عايز خدمة - وصفة ورق العنب المحشي

[maksoof]

آخر مرة أكلت ورق عنب محشى كان سنة 1979. و من كام سنة جربته من عند واحد يونانى بس بصراحة مافيش زى المصرى.

ممكن حد يكتب لى الوصفة؟ ينوبكم ثواب و مقابل كدة أنا مستعد أبعت كل الوصفات اللى اعرفها (شاى و بيض مسلوق)

(و با ريت لو حد يبعت لى حلة ورق عنب و قرع و طماطم محشية)

:lol: :lol: :lol:

____

تم تعديل طفيف في العنوان ليكون معبرا اكثر عن المضمون

برجاء من كافة الاعضاء وضع عناوين معبرة تسهيلا على الزملاء

الادارة

الطفشان

[crossfield]

اممممممممممممم! جريت ريقى يا شيخ .أعمل حسابى معاك فى ألأكلة دى :cool:

[KWA]

بسم الله الرحمن الرحيم

السلام عليكم ورحمة الله وبركاته

ألقي نظره علي هذه الوصله...

KWA

http://www.egyptiantalks.org/phpBB2Plus/vi...%E1%E3%F8%E8%EE

[goold]

بس بصراحة مافيش زى المصرى.

ممكن حد يكتب لى الوصفة؟ ____

عزيزى انا هنا تحولت من طريقتنا فى المحشى المصرى وبدأنا نعمل طريقة هنا تعلمناها من الخليج تقريبا هى طريقه لبنانية ورق عنب بالزيت والليمون طلع صحى وطعمه غلب على المصرى هو نفس المكونات الشبت والبقدونس والبصل والثوم والبهرات والارز والطماطم ولكن بدل السمن - زيت وعصير ليمون ، بصراحه صحى وجميل لو انت هنا بالخليج لبعثتلك سرفيس ابعثلى عنوانك وهيوصلك بس لو انت بالكويت

يارب تطلع فى امريكا - دمياطى انا

[Elham]

يا جماعه فى موقع مصرى فيه وصفات كتيره جدا بس مظبوطه و انا جربت منه كذا حاجه و كانت حلوه

www.wasfasahla.com

و بالهنا و الشفا مقدما

[شيكو المصري]

ياة يا اخي فكرتنا بالذي مضى افتكر الاخوة هنا جابولك الوصفة يا ريت تساعدني انا بقة و تقولي طريقة عمل البيض المسلوق احسن كل مرة اطبخة بيبوظ مني و بيطلع ني :cry:

[goold]

عزيزى شيكو بيقول

طريقة عمل البيض المسلوق احسن كل مرة اطبخة بيبوظ مني و بيطلع ني

اول حاجة اغسل البيض بماء وضعه فى وعاء السلق بالماء وقليل من الملح عشان لما تقشره ميلزقش واول ما الماء يغلى انتظر عشر دقائق فقط كدة هيكون مستوى تمام بالهنا بس ياعينى عليك امال المسبق والمحمر والمشمر فينه :) :lol:

[شيكو المصري]

شكرا على النصيحة يا استاذ جولد...هوة يبدو ان المشكلة ان الواحد بيكون جعان فيادوبك احط البيض 3-4 دقايق :cool: و اقول خلاص البيض اتعمل :lol: و في الاخر اقوم قالية :) لأني عدو اي حاجة نية :) .

بالنسبة للمحمر و المشمر دة كان ايام العز :( لما كنت قاعد مع امي قبل ما اتغرب(اتبهدل) :shock: عموما ربنا يسهل الواحد راجع عن قريب انشاء الله و ربنا يتوب علينا من البهدلة دية . :)

[حمزاوى]

السلام عليكم

اول حاجة اغسل البيض بماء وضعه فى وعاء السلق بالماء وقليل من الملح عشان لما تقشره ميلزقش

انا واحد صحبى قالى على موضوع الملح دة بس واضح ان البيض ميعرفش لانة برضة مصمم يلزق فى القشرة

[elbana]

بص يا عم مكسوف ، الطريقة اللي حاطاها الأخت مسلمة جميلة ، وأنصحك تزود عليها الريش الضاني ، اللي ممكن تسلقها لحد ما تقرب تستوي ، وبعدين تشيلها من الشوربة ، وترصها تحت محشي ورق العنب ، وترص فوها المحشي ، وتسقيهم بالشوربة بتاعة اللحمة ، وبعدين لما يستوي تقوم ماسك الحلة هاززها شوية وهي مقفولة طبعاً والغطا فوقيها محكم ، وتيجي قالبها فوق سرفيس بحيث يبقى الريش فوق والمحشي تحت ، وسامحني بقى ، ما أقولكش ... :) :lol: :) :)