هل تعترضين على زوجك الذى لا يريدك ان تعملى خارج المنزل

[vipwithyou]

ياريت يا جماعة الرد بصراحة متناهية

تم تعديل 3 مارس 2008 بواسطة vipwithyou

[إيزيس]

أيوة أنا تاني

:wub:

إطلاقا

مطلقا

بالتلاتة

أحلى حاجة البيت البيت البيت

و برده باكره إسرائيل

[vipwithyou]

تسلم ايدك يا قرنفل

انا عارف ان nash هتقول لا وتعترض

[nash]

من وجهه نظري المتواضعه علي الزوج ألا يمنع زوجته من العمل طالما أطمأن عليها

وشيء جيد جدا أن تجرب مجال جديد...لإن قرار إعتزال العمل ستكون هي صاحبته في النهايه....

أحيانا رفض الزوج يسبب مشاكل قويه للزوجه إذا وجدت تعنت من زوجها في إستخدام سلطاته..وقد تعند معه أو تسكت علي مضض وفي الحالتين سيؤثر ذلك سلبا علي العلاقه الزوجيه....

أنا شخصيا ارفض الإكراة علي فعل شيء معين..ولا أقبل بصيغه الاوامر والنواهي تماما وقد أخبرت زوجي بذلك قبل الزواج...لذلك بطريقه ودوده ممكن تحويل كل الافكار والمعتقدات إلي نقيضها....

تصدقوا نسيت أجاوب علي السؤال؟؟؟ علشان كده أعدت التحرير...

لا أعترض....إذا كانت طريقته لطيفه.....

أصلا انا ضد عمل المراة علي فكرة بس مع الحريه الشخصيه للمرأة...طالما استطاعت أن توازن بين الأطراف جميعها..

تم تعديل 3 مارس 2008 بواسطة nash

[vipwithyou]

ان كان هذا العمل يتعارض مع سعادتهم الزوجية ماذا تفعل المرأه ومن صاحب القرار فى ان كان هناك تأثير سلبى لعملها ام لا ؟!!

[vipwithyou]

هيييييييييييه NASH كمان وقفت معانا كويس

[~Heba~]

طبعا هو تعنت و كمان مية مرة تعنت هاتلى راجل واحد مانع مراته من العمل عشان خايف عليها معلش مهما بيقولوا هم لهم اغراض اخرى و احان بنحترم الاغراض الاخرى دى برضو الرجل فى فطرته انه بيحب يهتم ببيته و اسرته و ينفق عليهم و بيلاقى فى تعبه و شقاه متعه حياتية من نوع مختلف

بس بجد بقى قرار العمل ده يخصهم الاتنين و هو لازم يحترم رأيها فيه لانه مستقبلها العملى و الشغل فى البيت مش بيجيب فلوس تأمن بيها نفسها....والا هو يمكن بيجيب :wub:

[badroora]

بصراحة مافيش ولا اختيار من الموجودين يناسبني بمعنى

.نعم اعترض وارفض ذلك تماما ً

انا لن اعترض ابدا لانى لا استطيع ان اتخيل انه ياتى ويملى عليه شروطة وانا اوافق او ارفض . لذلك هذا الاختيار لا يلائمنى ولا يلائم شخصيتى وثقافتى .

لا اعترض فمنزلى وزوجى واولادى اهم

لا اعتقد ان عقلية من سارتبط به هتكون محدودة داخل المنزل والاولاد فهو لازم يدفعنى لتحقيق طموحى واثبات ذاتى ويساعدنى لاداء رسالتى على اكمل وجه لاننا ان شاء الله هنكون متفاهمين ومش معقول اتنين فى عقليتنا مش هيعرفوا يمشوا بيت ويربوا اولاد اكيد حياتنا هتبقي منظمة طول ماحنا متفاهمين وكل منا يحترم حرية ورسالة الاخر واحنا الاتنين هنكمل بعض فى البيت .اذن هذا الاختيار ايضا لن يلائمنى .

احاول اقناعة بالعمل لكن القرار النهائى له

لاء طبعا القرار مش قراره , دا قرارى انا والمفروض اننا متفقين على كدا منذ البداية ولكن لو اضطررتنا الظروف فى المستقبل لاى سبب من الاسباب اكيد هنتناقش وهنقرر سويا ايه الاصلح لحياتنا .

اذن هذا الاختيار ايضا لن يناسبنى .

موضوع جميل يا تامر تسلم ايدك :wub:

تم تعديل 3 مارس 2008 بواسطة Badria Mekkawy

[vipwithyou]

موضوع جميل يا تامر تسلم ايدك :wub:

شكرا ليكى يا بدرية والله بس موضوع جميل ايه بقى

ما انتى بهدلتى الاختيارات خالص اهه

بس ما قلتيش مين اللى يحدد ان شغلها دة هيؤثر على سعادتهم ولا لا ؟؟؟

[badroora]

بس ما قلتيش مين اللى يحدد ان شغلها دة هيؤثر على سعادتهم ولا لا ؟؟؟

انا وهو طبعا مين هيكون ادرى بحياتنا اكتر مننا .

وساعتها هتناقش مين اللى ممكن يضحى فى سبيل حياة زوجية ناجحة . :wub:

[vipwithyou]

انا عن نفسى ما عنديش استعداد اضحى بغيرتى على زوجتى لو نزلت سوق العمل العام رغم ثقتى الشديدة بها

ممكن البيت والاولاد يمشى حالهم مع تأكدى انه لازم يكون فى قصور فى حاجة اذا الزوجة خرجت للعمل

[سهيلة]

واللة يا جماعة ان رايي ف الموضوع دة انة بيكون على حسب اتفاق الزوجين قبل الزواج

ولازم يحطوا النقط على الحروف

ويناقشوا كل الاحتمالات مع بعض

بصراحة انا عملت كدة

عشان الزوجة ما تصدمش بقرار جديد موش كانت متوقعاة يغير كل امالها وطموحها ف الحياة بانها تصبح ربة منزل فقط

بمعنى انا وزوجى ايام الخطوبة فتحنا الموضوع دة

وااتفقنا انى هشتغل وازا حس ف يوم من الايام انى مقصرة ف واجبات البيت يدينى اندار عشان ابتدى اوفق بين الاتنين ولية كزا محاولة

وف حالةفشلى تماما ف التوفيق

هقعد ف البيت بس بعد نقاش وتحاور بينا وهقعد عن قناعة لانى ساعتها هكون نفزت اللى اتفقنا علية وليس كلام جديد

ادا اعترض على فرض اوامر الزوج لزوجتة فالحياة مشاركة ف كل شىء

[vipwithyou]

رأى جميل يا أخت سهيله فى مشاركتك رقم 555 سجلت رأي رائع

وفعلا لازم الاتفاق من الأول والتراضى

[vipwithyou]

لكن الزوج ممكن يشوف ان فى تقصير فى حاجة معينه الزوجة متكونش واخدة بالها منها وهو ميكلمهاش فيها

والا هتقول له لا هى مش مقصرة فى الحاجة دى وتبقى عند ويتقلب حياتهم

[امانى]

كنت اعمل ولم يؤثر عملى على بيتى واولادى مطلقا وطلب ذوجى ترك العمل لاننا لسنا فى حاجة اليه تناقشنا سوى

فى الامر وقلت له لو حسيت ان العمل هيكون له تأثير سلبى على حياتنا وبيتنا انا من نفسى سأتركه وبالفعل عندما

حسيت انى لازم اكون موجودة بالبيت بجوار اولادى فى سنهم الحرجة تحت ظروف اضطراريه لابد ان اكون لهم الام والاب

بسبب مرض ذوجى استقلت من العمل واكتفيت بوجودى بينهم اكمل رسالتى كام وذوجة بكامل ارادتى ودون ضغط

من اى حد ولا حتى زوجى

رأيى الشخصى لازم الحوار والمناقشة والاقناع بين الطرفين لا تعنت لطرف على الاخر

فعلا موضوعك رائع يا تامر ويستحق المناقشة

امانى

[vipwithyou]

اشكرك كثيرا ً يا أخت امانى على ردك الجميل

طيب ليه بقى الست تتعب نفسها ما من الأول تفهم ان بيتها واولادها هايحتاجوها بعد مثلا 3 سنين من الجواز وتدى هى ال 3 سنين دول لزوجها ويعيشوا حياة هنيه لكن لو شغالين الاثنين يبقى هيقعدوا مع بعض امتى ويتدلعوا اول ايامهم ازاى

شكرا مرة اخرى لمرورك الكريم ولردك الأجمل

تم تعديل 3 مارس 2008 بواسطة vipwithyou

[فــيــروز]

ولماذا لا يتزوّج الرجل من البدايه بفتاه لا ترغب فى العمل !! :wub:

زىّ ما فيه رجال مقتنعين بضرورة بقاء المرأه فى المنزل هناك نساء لديهن نفس القناعه

و زىّ ما فيه رجال مقتنعين بأهميّة العمل للمرأه فيه نساء لديهن نفس القناعه

فلماذا لا يختار كل فريق من الفريق الذى يناسبه من الأوّل؟

[vipwithyou]

يعنى الواحد يحط فى الشروط اللى بيدور عليها فى العروسة مع التدين والأخلاق وقدر الجمال كمان لا تقبل العمل خارج المنزل :wub: