يا نانا فين ستات المنتدى يسمعوكى

وربنا يخليلك بابا وماما وهما فعلا مثال للعائلة الناجحة ربنا يبارك لك فيهم

مهنه مامه حضرتك مهنه نقف جميعا ً احتراما ً لها وهى من المهن التى يصعب على الزوج رفضها لزوجته

فدورها الانسانى الذى تقوم به من تخفيف على مرضاها يستحق الاحترام

وكان الله فى عونها

والحمد لله أنشئت اسره بهذه الروعة

وهذا المثال لا يتكرر كثيرا ً

لكن فى الغالب نجد التقصير الناتج عن عمل المرأة لا يؤثر فقط على الزوج ولكن يمس الأولاد ايضا ً

من خلال كلامك يا أخت نانا

أعتقد انك واقفه معايا فى رأيي ان اذا حالة الزوج المادية تعيشهم مرتاحين يبقى مفيش داعة ابدا ً من تعب القلب وعمل الزوجة

صح ولا لا

قولى آه وهأبعتلك شوكولاتايه

شكرا لكلامك الرائع مرة تانية

أخوكى

تامر السيد

[رمضان]

والله يا اخ قرنفل بقى واجبات الشغالة انت هتخرب علينا ولا ايه

يا رمضان

يا رمضان

أنا قرنفل هانم

و قفشتك

هي دي النظرة الغلط راجع كتب الدين و كتب الشريعة و كتب خامسة إبتدائي و سلاح التلميذ لو لقيت أي رأي بيقوللك ده واجبات المرأة

يبقى العشا الليلة دي علي و المحاورات كلها معزومة

فيه فرق بين الواجب و الفضل ده فضل من الزوجة إنها تقوم بالإعمال دي من دافع الحب لأسرتها

لكن اللي هو مين يغسلك هدمتك و مين يعمللك لقمتك دي وصايا الست أم الخلول لولدها زعبول

يا سلام طب والله ما كنت اعرف

بقى كل الحاجات دي جدعنة كده يعني

خلاص يا ستي العشا عندي انا واهو اخدنا معلومة جديدة بس طبعا ان شاء الله لما اتجوز مش هقولها للمدام

[abaomar]

السلام عليكم

الاخوه الكرام جزاكم الله خيرا

عنى شخصيا لا اقبل عمل زوجتى خارج البيت لاسباب كثيره على راسها و اهمها انه شرعا لا يجوز

و كما قرات ان عمل المراه فى حالتين اثنين

حاجتها الشديده للعمل لتعول نفسها اذا لم تجد ما يعولها

حاجه العمل لها اى المهن التى تحتاج امراه كمدرسات البنات او الطبيبات ...

عدا ذلك فان خروج المراه عليه محاذير شرعيه و الذى يريد ان يعرف فالمصادر الموثقه موجوده سواء القران و السنه المطهره.

شخصيا لدى سبب مهم لطالما رايت تاثيره الا و هو الاطفال هم اكبر ضحيه لخروج الام للعمل خصوصا عندما تكون فى غير حاجه ملحه

و لقد رايت بنفسى حاله صديق دراسه كيف كان لديه عقد نفسيه كثيره و كنت استغرب من ذلك نظرا للحاله الاجتماعيه المرموقه التى كان فيها فوالده رحمه الله كان ذو حيثيه ووالدته كانت فى منصب مهم ايضا و لما توطدت علاقتنا و صار يبوح لى بما فى قلبه عرفت ان الفترات التى كان يقضيها وحيدا هو و اخيه لحين عوده الام من العمل كان كالكابوس بالنسبه له طفلا و يافعا و شابا و حتى.. رجلا

ربما لا نلاحظ كثيرا هذا الموضوع و لكن الاطفال دائما هم الضحيه و ان اختفت الاعراض و لكنها حتما ستظهر و هذا يفسر كثيرا الانحرافات السلوكيه و الفكريه لكثير من الشباب الذين ان لم تحتويهم امهم فهم فى ضياع.

[nash]

تعالي يا رمضان أنت وكل الأخوة الرجال اقرأ الكام سطر دول....

جبتهالكم يا رجاله من موقع مسلمات أون لاين....

..................................................................

لا يجب على المرأة خدمة زوجها في الخبز والطحن والطبخ والغسيل وغيرها من خدمات وإذا ما قامت المرأة بهذه الأعمال فإن هذا يعتبر تطوعاً من جانبها, إذ أن إيجاب الخدمة على الزوجة يمسّ كرامتها ويحول حياتها الزوجية إلى حياة الخادمية, كما أنه يحول دون تعلمها وإتمام ثقافتها, وربما يعوقها على القيام بتربية أولادها التربية الروحية الإيمانية

..................................................................

ده علشان الناس الحلوة اللي متصورة أن المرأة خلقت لخدمه الرجل .....

..................................................................

من حق المرأة أن تخرج وترفه عن نفسها مثلها مثل الرجل تماما مع بعض المحاذير لإبعاد الاذي عنها من بعض ضعاف النفوس فقط....

من يقول غير ذلك ....لا يجب عليه إلزام إلا أهل بيته بذلك....الحمد لله لدينا رجال متفهمين لكافه حقوقنا...ويرفهون عنا ونقابل الصديقات ونعيش حياة إجتماعيه جميله

[رمضان]

تعالي يا رمضان أنت وكل الأخوة الرجال اقرأ الكام سطر دول....

جبتهالكم يا رجاله من موقع مسلمات أون لاين....

..................................................................

لا يجب على المرأة خدمة زوجها في الخبز والطحن والطبخ والغسيل وغيرها من خدمات وإذا ما قامت المرأة بهذه الأعمال فإن هذا يعتبر تطوعاً من جانبها, إذ أن إيجاب الخدمة على الزوجة يمسّ كرامتها ويحول حياتها الزوجية إلى حياة الخادمية, كما أنه يحول دون تعلمها وإتمام ثقافتها, وربما يعوقها على القيام بتربية أولادها التربية الروحية الإيمانية

..................................................................

ده علشان الناس الحلوة اللي متصورة أن المرأة خلقت لخدمه الرجل .....

..................................................................

من حق المرأة أن تخرج وترفه عن نفسها مثلها مثل الرجل تماما مع بعض المحاذير لإبعاد الاذي عنها من بعض ضعاف النفوس فقط....

من يقول غير ذلك ....لا يجب عليه إلزام إلا أهل بيته بذلك....الحمد لله لدينا رجال متفهمين لكافه حقوقنا...ويرفهون عنا ونقابل الصديقات ونعيش حياة إجتماعيه جميله

طب والله فعلا انا ما كنت اعرف الحكم الشرعي في المسألة دي صدقوني فعلا

بس تعالوا انتم بقى هنا يا سيدات هذا ما وجدنا عليه المجتمع فأصبحت لدينا قناعة بأنه حق مكتسب ولم تقم النساء بالدفاع عن نفسها في هذه النقطة بل رسختها ايضا

فبالتالي الذنب ليس ذنبنا

بقى هيه الحكاية طلعت كده

[nash]

أنا عارفه يا رمضان أنك وكثيرون لا يعرفون ...لإن المجتمع بالأساس ذكوري....

ثم أن الرجال وبطريقه متعمده تجاهلوا نصوص معينه وركزوا علي أخري لإغراض في نفوسهم....وسيحاسبهم رب العالمين عليها ...وأول هؤلاء الرجال الشيوخ الذين كرسوا النظرة الدونيه للمرأة في ذهن الرجل ..وإن ذكروا أي فضل لديها ذكروة علي استحياء ونظام بسرعه بسرعه..

وكل إمرأة قامت بنقل هذه الصورة المقيته السلبيه عن جنسها إلي الأبناء ستحاسب ايضا لإنها هي المربيه وهي من تضع المفاهيم في عقول ابناءها...

وكل إمرأة تهاونت في حق لها سلبه الرجل ولم تدافع عنه ستحاسب أيضا...ولا تلوم غير نفسها

أنا شخصيا علمت أولادي حتميه أحترام البنات ومعاملتهن بالمعامله الراقيه المحترمه ولم انقل لهم ابدا انهم ارفع أو أفضل شأنا منهن...بل هن شقائق لهم...وما لايرضونه لبنات خالاتهم لا يرضونه لغيرهن....

هكذا أعلم أولادي وأغرس إن شاء الله مفاهيم أيجابيه عن الجنس الأخر

................................................................................

.............................................................

[رمضان]

هذا ان دل فإنما يدل على عظمة الاسلام ، فهذا تكريم ما بعده تكريم للمرأة

ايضا بعد سؤالي احد الاخوة الزملاء المستشارين لأتاكد منه قالي ان الزوج القادر مكلف باحضار خادمة وهذه الخادمة تكون قائمة فقط على شؤون المرأة وليس شؤونهما معا.

أؤكد لكم ان بعد هذا النقاش تغيرت لدي مفاهيم كثيرة جدا

مدام قرنفل مدام ناش

اشكركم جزيل الشكر وانتم فعلا والاخوات هنا مثال رائع للمرأة المثقفة التي يجب ان تكون عليها المرأة المسلمة

فلتذهب ثقاقة الجهل الى الجحيم ولننفذ شرع الله بدلا من ان نقول وجدنا آبائنا هكذا

[nash]

صدقني يا رمضان مش مجامله لك...لكن أحلي حاجه فيك..إن لو قناعه لديك تغيرت تستطيع أن تعلن عنها دون خجل....

وكثير من الرجال أو النساء لا يستطيعون فعل ذلك...

تقبل تحياتي

[إيزيس]

لا يجب على المرأة خدمة زوجها في الخبز والطحن والطبخ والغسيل وغيرها من خدمات وإذا ما قامت المرأة بهذه الأعمال فإن هذا يعتبر تطوعاً من جانبها, إذ أن إيجاب الخدمة على الزوجة يمسّ كرامتها ويحول حياتها الزوجية إلى حياة الخادمية, كما أنه يحول دون تعلمها وإتمام ثقافتها, وربما يعوقها على القيام بتربية أولادها التربية الروحية الإيمانية

برافو ناش

أؤكد لكم ان بعد هذا النقاش تغيرت لدي مفاهيم كثيرة جدا

مدام قرنفل مدام ناش

اشكركم جزيل الشكر وانتم فعلا والاخوات هنا مثال رائع للمرأة المثقفة التي يجب ان تكون عليها المرأة المسلمة

فلتذهب ثقاقة الجهل الى الجحيم ولننفذ شرع الله بدلا من ان نقول وجدنا آبائنا هكذا

برافو رمضان

مبسوطة منكم جدا حوار عاقل و أدب و عدم تمسك بالرأي و طبعا كل المشاركين على نفس القدر من الاتزان لكن ناش و رمضان

جوووووووووووووووووووووووووووووووووووووووووووووووووول tot::

تم تعديل 6 مارس 2008 بواسطة قرنفل

[vipwithyou]

يا خبر ابيض nash عملت غسيل مخ لرمضان

يابنى خليك على موقفك انت خايف من ايه

مازلت عند موقفى .. ليس من حق المرأة التقصيرفى بيتها ( الناتج عن عملها ) طالما انه لا يحتاج الى دخلها المادى

وشكرا

[nash]

مازلت عند موقفى .. ليس من حق المرأة التقصيرفى بيتها ( الناتج عن عملها ) طالما انه لا يحتاج الى دخلها المادى

وشكرا

وانا أتفق معك تماما في هذا الموقف...

ليذهب كل شيء إلي الجحيم إذا ماكان سيمس البيت أي ضرر من الأضرار....

[حسام يوسف]

السلام عليكم

مش عارف يا مدام ناش

لأول مرة هختلف معاكى

ايه مسلمات اون لاين ده؟

الست لا يجب عليها ان تساهم فى الطبخ أو الغسيل

؟

؟

؟

؟

ده من امتى بقى؟

افهم ان يوفر الرجل كل ما يستطيع من ادوات لتسهيل عمل المرأة

من كيتشين ماشين

وغسالة فول اوتوماتيك

وغيره

وكمان يجب عليه مساعدتها فى امور المنزل ان كان لديه الوقت لذلك

وان يشاركها يدا بيد ان استطاع

لكن الست لا يجب عليها ان تخدم بيتها فى الغسيل او الطبخ

لا يجب؟

مش ممكن ده يكون اسلام

ولا حتى فطرة

ايه يا ستات فيه ايه؟

عايزين ايه بالظبط؟

وبعدين انتوا بتسموا اللى بتعملوه ف البيت اليومين دول

حتى لو عملتوه عدل

شغل؟

الواحدة تقولك

اه

عندى غسيل

وكل ما تعمله ان تحط الهدوم فى الغسالة

ونحط الفيشة

والمسحوق

وتروح تتفرج على سى شريف بتاع الطبيخ على الفضائية المصرية

وتقولك

تعبانة

كان عندى غسيل النهاردة

اما الاجيال اللى قبل كدة كانت بتعمل ايه؟

حتى قبل الغسالة الكهربا العادية

ايام الجردل والطشت

وشغل طول اليوم

زودتوها يا ستات

زودتووووووووووووووووووووووووووووووووووووووووووووووووووها قوى

وايه يا عم رمضان

نفسى مرة واحدة اتفق معاك

مرة خايف من حسن نصر الله أكتر من خوفك من اسرائيل

ومرة تقول للستات

عندكوا حق

ومجتمع ذكورى ومعرفش ايه

يعنى اروح منك فين بس

ويا مدام ناش بلاش بالله عليكى الحديث بتاع المجلس القومى للمرأة

بتاع المجتمع الذكورى والكلام اللى مايكلش ده

امال المجتمع يبقى حريمى وبلاش ذكورى؟

هية بقت كدة؟

لأ

والف لأ

يا معشر الرجال

أعلنوا وقفتكم ضد هذا الكلام

الاستقلال التام أو الموت الزؤام

ويا لجنة الحكام الاهلى بيدفع كام

[nash]

السلام عليكم

مش عارف يا مدام ناش

لأول مرة هختلف معاكى

ايه مسلمات اون لاين ده؟

الست لا يجب عليها ان تساهم فى الطبخ أو الغسيل

؟

؟

؟

؟

ده من امتى بقى؟

افهم ان يوفر الرجل كل ما يستطيع من ادوات لتسهيل عمل المرأة

من كيتشين ماشين

وغسالة فول اوتوماتيك

وغيره

وكمان يجب عليه مساعدتها فى امور المنزل ان كان لديه الوقت لذلك

وان يشاركها يدا بيد ان استطاع

لكن الست لا يجب عليها ان تخدم بيتها فى الغسيل او الطبخ

لا يجب؟

مش ممكن ده يكون اسلام

ولا حتى فطرة

ايه يا ستات فيه ايه؟

عايزين ايه بالظبط؟

وبعدين انتوا بتسموا اللى بتعملوه ف البيت اليومين دول

حتى لو عملتوه عدل

شغل؟

الواحدة تقولك

اه

عندى غسيل

وكل ما تعمله ان تحط الهدوم فى الغسالة

ونحط الفيشة

والمسحوق

وتروح تتفرج على سى شريف بتاع الطبيخ على الفضائية المصرية

وتقولك

تعبانة

كان عندى غسيل النهاردة

اما الاجيال اللى قبل كدة كانت بتعمل ايه؟

حتى قبل الغسالة الكهربا العادية

ايام الجردل والطشت

وشغل طول اليوم

زودتوها يا ستات

زودتووووووووووووووووووووووووووووووووووووووووووووووووووها قوى

وايه يا عم رمضان

نفسى مرة واحدة اتفق معاك

مرة خايف من حسن نصر الله أكتر من خوفك من اسرائيل

ومرة تقول للستات

عندكوا حق

ومجتمع ذكورى ومعرفش ايه

يعنى اروح منك فين بس

ويا مدام ناش بلاش بالله عليكى الحديث بتاع المجلس القومى للمرأة

بتاع المجتمع الذكورى والكلام اللى مايكلش ده

امال المجتمع يبقى حريمى وبلاش ذكورى؟

هية بقت كدة؟

لأ

والف لأ

يا معشر الرجال

أعلنوا وقفتكم ضد هذا الكلام

الاستقلال التام أو الموت الزؤام

ويا لجنة الحكام الاهلى بيدفع كام

أتفق معك تماما أخي الكريم...دكتور حسام tot:: ربنا مايجيبش خلاف ابدا

عندك حق في كل اللي قولته......ده دلع زايد شويتين ...معلش استحملونا بأة نصيبكم

[~Heba~]

السلام عليكم

مش عارف يا مدام ناش

لأول مرة هختلف معاكى

ايه مسلمات اون لاين ده؟

الست لا يجب عليها ان تساهم فى الطبخ أو الغسيل

؟

؟

؟

؟

ده من امتى بقى؟

افهم ان يوفر الرجل كل ما يستطيع من ادوات لتسهيل عمل المرأة

من كيتشين ماشين

وغسالة فول اوتوماتيك

وغيره

وكمان يجب عليه مساعدتها فى امور المنزل ان كان لديه الوقت لذلك

وان يشاركها يدا بيد ان استطاع

لكن الست لا يجب عليها ان تخدم بيتها فى الغسيل او الطبخ

لا يجب؟

مش ممكن ده يكون اسلام

ولا حتى فطرة

ايه يا ستات فيه ايه؟

عايزين ايه بالظبط؟

وبعدين انتوا بتسموا اللى بتعملوه ف البيت اليومين دول

حتى لو عملتوه عدل

شغل؟

الواحدة تقولك

اه

عندى غسيل

وكل ما تعمله ان تحط الهدوم فى الغسالة

ونحط الفيشة

والمسحوق

وتروح تتفرج على سى شريف بتاع الطبيخ على الفضائية المصرية

وتقولك

تعبانة

كان عندى غسيل النهاردة

اما الاجيال اللى قبل كدة كانت بتعمل ايه؟

حتى قبل الغسالة الكهربا العادية

ايام الجردل والطشت

وشغل طول اليوم

زودتوها يا ستات

زودتووووووووووووووووووووووووووووووووووووووووووووووووووها قوى

وايه يا عم رمضان

نفسى مرة واحدة اتفق معاك

مرة خايف من حسن نصر الله أكتر من خوفك من اسرائيل

ومرة تقول للستات

عندكوا حق

ومجتمع ذكورى ومعرفش ايه

يعنى اروح منك فين بس

ويا مدام ناش بلاش بالله عليكى الحديث بتاع المجلس القومى للمرأة

بتاع المجتمع الذكورى والكلام اللى مايكلش ده

امال المجتمع يبقى حريمى وبلاش ذكورى؟

هية بقت كدة؟

لأ

والف لأ

يا معشر الرجال

أعلنوا وقفتكم ضد هذا الكلام

الاستقلال التام أو الموت الزؤام

ويا لجنة الحكام الاهلى بيدفع كام

ايه دا كله يا دكترة طيب جامل ام عتريس شوية و قلها مش فرض عليكى تعملى حاجة فى البيت :lol:

انا مش فاهمه انت كنت كويس ايه اللى جرى لك md2:

[إيزيس]

أنا هاهدي النفوس من أول و جديد

على أساس عندنا يومين أجازة و فاضيين سامعاني يا ناش :lol:

مش ملاحظين العنوان

هل تقبل أن تعمل زوجتك خارج البيت ؟؟

على أساس داخل البيت ده أساسي 00عادي يعني

طب ممكن أسأل الرجالة سؤال

هل تقبل أن تعمل داخل البيت؟

و أرجو الرجوع لكل مراجعكم :ميكي وسمير وسوبر ميكي أبو 5 جنيه كمان لأن كل كلمة محسوبة ومردودوعليها إن شاء الله

إديني صفحة جديدة

[nash]

قوووووووووووووووووووووووووووورووووونفل......سااااااااامعاكي يا حبيبتي....يا ملاكي...ايه الجمال ده... md2:

ألف ألف مبروك...48 ساعه بحالهم يا قمر.....عايزاكي تحققي كل أمنياتك وأحلامك المؤجله بسبب الحبايب... :lol:

أنا بأة اللي مستنيه الإجابات...عايزة اسمع وأشنف آذاني بطيب القول والبلاغه والعنتريه القويه للرجل....

[رمضان]

انا قررت ان اعود لصفوف المقاومة من تاني

لقد تلقيت الاف الرسائل خلال يومين تتهمني بالعمالة والخيانة لصالح المرأة

[حسام يوسف]

السلام عليكم

أختى العزيزة مدام ناش:

ربنايعلم انى أكن لشخصك الكريم كل احترام

بس حكاية المرأة وقضايا المرأة بتجيبلى ارتيكاريا

ويا باشمهندسة :

