هل تقبل بعمل زوجتك خارج المنزل

[Muhammad Zidan]

مساء الخير يا جماعه ...انا جيت علي نداء المعركه.... md2:

ماااشي يا رمضان...ده أنا لسه قايله فيك كلمتين حلوين....أداري وشي فين لوقتي؟؟؟؟؟ :lol:

دكتور حسام.....

كلام حقيقي ومن قلبي....

انا ضد عمل المرأة أصلا...ولكن مع حريتها الشخصيه في الإختيار...

أنا شخصيا لم أفكر في العمل خارج المنزل إلا لإنني في الغربه واليوم طويل والأولاد إلتحقوا بالمدارس....ايضا جو العمل مريح ...أذهب مع زوجي ويعود بي في نهايه الدوام.....

لدي يومين أجازة في الاسبوع ...نعيش بحريه لعدم وجود رجال....أيضا المقابل المادي كان مجزي...

حينما طلبت أن أعمل.....سالت أبو ياسر...قال لي بالنص...( لن ) أبحث لك عن عمل...رغم أن معارفه كثر..وإذا أراد أستطاع تدبير الوظيفه....( ولكن ) إن ألتحقتي بشيء ما..سأكون إلي جانبك ولن أتخلي عنك..وستكون يدي بيدك.....هذا كان كلامه...وكان عند وعده..ولم اقصر أنا في اي واجب من الواجبات...مع العلم أنني كنت لازلت طالبه في الجامعه...( أكسترنل) وعايشه حياتي...وبذاكر

حينما وصل الكابتن ياسر إلي المرحله الثانويه....تركت العمل بمحض إرادتي رغم أن الأولاد كانوا ( فخورين ) جدا بي....أقسم بالله إني اقول الحقيقه...وابدا لم يصابوا باي إهتزاز نفسي بل العكس أعتمدوا علي أنفسهم في الكثير من الامور...ونضجت شخصياتهم بشكل ملحوظ...( هذه من الأيجابيات )

بالنسبه لي...أنا أرفض العمل خارج المنزل لإسباب كثيرة...

1. إنني أرفض تلقي الاوامر من اي كان علي سطح الكرة الأرضيه...ولذلك كنت حازمه في عملي ولا أترك لإحد فرصه حتي توجيه ملاحظه..وبالطبع هذا يعد مرهق نفسيا

2. طبيعتي تميل إلي جو المرح الذي افتقدته في عالم الشغل

3. أكرة الروتين اليومي من استيقاظ في ميعاد معين والجري طول النهار ..مع أني أعشق السهر ومع ذلك استيقظ مبكرة....( سمعاني يا قرنفل؟؟ ) اللي حصل المرة اللي فاتت كانت غلطه ( كدابه)

4. أحسست أن فاتني جلسات صديقات جميله ...وانا بالاصل إجتماعيه فوجدتني أعتزلت الحياة الإجتماعيه تقريبا إلا من صديقات العمل وتكرار نفس الأحاديث الممله...

5. رغبه زوجي في أن أتفرغ لنفسي في المقام الاول ..وإلتقاط أنفاسي....

وكان القرار بكل هدوء.....

ماتعملته في هذه السنوات...

كم يتعب الرجل خارج المنزل في سبيل اسرته..لإنني وإن كنت أعمل ..إلا أن البيئه الانثويه مختلفه تماما عن بيئه الرجل..

تعلمت ان الاشياء البسيطه مثل (إشارات المرور) كم ترهق الرجل جسديا وعصبيا ..وفي الماضي حينما كان يحكي معي زوجي عنها ..كنت أكتم ضحكاتي ...

تعلمت أن مهما تعبت المرأة في بيتها وفي تربيه ابناءها..لا يأتي عشر مايعانيه الرجل خاج المنزل...يكفي أننا نملك حريه قرار الإستيقاظ..وإذا اردنا ألا نطبخ اليوم..تليفون لطيف للزوج ...سيأتي وهو محمل بكل طعام المطاعم....في الوقت الذي لا يستطيع فيه الرجل الإعتذار عن الذهاب إلي العمل اليوم لاي سبب ..

تعلمت كيف ان زوجي رغم كل ما يعانيه بمجرد أن يغلق الباب خلفه يأتي مبتسما في وجهي ولم ينكد علي ابدا باخبار كئيبه رغم انني كنت أتحفه يوميا بكل صغيرة وكبيرة في العمل...فتعلمت أن أقدم له أكثر مما كنت اقدمه بكثير ..إحتراما لهذا النموذج النار من الرجال..والذي كان لا يتحرج في إعداد طاوله الطعام إذا كنت نائمه...

