الاخوة الافاضل مغتربى سلطنة عمان - ارجو المشورة سريعا

[المكافح]

اخوانى المصريين المغتربين بسلطنة عمان

جايلى عرض للعمل بمنطقة اسمها محافظة البريمى والتعامل هايكون بالدرهم الاماراتى والعرض فية انهم اما هايفرولى سكن عهائلى او بدل سكن شهرى قدرة 1000 درهم وكذلك اما سيارة او 800 درهم بدل انتقال بالاضافة الى المزايا الاخرى

سؤالى هل مبلغ بدل السكن هذا كافى للسكن فى هذة المحافظة فى حالة عدم توفيرهم للسكن

وكذلك هل بدل الانتقال هذا كافى ام لا

وكمان المحافظة دى اخبارها اية مدارس جو معيشة وخلافة

ولكم جزيل الشكر

[هشام عباس]

انا مقيم في مسقط منذ 13 سنه وبالنسبه لبدل السكن فهو غير كافي ابدا للسكن العائلي وبها مدارس خاصه ولكن لا يوجد بها مدرسه مصريه كالتي عندنا في مسقط وهذه المحافظه تقع على حدود الامارات اما بدل الانتقال فهو كافي

ولكن انصحك بأخذ السكن العائلي افضل بكثير من بدل السكن اما عن طبيعة المكان فبصراحه لا اعرف

[seeem]

إنسى البدلات تماما ...

السكن موّلع والمواصلات غير موجودة ... التاكسي حل غير عملي والبدل مايغطيش مصاريف العربية

سكن على الشركة ... وتوضح عدد أفراد عائلتك علشان السكن يكون مناسب

عربية على الشركة ... ترحم نفسك من مصاريفها وصيانتها

اما البريمي من أجمل مدن السلطنة ... على الحدود العمانية- الإمارتية

تشاركها الحدود مدينة العين الإماراتية ((تشاركها يعني شوارعهم في بعضها))

خضرة وجو جميل بالنسبة للمنطقة وهدوء

معيشه غير مكلفة مقارنة بأبو ظبي أو دبي أو مسقط

[المكافح]

شكرا على الرد والتفاعل بس عاوز اسأل يعنى هية تابعة لسلطنة عمان ومتداخلة مع العين

طيب الصرف والمعيشة هناك بالريال العمانى ولا الدرهم الاماراتى ؟

والمدارس هناك اسعارها اية ومستوياتها اية ؟ ابتدائى ( انترناشيونال )

واية هو متوسط انفاق اسرة من خمس افراد فى حدود المعقول يعنى ؟

وهل ينفع الواحد يروح مدن الامارات بدون تأشيرة ولا خلافة ؟

واية هو المرتب المعقول لمدير مالى بشركة مساهمة ؟

جزاكم اللة خيرا

[seeem]

شكرا على الرد والتفاعل بس عاوز اسأل يعنى هية تابعة لسلطنة عمان ومتداخلة مع العين

طيب الصرف والمعيشة هناك بالريال العمانى ولا الدرهم الاماراتى ؟

والمدارس هناك اسعارها اية ومستوياتها اية ؟ ابتدائى ( انترناشيونال )

واية هو متوسط انفاق اسرة من خمس افراد فى حدود المعقول يعنى ؟

وهل ينفع الواحد يروح مدن الامارات بدون تأشيرة ولا خلافة ؟

واية هو المرتب المعقول لمدير مالى بشركة مساهمة ؟

جزاكم اللة خيرا

البريمي تابعة لسلطنة عمان

والصرف والمعيشة بالعملتين كأغلب دول الخليج يمكنك الصرف بعملة دولة في دولة أخرى ((يفضل الصرف بالريال العماني لوجود فروقات))

متوسط إنفاق الأسرة في حدود المعقول قد يتراوح من 300 إلى 500 ريال عماني

أما عن زيارة الإمارات ففي العام تحتاج إلى تأشيرة زيارة من على الحدود ((100 درهم إماراتي = 11 ريال عماني)) -فيما سبق لم يكن هناك حدود بين البريمي والعين ولهذا لم يكن هناك أي تأشيرة مطلوبة - ...

اما المدارس والمرتبات فأظن تسأل أستاذ زهيري فيها هو أدرى مني

tot::

[MZohairy]

شكرا على الرد والتفاعل بس عاوز اسأل يعنى هية تابعة لسلطنة عمان ومتداخلة مع العين

طيب الصرف والمعيشة هناك بالريال العمانى ولا الدرهم الاماراتى ؟

والمدارس هناك اسعارها اية ومستوياتها اية ؟ ابتدائى ( انترناشيونال )

واية هو متوسط انفاق اسرة من خمس افراد فى حدود المعقول يعنى ؟

وهل ينفع الواحد يروح مدن الامارات بدون تأشيرة ولا خلافة ؟

واية هو المرتب المعقول لمدير مالى بشركة مساهمة ؟

جزاكم اللة خيرا

اما المدارس والمرتبات فأظن تسأل أستاذ زهيري فيها هو أدرى مني

:aslam:

والله يا مكافح بالنسبه للمدارس فأنا معرفش غير مسقط بس و مدخل ولادي في مدرسة السفاره الفرنسيه زي ما كانوا في السعوديه

و في كمان المدرسه البريطانيه و الأمريكيه

المدارس دي بيكون متوسط المصاريف فيها بيبتدي من 1700 ريال عماني سنويا و يصل الى 3500 ريال

بالنسبه لمرتب مدير مالي بشركه مساهمه فده سؤال معقد جدا لأنه بيختلف حسب مستوى الشركه و حجمها و مستوى الموظف و خبرته و شهاداته

عموما كمتوسط يكون الراتب في حدود من 1500 الى 2000 ريال عماني غير السكن و المواصلات

[المكافح]

جزاكم الله خيرا وجعلة فى موازيين حسناتكم

بس بصراحة يا جماعة انا العرض اللى جاى لى هو مدير مالى بشركة مساهمة - محافظة البريمى

الراتب 8000 درهم اماراتى غير السكن والمواصلات وعدد اربعة تذاكر طيران والعلاج

فمش عارف هل العرض دة يكون معقول للوظيفة دى بالنسبة لعمان ولا اخلينى فى السعودية زى مانا وخلاص

ارجو المشورة ولكم الأجر

[MZohairy]

ده يا مكافح يعتمد انت بتاخد كام في السعوديه مقارنة بعرض عمان

و اي الشركات اكبر واكثر استقرارا

و ايضا راحتك او عدم راحتك في هذه الشركه

وايضا اذا كنت مرتاح للعيشه في السعوديه ولا لأ

يعني انا اعرف ناس سابت السعوديه و راحت دول خليجيه تانيه بعرض اقل ماديا

عموما اعتقد ان الواحد عشان يسيب شركه و يروح لشركه تانيه (من الناحيه الماديه فقط ) مفروض تكون الزياده في حدود من 20 الى 30% على الأقل

اي سؤال انا تحت امرك :aslam:

[المكافح]

ربنا ما يحرمنا منك يا زهيرى ويجعلك دايما فى عون عبادة ويصدق عليك القول

ان للة عبادا اختصهم بقضاء حوائج الناس فهم الامنون من عذابة يوم القيامة

[MZohairy]

آمين يارب

خليني اضيفلك نقطه واحده

الأسعار في عمان تقريبا زي السعوديه

يعني تقدر تقارن دلوقتي مقارنه مظبوطه و تشوف ايه اللي في مصلحتك

ماديا ونفسيا

و ربنا يوفقك

[المكافح]

معلش اخويا زوهيرى بالنسبة للمدارس الحكومية هل فى امكانية انك تدخل اولادك فيها ؟

واية نظام المناهج العمانية هل زى مناهج السعودية مالهاش اى لازمة ؟

واية مستوى اللغة فى المدارس الحكومية

واية طبيعة معاملة الشعب العمانى بالنسبة للمصريين ؟

وهل محافظة البريمى دى مدينة كبيرة وبها خدمات ولا اية حكايتها بالظبط ؟

ومعلش سامحنى تقلت عليك شوية

[MZohairy]

ولا تقلت ولا اي حاجه واسأل من هنا للصبح يا عم

حجاوبك بلون تاني بين سطورك

معلش اخويا زوهيرى بالنسبة للمدارس الحكومية هل فى امكانية انك تدخل اولادك فيها ؟

واية نظام المناهج العمانية هل زى مناهج السعودية مالهاش اى لازمة ؟

واية مستوى اللغة فى المدارس الحكومية

للأسف ال 3 اسئله دول معرفش عنهم اي حاجه بس غالبا المستوى مش حيختلف اختلاف كبير عن السعوديه وان كنت اعتقد انه افضل من السعوديه عشان فيه عمانيين كتيير اوي بيتكلموا انجليزي كويس جدا

واية طبيعة معاملة الشعب العمانى بالنسبة للمصريين ؟

اكتر من ممتازه و العمانيين شعب طيب جدا و خلوق جدا جدا جدا

وهل محافظة البريمى دى مدينة كبيرة وبها خدمات ولا اية حكايتها بالظبط ؟

بصراحه مرحتهاش قبل كده بس اخونا سييم ممكن يعرف اكتر مني في الحته دي

[المكافح]

معلش يا جماعة سؤال تانى

اية هى اجراءات استقدام الزوجة والاولاد وهل فيها مشاكل زى بتاعة المهنة وخلافة اللى موجودة فى السعودية ؟

وجوزيتم عنى الخير كلة

[هشام عباس]

الاجرائات هي انك بتجيب صورة القسيمه بتاعت الجواز وشهادات ميلاد الولاد متوثقين من الخارجيه في مصر وبيقوم الكفيل بأستخراج تأشيرة اقامه لهم