انا بحب أم عتريس جدا

ولو عايزانى أخليها تقولك بنفسها

معنديش مشكلة

لكن موضوع قضايا المرأة ده

موضوع مفتعل من جهات معينة

لأغراض نشر الفتنة بين عنصرى الأمة المصرية

الرجل والمرأة

محدش ممكن يستغنى عن التانى

لكن نغمة المرأة مظلومة

نغمة مش صحيحة

ولا تخدم الا الجهات اياها

الصحيح اننا كمصريين مظلومون

مش كدة ولا ايه؟

أرجو ماحدش يقولى ايه

وبشكرك جدا يا قرنفل على اعادة السؤال

وكان نفسى يبقى فيه اوبشن كمان

وهو رأيى الشخصى بالمناسبة

أوافق على ان تعمل زوجتى وتخرج لسوق العمل

ولكن

فى ظروف محترمة

لا أن تحتك بمشاكل مع زملاء غير محترمين

وفى النهاية

كل الحكاية

ولد وبنت

[nash]

مساء الخير يا جماعه ...انا جيت علي نداء المعركه.... md2:

ماااشي يا رمضان...ده أنا لسه قايله فيك كلمتين حلوين....أداري وشي فين لوقتي؟؟؟؟؟ :lol:

دكتور حسام.....

كلام حقيقي ومن قلبي....

انا ضد عمل المرأة أصلا...ولكن مع حريتها الشخصيه في الإختيار...

أنا شخصيا لم أفكر في العمل خارج المنزل إلا لإنني في الغربه واليوم طويل والأولاد إلتحقوا بالمدارس....ايضا جو العمل مريح ...أذهب مع زوجي ويعود بي في نهايه الدوام.....

لدي يومين أجازة في الاسبوع ...نعيش بحريه لعدم وجود رجال....أيضا المقابل المادي كان مجزي...

حينما طلبت أن أعمل.....سالت أبو ياسر...قال لي بالنص...( لن ) أبحث لك عن عمل...رغم أن معارفه كثر..وإذا أراد أستطاع تدبير الوظيفه....( ولكن ) إن ألتحقتي بشيء ما..سأكون إلي جانبك ولن أتخلي عنك..وستكون يدي بيدك.....هذا كان كلامه...وكان عند وعده..ولم اقصر أنا في اي واجب من الواجبات...مع العلم أنني كنت لازلت طالبه في الجامعه...( أكسترنل) وعايشه حياتي...وبذاكر

حينما وصل الكابتن ياسر إلي المرحله الثانويه....تركت العمل بمحض إرادتي رغم أن الأولاد كانوا ( فخورين ) جدا بي....أقسم بالله إني اقول الحقيقه...وابدا لم يصابوا باي إهتزاز نفسي بل العكس أعتمدوا علي أنفسهم في الكثير من الامور...ونضجت شخصياتهم بشكل ملحوظ...( هذه من الأيجابيات )

بالنسبه لي...أنا أرفض العمل خارج المنزل لإسباب كثيرة...

1. إنني أرفض تلقي الاوامر من اي كان علي سطح الكرة الأرضيه...ولذلك كنت حازمه في عملي ولا أترك لإحد فرصه حتي توجيه ملاحظه..وبالطبع هذا يعد مرهق نفسيا

2. طبيعتي تميل إلي جو المرح الذي افتقدته في عالم الشغل

3. أكرة الروتين اليومي من استيقاظ في ميعاد معين والجري طول النهار ..مع أني أعشق السهر ومع ذلك استيقظ مبكرة....( سمعاني يا قرنفل؟؟ ) اللي حصل المرة اللي فاتت كانت غلطه ( كدابه)

4. أحسست أن فاتني جلسات صديقات جميله ...وانا بالاصل إجتماعيه فوجدتني أعتزلت الحياة الإجتماعيه تقريبا إلا من صديقات العمل وتكرار نفس الأحاديث الممله...

5. رغبه زوجي في أن أتفرغ لنفسي في المقام الاول ..وإلتقاط أنفاسي....

وكان القرار بكل هدوء.....

ماتعملته في هذه السنوات...

كم يتعب الرجل خارج المنزل في سبيل اسرته..لإنني وإن كنت أعمل ..إلا أن البيئه الانثويه مختلفه تماما عن بيئه الرجل..

تعلمت ان الاشياء البسيطه مثل (إشارات المرور) كم ترهق الرجل جسديا وعصبيا ..وفي الماضي حينما كان يحكي معي زوجي عنها ..كنت أكتم ضحكاتي ...