ثم تعلمت ...اننا إنسان واحد ولا يوجد مايسمي بنقودي ونقودك بكرامتي وكرامتك..طالما الخطوط الحمراء موضوعه ولا نتعداها...وأن البيت شركه لازم تنجح..وليس ( نتمني لها النجاح )

صدقوني العمل ليس كله شر محض ولا خير محض...له عيوبه ومزاياة....ولا يجب ان نضع عراقيل نعكنن بها علي انفسنا في مسيرة الحياة الزوجيه..

قرنفل...أنتي بالذات 3 وردات عديهم علي مهلك :lol: :lol: :lol: :lol:

لا فض فوكي .... لا فض فوكي .... لا فض فوكي

فين الكلام ده من بداية الموضوع .... يارب يكونوا الأخوات المهاجمات فهموا الموضوع واقتنعوا

طبعاً كلام رائع جداً جداً جداً

Muhammad Zidan :lol: bv:- bv:-

[نانا]

أيوة يا أستاذ تامر أنا فعلا وضحت من خلال كلامي ان لو حالة الزوج المادية كويسة يبقى ما فيش داعي للست الشغل وده رأيي بجد لأني شايفة بجد إن مهمة الست داخل البيت مهمة أهم ما خارج البيت

وكمان الشهادة اللي بتأخودها الست ودراستها طول حياتها لنفسها ولبيتها ( في حالة تحسن الظروف المادية للزوج )

يعني أكيد هتفرق في طريقة تربيتها لأولادها من خلال غرس قيم ومباديء قيمة لأدولادها وتتعامل معاهم بطريقة مثقفة وناضجة أكيد يعني الست المثقفة والمتعلمة تربيتها لأولادها بتختلف

وكمان نتاج تقافتها بيظهر على أولادها وأنا في رأيي إن أسعد مرأة في العالم إنها تشوف أثرها على أولادها وإنها قدرت فعلا تعمل بيت جميل وتبني جواه أولادها مثقفين وناضجين

ده على فكرة رأيي من غير شيكولاته

ولكن نظرا لحبي للشيكولاته أنا مش هتنازل عنها ويا ريت تتصرف وتجيبهالي

أديني أستجبت وأديت غرض حضرتك من المناقشة الطويلة دي

بس بجد ده رأيي

[إيزيس]

بس أنا بأساعد مراتي تقريباً في كل حاجة .... والله في ساعات تصحى من النوم تلاقيني غسلت الحاجات اللي في حوض المطبخ كلها .. مش كده وبس اوقات كتير جداً أشتغل بالمكنسة الكهرباء ... وألبس الولاد واحنا خارجين .. وحاجات كتير جداً غير كده

ده كلام سليم md2:

...

لكن الطبيعي والمفروض والصحيح إن شغل البيت فقط اختصاص أصيل للستات

..

إديني مصادرك يا باشا وخلال 6 ساعات فقط( ممنوع الاستعانة بمجلة ما تزوقيني يا ماما)

مهمة الست داخل البيت مهمة أهم ما خارج البيت

يا عيني على العقل و الكلام الموزون

صدقوني العمل ليس كله شر محض ولا خير محض...له عيوبه ومزاياة....ولا يجب ان نضع عراقيل نعكنن بها علي انفسنا في مسيرة الحياة الزوجيه..

حكمة حكيمة محكمة 00أستاذة يا نوشة لكن لا مانع من جوز عراقيل كده للتغيير

استيقاظ في ميعاد معين والجري طول النهار

شمااااااااتة

:lol: :lol:

ألف ألف مبروك...48 ساعه بحالهم يا قمر.....عايزاكي تحققي كل أمنياتك وأحلامك المؤجله بسبب الحبايب

ده أنا هاعمل عمايل هانفجر وهاخرج أنا وزوجي لوحدنا من غير الكيدز

:lol:

رايحين لدكتور الأسنان بتااااااااااااااعي :lol:

أنا شايفة ناس بتتهرب من السؤال ها ...ها

هل تقبل أن تعمل داخل البيت؟

[nash]

سؤال خارج المنهج....

أنتي بتعملي الإقتباسات اللي ورا بعض إزاي هه؟

ده حتي سمسمه بتعرف تعملها.....أنا أتعقدت خلاص

أخي محمد....أخجلت تواضعي md2:

طبعا هذه تجربتي ولا ألزم بها أحد..ومايناسبني قد لا يناسب غيري..فوجهات النظر وسمات الشخصيه تختلف من إنسان لإخر...

ربي يرشدنا جميعا إلي مافيه الخير

ألف سلامه يا قرنفل.....إن شاء الله بسيطه....أرجعي لصور سي السيد بتاعه التقويم وانتي هاتتنططي من السعاده وتجري بنفسك علي الدكتور... :lol:

تم تعديل 7 مارس 2008 بواسطة nash

[إيزيس]

بافكر أفتح توبيك

أم البكرية رايحة تحشي ضرسها

أنتي بتعملي الإقتباسات اللي ورا بعض إزاي هه؟

ده سكوب الله يكرمه علمها لي هانعت لك الشرح بالتفصيل

تم تعديل 7 مارس 2008 بواسطة قرنفل

[vipwithyou]

فاتنى الكثير ..

لكن ظروفى لا تسمح بالرد ..

شكرا لك يا دكتور حسام على رأيك

وشكرا لك يا أم ياسر على الكلام الجميل اللى فيه حل الموضوع كله

وشكرا يا نانا لتأكيدك الرأى من غير شوكولاته ولك عندى ان شاء الله واحدة وان ما أخدتيهاش فى الدنيا ابقى يا ستى طالبينى بيها وانتى فى الجنه ان شاء الله

مدام قرنفل .. البكرية اخبارها ايه .. هى راحت لوحدها ومامتها اتغاظت فعملت هى كمان ضرسها ولا ايه .. الله يكون فى عونك يا أبو البكرية

شكرا ليكم كلكم

اخوكم

تامر السيد

تم تعديل 7 مارس 2008 بواسطة vipwithyou

[nash]

للمرة التانيه أخرج برة المنهج......

انا أسفه يا تامر بس مش لاقيه طريقه تانيه علشان أوصل لهبه...

ياهبه لما ببعتلك رساله بيقولي أن العضو أوقف خاصيه الرسائل....فشيكي أنتي علي قائمه التجاهل....

[Modest]

سؤال خارج المنهج....

أنتي بتعملي الإقتباسات اللي ورا بعض إزاي هه؟

ده حتي سمسمه بتعرف تعملها.....أنا أتعقدت خلاص

الفاضلة نادية smk:

اسمحي لي أرد على سؤالك عن كيفية عمل الاقتباسات اللي ورا بعضها.

الإجابة: عادي خالص بتتعمل بسهولة

أرجو أن أكون قد افدتك و تحت أمرك في أي سؤال :bro:

و يعني إيه """حتى سمسمة""" يتعرف تعملها؟ .. هل المفروض إن سمسمة ماتعرفش تعمل حاجة خالص؟ :waf: .. للدرجة دي ده رأيك في سمسمة :aslam:

ماعلينا .. دي حاجة بينك و بيم سمسمة مالناش دعوة

[Modest]

عودة إلى سؤال الحلقة :aslam:

أجبت بنعم أوافق على عمل زوجتي خارج المنزل .. هذا إذا رغبَت هي في ذلك.

أجبت بنعم مع أنني واثق أن هذا سيكون على حساب مسئولياتها في البيت و لكن لابد من احترام رغبتها و معاونتها على تحقيق هذه الرغبة.

زوجتي مهندسة زي حالاتي (و دايماً تعايرني إنها خريجة هندسة القاهرة و أنا من خريجي الأقاليم :bro:) و حصل فعلاً أنها عمِلَت لشهور في بداية زواجنا ثم توقفت بمحض إرادتها و بدون أي ضغط من جانبي.

أوافق لأن خبراتها في الحياة ستزداد و لن تنحصر على الخبرات التي تحصل عليها من المسلسلات و مكالمات التليفون مع صاحباتها طول النهار

و بعدين لازم تشتغل علشان تختلط بزميلات لها في العمل و لما تيجي تقارن بين أزواج زميلاتها و بين زوجها هاتعرف إن معاها جوهرة :waf:

[nash]

الإجابة: عادي خالص بتتعمل بسهولة

أحلف :waf:

أرجو أن أكون قد افدتك و تحت أمرك في أي سؤال

مش عارفه أودي جمايلك فين يا موديست....روح ربنا يكرمك...قول أمين

هل المفروض إن سمسمة ماتعرفش تعمل حاجة خالص؟ .. للدرجة دي ده رأيك في سمسمة

أمممممم

دي سمسومه بنتي حبيبتي ودايما تقولي تانتي ناش..وأنا بجد بموت فيها...ده رايي فيها يعني ...وهاتدخل طب وتحقق امنيتي مع أنها أدبي..زيي بالظبط :bro:

شوفت شرحك ...أهو بقيت أعرف أعمل الإقتباسات :aslam:

ماعلينا .. دي حاجة بينك و بيم سمسمة مالناش دعوة

أة دة سر بينا...حدش ليه دعوة

[deemuck]

نعم،،، اذا كان العمل نسائي..والعيال في المدرسة

احسن ما تبقى لوحدها في البيت :aslam: :bro: :waf: