اذهب إلى المحتوى
محاورات المصريين

الفرح ام السفر

bobalex77

بواسطة bobalex77
في موضوعات شخصية

 مشاركة

Recommended Posts

bobalex77 عضو جديد

bobalex77

بتاريخ:
بتاريخ:

السلام عليكم ورحمة الله وبركاته

انا عقبال عندكم هاتجوز السنة اللى جاية

لكن فى موضوع خلاف بينى وبين خطيبتى

الموضوع ببساطة ان انا شايف ان احنا نقى اسبوع فى اى مكان احسن ما نعمل فرح ونلم الناس تتفرج علينا ويقولوا شفت العريس وشفت العروسة

وبدل كده نعمل كتب الكتاب والفرح فى المسجد

وكمان هية حاجة ترضى ربنا فى الاول

لكن الست حرمنا المصون ( انشاء الله ) مصممة ان نعمل فرح ونلم الناس

ايه رأيكم بأه مين رأيه اللى احسن ؟

رابط هذا التعليق
شارك
Proud Muslim عضو جديد

Proud Muslim

بتاريخ:
بتاريخ:

و الله الفرح في المسجد حاجة كويسة جدا و رائعة ..

بس من السنة اقامة وليمة .. عشاء يعني ..

طيب معظم المساجد لا تكون مؤهلة لذلك ..

في ناس بتعمل أفراح في فنادق 5 نجوم ..بس ليست مختلطة (قاعتين منفصلتين أو قاعة يتم تقسيمها ) و بضوابط شرعية .. يعني لا توجد محرمات أو ممنوعات ..

و هذا شيء طيب جدا ..

و أنا سمعت عن أماكن لعمل أفراح اسلامية ..

و لكن اذا العقد في المسجد و الاعلان فيه أيضا فهو شيء جميل ..

موضوع السفر ..

طبعا يقال فيه ما يقال في الأفراح ..

لو الضوابط الشرعية موجودة ( بدون اختلاط على شواطيء مثلا أو ما شابه ) ..يبقى ليه لأ ..

و أنا شخصيا أفضل هذا ..بدلا ما تدفع فلوس و الناس تاكل و تهيص و تاخد ذنوب .. و في الآخر يقولوا الفرح مش قد كده .. :lol:

يبقى وفر فلوسك و سافر أسبوع في أي مكان .. هذا أفضل ..

و ربنا يتمم بخير ..

و يبارك لكما و يرزقكما الذرية الصالحة .

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

وحد يطول ياخد حسنات ااااااااااد كدا من نم الناس عليه؟ :lol:

ليلة العمر

ليلة واحدا في العمر خاصة "للأنثى" انما الراجل مش فارقا معاه :twisted:

وشهر العسل والسفر ممكن يتكرر على مدى العمر في اي حتة

انما استحاااااااااالة ها تقدر تكرر "اوووول" ليلة بينك وبين مراتك :lol:

حقها عليك انك تفرحها..

:lol:

ومبرووووووووك مقدما..

وانا من البلد ديييييييييييي

رابط هذا التعليق
شارك
Salwa عضو جديد

Salwa

بتاريخ:
بتاريخ:

الاخوة الكرام.

اسمحولى اقول رأيى.

اكرمنى الله ..من سنين عديدة..وعقد قرانى فى مسجد ابى العباس

المرسى..وانها والله لزيجه مباركه.

واكرمنى الله مرة اخرى...وعقدنا قران ابنتى يوم 6 مارس فى المركز

الاسلامى.

وآسفه للكلمه.

لاينقصنا المال،والحمد لله،

ولكن البذخ فى الانفاق.....سفه.

جزء...راح لاصحاب نصيبه.

عملنا احتفال محدود...وليمه طبعا...كطبع كل المسلمون المصريون.

ذهب العروسان ،رحلة اسبوع عسل،

وكل المال المتوفر،اعطيته لابنتى كهديه.

مفيش انسان عاقل.يحيى افراح 5 نجوم، دى افراح لاتستحق نجمه

واحدة.

النجوم تتلألأ فى حياة العروسين لما يبدؤا الحياة بدون ديون.

ربنا يكرمكم.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

طب ما هوا كل واحد يمد رجليه على قد لحافه؟

يعني يعمل فرح على قد امكانيته

مش ضروري اكتر اااااااد كدا!! :lol:

وانا من البلد ديييييييييييي

رابط هذا التعليق
شارك
حمزاوى عضو جديد

حمزاوى

بتاريخ:
بتاريخ:

السلام عليكم

انا عقبال عندكم هاتجوز السنة اللى جاية

الف الف مبروك (جمع الله بينكم فى خير)

لكن فى موضوع خلاف بينى وبين خطيبتى

احنا ابتدينا

الموضوع ببساطة ان انا شايف ان احنا نقى اسبوع فى اى مكان احسن ما نعمل فرح ونلم الناس تتفرج علينا ويقولوا شفت العريس وشفت العروسة

انا كنت طول عمرى بخاف من الموضوع دة (يعنى افضل قاعد على كرسى فى مكان متميز (الكوشة) والناس تتفرج عليا انا وزوجتى وبعدين كل شوية واد ولا بت تنطلى وتعد تتلوى ادام الناس ولا واحد يجى يشدنى علشان ارقص :mad: :mad: (يادى المصيبة ...ارقص) ولا يتلموا على المدام علشان ترقص (كنت صورت قتيل :lol: ) وكله كوم والموضة الجديدة كوم يجى واحد تابع للفندق بشوكة ويضع بها قطعة بسطة (جاتوه) ويريد من العروسين ان يقطموا من شوكة واحد فى نفس الوقت (مينفعش اشرح طبعاً)) ولكن ولله الحمد منّ على الله بالالزام فقررت ان أعقد فى المسجد( كمان اربع اشهر إن شاء الله ) والفلوس الكنت هعمل بها الفرح سوف تكون إن شاء الله صدقة للفقراء وبعدين فى مساجد كتير مجهزة لهذا مثلاً العزيز بالله

هل ترانا نلتقي أم أنها .. كانت اللقيا على أرض السراب

ثم ولت وتلاشى ظلها .. واستحالت ذكريات للعذاب

هكذا أسأل قلبي كلما .. طالت الأيام من بعد الغياب

وإذا طيفك يرنو باسماً .. وكأني في استماع للجواب

أولم نمضي على الحق معاً .. كي يعود الخير للأرض اليباب

فمضينا في طريق شائك .. ما تخلى فيه عن كل الرغاب

ودفنا الشوق في أعماقنا .. ومضينا في رضاء واحتساب

قد تعودنا على السير معاً .. ثم أعجلت مجيباً للذهاب

حين نادى لي رب منعم .. لي حياتي في جنان ورحاب

ولقاء في نعيم دائم .. لجنود الله مرحا للصحاب

رابط هذا التعليق
شارك
Excellence عضو جديد

Excellence

بتاريخ:
بتاريخ:
السلام عليكم 

ولكن ولله الحمد منّ على الله بالالزام فقررت ان أعقد فى المسجد( كمان اربع اشهر إن شاء الله ) والفلوس الكنت هعمل بها الفرح سوف تكون إن شاء الله صدقة للفقراء وبعدين فى مساجد كتير مجهزة لهذا مثلاً العزيز بالله

حسبتها صح جدا يا حمزاوي

أؤيدك تماما

مبروك من القلب

رابط هذا التعليق
شارك
Proud Muslim عضو جديد

Proud Muslim

بتاريخ:
بتاريخ:

العزيز بالله مرة واحدة .. يا راجل .. :lol: :lol:

يعني الخيار بين فرح عادي و عدم عمل فرح ..

تقوم انت تقول العزيز .. انت عايز يتقبض عليهم ؟؟ :lol: :lol:

نعمل فرح اسلامي و كل حاجة ..بس

بالضوابط الشرعية ..

نفرح و ننبسط بس في حدود دين الله ..

و ممكن أناشيد كمان .. و ممكن بالدف ( أنا شخصيا ماليش دعوة بحد :wink: ) ..

و نتعشى عشوة حلوة .. و كل واحد على بيته بقى .. يعني بالكثير الساعة 9 أو 10 المولد ينفض ..

لكن بصراحة الأفراح اللي بتحصل دي .. مش عارف أقول ايه ..

ربنا يهدينا جميعا .

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
bobalex77 عضو جديد

bobalex77

بتاريخ:
  • كاتب الموضوع
بتاريخ:
وحد يطول ياخد حسنات ااااااااااد كدا من نم الناس عليه؟ :D 

ليلة العمر

ليلة واحدا في العمر خاصة "للأنثى" انما الراجل مش فارقا معاه :twisted: 

وشهر العسل والسفر ممكن يتكرر على مدى العمر في اي حتة

انما استحاااااااااالة ها تقدر تكرر "اوووول" ليلة بينك وبين مراتك :D

حقها عليك انك تفرحها..

:D

ومبرووووووووك مقدما..

متشكرين يا دكتورة على ردك الجميل اللى بدعوا ربنا ان خطيبتى ماتشفهوش

بس مش الراجل هو اللى مش فارقة معاه ده بالعكس البنت هى اللى دايما مش فرقة معاهة

لان هى طبعا مش دافعة حاجة من جيبها وكله على حساب العريس والاب المظلوم

وده مش بخل والله لدرجة ان انا عرضت عليها بدل ما نعمل فرح تاخد هيه الفلوس وتعمل بيها اللى هى عايزاه

لكن يرضيكى يا دكتورة ان احنا نبدأحياتنا من اولها بمعصية الله

من رقص واغانى والذى منه

وبعدين موضوع الحسنات هيضيع مع السيئات الكتير اللى هايخدها العريس من الناس اللى حاية ترقص وتعمل الواجب

وكمان انا مش ممكن اخلى مراتى تقوم ترقص قدام الناس

طيب انتى تضمنى ان انتى ماتموتيش فى الساعة دى

تطلعى لربنا تقولى ايه انا كنت برقص ؟

يا لها من سوء خاتمة ؟

رابط هذا التعليق
شارك
Proud Muslim عضو جديد

Proud Muslim

بتاريخ:
بتاريخ:
طيب انتى تضمنى ان انتى ماتموتيش فى الساعة دى 

تطلعى لربنا تقولى ايه انا كنت برقص ؟ 

يا لها من سوء خاتمة ؟

دي أهم حاجة .. بالظبط

و ده اللي خلاني أمتنع عن حضور الأفراح الغير ملتزمة ..

يعني لو حصل خسف بالمكان و مات الكل ..

هاقول ايه لربي ؟؟

و ناس تقولك .. كل يبعث على نيته ؟؟ :?

نيته ايه بس .. يعني أقعد في وسط جهنم و أقول أصلي باخد حمام شمس ؟؟ :D

سبحان الله ..

ربنا يتمم لحضرتك بخير . :D

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
bobalex77 عضو جديد

bobalex77

بتاريخ:
  • كاتب الموضوع
بتاريخ:
السلام عليكم 

ولكن ولله الحمد منّ على الله بالالزام فقررت ان أعقد فى المسجد( كمان اربع اشهر إن شاء الله ) والفلوس الكنت هعمل بها الفرح سوف تكون إن شاء الله صدقة للفقراء وبعدين فى مساجد كتير مجهزة لهذا مثلاً العزيز بالله

حسبتها صح جدا يا حمزاوي

أؤيدك تماما

مبروك من القلب

بارك الله فيك وربنا يهدى الجميع

رابط هذا التعليق
شارك
Salwa عضو جديد

Salwa

بتاريخ:
بتاريخ:

براود الفاضل.

حلوة.

اصلى باخد حمام شمس.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
Cleo عضو جديد

Cleo

بتاريخ:
بتاريخ:

ولله أنا من رأى بوب... و أنا نفسى بفكر كدة لو ربنا يسر و أخدنا "المؤهل" :lol:

كل قرش بيتصرف على الفرح خسارة مهما كانت النتيجة... الناس بتعمل الفرح منظرة عشان يبهروا المعازيم... مع ذلك مهما كان الفرح متكلف تلاقى برضه الناس بتعيب على حاجة...أصل العروسة فستانها بلدى أوى... أصل العريس دمه تقيل جدا... أصل أهل العروسة بيئة... أهل العريس كلهم أحجام تقيلة.... دول مش لايقين على بعض... البوفيه وحش....

ده غير إن كل دى مصاريف فى ليلة واحد بس...!!!! حرام.... إصرفوها على نفسكم و اتمتعوا بيها 15-20 ليلة....

ألف ألف مبروك و ربنا يتمم لكم بخير...

(محدش هنا فى المنتدى بيعرف يزغرط؟؟؟؟) :lol:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
الطفشان عضو جديد

الطفشان

بتاريخ:
بتاريخ:

الموضوع دة اتناقشنا فيه قبل كدة، بس مش فاكر العنوان و لا في انهي باب كان الحوار

يا ست شعنونة

اختلف معاكي بشدة

منطق "هي ليلة" للاسف منتشر بين بنات كثير

و في الاخر منظرة و فشخرة و مضيعة للفلوس، هم اولى بيها و بيتهم ناقص حاجات مثلا

الشعب اراد الحياة و القيد انكسر

رابط هذا التعليق
شارك
وسام عضو جديد

وسام

بتاريخ:
بتاريخ:

لو قررت فى النهاية انه يكون فرح كالمعتاد و كان الاهل مبسوطين و راضيين فصدقنى مهما عملت مش حتتشكر فى النهاية و حتلاقى الناس بتطلعلك القطط الفاطسة من حيث لا تدرى

فى رأى انت و زوجتك احوج بكل مليم من تكاليف الفرح حتى لو ربنا فاتحها عليك و الاولى من كدة انك تنبسط انت و عروستك بتكاليف الفرح مثلا اسبوع او 2 فى اى مكان جميل

فرح على مستوى الاهل و الاصدقاء المقربين مش حيكلف كتير و يكون سهل التنظيم وجميل....دة اللى انا ناوى عليه ان شاء الله

لكن مشكلتنا لو فى فرح فا فى من الامهات اللى حتقولك يا بنى انا عايزة افرح بيك و كمان لالالالا لازم نجيب قرايبنا اللى فى اخر الدنيا عشان يشوفوا العز اللى احنا فيه و احنا مناسبين مين ............و رؤساء العمل و اصدقاء الدرجة الاولى لازم يجيبوا اصدقاء الدرجة التانية كمان و صديقاتهم عشان يحيوا الفرح و تبقى قعدة ظريفة دة طبعا غير سلبيات كتير تانية كالبوفيه مثلا لازم يكون عمران من كل شكل و صنف والا الناس تاكل وشنا و تجيب فرقة ولا دى جى (الناس دى فى منتهى القرف) و الرعاشة جنسيتها ايه و حلوة ولا لا و فى شو روسى ولا لا.........كلام فارغ و ذنوب بتشيلها و حتتحاسب عليها و مش مشكور فى الاخر

من المواقف الطريفة كنت مرة فى فرح لواحد من زملائى و اول ما دخلت صالة الفرح حسيت انى فى سوق الدهب :D ....ام العريس خصوصا اعتقد انها لابسة عدة كيلوجرامات من الدهب و ام العروسة كذلك و الظاهر ان الصراع كان محتدم بين الاثنين لدرجة انى لاحظت بعد شوية ام العريس غابت شوية و رجعت محملة اكتر من الاول :D

المهم فكر و اعقلها و الرأى الاخير لك طبعا و الف مبروك مقدما :shock:

ملحوظة: علامة :shock: عشان حتتطلع عينك.....عن تجربة

......The only thing necessary for the triumph of evil is for good men to do nothing

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
="الطفشان"]الموضوع دة اتناقشنا فيه قبل كدة، بس مش فاكر العنوان و لا في انهي باب كان الحوار

معليش يا زعيم الطفشانين سيب حاجة لأخوك الصغير س س

الموضوع ده ناقشناه فى التوبيك بتاع " المعري " بتاريخ 26/1/2003 م وده تقريباً كان أول أشتراك لأخونا حشيش رهين المحبسين (الشبكة والشقة)

أبو حشيش المعرى

http://www.egyptiantalks.org/phpBB2Plus/vi...opic.php?t=4137

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
crossfield عضو جديد

crossfield

بتاريخ:
بتاريخ:

وده مش بخل والله لدرجة ان انا عرضت عليها بدل ما نعمل فرح تاخد هيه الفلوس وتعمل بيها اللى هى عايزاه

؟

ده انت عريس لقطة بقى على كدة. أنا أفتكر أيام المرحوم ألف رحمة و نور تنزل عليه(خطيبى السابق) :cry: كان عايز يعمل فرح 5نجوم (بس على خساب صاخب المخل:والدى يعنى) :cry:

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
ده انت عريس لقطة بقى على كدة. أنا أفتكر أيام المرحوم ألف رحمة و نور تنزل عليه(خطيبى السابق)  :lol: كان عايز يعمل فرح 5نجوم (بس على خساب صاخب المخل:والدى يعنى)

أيه ده أنتي كروس فيلده مش كروس فيلد ..... يا شيخه حرام عليكي وسيباني البخ فى الكلام من الصبح وعمال أقولك دفعتك بقت لواء دلوقت ... طيب أديني أي كلو أو هنت :?: أنا آسف يا كروس فيلدايه لو حصل مني غلط :D

علشان كده موضوع أن الأعضاء الجدد يعرفوا نفسهم ولو بنبذة مختصرة عنهم بتبقى حاجة مهمه جداً .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
crossfield عضو جديد

crossfield

بتاريخ:
بتاريخ:

أيه ده أنتي كروس فيلده مش كروس فيلد ..... يا شيخه حرام عليكي وسيباني البخ فى الكلام من الصبح وعمال أقولك دفعتك بقت لواء دلوقت ... طيب أديني أي كلو أو هنت :?: أنا آسف يا كروس فيلدايه لو حصل مني غلط :D

علشان كده موضوع أن الأعضاء الجدد يعرفوا نفسهم ولو بنبذة مختصرة عنهم بتبقى حاجة مهمه جداً .

حصل خير يا سى السيد؛ كروس فيلد كروس فيلدة مش مهم .أهم حاجه يجعل كلامنا خفيف على "أسياد" المنتدى :lol:

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...