تعلمت أن مهما تعبت المرأة في بيتها وفي تربيه ابناءها..لا يأتي عشر مايعانيه الرجل خاج المنزل...يكفي أننا نملك حريه قرار الإستيقاظ..وإذا اردنا ألا نطبخ اليوم..تليفون لطيف للزوج ...سيأتي وهو محمل بكل طعام المطاعم....في الوقت الذي لا يستطيع فيه الرجل الإعتذار عن الذهاب إلي العمل اليوم لاي سبب ..

تعلمت كيف ان زوجي رغم كل ما يعانيه بمجرد أن يغلق الباب خلفه يأتي مبتسما في وجهي ولم ينكد علي ابدا باخبار كئيبه رغم انني كنت أتحفه يوميا بكل صغيرة وكبيرة في العمل...فتعلمت أن أقدم له أكثر مما كنت اقدمه بكثير ..إحتراما لهذا النموذج النار من الرجال..والذي كان لا يتحرج في إعداد طاوله الطعام إذا كنت نائمه...

ثم تعلمت ...اننا إنسان واحد ولا يوجد مايسمي بنقودي ونقودك بكرامتي وكرامتك..طالما الخطوط الحمراء موضوعه ولا نتعداها...وأن البيت شركه لازم تنجح..وليس ( نتمني لها النجاح )

صدقوني العمل ليس كله شر محض ولا خير محض...له عيوبه ومزاياة....ولا يجب ان نضع عراقيل نعكنن بها علي انفسنا في مسيرة الحياة الزوجيه..

قرنفل...أنتي بالذات 3 وردات عديهم علي مهلك :lol: :lol: :lol: :lol:

تم تعديل 6 مارس 2008 بواسطة nash

[Muhammad Zidan]

أنا هاهدي النفوس من أول و جديد

على أساس عندنا يومين أجازة و فاضيين سامعاني يا ناش :lol:

مش ملاحظين العنوان

هل تقبل أن تعمل زوجتك خارج البيت ؟؟

على أساس داخل البيت ده أساسي 00عادي يعني

طب ممكن أسأل الرجالة سؤال

هل تقبل أن تعمل داخل البيت؟

و أرجو الرجوع لكل مراجعكم :ميكي وسمير وسوبر ميكي أبو 5 جنيه كمان لأن كل كلمة محسوبة ومردودوعليها إن شاء الله

إديني صفحة جديدة

قبل ما أرد أو أقول حاجة مفيش حد عملي غسيل مخ ولا حاجة

هو لو الواحد ساعد مراته في شغل البيت يبقى غلط أو نزل من قدره مش عارف ... بس أنا بأساعد مراتي تقريباً في كل حاجة .... والله في ساعات تصحى من النوم تلاقيني غسلت الحاجات اللي في حوض المطبخ كلها .. مش كده وبس اوقات كتير جداً أشتغل بالمكنسة الكهرباء ... وألبس الولاد واحنا خارجين .. وحاجات كتير جداً غير كده

يعني المسألة بسيطة جداً وما فيهاش إحراج ... لكن الطبيعي والمفروض والصحيح إن شغل البيت فقط اختصاص أصيل للستات ..

وزي ما الرجل بيرحمها من كل المشاكل اللي ممكن تقابلها بره البيت كمان بيساعدها جوه البيت .. تبقى مظلومة ازاي ومهضوم حقها فين ومجتمع ذكوري على أساس إيه .... ممكن يكون مجتمع ذكوري بره البيت في الشارع لكن داخل كل البيوت قيادات نسائية ولا حرج وعلى فكرة ده ما بيضايقش الرجالة ..

وطبعاً أنا مع د / حسام إن المسألة ولد وبنت برة البيت

والله والله إحنا بنخاف عليكوا جداً وبنحترمكوا جداً جداً ورفضنا لعمل الزوجة أو الستات برة البيت مش مسألة عند أبداً بس الرجالة أدرى باللي بيحصل في الشوارع وأرجع وأفكرك بالبلاوي اللي كل يوم بنسمع عنها مع البنات والستات ... يبقى نعمل إيه نسيبكوا تخرجوا للشوارع المصايب والحوادث اللي بنسمع عنها والا نحافظ عليكم ونكرمكوا في بيوتكم ولو عاوزين تخرجوا أخرجوا اتفسحوا ..... مع رجالتكوا طبعاً

سلااااااااااااااااااااااام

Muhammad Zidan md2: