كيف أبيع عملة تاريخية؟

[حسام يوسف]

السلام عليكم

جاءنى جار لى يسألنى أن أبيع له عملة تاريخية

ورثها عن جده

العملة تعود لسنة 1327 ميلادية

وتقريبا شفت كلمة قسطنينية

وأنا بتاع دوا

وتسويق

ودعاية

وبس

لا ليه فى العملات ولا الانتيكات

ونفسى اساعد الراجل ده

هو مش متعلم

حد يعرف يشور عليه؟

أفادكم الله

[حسام يوسف]

السلام عليكم:

ما فيش رد؟

ولا واحد ليه فى مشوار العملات ؟

[الحازم حسن]

أعتقد في صالات المزادات بيكون في شيء اسمه صالة المزاد مخصصة للمزادات وبس حاول تدور على أحد مسئؤلي هذه الصالات وتتفق معاه انه يرفقها في اي عرض قادم

ولو بره مصر يكون أحسن وأفضل سعر في الشرق الأوسط ممكن تلاقيه في صالات دبي

[حسام يوسف]

السلام عليكم

الف الف شكر يا عم حازم

واللى يعرف اى حاجة يقول يا جماعة

أخوكو مزنوق

[الحازم حسن]

السلام عليكم

الف الف شكر يا عم حازم

واللى يعرف اى حاجة يقول يا جماعة

أخوكو مزنوق

يا سيدي العفو

بس متبقاش تنسانا لما البلية تلعب

[mizo]

السيد الفاضل د.حسام

بعد التحيه

برجاء التكرم بالافاده فى الاتى

1-مكان صك العمله

2-ماهى اللغه التى استعملت فى الصك

3-من هو مدلول الدوله التى تم فى عهده الصك (ملك او امير)

4-المعدن او السبيكه المستعمله فى الصك

5-صوره خلفيه واماميه للعمله

ولكم جزيل الشكر

على فكره انا غاوى انتيكات وعندى خبره فيها

[طارق باشا]

[صور لي العمله وانا ابيعهالك

تم حذف الايميل بمعرفتى ..

عن الادارة

سلوى..

[Salwa]

د.حسام.

مجال تجارة العملات مجال كبيرجداجداااا..

حضرتك ممكن تاخد فكرة لودخلت على جوجل وكتبت فقط....شراء اوبيع عملة قديمة.

الموضوع ده بيحصل فيه تلاعب كتير ..

وان اردت البيع فيجب ان يكون عن طريق ناس متخصصة.....ثقةيعنى ..

مع احترامى للجميع..

[bentmasria]

كلمة اخيرة وليس بعد كلام سلوى ما يقال

العملات التى يتخطى عمرها مائة عام تعتبر اثرا تاريخيا فى مصر وقد يحدث ان يتم القبض على من يحاول بيعها بشكل غير قانونى وليست العملات فقط بل حتى قطع الفضية والحلى واقترح ان تقصد احد الخبراء المثمنين لتحديد قيمتها الفعلية او ان تقوم بعرضها فى الاماكن المصرح لها قانونا بالبيع او ان يقوم صاحبها بتسليمها طبعا لو اراد التبرع بها فقط حاولوا تجنب المسائلة القانونية فى الموضوع وخبرتى اساسها ان والدى رحمة الله عليه كان يعمل بعد المعاش كخبير مثمن وشهدت العديد من المصادرات للعملات الاثرية وغيرها فى حالة مخالفتها للسبل المسموح بها فى الامر

وفقكم الرحمن للخير

[صفاء ابراهيم ابراهيم]

السلام عليكم ورحمة الله وبركاته

إخوانى الاعزاء فى المنتدى

أنا عندى عملات معدنيه من الدوله العثمانيه ويرجع تاريخها الى عام 1327ومكتوب عليها ضرب فى دوله

عثمانيه ( قسطنطينيه ) ومكتوب عليها أيضا ( حريت , عدالـت ,مساوات ) وأرغب تثمينها لبيعها فهل أجد من يدلنى الى معرفة ثمنها وبيعها وشكرا لكم

( الصور ستعرض قريبا )

[ام مازن]

www.ebay.com

ممكن حضرتك تروح الموقع ده وهاتلاقي انشاء الله عملات مشابهه لبتاعة حضرتك وتعرف سعر تقريبي .......

و برضه ممكن تعرضها للبيع من خلال هذا الموقع